| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) |
༤. གཡཱསཱིསསུཏྟཝཎྞནཱ
4. Gayāsīsasuttavaṇṇanā
༦༤. ཙཏུཏྠེ ཨེཏདཝོཙཱཏི ཨཏྟནོ པདྷཱནབྷཱུམིཡཾ ཨུཔྤནྣཾ ཝིཏཀྐཾ བྷིཀྑུསངྒྷསྶ ཨཱརོཙེཏུཾ – ‘‘པུབྦཱཧཾ, བྷིཀྑཝེ’’ཏིཨཱདིཝཙནཾ ཨཝོཙ། ཨོབྷཱསནྟི དིབྦཙཀྑུཉཱཎོབྷཱསཾ། ཉཱཎདསྶནནྟི དིབྦཙཀྑུབྷཱུཏཾ ཉཱཎསངྑཱཏཾ དསྶནཾ། སནྣིཝུཏྠཔུབྦནྟི ཨེཀཏོ ཝསིཏཔུབྦཾ། ཨིམསྨིཾ པན སུཏྟེ དིབྦཙཀྑུཉཱཎཾ, ཨིདྡྷིཝིདྷཉཱཎཾ, ཙེཏོཔརིཡཉཱཎཾ, ཡཐཱཀམྨུཔགཉཱཎཾ, ཨནཱགཏཾསཉཱཎཾ, པཙྩུཔྤནྣཾསཉཱཎཾ, ཨཏཱིཏཾསཉཱཎཾ, པུབྦེནིཝཱསཉཱཎནྟི ཨིམཱནི ཏཱཝ ཨཊྛ ཉཱཎཱནི པཱལི༹ཡཾཡེཝ ཨཱགཏཱནི, ཏེཧི པན སདྡྷིཾ ཝིཔསྶནཱཉཱཎཱནི ཙཏྟཱརི མགྒཉཱཎཱནི, ཙཏྟཱརི ཕལཉཱཎཱནི, ཙཏྟཱརི པཙྩཝེཀྑཎཉཱཎཱནི, ཙཏྟཱརི པཊིསམྦྷིདཱཉཱཎཱནི ཚ ཨསཱདྷཱརཎཉཱཎཱནཱིཏི ཨེཏཱནི ཉཱཎཱནི སམོདྷཱནེཏྭཱ ཀཐེནྟེན ཨེཝཾ ཨིདཾ སུཏྟཾ ཀཐིཏཾ ནཱམ ཧོཏི།
64. Catutthe etadavocāti attano padhānabhūmiyaṃ uppannaṃ vitakkaṃ bhikkhusaṅghassa ārocetuṃ – ‘‘pubbāhaṃ, bhikkhave’’tiādivacanaṃ avoca. Obhāsanti dibbacakkhuñāṇobhāsaṃ. Ñāṇadassananti dibbacakkhubhūtaṃ ñāṇasaṅkhātaṃ dassanaṃ. Sannivutthapubbanti ekato vasitapubbaṃ. Imasmiṃ pana sutte dibbacakkhuñāṇaṃ, iddhividhañāṇaṃ, cetopariyañāṇaṃ, yathākammupagañāṇaṃ, anāgataṃsañāṇaṃ, paccuppannaṃsañāṇaṃ, atītaṃsañāṇaṃ, pubbenivāsañāṇanti imāni tāva aṭṭha ñāṇāni pāḷiyaṃyeva āgatāni, tehi pana saddhiṃ vipassanāñāṇāni cattāri maggañāṇāni, cattāri phalañāṇāni, cattāri paccavekkhaṇañāṇāni, cattāri paṭisambhidāñāṇāni cha asādhāraṇañāṇānīti etāni ñāṇāni samodhānetvā kathentena evaṃ idaṃ suttaṃ kathitaṃ nāma hoti.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / ཨངྒུཏྟརནིཀཱཡ • Aṅguttaranikāya / ༤. གཡཱསཱིསསུཏྟཾ • 4. Gayāsīsasuttaṃ
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) / ༡-༥. ཨིཙྪཱསུཏྟཱདིཝཎྞནཱ • 1-5. Icchāsuttādivaṇṇanā
