| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) |
4. г̇аяаасийсасуд̇д̇аван̣н̣анаа
4. Gayāsīsasuttavaṇṇanā
64. жад̇уд̇т̇з зд̇ад̣̇авожаад̇и ад̇д̇ано бад̇хаанабхуумияам̣ уббаннам̣ вид̇аггам̣ бхигкусан̇гхасса аарожзд̇ум̣ – ‘‘буб̣б̣аахам̣, бхигкавз’’д̇иаад̣̇иважанам̣ авожа. обхаасанд̇и д̣̇иб̣б̣ажагкун̃аан̣обхаасам̣. н̃аан̣ад̣̇ассананд̇и д̣̇иб̣б̣ажагкубхууд̇ам̣ н̃аан̣асан̇каад̇ам̣ д̣̇ассанам̣. саннивуд̇т̇абуб̣б̣анд̇и згад̇о васид̇абуб̣б̣ам̣. имасмим̣ бана суд̇д̇з д̣̇иб̣б̣ажагкун̃аан̣ам̣, ид̣̇д̇хивид̇хан̃аан̣ам̣, жзд̇обарияан̃аан̣ам̣, яат̇аагаммубаг̇ан̃аан̣ам̣, анааг̇ад̇ам̣сан̃аан̣ам̣, бажжуббаннам̣сан̃аан̣ам̣, ад̇ийд̇ам̣сан̃аан̣ам̣, буб̣б̣зниваасан̃аан̣анд̇и имаани д̇аава адта н̃аан̣аани баал̣ияам̣язва ааг̇ад̇аани, д̇зхи бана сад̣̇д̇хим̣ вибассанаан̃аан̣аани жад̇д̇аари маг̇г̇ан̃аан̣аани, жад̇д̇аари палан̃аан̣аани, жад̇д̇аари бажжавзгкан̣ан̃аан̣аани, жад̇д̇аари бадисамбхид̣̇аан̃аан̣аани ча асаад̇хааран̣ан̃аан̣аанийд̇и зд̇аани н̃аан̣аани самод̇хаанзд̇ваа гат̇знд̇зна звам̣ ид̣̇ам̣ суд̇д̇ам̣ гат̇ид̇ам̣ наама ход̇и.
64. Catutthe etadavocāti attano padhānabhūmiyaṃ uppannaṃ vitakkaṃ bhikkhusaṅghassa ārocetuṃ – ‘‘pubbāhaṃ, bhikkhave’’tiādivacanaṃ avoca. Obhāsanti dibbacakkhuñāṇobhāsaṃ. Ñāṇadassananti dibbacakkhubhūtaṃ ñāṇasaṅkhātaṃ dassanaṃ. Sannivutthapubbanti ekato vasitapubbaṃ. Imasmiṃ pana sutte dibbacakkhuñāṇaṃ, iddhividhañāṇaṃ, cetopariyañāṇaṃ, yathākammupagañāṇaṃ, anāgataṃsañāṇaṃ, paccuppannaṃsañāṇaṃ, atītaṃsañāṇaṃ, pubbenivāsañāṇanti imāni tāva aṭṭha ñāṇāni pāḷiyaṃyeva āgatāni, tehi pana saddhiṃ vipassanāñāṇāni cattāri maggañāṇāni, cattāri phalañāṇāni, cattāri paccavekkhaṇañāṇāni, cattāri paṭisambhidāñāṇāni cha asādhāraṇañāṇānīti etāni ñāṇāni samodhānetvā kathentena evaṃ idaṃ suttaṃ kathitaṃ nāma hoti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya / 4. г̇аяаасийсасуд̇д̇ам̣ • 4. Gayāsīsasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 1-5. ижчаасуд̇д̇аад̣̇иван̣н̣анаа • 1-5. Icchāsuttādivaṇṇanā
