| Library / Tipiṭaka / திபிடக • Tipiṭaka / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) |
4. க³யாஸீஸஸுத்தவண்ணனா
4. Gayāsīsasuttavaṇṇanā
64. சதுத்தே² ஏதத³வோசாதி அத்தனோ பதா⁴னபூ⁴மியங் உப்பன்னங் விதக்கங் பி⁴க்கு²ஸங்க⁴ஸ்ஸ ஆரோசேதுங் – ‘‘புப்³பா³ஹங், பி⁴க்க²வே’’திஆதி³வசனங் அவோச. ஓபா⁴ஸந்தி தி³ப்³ப³சக்கு²ஞாணோபா⁴ஸங். ஞாணத³ஸ்ஸனந்தி தி³ப்³ப³சக்கு²பூ⁴தங் ஞாணஸங்கா²தங் த³ஸ்ஸனங். ஸன்னிவுத்த²புப்³ப³ந்தி ஏகதோ வஸிதபுப்³ப³ங். இமஸ்மிங் பன ஸுத்தே தி³ப்³ப³சக்கு²ஞாணங், இத்³தி⁴வித⁴ஞாணங், சேதோபரியஞாணங், யதா²கம்முபக³ஞாணங், அனாக³தங்ஸஞாணங், பச்சுப்பன்னங்ஸஞாணங், அதீதங்ஸஞாணங், புப்³பே³னிவாஸஞாணந்தி இமானி தாவ அட்ட² ஞாணானி பாளியங்யேவ ஆக³தானி, தேஹி பன ஸத்³தி⁴ங் விபஸ்ஸனாஞாணானி சத்தாரி மக்³க³ஞாணானி, சத்தாரி ப²லஞாணானி, சத்தாரி பச்சவெக்க²ணஞாணானி, சத்தாரி படிஸம்பி⁴தா³ஞாணானி ச² அஸாதா⁴ரணஞாணானீதி ஏதானி ஞாணானி ஸமோதா⁴னெத்வா கதெ²ந்தேன ஏவங் இத³ங் ஸுத்தங் கதி²தங் நாம ஹோதி.
64. Catutthe etadavocāti attano padhānabhūmiyaṃ uppannaṃ vitakkaṃ bhikkhusaṅghassa ārocetuṃ – ‘‘pubbāhaṃ, bhikkhave’’tiādivacanaṃ avoca. Obhāsanti dibbacakkhuñāṇobhāsaṃ. Ñāṇadassananti dibbacakkhubhūtaṃ ñāṇasaṅkhātaṃ dassanaṃ. Sannivutthapubbanti ekato vasitapubbaṃ. Imasmiṃ pana sutte dibbacakkhuñāṇaṃ, iddhividhañāṇaṃ, cetopariyañāṇaṃ, yathākammupagañāṇaṃ, anāgataṃsañāṇaṃ, paccuppannaṃsañāṇaṃ, atītaṃsañāṇaṃ, pubbenivāsañāṇanti imāni tāva aṭṭha ñāṇāni pāḷiyaṃyeva āgatāni, tehi pana saddhiṃ vipassanāñāṇāni cattāri maggañāṇāni, cattāri phalañāṇāni, cattāri paccavekkhaṇañāṇāni, cattāri paṭisambhidāñāṇāni cha asādhāraṇañāṇānīti etāni ñāṇāni samodhānetvā kathentena evaṃ idaṃ suttaṃ kathitaṃ nāma hoti.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 4. க³யாஸீஸஸுத்தங் • 4. Gayāsīsasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 1-5. இச்சா²ஸுத்தாதி³வண்ணனா • 1-5. Icchāsuttādivaṇṇanā
