| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය (ටීකා) • Aṅguttaranikāya (ṭīkā) |
4. ගාවීඋපමාසුත්‌තවණ්‌ණනා
4. Gāvīupamāsuttavaṇṇanā
35. චතුත්‌ථෙ පබ්‌බතචාරිනීති පකතියා පබ්‌බතෙ බහුලචාරිනී. අඛෙත්‌තඤ්‌ඤූති (විසුද්‌ධි. මහාටී. 1.77) අගොචරඤ්‌ඤූ. සමාධිපරිපන්‌තානං විසොධනානභිඤ්‌ඤතාය බාලො. ඣානස්‌ස පගුණභාවාපාදනවෙය්‍යත්‌තියස්‌ස අභාවෙන අබ්‍යත්‌තො. උපරිඣානස්‌ස පදට්‌ඨානභාවානවබොධෙන අඛෙත්‌තඤ්‌ඤූ. සබ්‌බථාපි සමාපත්‌තිකොසල්‌ලාභාවෙන අකුසලො. සමාධිනිමිත්‌තස්‌ස වා අනාසෙවනාය බාලො. අභාවනාය අබ්‍යත්‌තො. අබහුලීකාරෙන අඛෙත්‌තඤ්‌ඤූ. සම්‌මදෙව අනධිට්‌ඨානතො අකුසලොති යොජෙතබ්‌බං. උභතො භට්‌ඨොති උභයතො ඣානතො භට්‌ඨො. සො හි අප්‌පගුණතාය න සුප්‌පතිට්‌ඨිතතාය සඋස්‌සාහොපි විනාසතො අසාමත්‌ථියතො ච ඣානද්‌වයතො පරිහීනො.
35. Catutthe pabbatacārinīti pakatiyā pabbate bahulacārinī. Akhettaññūti (visuddhi. mahāṭī. 1.77) agocaraññū. Samādhiparipantānaṃ visodhanānabhiññatāya bālo. Jhānassa paguṇabhāvāpādanaveyyattiyassa abhāvena abyatto. Uparijhānassa padaṭṭhānabhāvānavabodhena akhettaññū. Sabbathāpi samāpattikosallābhāvena akusalo. Samādhinimittassa vā anāsevanāya bālo. Abhāvanāya abyatto. Abahulīkārena akhettaññū. Sammadeva anadhiṭṭhānato akusaloti yojetabbaṃ. Ubhato bhaṭṭhoti ubhayato jhānato bhaṭṭho. So hi appaguṇatāya na suppatiṭṭhitatāya saussāhopi vināsato asāmatthiyato ca jhānadvayato parihīno.
ගාවීඋපමාසුත්‌තවණ්‌ණනා නිට්‌ඨිතා.
Gāvīupamāsuttavaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / අඞ්‌ගුත්‌තරනිකාය • Aṅguttaranikāya / 4. ගාවීඋපමාසුත්‌තං • 4. Gāvīupamāsuttaṃ
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) / 4. ගාවීඋපමාසුත්‌තවණ්‌ණනා • 4. Gāvīupamāsuttavaṇṇanā
