| Library / Tipiṭaka / ติปิฎก • Tipiṭaka / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā) |
๔. คาวีอุปมาสุตฺตวณฺณนา
4. Gāvīupamāsuttavaṇṇanā
๓๕. จตุเตฺถ ปพฺพเตยฺยาติ ปพฺพตจารินีฯ น สุปฺปติฎฺฐิตํ ปติฎฺฐาเปตฺวาติ ยถา สุปฺปติฎฺฐิตา โหติ, เอวํ น ปติฎฺฐาเปตฺวาฯ ตํ นิมิตฺตนฺติ ตํ ปฐมชฺฌานสงฺขาตํ นิมิตฺตํฯ น สฺวาธิฎฺฐิตํ อธิฎฺฐาตีติ ยถา สุฎฺฐุ อธิฎฺฐิตํ โหติ, น เอวํ อธิฎฺฐาติฯ อนภิหิํสมาโนติ อโปเถโนฺต อวิเหเฐโนฺตฯ มุทุ จิตฺตํ โหติ กมฺมญฺญนฺติ ยถา วิปสฺสนาจิตฺตํ โลกุตฺตรมคฺคกฺขเณ มุทุ กมฺมกฺขมํ กมฺมโยคฺคํ โหติ, เอวมสฺส อภิญฺญาปาทกํ จตุตฺถชฺฌานจิตฺตํ มุทุ โหติ กมฺมญฺญํ ฯ อปฺปมาโณ สมาธีติ จตุพฺรหฺมวิหารสมาธิปิ มคฺคผลสมาธิปิ อปฺปมาโณ สมาธิ นาม, อิธ ปน ‘‘อปฺปมาณํ อปฺปมาณารมฺมณ’’นฺติ อิมินา ปริยาเยน สุปฺปคุณสมาธิ อปฺปมาณสมาธีติ ทฎฺฐโพฺพฯ โส อปฺปมาเณน สมาธินา สุภาวิเตนาติ อิมสฺมิํ ฐาเน อยํ ภิกฺขุ วิปสฺสนํ วเฑฺฒตฺวา อรหตฺตํ ปโตฺตฯ อิทานิ ขีณาสวสฺส อภิญฺญาปฎิปาฎิํ ทเสฺสโนฺต ยสฺส ยสฺส จาติอาทิมาหฯ
35. Catutthe pabbateyyāti pabbatacārinī. Na suppatiṭṭhitaṃ patiṭṭhāpetvāti yathā suppatiṭṭhitā hoti, evaṃ na patiṭṭhāpetvā. Taṃ nimittanti taṃ paṭhamajjhānasaṅkhātaṃ nimittaṃ. Na svādhiṭṭhitaṃ adhiṭṭhātīti yathā suṭṭhu adhiṭṭhitaṃ hoti, na evaṃ adhiṭṭhāti. Anabhihiṃsamānoti apothento aviheṭhento. Mudu cittaṃ hoti kammaññanti yathā vipassanācittaṃ lokuttaramaggakkhaṇe mudu kammakkhamaṃ kammayoggaṃ hoti, evamassa abhiññāpādakaṃ catutthajjhānacittaṃ mudu hoti kammaññaṃ . Appamāṇo samādhīti catubrahmavihārasamādhipi maggaphalasamādhipi appamāṇo samādhi nāma, idha pana ‘‘appamāṇaṃ appamāṇārammaṇa’’nti iminā pariyāyena suppaguṇasamādhi appamāṇasamādhīti daṭṭhabbo. So appamāṇena samādhinā subhāvitenāti imasmiṃ ṭhāne ayaṃ bhikkhu vipassanaṃ vaḍḍhetvā arahattaṃ patto. Idāni khīṇāsavassa abhiññāpaṭipāṭiṃ dassento yassa yassa cātiādimāha.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / องฺคุตฺตรนิกาย • Aṅguttaranikāya / ๔. คาวีอุปมาสุตฺตํ • 4. Gāvīupamāsuttaṃ
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / องฺคุตฺตรนิกาย (ฎีกา) • Aṅguttaranikāya (ṭīkā) / ๔. คาวีอุปมาสุตฺตวณฺณนา • 4. Gāvīupamāsuttavaṇṇanā
