| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
4. г̇аавийубамаасуд̇д̇ам̣
4. Gāvīupamāsuttaṃ
35. ‘‘сзяяат̇ааби , бхигкавз, г̇аавий баб̣б̣ад̇зяяаа б̣аалаа аб̣яад̇д̇аа акзд̇д̇ан̃н̃уу агусалаа висамз баб̣б̣ад̇з жарид̇ум̣. д̇ассаа звамасса – ‘яам̣нуунаахам̣ аг̇ад̇абуб̣б̣ан̃жзва д̣̇исам̣ г̇ажчзяяам̣, акаад̣̇ид̇абуб̣б̣аани жа д̇ин̣аани каад̣̇зяяам̣, абийд̇абуб̣б̣аани жа баанийяаани бивзяяа’нд̇и. саа буримам̣ баад̣̇ам̣ на суббад̇идтид̇ам̣ бад̇идтаабзд̇ваа бажчимам̣ баад̣̇ам̣ уд̣̇д̇харзяяа. саа на жзва аг̇ад̇абуб̣б̣ам̣ д̣̇исам̣ г̇ажчзяяа, на жа акаад̣̇ид̇абуб̣б̣аани д̇ин̣аани каад̣̇зяяа, на жа абийд̇абуб̣б̣аани баанийяаани бивзяяа; яасмим̣ жассаа бад̣̇зсз тид̇ааяа звамасса – ‘яам̣нуунаахам̣ аг̇ад̇абуб̣б̣ан̃жзва д̣̇исам̣ г̇ажчзяяам̣, акаад̣̇ид̇абуб̣б̣аани жа д̇ин̣аани каад̣̇зяяам̣, абийд̇абуб̣б̣аани жа баанийяаани бивзяяа’нд̇и д̇ан̃жа бад̣̇зсам̣ на сод̇т̇инаа бажжааг̇ажчзяяа. д̇ам̣ гисса хзд̇у? д̇ат̇аа хи саа, бхигкавз, г̇аавий баб̣б̣ад̇зяяаа б̣аалаа аб̣яад̇д̇аа акзд̇д̇ан̃н̃уу агусалаа висамз баб̣б̣ад̇з жарид̇ум̣. звамзвам̣ ко, бхигкавз, ид̇хзгажжо бхигку б̣аало аб̣яад̇д̇о акзд̇д̇ан̃н̃уу агусало вивижжзва гаамзхи вивижжа агусалзхи д̇хаммзхи савид̇аггам̣ савижаарам̣ вивзгаж̇ам̣ бийд̇исукам̣ батамам̣ жхаанам̣ убасамбаж̇ж̇а вихарад̇и; со д̇ам̣ нимид̇д̇ам̣ на аасзвад̇и на бхаавзд̇и на б̣ахулийгарод̇и на сваад̇хидтид̇ам̣ ад̇хидтаад̇и.
35. ‘‘Seyyathāpi , bhikkhave, gāvī pabbateyyā bālā abyattā akhettaññū akusalā visame pabbate carituṃ. Tassā evamassa – ‘yaṃnūnāhaṃ agatapubbañceva disaṃ gaccheyyaṃ, akhāditapubbāni ca tiṇāni khādeyyaṃ, apītapubbāni ca pānīyāni piveyya’nti. Sā purimaṃ pādaṃ na suppatiṭṭhitaṃ patiṭṭhāpetvā pacchimaṃ pādaṃ uddhareyya. Sā na ceva agatapubbaṃ disaṃ gaccheyya, na ca akhāditapubbāni tiṇāni khādeyya, na ca apītapubbāni pānīyāni piveyya; yasmiṃ cassā padese ṭhitāya evamassa – ‘yaṃnūnāhaṃ agatapubbañceva disaṃ gaccheyyaṃ, akhāditapubbāni ca tiṇāni khādeyyaṃ, apītapubbāni ca pānīyāni piveyya’nti tañca padesaṃ na sotthinā paccāgaccheyya. Taṃ kissa hetu? Tathā hi sā, bhikkhave, gāvī pabbateyyā bālā abyattā akhettaññū akusalā visame pabbate carituṃ. Evamevaṃ kho, bhikkhave, idhekacco bhikkhu bālo abyatto akhettaññū akusalo vivicceva kāmehi vivicca akusalehi dhammehi savitakkaṃ savicāraṃ vivekajaṃ pītisukhaṃ paṭhamaṃ jhānaṃ upasampajja viharati; so taṃ nimittaṃ na āsevati na bhāveti na bahulīkaroti na svādhiṭṭhitaṃ adhiṭṭhāti.
‘‘д̇асса звам̣ ход̇и – ‘яам̣нуунаахам̣ вид̇аггавижаараанам̣ вуубасамаа аж̇жхад̇д̇ам̣ самбасаад̣̇анам̣ жзд̇асо згод̣̇ибхаавам̣ авид̇аггам̣ авижаарам̣ самаад̇хиж̇ам̣ бийд̇исукам̣ д̣̇уд̇ияам̣ жхаанам̣ убасамбаж̇ж̇а вихарзяяа’нд̇и. со на саггод̇и вид̇аггавижаараанам̣ вуубасамаа…бз… д̣̇уд̇ияам̣ жхаанам̣ убасамбаж̇ж̇а вихарид̇ум̣. д̇асса звам̣ ход̇и – ‘яам̣нуунаахам̣ вивижжзва гаамзхи вивижжа агусалзхи д̇хаммзхи савид̇аггам̣ савижаарам̣ вивзгаж̇ам̣ бийд̇исукам̣ батамам̣ жхаанам̣ убасамбаж̇ж̇а вихарзяяа’нд̇и. со на саггод̇и вивижжзва гаамзхи…бз… батамам̣ жхаанам̣ убасамбаж̇ж̇а вихарид̇ум̣. аяам̣ вужжад̇и, бхигкавз, ‘бхигку убхад̇о бхадто убхад̇о барихийно, сзяяат̇ааби саа г̇аавий баб̣б̣ад̇зяяаа б̣аалаа аб̣яад̇д̇аа акзд̇д̇ан̃н̃уу агусалаа висамз баб̣б̣ад̇з жарид̇ум̣’’’.
‘‘Tassa evaṃ hoti – ‘yaṃnūnāhaṃ vitakkavicārānaṃ vūpasamā ajjhattaṃ sampasādanaṃ cetaso ekodibhāvaṃ avitakkaṃ avicāraṃ samādhijaṃ pītisukhaṃ dutiyaṃ jhānaṃ upasampajja vihareyya’nti. So na sakkoti vitakkavicārānaṃ vūpasamā…pe… dutiyaṃ jhānaṃ upasampajja viharituṃ. Tassa evaṃ hoti – ‘yaṃnūnāhaṃ vivicceva kāmehi vivicca akusalehi dhammehi savitakkaṃ savicāraṃ vivekajaṃ pītisukhaṃ paṭhamaṃ jhānaṃ upasampajja vihareyya’nti. So na sakkoti vivicceva kāmehi…pe… paṭhamaṃ jhānaṃ upasampajja viharituṃ. Ayaṃ vuccati, bhikkhave, ‘bhikkhu ubhato bhaṭṭho ubhato parihīno, seyyathāpi sā gāvī pabbateyyā bālā abyattā akhettaññū akusalā visame pabbate carituṃ’’’.
‘‘сзяяат̇ааби, бхигкавз, г̇аавий баб̣б̣ад̇зяяаа бан̣д̣ид̇аа б̣яад̇д̇аа кзд̇д̇ан̃н̃уу гусалаа висамз баб̣б̣ад̇з жарид̇ум̣. д̇ассаа звамасса – ‘яам̣нуунаахам̣ аг̇ад̇абуб̣б̣ан̃жзва д̣̇исам̣ г̇ажчзяяам̣, акаад̣̇ид̇абуб̣б̣аани жа д̇ин̣аани каад̣̇зяяам̣, абийд̇абуб̣б̣аани жа баанийяаани бивзяяа’нд̇и. саа буримам̣ баад̣̇ам̣ суббад̇идтид̇ам̣ бад̇идтаабзд̇ваа бажчимам̣ баад̣̇ам̣ уд̣̇д̇харзяяа. саа аг̇ад̇абуб̣б̣ан̃жзва д̣̇исам̣ г̇ажчзяяа, акаад̣̇ид̇абуб̣б̣аани жа д̇ин̣аани каад̣̇зяяа, абийд̇абуб̣б̣аани жа баанийяаани бивзяяа. яасмим̣ жассаа бад̣̇зсз тид̇ааяа звамасса – ‘яам̣нуунаахам̣ аг̇ад̇абуб̣б̣ан̃жзва д̣̇исам̣ г̇ажчзяяам̣, акаад̣̇ид̇абуб̣б̣аани жа д̇ин̣аани каад̣̇зяяам̣, абийд̇абуб̣б̣аани жа баанийяаани бивзяяа’нд̇и д̇ан̃жа бад̣̇зсам̣ сод̇т̇инаа бажжааг̇ажчзяяа. д̇ам̣ гисса хзд̇у? д̇ат̇аа хи саа, бхигкавз, г̇аавий баб̣б̣ад̇зяяаа бан̣д̣ид̇аа б̣яад̇д̇аа кзд̇д̇ан̃н̃уу гусалаа висамз баб̣б̣ад̇з жарид̇ум̣. звамзвам̣ ко, бхигкавз, ид̇хзгажжо бхигку бан̣д̣ид̇о б̣яад̇д̇о кзд̇д̇ан̃н̃уу гусало вивижжзва гаамзхи вивижжа агусалзхи д̇хаммзхи савид̇аггам̣ савижаарам̣ вивзгаж̇ам̣ бийд̇исукам̣ батамам̣ жхаанам̣ убасамбаж̇ж̇а вихарад̇и. со д̇ам̣ нимид̇д̇ам̣ аасзвад̇и бхаавзд̇и б̣ахулийгарод̇и сваад̇хидтид̇ам̣ ад̇хидтаад̇и.
‘‘Seyyathāpi, bhikkhave, gāvī pabbateyyā paṇḍitā byattā khettaññū kusalā visame pabbate carituṃ. Tassā evamassa – ‘yaṃnūnāhaṃ agatapubbañceva disaṃ gaccheyyaṃ, akhāditapubbāni ca tiṇāni khādeyyaṃ, apītapubbāni ca pānīyāni piveyya’nti. Sā purimaṃ pādaṃ suppatiṭṭhitaṃ patiṭṭhāpetvā pacchimaṃ pādaṃ uddhareyya. Sā agatapubbañceva disaṃ gaccheyya, akhāditapubbāni ca tiṇāni khādeyya, apītapubbāni ca pānīyāni piveyya. Yasmiṃ cassā padese ṭhitāya evamassa – ‘yaṃnūnāhaṃ agatapubbañceva disaṃ gaccheyyaṃ, akhāditapubbāni ca tiṇāni khādeyyaṃ, apītapubbāni ca pānīyāni piveyya’nti tañca padesaṃ sotthinā paccāgaccheyya. Taṃ kissa hetu? Tathā hi sā, bhikkhave, gāvī pabbateyyā paṇḍitā byattā khettaññū kusalā visame pabbate carituṃ. Evamevaṃ kho, bhikkhave, idhekacco bhikkhu paṇḍito byatto khettaññū kusalo vivicceva kāmehi vivicca akusalehi dhammehi savitakkaṃ savicāraṃ vivekajaṃ pītisukhaṃ paṭhamaṃ jhānaṃ upasampajja viharati. So taṃ nimittaṃ āsevati bhāveti bahulīkaroti svādhiṭṭhitaṃ adhiṭṭhāti.
‘‘д̇асса звам̣ ход̇и – ‘яам̣нуунаахам̣ вид̇аггавижаараанам̣ вуубасамаа аж̇жхад̇д̇ам̣ самбасаад̣̇анам̣ жзд̇асо згод̣̇ибхаавам̣ авид̇аггам̣ авижаарам̣ самаад̇хиж̇ам̣ бийд̇исукам̣ д̣̇уд̇ияам̣ жхаанам̣ убасамбаж̇ж̇а вихарзяяа’нд̇и. со д̣̇уд̇ияам̣ жхаанам̣ анабхихим̣самаано вид̇аггавижаараанам̣ вуубасамаа… д̣̇уд̇ияам̣ жхаанам̣ убасамбаж̇ж̇а вихарад̇и. со д̇ам̣ нимид̇д̇ам̣ аасзвад̇и бхаавзд̇и б̣ахулийгарод̇и сваад̇хидтид̇ам̣ ад̇хидтаад̇и.
‘‘Tassa evaṃ hoti – ‘yaṃnūnāhaṃ vitakkavicārānaṃ vūpasamā ajjhattaṃ sampasādanaṃ cetaso ekodibhāvaṃ avitakkaṃ avicāraṃ samādhijaṃ pītisukhaṃ dutiyaṃ jhānaṃ upasampajja vihareyya’nti. So dutiyaṃ jhānaṃ anabhihiṃsamāno vitakkavicārānaṃ vūpasamā… dutiyaṃ jhānaṃ upasampajja viharati. So taṃ nimittaṃ āsevati bhāveti bahulīkaroti svādhiṭṭhitaṃ adhiṭṭhāti.
‘‘д̇асса звам̣ ход̇и – ‘яам̣нуунаахам̣ бийд̇ияаа жа вирааг̇аа убзгкаго жа вихарзяяам̣ сад̇о жа самбаж̇аано, сукан̃жа гааязна бадисам̣взд̣̇зяяам̣ яам̣ д̇ам̣ арияаа аажигканд̇и – убзгкаго сад̇имаа сукавихаарийд̇и д̇ад̇ияам̣ жхаанам̣ убасамбаж̇ж̇а вихарзяяа’нд̇и. со д̇ад̇ияам̣ жхаанам̣ анабхихим̣самаано бийд̇ияаа жа вирааг̇аа…бз… д̇ад̇ияам̣ жхаанам̣ убасамбаж̇ж̇а вихарад̇и. со д̇ам̣ нимид̇д̇ам̣ аасзвад̇и бхаавзд̇и б̣ахулийгарод̇и сваад̇хидтид̇ам̣ ад̇хидтаад̇и.
‘‘Tassa evaṃ hoti – ‘yaṃnūnāhaṃ pītiyā ca virāgā upekkhako ca vihareyyaṃ sato ca sampajāno, sukhañca kāyena paṭisaṃvedeyyaṃ yaṃ taṃ ariyā ācikkhanti – upekkhako satimā sukhavihārīti tatiyaṃ jhānaṃ upasampajja vihareyya’nti. So tatiyaṃ jhānaṃ anabhihiṃsamāno pītiyā ca virāgā…pe… tatiyaṃ jhānaṃ upasampajja viharati. So taṃ nimittaṃ āsevati bhāveti bahulīkaroti svādhiṭṭhitaṃ adhiṭṭhāti.
‘‘д̇асса звам̣ ход̇и – ‘яам̣нуунаахам̣ сукасса жа бахаанаа д̣̇угкасса жа бахаанаа буб̣б̣зва соманассад̣̇оманассаанам̣ ад̇т̇ан̇г̇амаа ад̣̇угкамасукам̣ убзгкаасад̇ибаарисуд̣̇д̇хим̣ жад̇уд̇т̇ам̣ жхаанам̣ убасамбаж̇ж̇а вихарзяяа’нд̇и. со жад̇уд̇т̇ам̣ жхаанам̣ анабхихим̣самаано сукасса жа бахаанаа…бз… жад̇уд̇т̇ам̣ жхаанам̣ убасамбаж̇ж̇а вихарад̇и. со д̇ам̣ нимид̇д̇ам̣ аасзвад̇и бхаавзд̇и б̣ахулийгарод̇и сваад̇хидтид̇ам̣ ад̇хидтаад̇и.
‘‘Tassa evaṃ hoti – ‘yaṃnūnāhaṃ sukhassa ca pahānā dukkhassa ca pahānā pubbeva somanassadomanassānaṃ atthaṅgamā adukkhamasukhaṃ upekkhāsatipārisuddhiṃ catutthaṃ jhānaṃ upasampajja vihareyya’nti. So catutthaṃ jhānaṃ anabhihiṃsamāno sukhassa ca pahānā…pe… catutthaṃ jhānaṃ upasampajja viharati. So taṃ nimittaṃ āsevati bhāveti bahulīkaroti svādhiṭṭhitaṃ adhiṭṭhāti.
‘‘д̇асса звам̣ ход̇и – ‘яам̣нуунаахам̣ саб̣б̣асо руубасан̃н̃аанам̣ самад̇иггамаа бадигхасан̃н̃аанам̣ ад̇т̇ан̇г̇амаа наанад̇д̇асан̃н̃аанам̣ аманасигаараа ананд̇о аагаасод̇и аагаасаанан̃жааяад̇анам̣ убасамбаж̇ж̇а вихарзяяа’нд̇и. со аагаасаанан̃жааяад̇анам̣ анабхихим̣самаано саб̣б̣асо руубасан̃н̃аанам̣ самад̇иггамаа …бз… аагаасаанан̃жааяад̇анам̣ убасамбаж̇ж̇а вихарад̇и. со д̇ам̣ нимид̇д̇ам̣ аасзвад̇и бхаавзд̇и б̣ахулийгарод̇и сваад̇хидтид̇ам̣ ад̇хидтаад̇и.
‘‘Tassa evaṃ hoti – ‘yaṃnūnāhaṃ sabbaso rūpasaññānaṃ samatikkamā paṭighasaññānaṃ atthaṅgamā nānattasaññānaṃ amanasikārā ananto ākāsoti ākāsānañcāyatanaṃ upasampajja vihareyya’nti. So ākāsānañcāyatanaṃ anabhihiṃsamāno sabbaso rūpasaññānaṃ samatikkamā …pe… ākāsānañcāyatanaṃ upasampajja viharati. So taṃ nimittaṃ āsevati bhāveti bahulīkaroti svādhiṭṭhitaṃ adhiṭṭhāti.
‘‘д̇асса звам̣ ход̇и – ‘яам̣нуунаахам̣ саб̣б̣асо аагаасаанан̃жааяад̇анам̣ самад̇иггамма ананд̇ам̣ вин̃н̃аан̣анд̇и вин̃н̃аан̣ан̃жааяад̇анам̣ убасамбаж̇ж̇а вихарзяяа’нд̇и. со вин̃н̃аан̣ан̃жааяад̇анам̣ анабхихим̣самаано саб̣б̣асо аагаасаанан̃жааяад̇анам̣ самад̇иггамма ‘ананд̇ам̣ вин̃н̃аан̣а’нд̇и вин̃н̃аан̣ан̃жааяад̇анам̣ убасамбаж̇ж̇а вихарад̇и. со д̇ам̣ нимид̇д̇ам̣ аасзвад̇и бхаавзд̇и б̣ахулийгарод̇и сваад̇хидтид̇ам̣ ад̇хидтаад̇и.
‘‘Tassa evaṃ hoti – ‘yaṃnūnāhaṃ sabbaso ākāsānañcāyatanaṃ samatikkamma anantaṃ viññāṇanti viññāṇañcāyatanaṃ upasampajja vihareyya’nti. So viññāṇañcāyatanaṃ anabhihiṃsamāno sabbaso ākāsānañcāyatanaṃ samatikkamma ‘anantaṃ viññāṇa’nti viññāṇañcāyatanaṃ upasampajja viharati. So taṃ nimittaṃ āsevati bhāveti bahulīkaroti svādhiṭṭhitaṃ adhiṭṭhāti.
‘‘д̇асса звам̣ ход̇и – ‘яам̣нуунаахам̣ саб̣б̣асо вин̃н̃аан̣ан̃жааяад̇анам̣ самад̇иггамма над̇т̇и гин̃жийд̇и аагин̃жан̃н̃ааяад̇анам̣ убасамбаж̇ж̇а вихарзяяа’нд̇и. со аагин̃жан̃н̃ааяад̇анам̣ анабхихим̣самаано саб̣б̣асо вин̃н̃аан̣ан̃жааяад̇анам̣ самад̇иггамма ‘над̇т̇и гин̃жий’д̇и аагин̃жан̃н̃ааяад̇анам̣ убасамбаж̇ж̇а вихарад̇и. со д̇ам̣ нимид̇д̇ам̣ аасзвад̇и бхаавзд̇и б̣ахулийгарод̇и сваад̇хидтид̇ам̣ ад̇хидтаад̇и.
‘‘Tassa evaṃ hoti – ‘yaṃnūnāhaṃ sabbaso viññāṇañcāyatanaṃ samatikkamma natthi kiñcīti ākiñcaññāyatanaṃ upasampajja vihareyya’nti. So ākiñcaññāyatanaṃ anabhihiṃsamāno sabbaso viññāṇañcāyatanaṃ samatikkamma ‘natthi kiñcī’ti ākiñcaññāyatanaṃ upasampajja viharati. So taṃ nimittaṃ āsevati bhāveti bahulīkaroti svādhiṭṭhitaṃ adhiṭṭhāti.
‘‘д̇асса звам̣ ход̇и – ‘яам̣нуунаахам̣ саб̣б̣асо аагин̃жан̃н̃ааяад̇анам̣ самад̇иггамма нзвасан̃н̃аанаасан̃н̃ааяад̇анам̣ убасамбаж̇ж̇а вихарзяяа’нд̇и. со нзвасан̃н̃аанаасан̃н̃ааяад̇анам̣ анабхихим̣самаано саб̣б̣асо аагин̃жан̃н̃ааяад̇анам̣ самад̇иггамма нзвасан̃н̃аанаасан̃н̃ааяад̇анам̣ убасамбаж̇ж̇а вихарад̇и. со д̇ам̣ нимид̇д̇ам̣ аасзвад̇и бхаавзд̇и б̣ахулийгарод̇и сваад̇хидтид̇ам̣ ад̇хидтаад̇и.
‘‘Tassa evaṃ hoti – ‘yaṃnūnāhaṃ sabbaso ākiñcaññāyatanaṃ samatikkamma nevasaññānāsaññāyatanaṃ upasampajja vihareyya’nti. So nevasaññānāsaññāyatanaṃ anabhihiṃsamāno sabbaso ākiñcaññāyatanaṃ samatikkamma nevasaññānāsaññāyatanaṃ upasampajja viharati. So taṃ nimittaṃ āsevati bhāveti bahulīkaroti svādhiṭṭhitaṃ adhiṭṭhāti.
‘‘д̇асса звам̣ ход̇и – ‘яам̣нуунаахам̣ саб̣б̣асо нзвасан̃н̃аанаасан̃н̃ааяад̇анам̣ самад̇иггамма сан̃н̃аавзд̣̇аяид̇анирод̇хам̣ убасамбаж̇ж̇а вихарзяяа’нд̇и. со сан̃н̃аавзд̣̇аяид̇анирод̇хам̣ анабхихим̣самаано саб̣б̣асо нзвасан̃н̃аанаасан̃н̃ааяад̇анам̣ самад̇иггамма сан̃н̃аавзд̣̇аяид̇анирод̇хам̣ убасамбаж̇ж̇а вихарад̇и.
‘‘Tassa evaṃ hoti – ‘yaṃnūnāhaṃ sabbaso nevasaññānāsaññāyatanaṃ samatikkamma saññāvedayitanirodhaṃ upasampajja vihareyya’nti. So saññāvedayitanirodhaṃ anabhihiṃsamāno sabbaso nevasaññānāsaññāyatanaṃ samatikkamma saññāvedayitanirodhaṃ upasampajja viharati.
‘‘яад̇о ко, бхигкавз, бхигку д̇ам̣ д̇ад̣̇зва самаабад̇д̇им̣ самаабаж̇ж̇ад̇иби вудтаад̇иби, д̇асса муд̣̇у жид̇д̇ам̣ ход̇и гамман̃н̃ам̣. муд̣̇унаа гамман̃н̃зна жид̇д̇зна аббамаан̣о самаад̇хи ход̇и субхаавид̇о. со аббамаан̣зна самаад̇хинаа субхаавид̇зна яасса яасса абхин̃н̃аасажчигаран̣ийяасса д̇хаммасса жид̇д̇ам̣ абхининнаамзд̇и абхин̃н̃аасажчигирияааяа д̇ад̇ра д̇ад̇рзва сагкибхаб̣б̣ад̇ам̣ баабун̣аад̇и сад̇и сад̇и ааяад̇анз.
‘‘Yato kho, bhikkhave, bhikkhu taṃ tadeva samāpattiṃ samāpajjatipi vuṭṭhātipi, tassa mudu cittaṃ hoti kammaññaṃ. Mudunā kammaññena cittena appamāṇo samādhi hoti subhāvito. So appamāṇena samādhinā subhāvitena yassa yassa abhiññāsacchikaraṇīyassa dhammassa cittaṃ abhininnāmeti abhiññāsacchikiriyāya tatra tatreva sakkhibhabbataṃ pāpuṇāti sati sati āyatane.
‘‘со сажз ааган̇кад̇и – ‘анзгавихид̇ам̣ ид̣̇д̇хивид̇хам̣ бажжанубхавзяяам̣, згоби худ̇ваа б̣ахуд̇хаа ассам̣, б̣ахуд̇хааби худ̇ваа зго ассам̣…бз… яаава б̣рахмалогааби гааязна васам̣ вад̇д̇зяяа’нд̇и, д̇ад̇ра д̇ад̇рзва сагкибхаб̣б̣ад̇ам̣ баабун̣аад̇и сад̇и сад̇и ааяад̇анз.
‘‘So sace ākaṅkhati – ‘anekavihitaṃ iddhividhaṃ paccanubhaveyyaṃ, ekopi hutvā bahudhā assaṃ, bahudhāpi hutvā eko assaṃ…pe… yāva brahmalokāpi kāyena vasaṃ vatteyya’nti, tatra tatreva sakkhibhabbataṃ pāpuṇāti sati sati āyatane.
‘‘со сажз ааган̇кад̇и – д̣̇иб̣б̣ааяа сод̇ад̇хаад̇уяаа…бз… сад̇и сад̇и ааяад̇анз.
‘‘So sace ākaṅkhati – dibbāya sotadhātuyā…pe… sati sati āyatane.
‘‘со сажз ааган̇кад̇и – ‘барасад̇д̇аанам̣ барабуг̇г̇алаанам̣ жзд̇асаа жзд̇о барижжа баж̇аанзяяам̣, сарааг̇ам̣ ваа жид̇д̇ам̣ сарааг̇ам̣ жид̇д̇анд̇и баж̇аанзяяам̣, вийд̇арааг̇ам̣ ваа жид̇д̇ам̣ вийд̇арааг̇ам̣ жид̇д̇анд̇и баж̇аанзяяам̣, сад̣̇осам̣ ваа жид̇д̇ам̣ сад̣̇осам̣ жид̇д̇анд̇и баж̇аанзяяам̣, вийд̇ад̣̇осам̣ ваа жид̇д̇ам̣ вийд̇ад̣̇осам̣ жид̇д̇анд̇и баж̇аанзяяам̣, самохам̣ ваа жид̇д̇ам̣ самохам̣ жид̇д̇анд̇и баж̇аанзяяам̣, вийд̇амохам̣ ваа жид̇д̇ам̣… сам̣кид̇д̇ам̣ ваа жид̇д̇ам̣… вигкид̇д̇ам̣ ваа жид̇д̇ам̣… махаг̇г̇ад̇ам̣ ваа жид̇д̇ам̣… амахаг̇г̇ад̇ам̣ ваа жид̇д̇ам̣… сауд̇д̇арам̣ ваа жид̇д̇ам̣… ануд̇д̇арам̣ ваа жид̇д̇ам̣… самаахид̇ам̣ ваа жид̇д̇ам̣… асамаахид̇ам̣ ваа жид̇д̇ам̣… вимуд̇д̇ам̣ ваа жид̇д̇ам̣… авимуд̇д̇ам̣ ваа жид̇д̇ам̣ авимуд̇д̇ам̣ жид̇д̇анд̇и баж̇аанзяяа’нд̇и, д̇ад̇ра д̇ад̇рзва сагкибхаб̣б̣ад̇ам̣ баабун̣аад̇и сад̇и сад̇и ааяад̇анз.
‘‘So sace ākaṅkhati – ‘parasattānaṃ parapuggalānaṃ cetasā ceto paricca pajāneyyaṃ, sarāgaṃ vā cittaṃ sarāgaṃ cittanti pajāneyyaṃ, vītarāgaṃ vā cittaṃ vītarāgaṃ cittanti pajāneyyaṃ, sadosaṃ vā cittaṃ sadosaṃ cittanti pajāneyyaṃ, vītadosaṃ vā cittaṃ vītadosaṃ cittanti pajāneyyaṃ, samohaṃ vā cittaṃ samohaṃ cittanti pajāneyyaṃ, vītamohaṃ vā cittaṃ… saṃkhittaṃ vā cittaṃ… vikkhittaṃ vā cittaṃ… mahaggataṃ vā cittaṃ… amahaggataṃ vā cittaṃ… sauttaraṃ vā cittaṃ… anuttaraṃ vā cittaṃ… samāhitaṃ vā cittaṃ… asamāhitaṃ vā cittaṃ… vimuttaṃ vā cittaṃ… avimuttaṃ vā cittaṃ avimuttaṃ cittanti pajāneyya’nti, tatra tatreva sakkhibhabbataṃ pāpuṇāti sati sati āyatane.
‘‘со сажз ааган̇кад̇и – ‘анзгавихид̇ам̣ буб̣б̣зниваасам̣ ануссарзяяам̣, сзяяат̇ид̣̇ам̣ – згамби ж̇аад̇им̣ д̣̇взби ж̇аад̇ияо…бз… ид̇и саагаарам̣ сауд̣̇д̣̇зсам̣ анзгавихид̇ам̣ буб̣б̣зниваасам̣ ануссарзяяа’нд̇и, д̇ад̇ра д̇ад̇рзва сагкибхаб̣б̣ад̇ам̣ баабун̣аад̇и сад̇и сад̇и ааяад̇анз.
‘‘So sace ākaṅkhati – ‘anekavihitaṃ pubbenivāsaṃ anussareyyaṃ, seyyathidaṃ – ekampi jātiṃ dvepi jātiyo…pe… iti sākāraṃ sauddesaṃ anekavihitaṃ pubbenivāsaṃ anussareyya’nti, tatra tatreva sakkhibhabbataṃ pāpuṇāti sati sati āyatane.
‘‘со сажз ааган̇кад̇и – ‘д̣̇иб̣б̣зна жагкунаа висуд̣̇д̇хзна ад̇игганд̇амаанусагзна…бз… яат̇аагаммуубаг̇з сад̇д̇з баж̇аанзяяа’нд̇и, д̇ад̇ра д̇ад̇рзва сагкибхаб̣б̣ад̇ам̣ баабун̣аад̇и сад̇и сад̇и ааяад̇анз.
‘‘So sace ākaṅkhati – ‘dibbena cakkhunā visuddhena atikkantamānusakena…pe… yathākammūpage satte pajāneyya’nti, tatra tatreva sakkhibhabbataṃ pāpuṇāti sati sati āyatane.
‘‘со сажз ааган̇кад̇и – ‘аасаваанам̣ каяаа анаасавам̣ жзд̇овимуд̇д̇им̣ бан̃н̃аавимуд̇д̇им̣ д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихарзяяа’нд̇и, д̇ад̇ра д̇ад̇рзва сагкибхаб̣б̣ад̇ам̣ баабун̣аад̇и сад̇и сад̇и ааяад̇анз’’д̇и. жад̇уд̇т̇ам̣.
‘‘So sace ākaṅkhati – ‘āsavānaṃ khayā anāsavaṃ cetovimuttiṃ paññāvimuttiṃ diṭṭheva dhamme sayaṃ abhiññā sacchikatvā upasampajja vihareyya’nti, tatra tatreva sakkhibhabbataṃ pāpuṇāti sati sati āyatane’’ti. Catutthaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 4. г̇аавийубамаасуд̇д̇аван̣н̣анаа • 4. Gāvīupamāsuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 4. г̇аавийубамаасуд̇д̇аван̣н̣анаа • 4. Gāvīupamāsuttavaṇṇanā
