| Library / Tipiṭaka / តិបិដក • Tipiṭaka / អង្គុត្តរនិកាយ (ដីកា) • Aṅguttaranikāya (ṭīkā) |
៤. គាវីឧបមាសុត្តវណ្ណនា
4. Gāvīupamāsuttavaṇṇanā
៣៥. ចតុត្ថេ បព្ពតចារិនីតិ បកតិយា បព្ពតេ ពហុលចារិនី។ អខេត្តញ្ញូតិ (វិសុទ្ធិ. មហាដី. ១.៧៧) អគោចរញ្ញូ។ សមាធិបរិបន្តានំ វិសោធនានភិញ្ញតាយ ពាលោ។ ឈានស្ស បគុណភាវាបាទនវេយ្យត្តិយស្ស អភាវេន អព្យត្តោ។ ឧបរិឈានស្ស បទដ្ឋានភាវានវពោធេន អខេត្តញ្ញូ។ សព្ពថាបិ សមាបត្តិកោសល្លាភាវេន អកុសលោ។ សមាធិនិមិត្តស្ស វា អនាសេវនាយ ពាលោ។ អភាវនាយ អព្យត្តោ។ អពហុលីការេន អខេត្តញ្ញូ។ សម្មទេវ អនធិដ្ឋានតោ អកុសលោតិ យោជេតព្ពំ។ ឧភតោ ភដ្ឋោតិ ឧភយតោ ឈានតោ ភដ្ឋោ។ សោ ហិ អប្បគុណតាយ ន សុប្បតិដ្ឋិតតាយ សឧស្សាហោបិ វិនាសតោ អសាមត្ថិយតោ ច ឈានទ្វយតោ បរិហីនោ។
35. Catutthe pabbatacārinīti pakatiyā pabbate bahulacārinī. Akhettaññūti (visuddhi. mahāṭī. 1.77) agocaraññū. Samādhiparipantānaṃ visodhanānabhiññatāya bālo. Jhānassa paguṇabhāvāpādanaveyyattiyassa abhāvena abyatto. Uparijhānassa padaṭṭhānabhāvānavabodhena akhettaññū. Sabbathāpi samāpattikosallābhāvena akusalo. Samādhinimittassa vā anāsevanāya bālo. Abhāvanāya abyatto. Abahulīkārena akhettaññū. Sammadeva anadhiṭṭhānato akusaloti yojetabbaṃ. Ubhato bhaṭṭhoti ubhayato jhānato bhaṭṭho. So hi appaguṇatāya na suppatiṭṭhitatāya saussāhopi vināsato asāmatthiyato ca jhānadvayato parihīno.
គាវីឧបមាសុត្តវណ្ណនា និដ្ឋិតា។
Gāvīupamāsuttavaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / អង្គុត្តរនិកាយ • Aṅguttaranikāya / ៤. គាវីឧបមាសុត្តំ • 4. Gāvīupamāsuttaṃ
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / អង្គុត្តរនិកាយ (អដ្ឋកថា) • Aṅguttaranikāya (aṭṭhakathā) / ៤. គាវីឧបមាសុត្តវណ្ណនា • 4. Gāvīupamāsuttavaṇṇanā
