| Library / Tipiṭaka / திபிடக • Tipiṭaka / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) |
4. கா³வீஉபமாஸுத்தவண்ணனா
4. Gāvīupamāsuttavaṇṇanā
35. சதுத்தே² பப்³ப³தெய்யாதி பப்³ப³தசாரினீ. ந ஸுப்பதிட்டி²தங் பதிட்டா²பெத்வாதி யதா² ஸுப்பதிட்டி²தா ஹோதி, ஏவங் ந பதிட்டா²பெத்வா. தங் நிமித்தந்தி தங் பட²மஜ்ஜா²னஸங்கா²தங் நிமித்தங். ந ஸ்வாதி⁴ட்டி²தங் அதி⁴ட்டா²தீதி யதா² ஸுட்டு² அதி⁴ட்டி²தங் ஹோதி, ந ஏவங் அதி⁴ட்டா²தி. அனபி⁴ஹிங்ஸமானோதி அபோதெ²ந்தோ அவிஹேடெ²ந்தோ. முது³ சித்தங் ஹோதி கம்மஞ்ஞந்தி யதா² விபஸ்ஸனாசித்தங் லோகுத்தரமக்³க³க்க²ணே முது³ கம்மக்க²மங் கம்மயொக்³க³ங் ஹோதி, ஏவமஸ்ஸ அபி⁴ஞ்ஞாபாத³கங் சதுத்த²ஜ்ஜா²னசித்தங் முது³ ஹோதி கம்மஞ்ஞங் . அப்பமாணோ ஸமாதீ⁴தி சதுப்³ரஹ்மவிஹாரஸமாதி⁴பி மக்³க³ப²லஸமாதி⁴பி அப்பமாணோ ஸமாதி⁴ நாம, இத⁴ பன ‘‘அப்பமாணங் அப்பமாணாரம்மண’’ந்தி இமினா பரியாயேன ஸுப்பகு³ணஸமாதி⁴ அப்பமாணஸமாதீ⁴தி த³ட்ட²ப்³போ³. ஸோ அப்பமாணேன ஸமாதி⁴னா ஸுபா⁴விதேனாதி இமஸ்மிங் டா²னே அயங் பி⁴க்கு² விபஸ்ஸனங் வட்³டெ⁴த்வா அரஹத்தங் பத்தோ. இதா³னி கீ²ணாஸவஸ்ஸ அபி⁴ஞ்ஞாபடிபாடிங் த³ஸ்ஸெந்தோ யஸ்ஸ யஸ்ஸ சாதிஆதி³மாஹ.
35. Catutthe pabbateyyāti pabbatacārinī. Na suppatiṭṭhitaṃ patiṭṭhāpetvāti yathā suppatiṭṭhitā hoti, evaṃ na patiṭṭhāpetvā. Taṃ nimittanti taṃ paṭhamajjhānasaṅkhātaṃ nimittaṃ. Na svādhiṭṭhitaṃ adhiṭṭhātīti yathā suṭṭhu adhiṭṭhitaṃ hoti, na evaṃ adhiṭṭhāti. Anabhihiṃsamānoti apothento aviheṭhento. Mudu cittaṃ hoti kammaññanti yathā vipassanācittaṃ lokuttaramaggakkhaṇe mudu kammakkhamaṃ kammayoggaṃ hoti, evamassa abhiññāpādakaṃ catutthajjhānacittaṃ mudu hoti kammaññaṃ . Appamāṇo samādhīti catubrahmavihārasamādhipi maggaphalasamādhipi appamāṇo samādhi nāma, idha pana ‘‘appamāṇaṃ appamāṇārammaṇa’’nti iminā pariyāyena suppaguṇasamādhi appamāṇasamādhīti daṭṭhabbo. So appamāṇena samādhinā subhāvitenāti imasmiṃ ṭhāne ayaṃ bhikkhu vipassanaṃ vaḍḍhetvā arahattaṃ patto. Idāni khīṇāsavassa abhiññāpaṭipāṭiṃ dassento yassa yassa cātiādimāha.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 4. கா³வீஉபமாஸுத்தங் • 4. Gāvīupamāsuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 4. கா³வீஉபமாஸுத்தவண்ணனா • 4. Gāvīupamāsuttavaṇṇanā
