| Library / Tipiṭaka / திபிடக • Tipiṭaka / அங்கு³த்தரனிகாய (டீகா) • Aṅguttaranikāya (ṭīkā) |
4. கா³வீஉபமாஸுத்தவண்ணனா
4. Gāvīupamāsuttavaṇṇanā
35. சதுத்தே² பப்³ப³தசாரினீதி பகதியா பப்³ப³தே ப³ஹுலசாரினீ. அகெ²த்தஞ்ஞூதி (விஸுத்³தி⁴॰ மஹாடீ॰ 1.77) அகோ³சரஞ்ஞூ. ஸமாதி⁴பரிபந்தானங் விஸோத⁴னானபி⁴ஞ்ஞதாய பா³லோ. ஜா²னஸ்ஸ பகு³ணபா⁴வாபாத³னவெய்யத்தியஸ்ஸ அபா⁴வேன அப்³யத்தோ. உபரிஜா²னஸ்ஸ பத³ட்டா²னபா⁴வானவபோ³தே⁴ன அகெ²த்தஞ்ஞூ. ஸப்³ப³தா²பி ஸமாபத்திகோஸல்லாபா⁴வேன அகுஸலோ. ஸமாதி⁴னிமித்தஸ்ஸ வா அனாஸேவனாய பா³லோ. அபா⁴வனாய அப்³யத்தோ. அப³ஹுலீகாரேன அகெ²த்தஞ்ஞூ. ஸம்மதே³வ அனதி⁴ட்டா²னதோ அகுஸலோதி யோஜேதப்³ப³ங். உப⁴தோ ப⁴ட்டோ²தி உப⁴யதோ ஜா²னதோ ப⁴ட்டோ². ஸோ ஹி அப்பகு³ணதாய ந ஸுப்பதிட்டி²ததாய ஸஉஸ்ஸாஹோபி வினாஸதோ அஸாமத்தி²யதோ ச ஜா²னத்³வயதோ பரிஹீனோ.
35. Catutthe pabbatacārinīti pakatiyā pabbate bahulacārinī. Akhettaññūti (visuddhi. mahāṭī. 1.77) agocaraññū. Samādhiparipantānaṃ visodhanānabhiññatāya bālo. Jhānassa paguṇabhāvāpādanaveyyattiyassa abhāvena abyatto. Uparijhānassa padaṭṭhānabhāvānavabodhena akhettaññū. Sabbathāpi samāpattikosallābhāvena akusalo. Samādhinimittassa vā anāsevanāya bālo. Abhāvanāya abyatto. Abahulīkārena akhettaññū. Sammadeva anadhiṭṭhānato akusaloti yojetabbaṃ. Ubhato bhaṭṭhoti ubhayato jhānato bhaṭṭho. So hi appaguṇatāya na suppatiṭṭhitatāya saussāhopi vināsato asāmatthiyato ca jhānadvayato parihīno.
கா³வீஉபமாஸுத்தவண்ணனா நிட்டி²தா.
Gāvīupamāsuttavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 4. கா³வீஉபமாஸுத்தங் • 4. Gāvīupamāsuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 4. கா³வீஉபமாஸுத்தவண்ணனா • 4. Gāvīupamāsuttavaṇṇanā
