| Library / Tipiṭaka / तिपिटक • Tipiṭaka / अङ्गुत्तरनिकाय (अट्ठकथा) • Aṅguttaranikāya (aṭṭhakathā) |
४. गयासीससुत्तवण्णना
4. Gayāsīsasuttavaṇṇanā
६४. चतुत्थे एतदवोचाति अत्तनो पधानभूमियं उप्पन्नं वितक्कं भिक्खुसङ्घस्स आरोचेतुं – ‘‘पुब्बाहं, भिक्खवे’’तिआदिवचनं अवोच। ओभासन्ति दिब्बचक्खुञाणोभासं। ञाणदस्सनन्ति दिब्बचक्खुभूतं ञाणसङ्खातं दस्सनं। सन्निवुत्थपुब्बन्ति एकतो वसितपुब्बं। इमस्मिं पन सुत्ते दिब्बचक्खुञाणं, इद्धिविधञाणं, चेतोपरियञाणं, यथाकम्मुपगञाणं, अनागतंसञाणं, पच्चुप्पन्नंसञाणं, अतीतंसञाणं, पुब्बेनिवासञाणन्ति इमानि ताव अट्ठ ञाणानि पाळियंयेव आगतानि, तेहि पन सद्धिं विपस्सनाञाणानि चत्तारि मग्गञाणानि, चत्तारि फलञाणानि, चत्तारि पच्चवेक्खणञाणानि, चत्तारि पटिसम्भिदाञाणानि छ असाधारणञाणानीति एतानि ञाणानि समोधानेत्वा कथेन्तेन एवं इदं सुत्तं कथितं नाम होति।
64. Catutthe etadavocāti attano padhānabhūmiyaṃ uppannaṃ vitakkaṃ bhikkhusaṅghassa ārocetuṃ – ‘‘pubbāhaṃ, bhikkhave’’tiādivacanaṃ avoca. Obhāsanti dibbacakkhuñāṇobhāsaṃ. Ñāṇadassananti dibbacakkhubhūtaṃ ñāṇasaṅkhātaṃ dassanaṃ. Sannivutthapubbanti ekato vasitapubbaṃ. Imasmiṃ pana sutte dibbacakkhuñāṇaṃ, iddhividhañāṇaṃ, cetopariyañāṇaṃ, yathākammupagañāṇaṃ, anāgataṃsañāṇaṃ, paccuppannaṃsañāṇaṃ, atītaṃsañāṇaṃ, pubbenivāsañāṇanti imāni tāva aṭṭha ñāṇāni pāḷiyaṃyeva āgatāni, tehi pana saddhiṃ vipassanāñāṇāni cattāri maggañāṇāni, cattāri phalañāṇāni, cattāri paccavekkhaṇañāṇāni, cattāri paṭisambhidāñāṇāni cha asādhāraṇañāṇānīti etāni ñāṇāni samodhānetvā kathentena evaṃ idaṃ suttaṃ kathitaṃ nāma hoti.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / अङ्गुत्तरनिकाय • Aṅguttaranikāya / ४. गयासीससुत्तं • 4. Gayāsīsasuttaṃ
टीका • Tīkā / सुत्तपिटक (टीका) • Suttapiṭaka (ṭīkā) / अङ्गुत्तरनिकाय (टीका) • Aṅguttaranikāya (ṭīkā) / १-५. इच्छासुत्तादिवण्णना • 1-5. Icchāsuttādivaṇṇanā
