| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
4. г̇аавийубамаасуд̇д̇аван̣н̣анаа
4. Gāvīupamāsuttavaṇṇanā
35. жад̇уд̇т̇з баб̣б̣ад̇зяяаад̇и баб̣б̣ад̇ажаариний. на суббад̇идтид̇ам̣ бад̇идтаабзд̇ваад̇и яат̇аа суббад̇идтид̇аа ход̇и, звам̣ на бад̇идтаабзд̇ваа. д̇ам̣ нимид̇д̇анд̇и д̇ам̣ батамаж̇жхаанасан̇каад̇ам̣ нимид̇д̇ам̣. на сваад̇хидтид̇ам̣ ад̇хидтаад̇ийд̇и яат̇аа судту ад̇хидтид̇ам̣ ход̇и, на звам̣ ад̇хидтаад̇и. анабхихим̣самаанод̇и абот̇знд̇о авихзтзнд̇о. муд̣̇у жид̇д̇ам̣ ход̇и гамман̃н̃анд̇и яат̇аа вибассанаажид̇д̇ам̣ логуд̇д̇арамаг̇г̇агкан̣з муд̣̇у гаммагкамам̣ гаммаяог̇г̇ам̣ ход̇и, звамасса абхин̃н̃аабаад̣̇агам̣ жад̇уд̇т̇аж̇жхаанажид̇д̇ам̣ муд̣̇у ход̇и гамман̃н̃ам̣ . аббамаан̣о самаад̇хийд̇и жад̇уб̣рахмавихаарасамаад̇хиби маг̇г̇апаласамаад̇хиби аббамаан̣о самаад̇хи наама, ид̇ха бана ‘‘аббамаан̣ам̣ аббамаан̣аарамман̣а’’нд̇и иминаа барияааязна суббаг̇ун̣асамаад̇хи аббамаан̣асамаад̇хийд̇и д̣̇адтаб̣б̣о. со аббамаан̣зна самаад̇хинаа субхаавид̇знаад̇и имасмим̣ таанз аяам̣ бхигку вибассанам̣ вад̣дхзд̇ваа арахад̇д̇ам̣ бад̇д̇о. ид̣̇аани кийн̣аасавасса абхин̃н̃аабадибаадим̣ д̣̇ассзнд̇о яасса яасса жаад̇иаад̣̇имааха.
35. Catutthe pabbateyyāti pabbatacārinī. Na suppatiṭṭhitaṃ patiṭṭhāpetvāti yathā suppatiṭṭhitā hoti, evaṃ na patiṭṭhāpetvā. Taṃ nimittanti taṃ paṭhamajjhānasaṅkhātaṃ nimittaṃ. Na svādhiṭṭhitaṃ adhiṭṭhātīti yathā suṭṭhu adhiṭṭhitaṃ hoti, na evaṃ adhiṭṭhāti. Anabhihiṃsamānoti apothento aviheṭhento. Mudu cittaṃ hoti kammaññanti yathā vipassanācittaṃ lokuttaramaggakkhaṇe mudu kammakkhamaṃ kammayoggaṃ hoti, evamassa abhiññāpādakaṃ catutthajjhānacittaṃ mudu hoti kammaññaṃ . Appamāṇo samādhīti catubrahmavihārasamādhipi maggaphalasamādhipi appamāṇo samādhi nāma, idha pana ‘‘appamāṇaṃ appamāṇārammaṇa’’nti iminā pariyāyena suppaguṇasamādhi appamāṇasamādhīti daṭṭhabbo. So appamāṇena samādhinā subhāvitenāti imasmiṃ ṭhāne ayaṃ bhikkhu vipassanaṃ vaḍḍhetvā arahattaṃ patto. Idāni khīṇāsavassa abhiññāpaṭipāṭiṃ dassento yassa yassa cātiādimāha.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 4. г̇аавийубамаасуд̇д̇ам̣ • 4. Gāvīupamāsuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 4. г̇аавийубамаасуд̇д̇аван̣н̣анаа • 4. Gāvīupamāsuttavaṇṇanā
