| Library / Tipiṭaka / д̇ибидага • Tipiṭaka / абад̣̇аана-адтагат̇аа • Apadāna-aṭṭhakathā |
3. г̇аяаагассабад̇т̇зраабад̣̇аанаван̣н̣анаа
3. Gayākassapattheraapadānavaṇṇanā
д̇ад̇ияаабад̣̇аанз аж̇инажаммавад̇т̇оханд̇иаад̣̇игам̣ ааяасмад̇о г̇аяаагассабад̇т̇зрасса абад̣̇аанам̣. аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяам̣ гусалам̣ убажинанд̇о ид̇о згад̇им̣сагаббз сикисса бхаг̇авад̇о гаалз гулаг̇зхз ниб̣б̣ад̇д̇о вин̃н̃уд̇ам̣ бад̇д̇о ниссаран̣аж̇жхаасаяад̇ааяа гхарааваасам̣ бахааяа д̇аабасабаб̣б̣аж̇ж̇ам̣ баб̣б̣аж̇ид̇ваа аран̃н̃ааяад̇анз ассамам̣ маабзд̇ваа ванамуулапалаахааро васад̇и. д̇зна жа самаязна бхаг̇аваа зго ад̣̇уд̇ияо д̇асса ассамасамийбзнааг̇ажчи, со бхаг̇аванд̇ам̣ д̣̇исваа басаннамаанасо убасан̇гамид̇ваа ванд̣̇ид̇ваа згаманд̇ам̣ тид̇о взлам̣ ологзнд̇о манохараани голапалаани сад̇т̇у убанзси. со д̇зна бун̃н̃агаммзна д̣̇звамануссзсу сам̣саранд̇о имасмим̣ б̣уд̣̇д̇хуббаад̣̇з б̣раахман̣агулз ниб̣б̣ад̇д̇ид̇ваа ваяаббад̇д̇о ниссаран̣аж̇жхаасаяад̇ааяа гхарааваасам̣ бахааяа д̇аабасабаб̣б̣аж̇ж̇ам̣ баб̣б̣аж̇ид̇ваа д̣̇вийхи д̇аабасасад̇зхи сад̣̇д̇хим̣ г̇аяааяа вихарад̇и. г̇аяааяа васанад̇о хисса гассабаг̇од̇д̇ад̇ааяа жа г̇аяаагассабод̇и саман̃н̃аа ахоси. со бхаг̇авад̇о сад̣̇д̇хим̣ барисааяа зхибхигкуубасамбад̣̇ам̣ д̣̇ад̇ваа над̣̇ийгассабасса вуд̇д̇анаязна аад̣̇ид̇д̇абарияааяа д̣̇зсанааяа овад̣̇ияамаано арахад̇д̇з бад̇идтааси.
Tatiyāpadāne ajinacammavatthohantiādikaṃ āyasmato gayākassapattherassa apadānaṃ. Ayampi purimabuddhesu katādhikāro tattha tattha bhave vivaṭṭūpanissayaṃ kusalaṃ upacinanto ito ekatiṃsakappe sikhissa bhagavato kāle kulagehe nibbatto viññutaṃ patto nissaraṇajjhāsayatāya gharāvāsaṃ pahāya tāpasapabbajjaṃ pabbajitvā araññāyatane assamaṃ māpetvā vanamūlaphalāhāro vasati. Tena ca samayena bhagavā eko adutiyo tassa assamasamīpenāgacchi, so bhagavantaṃ disvā pasannamānaso upasaṅkamitvā vanditvā ekamantaṃ ṭhito velaṃ olokento manoharāni kolaphalāni satthu upanesi. So tena puññakammena devamanussesu saṃsaranto imasmiṃ buddhuppāde brāhmaṇakule nibbattitvā vayappatto nissaraṇajjhāsayatāya gharāvāsaṃ pahāya tāpasapabbajjaṃ pabbajitvā dvīhi tāpasasatehi saddhiṃ gayāya viharati. Gayāya vasanato hissa kassapagottatāya ca gayākassapoti samaññā ahosi. So bhagavato saddhiṃ parisāya ehibhikkhūpasampadaṃ datvā nadīkassapassa vuttanayena ādittapariyāya desanāya ovadiyamāno arahatte patiṭṭhāsi.
35. со арахад̇д̇ам̣ бад̇ваа соманассаж̇аад̇о ад̇д̇ано буб̣б̣ажарид̇аабад̣̇аанам̣ багаасзнд̇о аж̇инажаммавад̇т̇оханд̇иаад̣̇имааха . д̇ад̇т̇а аж̇инажаммавад̇т̇од̇и д̇аабасабаб̣б̣аж̇ид̇ад̇д̇аа аж̇инажамманиваасанабаавуран̣од̇и ад̇т̇о. каарибхаарад̇харод̇и д̇аабасагаалз д̇аабасабаригкаарабарибун̣н̣агааж̇ад̇харод̇и ад̇т̇о. кааригад̇аабасабаригкаарз буурзд̇ваа. голам̣ ахааси ассаманд̇и голапалам̣ ассамз буурзд̇ваа ассамз нисиннод̇и ад̇т̇о. аг̇обаяинд̇и баатз голапалам̣ бариязсид̇ваа ассамам̣ г̇обзсим̣ рагкинд̇и ад̇т̇о. сзсам̣ саб̣б̣ам̣ уд̇д̇аанад̇т̇амзваад̇и.
35. So arahattaṃ patvā somanassajāto attano pubbacaritāpadānaṃ pakāsento ajinacammavatthohantiādimāha . Tattha ajinacammavatthoti tāpasapabbajitattā ajinacammanivāsanapāvuraṇoti attho. Khāribhāradharoti tāpasakāle tāpasaparikkhāraparipuṇṇakājadharoti attho. Khārikatāpasaparikkhāre pūretvā. Kolaṃ ahāsi assamanti kolaphalaṃ assame pūretvā assame nisinnoti attho. Agopayinti pāṭhe kolaphalaṃ pariyesitvā assamaṃ gopesiṃ rakkhinti attho. Sesaṃ sabbaṃ uttānatthamevāti.
г̇аяаагассабад̇т̇зраабад̣̇аанаван̣н̣анаа самад̇д̇аа.
Gayākassapattheraapadānavaṇṇanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / абад̣̇аанабаал̣и • Apadānapāḷi / 3. г̇аяаагассабад̇т̇зраабад̣̇аанам̣ • 3. Gayākassapattheraapadānaṃ
