| Library / Tipiṭaka / ติปิฎก • Tipiṭaka / อปทานปาฬิ • Apadānapāḷi |
๓. คยากสฺสปเตฺถรอปทานํ
3. Gayākassapattheraapadānaṃ
๓๕.
35.
ขาริกํ หารยิตฺวาน, โกลํ อหาสิ อสฺสมํฯ
Khārikaṃ hārayitvāna, kolaṃ ahāsi assamaṃ.
๓๖.
36.
‘‘ภควา ตมฺหิ สมเย, เอโก อทุติโย ชิโน;
‘‘Bhagavā tamhi samaye, eko adutiyo jino;
มมสฺสมํ อุปาคจฺฉิ, โชเตโนฺต สพฺพกาลิกํฯ
Mamassamaṃ upāgacchi, jotento sabbakālikaṃ.
๓๗.
37.
‘‘สกํ จิตฺตํ ปสาเทตฺวา, อภิวาเทตฺวาน สุพฺพตํ;
‘‘Sakaṃ cittaṃ pasādetvā, abhivādetvāna subbataṃ;
อุโภ หเตฺถหิ ปคฺคยฺห, โกลํ พุทฺธสฺสทาสหํฯ
Ubho hatthehi paggayha, kolaṃ buddhassadāsahaṃ.
๓๘.
38.
‘‘เอกติํเส อิโต กเปฺป, ยํ ผลํ อททิํ ตทา;
‘‘Ekatiṃse ito kappe, yaṃ phalaṃ adadiṃ tadā;
ทุคฺคติํ นาภิชานามิ, โกลทานสฺสิทํ ผลํฯ
Duggatiṃ nābhijānāmi, koladānassidaṃ phalaṃ.
๓๙.
39.
‘‘กิเลสา ฌาปิตา มยฺหํ…เป.… วิหรามิ อนาสโวฯ
‘‘Kilesā jhāpitā mayhaṃ…pe… viharāmi anāsavo.
๔๐.
40.
‘‘สฺวาคตํ วต เม อาสิ…เป.… กตํ พุทฺธสฺส สาสนํฯ
‘‘Svāgataṃ vata me āsi…pe… kataṃ buddhassa sāsanaṃ.
๔๑.
41.
‘‘ปฎิสมฺภิทา จตโสฺส…เป.… กตํ พุทฺธสฺส สาสนํ’’ฯ
‘‘Paṭisambhidā catasso…pe… kataṃ buddhassa sāsanaṃ’’.
อิตฺถํ สุทํ อายสฺมา คยากสฺสโป เถโร อิมา คาถาโย
Itthaṃ sudaṃ āyasmā gayākassapo thero imā gāthāyo
อภาสิตฺถาติฯ
Abhāsitthāti.
คยากสฺสปเตฺถรสฺสาปทานํ ตติยํฯ
Gayākassapattherassāpadānaṃ tatiyaṃ.
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / อปทาน-อฎฺฐกถา • Apadāna-aṭṭhakathā / ๓. คยากสฺสปเตฺถรอปทานวณฺณนา • 3. Gayākassapattheraapadānavaṇṇanā
