| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya |
੪. ਗਯਾਸੀਸਸੁਤ੍ਤਂ
4. Gayāsīsasuttaṃ
੬੪. ਏਕਂ ਸਮਯਂ ਭਗવਾ ਗਯਾਯਂ વਿਹਰਤਿ ਗਯਾਸੀਸੇ। ਤਤ੍ਰ ਖੋ ਭਗવਾ ਭਿਕ੍ਖੂ ਆਮਨ੍ਤੇਸਿ…ਪੇ॰… ‘‘ਪੁਬ੍ਬਾਹਂ, ਭਿਕ੍ਖવੇ, ਸਮ੍ਬੋਧਾ ਅਨਭਿਸਮ੍ਬੁਦ੍ਧੋ ਬੋਧਿਸਤ੍ਤੋવ ਸਮਾਨੋ ਓਭਾਸਞ੍ਞੇવ ਖੋ ਸਞ੍ਜਾਨਾਮਿ, ਨੋ ਚ ਰੂਪਾਨਿ ਪਸ੍ਸਾਮਿ’’।
64. Ekaṃ samayaṃ bhagavā gayāyaṃ viharati gayāsīse. Tatra kho bhagavā bhikkhū āmantesi…pe… ‘‘pubbāhaṃ, bhikkhave, sambodhā anabhisambuddho bodhisattova samāno obhāsaññeva kho sañjānāmi, no ca rūpāni passāmi’’.
‘‘ਤਸ੍ਸ ਮਯ੍ਹਂ, ਭਿਕ੍ਖવੇ, ਏਤਦਹੋਸਿ – ‘ਸਚੇ ਖੋ ਅਹਂ ਓਭਾਸਞ੍ਚੇવ ਸਞ੍ਜਾਨੇਯ੍ਯਂ ਰੂਪਾਨਿ ਚ ਪਸ੍ਸੇਯ੍ਯਂ; ਏવਂ ਮੇ ਇਦਂ ਞਾਣਦਸ੍ਸਨਂ ਪਰਿਸੁਦ੍ਧਤਰਂ ਅਸ੍ਸਾ’’’ਤਿ।
‘‘Tassa mayhaṃ, bhikkhave, etadahosi – ‘sace kho ahaṃ obhāsañceva sañjāneyyaṃ rūpāni ca passeyyaṃ; evaṃ me idaṃ ñāṇadassanaṃ parisuddhataraṃ assā’’’ti.
‘‘ਸੋ ਖੋ ਅਹਂ, ਭਿਕ੍ਖવੇ, ਅਪਰੇਨ ਸਮਯੇਨ ਅਪ੍ਪਮਤ੍ਤੋ ਆਤਾਪੀ ਪਹਿਤਤ੍ਤੋ વਿਹਰਨ੍ਤੋ ਓਭਾਸਞ੍ਚੇવ ਸਞ੍ਜਾਨਾਮਿ, ਰੂਪਾਨਿ ਚ ਪਸ੍ਸਾਮਿ; ਨੋ ਚ ਖੋ ਤਾਹਿ ਦੇવਤਾਹਿ ਸਦ੍ਧਿਂ ਸਨ੍ਤਿਟ੍ਠਾਮਿ ਸਲ੍ਲਪਾਮਿ ਸਾਕਚ੍ਛਂ ਸਮਾਪਜ੍ਜਾਮਿ।
‘‘So kho ahaṃ, bhikkhave, aparena samayena appamatto ātāpī pahitatto viharanto obhāsañceva sañjānāmi, rūpāni ca passāmi; no ca kho tāhi devatāhi saddhiṃ santiṭṭhāmi sallapāmi sākacchaṃ samāpajjāmi.
‘‘ਤਸ੍ਸ ਮਯ੍ਹਂ, ਭਿਕ੍ਖવੇ, ਏਤਦਹੋਸਿ – ‘ਸਚੇ ਖੋ ਅਹਂ ਓਭਾਸਞ੍ਚੇવ ਸਞ੍ਜਾਨੇਯ੍ਯਂ, ਰੂਪਾਨਿ ਚ ਪਸ੍ਸੇਯ੍ਯਂ, ਤਾਹਿ ਚ ਦੇવਤਾਹਿ ਸਦ੍ਧਿਂ ਸਨ੍ਤਿਟ੍ਠੇਯ੍ਯਂ ਸਲ੍ਲਪੇਯ੍ਯਂ ਸਾਕਚ੍ਛਂ ਸਮਾਪਜ੍ਜੇਯ੍ਯਂ; ਏવਂ ਮੇ ਇਦਂ ਞਾਣਦਸ੍ਸਨਂ ਪਰਿਸੁਦ੍ਧਤਰਂ ਅਸ੍ਸਾ’’’ਤਿ।
‘‘Tassa mayhaṃ, bhikkhave, etadahosi – ‘sace kho ahaṃ obhāsañceva sañjāneyyaṃ, rūpāni ca passeyyaṃ, tāhi ca devatāhi saddhiṃ santiṭṭheyyaṃ sallapeyyaṃ sākacchaṃ samāpajjeyyaṃ; evaṃ me idaṃ ñāṇadassanaṃ parisuddhataraṃ assā’’’ti.
‘‘ਸੋ ਖੋ ਅਹਂ, ਭਿਕ੍ਖવੇ, ਅਪਰੇਨ ਸਮਯੇਨ ਅਪ੍ਪਮਤ੍ਤੋ ਆਤਾਪੀ ਪਹਿਤਤ੍ਤੋ વਿਹਰਨ੍ਤੋ ਓਭਾਸਞ੍ਚੇવ ਸਞ੍ਜਾਨਾਮਿ, ਰੂਪਾਨਿ ਚ ਪਸ੍ਸਾਮਿ, ਤਾਹਿ ਚ ਦੇવਤਾਹਿ ਸਦ੍ਧਿਂ ਸਨ੍ਤਿਟ੍ਠਾਮਿ ਸਲ੍ਲਪਾਮਿ ਸਾਕਚ੍ਛਂ ਸਮਾਪਜ੍ਜਾਮਿ; ਨੋ ਚ ਖੋ ਤਾ ਦੇવਤਾ ਜਾਨਾਮਿ – ਇਮਾ ਦੇવਤਾ ਅਮੁਕਮ੍ਹਾ વਾ ਅਮੁਕਮ੍ਹਾ વਾ ਦੇવਨਿਕਾਯਾਤਿ।
‘‘So kho ahaṃ, bhikkhave, aparena samayena appamatto ātāpī pahitatto viharanto obhāsañceva sañjānāmi, rūpāni ca passāmi, tāhi ca devatāhi saddhiṃ santiṭṭhāmi sallapāmi sākacchaṃ samāpajjāmi; no ca kho tā devatā jānāmi – imā devatā amukamhā vā amukamhā vā devanikāyāti.
‘‘ਤਸ੍ਸ ਮਯ੍ਹਂ, ਭਿਕ੍ਖવੇ, ਏਤਦਹੋਸਿ – ‘ਸਚੇ ਖੋ ਅਹਂ ਓਭਾਸਞ੍ਚੇવ ਸਞ੍ਜਾਨੇਯ੍ਯਂ, ਰੂਪਾਨਿ ਚ ਪਸ੍ਸੇਯ੍ਯਂ, ਤਾਹਿ ਚ ਦੇવਤਾਹਿ ਸਦ੍ਧਿਂ ਸਨ੍ਤਿਟ੍ਠੇਯ੍ਯਂ ਸਲ੍ਲਪੇਯ੍ਯਂ ਸਾਕਚ੍ਛਂ ਸਮਾਪਜ੍ਜੇਯ੍ਯਂ, ਤਾ ਚ ਦੇવਤਾ ਜਾਨੇਯ੍ਯਂ – ਇਮਾ ਦੇવਤਾ ਅਮੁਕਮ੍ਹਾ વਾ ਅਮੁਕਮ੍ਹਾ વਾ ਦੇવਨਿਕਾਯਾ’ਤਿ; ਏવਂ ਮੇ ਇਦਂ ਞਾਣਦਸ੍ਸਨਂ ਪਰਿਸੁਦ੍ਧਤਰਂ ਅਸ੍ਸਾ’’’ਤਿ।
‘‘Tassa mayhaṃ, bhikkhave, etadahosi – ‘sace kho ahaṃ obhāsañceva sañjāneyyaṃ, rūpāni ca passeyyaṃ, tāhi ca devatāhi saddhiṃ santiṭṭheyyaṃ sallapeyyaṃ sākacchaṃ samāpajjeyyaṃ, tā ca devatā jāneyyaṃ – imā devatā amukamhā vā amukamhā vā devanikāyā’ti; evaṃ me idaṃ ñāṇadassanaṃ parisuddhataraṃ assā’’’ti.
‘‘ਸੋ ਖੋ ਅਹਂ, ਭਿਕ੍ਖવੇ, ਅਪਰੇਨ ਸਮਯੇਨ ਅਪ੍ਪਮਤ੍ਤੋ ਆਤਾਪੀ ਪਹਿਤਤ੍ਤੋ વਿਹਰਨ੍ਤੋ ਓਭਾਸਞ੍ਚੇવ ਸਞ੍ਜਾਨਾਮਿ, ਰੂਪਾਨਿ ਚ ਪਸ੍ਸਾਮਿ, ਤਾਹਿ ਚ ਦੇવਤਾਹਿ ਸਦ੍ਧਿਂ ਸਨ੍ਤਿਟ੍ਠਾਮਿ ਸਲ੍ਲਪਾਮਿ ਸਾਕਚ੍ਛਂ ਸਮਾਪਜ੍ਜਾਮਿ, ਤਾ ਚ ਦੇવਤਾ ਜਾਨਾਮਿ – ‘ਇਮਾ ਦੇવਤਾ ਅਮੁਕਮ੍ਹਾ વਾ ਅਮੁਕਮ੍ਹਾ વਾ ਦੇવਨਿਕਾਯਾ’ਤਿ; ਨੋ ਚ ਖੋ ਤਾ ਦੇવਤਾ ਜਾਨਾਮਿ – ‘ਇਮਾ ਦੇવਤਾ ਇਮਸ੍ਸ ਕਮ੍ਮਸ੍ਸ વਿਪਾਕੇਨ ਇਤੋ ਚੁਤਾ ਤਤ੍ਥ ਉਪਪਨ੍ਨਾ’ਤਿ…ਪੇ॰… ਤਾ ਚ ਦੇવਤਾ ਜਾਨਾਮਿ – ‘ਇਮਾ ਦੇવਤਾ ਇਮਸ੍ਸ ਕਮ੍ਮਸ੍ਸ વਿਪਾਕੇਨ ਇਤੋ ਚੁਤਾ ਤਤ੍ਥ ਉਪਪਨ੍ਨਾ’ਤਿ; ਨੋ ਚ ਖੋ ਤਾ ਦੇવਤਾ ਜਾਨਾਮਿ – ‘ਇਮਾ ਦੇવਤਾ ਇਮਸ੍ਸ ਕਮ੍ਮਸ੍ਸ વਿਪਾਕੇਨ ਏવਮਾਹਾਰਾ ਏવਂਸੁਖਦੁਕ੍ਖਪ੍ਪਟਿਸਂવੇਦਿਨਿਯੋ’ਤਿ …ਪੇ॰… ਤਾ ਚ ਦੇવਤਾ ਜਾਨਾਮਿ – ‘ਇਮਾ ਦੇવਤਾ ਇਮਸ੍ਸ ਕਮ੍ਮਸ੍ਸ વਿਪਾਕੇਨ ਏવਮਾਹਾਰਾ ਏવਂਸੁਖਦੁਕ੍ਖਪ੍ਪਟਿਸਂવੇਦਿਨਿਯੋ’ਤਿ; ਨੋ ਚ ਖੋ ਤਾ ਦੇવਤਾ ਜਾਨਾਮਿ – ‘ਇਮਾ ਦੇવਤਾ ਏવਂਦੀਘਾਯੁਕਾ ਏવਂਚਿਰਟ੍ਠਿਤਿਕਾ’ਤਿ…ਪੇ॰… ਤਾ ਚ ਦੇવਤਾ ਜਾਨਾਮਿ – ‘ਇਮਾ ਦੇવਤਾ ਏવਂਦੀਘਾਯੁਕਾ ਏવਂਚਿਰਟ੍ਠਿਤਿਕਾ’ਤਿ; ਨੋ ਚ ਖੋ ਤਾ ਦੇવਤਾ ਜਾਨਾਮਿ ਯਦਿ વਾ ਮੇ ਇਮਾਹਿ ਦੇવਤਾਹਿ ਸਦ੍ਧਿਂ ਸਨ੍ਨਿવੁਤ੍ਥਪੁਬ੍ਬਂ ਯਦਿ વਾ ਨ ਸਨ੍ਨਿવੁਤ੍ਥਪੁਬ੍ਬਨ੍ਤਿ।
‘‘So kho ahaṃ, bhikkhave, aparena samayena appamatto ātāpī pahitatto viharanto obhāsañceva sañjānāmi, rūpāni ca passāmi, tāhi ca devatāhi saddhiṃ santiṭṭhāmi sallapāmi sākacchaṃ samāpajjāmi, tā ca devatā jānāmi – ‘imā devatā amukamhā vā amukamhā vā devanikāyā’ti; no ca kho tā devatā jānāmi – ‘imā devatā imassa kammassa vipākena ito cutā tattha upapannā’ti…pe… tā ca devatā jānāmi – ‘imā devatā imassa kammassa vipākena ito cutā tattha upapannā’ti; no ca kho tā devatā jānāmi – ‘imā devatā imassa kammassa vipākena evamāhārā evaṃsukhadukkhappaṭisaṃvediniyo’ti …pe… tā ca devatā jānāmi – ‘imā devatā imassa kammassa vipākena evamāhārā evaṃsukhadukkhappaṭisaṃvediniyo’ti; no ca kho tā devatā jānāmi – ‘imā devatā evaṃdīghāyukā evaṃciraṭṭhitikā’ti…pe… tā ca devatā jānāmi – ‘imā devatā evaṃdīghāyukā evaṃciraṭṭhitikā’ti; no ca kho tā devatā jānāmi yadi vā me imāhi devatāhi saddhiṃ sannivutthapubbaṃ yadi vā na sannivutthapubbanti.
‘‘ਤਸ੍ਸ ਮਯ੍ਹਂ, ਭਿਕ੍ਖવੇ, ਏਤਦਹੋਸਿ – ‘ਸਚੇ ਖੋ ਅਹਂ ਓਭਾਸਞ੍ਚੇવ ਸਞ੍ਜਾਨੇਯ੍ਯਂ, ਰੂਪਾਨਿ ਚ ਪਸ੍ਸੇਯ੍ਯਂ, ਤਾਹਿ ਚ ਦੇવਤਾਹਿ ਸਦ੍ਧਿਂ ਸਨ੍ਤਿਟ੍ਠੇਯ੍ਯਂ ਸਲ੍ਲਪੇਯ੍ਯਂ ਸਾਕਚ੍ਛਂ ਸਮਾਪਜ੍ਜੇਯ੍ਯਂ , ਤਾ ਚ ਦੇવਤਾ ਜਾਨੇਯ੍ਯਂ – ‘ਇਮਾ ਦੇવਤਾ ਅਮੁਕਮ੍ਹਾ વਾ ਅਮੁਕਮ੍ਹਾ વਾ ਦੇવਨਿਕਾਯਾ’ਤਿ, ਤਾ ਚ ਦੇવਤਾ ਜਾਨੇਯ੍ਯਂ – ‘ਇਮਾ ਦੇવਤਾ ਇਮਸ੍ਸ ਕਮ੍ਮਸ੍ਸ વਿਪਾਕੇਨ ਇਤੋ ਚੁਤਾ ਤਤ੍ਥ ਉਪਪਨ੍ਨਾ’ਤਿ, ਤਾ ਚ ਦੇવਤਾ ਜਾਨੇਯ੍ਯਂ – ‘ਇਮਾ ਦੇવਤਾ ਏવਮਾਹਾਰਾ ਏવਂਸੁਖਦੁਕ੍ਖਪ੍ਪਟਿਸਂવੇਦਿਨਿਯੋ’ਤਿ, ਤਾ ਚ ਦੇવਤਾ ਜਾਨੇਯ੍ਯਂ – ‘ਇਮਾ ਦੇવਤਾ ਏવਂਦੀਘਾਯੁਕਾ ਏવਂਚਿਰਟ੍ਠਿਤਿਕਾ’ਤਿ, ਤਾ ਚ ਦੇવਤਾ ਜਾਨੇਯ੍ਯਂ ਯਦਿ વਾ ਮੇ ਇਮਾਹਿ ਦੇવਤਾਹਿ ਸਦ੍ਧਿਂ ਸਨ੍ਨਿવੁਤ੍ਥਪੁਬ੍ਬਂ ਯਦਿ વਾ ਨ ਸਨ੍ਨਿવੁਤ੍ਥਪੁਬ੍ਬਨ੍ਤਿ; ਏવਂ ਮੇ ਇਦਂ ਞਾਣਦਸ੍ਸਨਂ ਪਰਿਸੁਦ੍ਧਤਰਂ ਅਸ੍ਸਾ’’’ਤਿ।
‘‘Tassa mayhaṃ, bhikkhave, etadahosi – ‘sace kho ahaṃ obhāsañceva sañjāneyyaṃ, rūpāni ca passeyyaṃ, tāhi ca devatāhi saddhiṃ santiṭṭheyyaṃ sallapeyyaṃ sākacchaṃ samāpajjeyyaṃ , tā ca devatā jāneyyaṃ – ‘imā devatā amukamhā vā amukamhā vā devanikāyā’ti, tā ca devatā jāneyyaṃ – ‘imā devatā imassa kammassa vipākena ito cutā tattha upapannā’ti, tā ca devatā jāneyyaṃ – ‘imā devatā evamāhārā evaṃsukhadukkhappaṭisaṃvediniyo’ti, tā ca devatā jāneyyaṃ – ‘imā devatā evaṃdīghāyukā evaṃciraṭṭhitikā’ti, tā ca devatā jāneyyaṃ yadi vā me imāhi devatāhi saddhiṃ sannivutthapubbaṃ yadi vā na sannivutthapubbanti; evaṃ me idaṃ ñāṇadassanaṃ parisuddhataraṃ assā’’’ti.
‘‘ਸੋ ਖੋ ਅਹਂ, ਭਿਕ੍ਖવੇ, ਅਪਰੇਨ ਸਮਯੇਨ ਅਪ੍ਪਮਤ੍ਤੋ ਆਤਾਪੀ ਪਹਿਤਤ੍ਤੋ વਿਹਰਨ੍ਤੋ ਓਭਾਸਞ੍ਚੇવ ਸਞ੍ਜਾਨਾਮਿ, ਰੂਪਾਨਿ ਚ ਪਸ੍ਸਾਮਿ, ਤਾਹਿ ਚ ਦੇવਤਾਹਿ ਸਦ੍ਧਿਂ ਸਨ੍ਤਿਟ੍ਠਾਮਿ ਸਲ੍ਲਪਾਮਿ ਸਾਕਚ੍ਛਂ ਸਮਾਪਜ੍ਜਾਮਿ, ਤਾ ਚ ਦੇવਤਾ ਜਾਨਾਮਿ – ‘ਇਮਾ ਦੇવਤਾ ਅਮੁਕਮ੍ਹਾ વਾ ਅਮੁਕਮ੍ਹਾ વਾ ਦੇવਨਿਕਾਯਾ’ਤਿ, ਤਾ ਚ ਦੇવਤਾ ਜਾਨਾਮਿ – ‘ਇਮਾ ਦੇવਤਾ ਇਮਸ੍ਸ ਕਮ੍ਮਸ੍ਸ વਿਪਾਕੇਨ ਇਤੋ ਚੁਤਾ ਤਤ੍ਥ ਉਪਪਨ੍ਨਾ’ਤਿ, ਤਾ ਚ ਦੇવਤਾ ਜਾਨਾਮਿ – ‘ਇਮਾ ਦੇવਤਾ ਏવਮਾਹਾਰਾ ਏવਂਸੁਖਦੁਕ੍ਖਪ੍ਪਟਿਸਂવੇਦਿਨਿਯੋ’ਤਿ , ਤਾ ਚ ਦੇવਤਾ ਜਾਨਾਮਿ – ‘ਇਮਾ ਦੇવਤਾ ਏવਂਦੀਘਾਯੁਕਾ ਏવਂਚਿਰਟ੍ਠਿਤਿਕਾ’ਤਿ, ਤਾ ਚ ਦੇવਤਾ ਜਾਨਾਮਿ ਯਦਿ વਾ ਮੇ ਦੇવਤਾਹਿ ਸਦ੍ਧਿਂ ਸਨ੍ਨਿવੁਤ੍ਥਪੁਬ੍ਬਂ ਯਦਿ વਾ ਨ ਸਨ੍ਨਿવੁਤ੍ਥਪੁਬ੍ਬਨ੍ਤਿ।
‘‘So kho ahaṃ, bhikkhave, aparena samayena appamatto ātāpī pahitatto viharanto obhāsañceva sañjānāmi, rūpāni ca passāmi, tāhi ca devatāhi saddhiṃ santiṭṭhāmi sallapāmi sākacchaṃ samāpajjāmi, tā ca devatā jānāmi – ‘imā devatā amukamhā vā amukamhā vā devanikāyā’ti, tā ca devatā jānāmi – ‘imā devatā imassa kammassa vipākena ito cutā tattha upapannā’ti, tā ca devatā jānāmi – ‘imā devatā evamāhārā evaṃsukhadukkhappaṭisaṃvediniyo’ti , tā ca devatā jānāmi – ‘imā devatā evaṃdīghāyukā evaṃciraṭṭhitikā’ti, tā ca devatā jānāmi yadi vā me devatāhi saddhiṃ sannivutthapubbaṃ yadi vā na sannivutthapubbanti.
‘‘ਯਾવਕੀવਞ੍ਚ ਮੇ, ਭਿਕ੍ਖવੇ, ਏવਂ ਅਟ੍ਠਪਰਿવਟ੍ਟਂ ਅਧਿਦੇવਞਾਣਦਸ੍ਸਨਂ ਨ ਸੁવਿਸੁਦ੍ਧਂ ਅਹੋਸਿ, ਨੇવ ਤਾવਾਹਂ, ਭਿਕ੍ਖવੇ, ‘ਸਦੇવਕੇ ਲੋਕੇ ਸਮਾਰਕੇ ਸਬ੍ਰਹ੍ਮਕੇ ਸਸ੍ਸਮਣਬ੍ਰਾਹ੍ਮਣਿਯਾ ਪਜਾਯ ਸਦੇવਮਨੁਸ੍ਸਾਯ ਅਨੁਤ੍ਤਰਂ ਸਮ੍ਮਾਸਮ੍ਬੋਧਿਂ ਅਭਿਸਮ੍ਬੁਦ੍ਧੋ’ਤਿ 1 ਪਚ੍ਚਞ੍ਞਾਸਿਂ। ਯਤੋ ਚ ਖੋ ਮੇ , ਭਿਕ੍ਖવੇ, ਏવਂ ਅਟ੍ਠਪਰਿવਟ੍ਟਂ ਅਧਿਦੇવਞਾਣਦਸ੍ਸਨਂ ਸੁવਿਸੁਦ੍ਧਂ ਅਹੋਸਿ, ਅਥਾਹਂ, ਭਿਕ੍ਖવੇ, ‘ਸਦੇવਕੇ ਲੋਕੇ ਸਮਾਰਕੇ ਸਬ੍ਰਹ੍ਮਕੇ ਸਸ੍ਸਮਣਬ੍ਰਾਹ੍ਮਣਿਯਾ ਪਜਾਯ ਸਦੇવਮਨੁਸ੍ਸਾਯ ਅਨੁਤ੍ਤਰਂ ਸਮ੍ਮਾਸਮ੍ਬੋਧਿਂ ਅਭਿਸਮ੍ਬੁਦ੍ਧੋ’ਤਿ ਪਚ੍ਚਞ੍ਞਾਸਿਂ; ਞਾਣਞ੍ਚ ਪਨ ਮੇ ਦਸ੍ਸਨਂ ਉਦਪਾਦਿ; ਅਕੁਪ੍ਪਾ ਮੇ ਚੇਤੋવਿਮੁਤ੍ਤਿ 2; ਅਯਮਨ੍ਤਿਮਾ ਜਾਤਿ ਨਤ੍ਥਿ ਦਾਨਿ ਪੁਨਬ੍ਭવੋ’’ਤਿ। ਚਤੁਤ੍ਥਂ।
‘‘Yāvakīvañca me, bhikkhave, evaṃ aṭṭhaparivaṭṭaṃ adhidevañāṇadassanaṃ na suvisuddhaṃ ahosi, neva tāvāhaṃ, bhikkhave, ‘sadevake loke samārake sabrahmake sassamaṇabrāhmaṇiyā pajāya sadevamanussāya anuttaraṃ sammāsambodhiṃ abhisambuddho’ti 3 paccaññāsiṃ. Yato ca kho me , bhikkhave, evaṃ aṭṭhaparivaṭṭaṃ adhidevañāṇadassanaṃ suvisuddhaṃ ahosi, athāhaṃ, bhikkhave, ‘sadevake loke samārake sabrahmake sassamaṇabrāhmaṇiyā pajāya sadevamanussāya anuttaraṃ sammāsambodhiṃ abhisambuddho’ti paccaññāsiṃ; ñāṇañca pana me dassanaṃ udapādi; akuppā me cetovimutti 4; ayamantimā jāti natthi dāni punabbhavo’’ti. Catutthaṃ.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੪. ਗਯਾਸੀਸਸੁਤ੍ਤવਣ੍ਣਨਾ • 4. Gayāsīsasuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੧-੫. ਇਚ੍ਛਾਸੁਤ੍ਤਾਦਿવਣ੍ਣਨਾ • 1-5. Icchāsuttādivaṇṇanā
