| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੪. ਗਾવੀਉਪਮਾਸੁਤ੍ਤવਣ੍ਣਨਾ
4. Gāvīupamāsuttavaṇṇanā
੩੫. ਚਤੁਤ੍ਥੇ ਪਬ੍ਬਤੇਯ੍ਯਾਤਿ ਪਬ੍ਬਤਚਾਰਿਨੀ। ਨ ਸੁਪ੍ਪਤਿਟ੍ਠਿਤਂ ਪਤਿਟ੍ਠਾਪੇਤ੍વਾਤਿ ਯਥਾ ਸੁਪ੍ਪਤਿਟ੍ਠਿਤਾ ਹੋਤਿ, ਏવਂ ਨ ਪਤਿਟ੍ਠਾਪੇਤ੍વਾ। ਤਂ ਨਿਮਿਤ੍ਤਨ੍ਤਿ ਤਂ ਪਠਮਜ੍ਝਾਨਸਙ੍ਖਾਤਂ ਨਿਮਿਤ੍ਤਂ। ਨ ਸ੍વਾਧਿਟ੍ਠਿਤਂ ਅਧਿਟ੍ਠਾਤੀਤਿ ਯਥਾ ਸੁਟ੍ਠੁ ਅਧਿਟ੍ਠਿਤਂ ਹੋਤਿ, ਨ ਏવਂ ਅਧਿਟ੍ਠਾਤਿ। ਅਨਭਿਹਿਂਸਮਾਨੋਤਿ ਅਪੋਥੇਨ੍ਤੋ ਅવਿਹੇਠੇਨ੍ਤੋ। ਮੁਦੁ ਚਿਤ੍ਤਂ ਹੋਤਿ ਕਮ੍ਮਞ੍ਞਨ੍ਤਿ ਯਥਾ વਿਪਸ੍ਸਨਾਚਿਤ੍ਤਂ ਲੋਕੁਤ੍ਤਰਮਗ੍ਗਕ੍ਖਣੇ ਮੁਦੁ ਕਮ੍ਮਕ੍ਖਮਂ ਕਮ੍ਮਯੋਗ੍ਗਂ ਹੋਤਿ, ਏવਮਸ੍ਸ ਅਭਿਞ੍ਞਾਪਾਦਕਂ ਚਤੁਤ੍ਥਜ੍ਝਾਨਚਿਤ੍ਤਂ ਮੁਦੁ ਹੋਤਿ ਕਮ੍ਮਞ੍ਞਂ । ਅਪ੍ਪਮਾਣੋ ਸਮਾਧੀਤਿ ਚਤੁਬ੍ਰਹ੍ਮવਿਹਾਰਸਮਾਧਿਪਿ ਮਗ੍ਗਫਲਸਮਾਧਿਪਿ ਅਪ੍ਪਮਾਣੋ ਸਮਾਧਿ ਨਾਮ, ਇਧ ਪਨ ‘‘ਅਪ੍ਪਮਾਣਂ ਅਪ੍ਪਮਾਣਾਰਮ੍ਮਣ’’ਨ੍ਤਿ ਇਮਿਨਾ ਪਰਿਯਾਯੇਨ ਸੁਪ੍ਪਗੁਣਸਮਾਧਿ ਅਪ੍ਪਮਾਣਸਮਾਧੀਤਿ ਦਟ੍ਠਬ੍ਬੋ। ਸੋ ਅਪ੍ਪਮਾਣੇਨ ਸਮਾਧਿਨਾ ਸੁਭਾવਿਤੇਨਾਤਿ ਇਮਸ੍ਮਿਂ ਠਾਨੇ ਅਯਂ ਭਿਕ੍ਖੁ વਿਪਸ੍ਸਨਂ વਡ੍ਢੇਤ੍વਾ ਅਰਹਤ੍ਤਂ ਪਤ੍ਤੋ। ਇਦਾਨਿ ਖੀਣਾਸવਸ੍ਸ ਅਭਿਞ੍ਞਾਪਟਿਪਾਟਿਂ ਦਸ੍ਸੇਨ੍ਤੋ ਯਸ੍ਸ ਯਸ੍ਸ ਚਾਤਿਆਦਿਮਾਹ।
35. Catutthe pabbateyyāti pabbatacārinī. Na suppatiṭṭhitaṃ patiṭṭhāpetvāti yathā suppatiṭṭhitā hoti, evaṃ na patiṭṭhāpetvā. Taṃ nimittanti taṃ paṭhamajjhānasaṅkhātaṃ nimittaṃ. Na svādhiṭṭhitaṃ adhiṭṭhātīti yathā suṭṭhu adhiṭṭhitaṃ hoti, na evaṃ adhiṭṭhāti. Anabhihiṃsamānoti apothento aviheṭhento. Mudu cittaṃ hoti kammaññanti yathā vipassanācittaṃ lokuttaramaggakkhaṇe mudu kammakkhamaṃ kammayoggaṃ hoti, evamassa abhiññāpādakaṃ catutthajjhānacittaṃ mudu hoti kammaññaṃ . Appamāṇo samādhīti catubrahmavihārasamādhipi maggaphalasamādhipi appamāṇo samādhi nāma, idha pana ‘‘appamāṇaṃ appamāṇārammaṇa’’nti iminā pariyāyena suppaguṇasamādhi appamāṇasamādhīti daṭṭhabbo. So appamāṇena samādhinā subhāvitenāti imasmiṃ ṭhāne ayaṃ bhikkhu vipassanaṃ vaḍḍhetvā arahattaṃ patto. Idāni khīṇāsavassa abhiññāpaṭipāṭiṃ dassento yassa yassa cātiādimāha.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੪. ਗਾવੀਉਪਮਾਸੁਤ੍ਤਂ • 4. Gāvīupamāsuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੪. ਗਾવੀਉਪਮਾਸੁਤ੍ਤવਣ੍ਣਨਾ • 4. Gāvīupamāsuttavaṇṇanā
