| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
10. г̇авзсийсуд̇д̇аван̣н̣анаа
10. Gavesīsuttavaṇṇanā
180. д̣̇асамз сугааран̣анд̇и б̣од̇хибарибаажанасса зганд̇игам̣ сунд̣̇арам̣ гааран̣ам̣. манд̣̇ахасид̇анд̇и ийсагам̣ хасид̇ам̣. гахам̣ гаханд̇и хаасасад̣̇д̣̇асса анугаран̣амзд̇ам̣. хадтаббахадтаагаарамад̇д̇анд̇и хадтасса бахадтаагаарамад̇д̇ам̣. яат̇аа г̇ахид̇асан̇гзд̇аа ‘‘бахадто бхаг̇аваа’’д̇и сан̃ж̇аананд̇и, звам̣ аагааранид̣̇ассанамад̇д̇ам̣.
180. Dasame sukāraṇanti bodhiparipācanassa ekantikaṃ sundaraṃ kāraṇaṃ. Mandahasitanti īsakaṃ hasitaṃ. Kahaṃ kahanti hāsasaddassa anukaraṇametaṃ. Haṭṭhappahaṭṭhākāramattanti haṭṭhassa pahaṭṭhākāramattaṃ. Yathā gahitasaṅketā ‘‘pahaṭṭho bhagavā’’ti sañjānanti, evaṃ ākāranidassanamattaṃ.
ид̣̇аани иминаа басан̇г̇зна хаасасамудтаанам̣ вибхааг̇ад̇о д̣̇ассзд̇ум̣ ‘‘хасид̇ан̃жа наамзд̇а’’нд̇иаад̣̇и аарад̣̇д̇хам̣. д̇ад̇т̇а аж̇жхубзгканавасзнаби хаасо на самбхавад̇и, баг̇зва д̣̇оманассавасзнаад̇и ааха ‘‘д̇зрасахи соманассасахаг̇ад̇ажид̇д̇зхий’’д̇и. нану жа гзжи год̇хавасзнаби хасанд̇ийд̇и? на, д̇з самбияанд̇и год̇хавад̇т̇ум̣ д̇ад̇т̇а ‘‘маяам̣ д̣̇аани яат̇аагаамагаарид̇ам̣ аабаж̇ж̇иссаамаа’’д̇и д̣̇увин̃н̃зяяанд̇арзна соманассажид̇д̇знзва хаасасса уббаж̇ж̇анад̇о. д̇зсууд̇и бан̃жасу соманассасахаг̇ад̇агирияажид̇д̇зсу. б̣алаваарамман̣зд̇и ул̣аарад̇амз аарамман̣з яамагабаадихаарияасад̣̇исз. д̣̇уб̣б̣алаарамман̣зд̇и анул̣аарааарамман̣з.
Idāni iminā pasaṅgena hāsasamuṭṭhānaṃ vibhāgato dassetuṃ ‘‘hasitañca nāmeta’’ntiādi āraddhaṃ. Tattha ajjhupekkhanavasenapi hāso na sambhavati, pageva domanassavasenāti āha ‘‘terasahi somanassasahagatacittehī’’ti. Nanu ca keci kodhavasenapi hasantīti? Na, te sampiyanti kodhavatthuṃ tattha ‘‘mayaṃ dāni yathākāmakāritaṃ āpajjissāmā’’ti duviññeyyantarena somanassacitteneva hāsassa uppajjanato. Tesūti pañcasu somanassasahagatakiriyacittesu. Balavārammaṇeti uḷāratame ārammaṇe yamakapāṭihāriyasadise. Dubbalārammaṇeti anuḷāraārammaṇe.
‘‘имасмим̣ бана таанз…бз… уббаад̣̇зд̇ий’’д̇и ид̣̇ам̣ бораан̣адтагат̇ааяам̣ д̇ат̇аа ааг̇ад̇ад̇д̇аа вуд̇д̇ам̣, на сахзд̇угасоманассасахаг̇ад̇ажид̇д̇зхи бхаг̇авад̇о сид̇ам̣ на ход̇ийд̇и д̣̇ассанад̇д̇ам̣. абхид̇хаммадийгааяам̣ (д̇ха. са. мууладий. 968) бана ‘‘ад̇ийд̇ам̣саад̣̇ийсу аббадихад̇ам̣ н̃аан̣ам̣ вад̇ваа ‘имзхи д̇хаммзхи саманнааг̇ад̇асса б̣уд̣̇д̇хасса бхаг̇авад̇о саб̣б̣ам̣ гааяагаммам̣ н̃аан̣абуб̣б̣ан̇г̇амам̣ н̃аан̣аанубаривад̇д̇ий’д̇иаад̣̇иважанад̇о (махаани. 156; бади. ма. 3.5) ‘бхаг̇авад̇о ид̣̇ам̣ жид̇д̇ам̣ уббаж̇ж̇ад̇ий’д̇и вуд̇д̇аважанам̣ вижаарзд̇аб̣б̣а’’нд̇и вуд̇д̇ам̣. д̇ад̇т̇а иминаа хасид̇уббаад̣̇ажид̇д̇зна бавад̇д̇ияамаанамби бхаг̇авад̇о сид̇агаран̣ам̣ буб̣б̣зниваасаанааг̇ад̇ам̣сасаб̣б̣ан̃н̃уд̇ан̃н̃аан̣аанам̣ анувад̇д̇агад̇д̇аа н̃аан̣аанубаривад̇д̇иязваад̇и звам̣ бана н̃аан̣аанубаривад̇д̇ибхаавз сад̇и на гожи баал̣иадтагат̇аанам̣ вирод̇хо. д̇ат̇аа хи абхид̇хаммадтагат̇ааяам̣ (д̇ха. са. адта. 568) ‘‘д̇зсам̣ н̃аан̣аанам̣ жин̣н̣абарияанд̇з ид̣̇ам̣ жид̇д̇ам̣ уббаж̇ж̇ад̇ий’’д̇и вуд̇д̇ам̣. авассан̃жзд̇ам̣ звам̣ ижчид̇аб̣б̣ам̣, ан̃н̃ат̇аа ааваж̇ж̇анажид̇д̇ассаби бхаг̇авад̇о д̇ат̇ааруубз гаалз на яуж̇ж̇зяяа. д̇ассаби хи вин̃н̃ад̇д̇исамудтаабагабхаавасса нижчид̇ад̇д̇аа. д̇ат̇аа хи вуд̇д̇ам̣ ‘‘зван̃жа гад̇ваа манод̣̇ваарааваж̇ж̇анассаби вин̃н̃ад̇д̇исамудтаабагад̇д̇ам̣ убабаннам̣ ход̇ий’’д̇и (д̇ха. са. мууладий. 1 гааяагаммад̣̇ваарагат̇ааван̣н̣анаа) на жа вин̃н̃ад̇д̇исамудтаабагад̇д̇з д̇ам̣самудтаанагааяавин̃н̃ад̇д̇ияаа гааяагаммаад̣̇ибхаавам̣ аабаж̇ж̇анабхааво виссаж̇ж̇ад̇ийд̇и.
‘‘Imasmiṃ pana ṭhāne…pe… uppādetī’’ti idaṃ porāṇaṭṭhakathāyaṃ tathā āgatattā vuttaṃ, na sahetukasomanassasahagatacittehi bhagavato sitaṃ na hotīti dassanattaṃ. Abhidhammaṭīkāyaṃ (dha. sa. mūlaṭī. 968) pana ‘‘atītaṃsādīsu appaṭihataṃ ñāṇaṃ vatvā ‘imehi dhammehi samannāgatassa buddhassa bhagavato sabbaṃ kāyakammaṃ ñāṇapubbaṅgamaṃ ñāṇānuparivattī’tiādivacanato (mahāni. 156; paṭi. ma. 3.5) ‘bhagavato idaṃ cittaṃ uppajjatī’ti vuttavacanaṃ vicāretabba’’nti vuttaṃ. Tattha iminā hasituppādacittena pavattiyamānampi bhagavato sitakaraṇaṃ pubbenivāsaanāgataṃsasabbaññutaññāṇānaṃ anuvattakattā ñāṇānuparivattiyevāti evaṃ pana ñāṇānuparivattibhāve sati na koci pāḷiaṭṭhakathānaṃ virodho. Tathā hi abhidhammaṭṭhakathāyaṃ (dha. sa. aṭṭha. 568) ‘‘tesaṃ ñāṇānaṃ ciṇṇapariyante idaṃ cittaṃ uppajjatī’’ti vuttaṃ. Avassañcetaṃ evaṃ icchitabbaṃ, aññathā āvajjanacittassapi bhagavato tathārūpe kāle na yujjeyya. Tassapi hi viññattisamuṭṭhāpakabhāvassa nicchitattā. Tathā hi vuttaṃ ‘‘evañca katvā manodvārāvajjanassapi viññattisamuṭṭhāpakattaṃ upapannaṃ hotī’’ti (dha. sa. mūlaṭī. 1 kāyakammadvārakathāvaṇṇanā) na ca viññattisamuṭṭhāpakatte taṃsamuṭṭhānakāyaviññattiyā kāyakammādibhāvaṃ āpajjanabhāvo vissajjatīti.
хасид̇анд̇и сид̇амзва санд̇хааяа вад̣̇ад̇и. д̇знааха ‘‘звам̣ аббамад̇д̇агамбий’’д̇и. самосарид̇аа виж̇ж̇улад̇аа. саа хи ид̇аравиж̇ж̇улад̇аа вияа кан̣адтид̇ияаа сийгханирод̇хаа жа на ход̇и, абижа ко д̣̇анд̇ханирод̇хаа, на жа саб̣б̣агаалигаа. д̣̇ийд̇хид̇и баавагамахаамзгхад̇о ваа жаад̇уд̣̇д̣̇ийбигамахаамзгхад̇о ваа нижчарад̇и. д̇знааха ‘‘жаад̇уд̣̇д̣̇ийбигамахаамзгхамукад̇о’’д̇и. аяам̣ гира д̇аасам̣ расмийнам̣ д̇хаммад̇аа, яад̣̇ид̣̇ам̣ д̇игкад̇д̇ум̣ сийсам̣ бад̣̇агкин̣ам̣ гад̇ваа д̣̇аатаг̇г̇зсуязва анд̇арад̇хаанам̣. сзсамзд̇т̇а сувин̃н̃зяяамзва.
Hasitanti sitameva sandhāya vadati. Tenāha ‘‘evaṃ appamattakampī’’ti. Samosaritā vijjulatā. Sā hi itaravijjulatā viya khaṇaṭṭhitiyā sīghanirodhā ca na hoti, apica kho dandhanirodhā, na ca sabbakālikā. Dīdhiti pāvakamahāmeghato vā cātuddīpikamahāmeghato vā niccharati. Tenāha ‘‘cātuddīpikamahāmeghamukhato’’ti. Ayaṃ kira tāsaṃ rasmīnaṃ dhammatā, yadidaṃ tikkhattuṃ sīsaṃ padakkhiṇaṃ katvā dāṭhaggesuyeva antaradhānaṃ. Sesamettha suviññeyyameva.
г̇авзсийсуд̇д̇аван̣н̣анаа нидтид̇аа.
Gavesīsuttavaṇṇanā niṭṭhitā.
убаасагаваг̇г̇аван̣н̣анаа нидтид̇аа.
Upāsakavaggavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 10. г̇авзсийсуд̇д̇ам̣ • 10. Gavesīsuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 10. г̇авзсийсуд̇д̇аван̣н̣анаа • 10. Gavesīsuttavaṇṇanā
