| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੪. ਗਯਾਸੀਸਸੁਤ੍ਤવਣ੍ਣਨਾ
4. Gayāsīsasuttavaṇṇanā
੬੪. ਚਤੁਤ੍ਥੇ ਏਤਦવੋਚਾਤਿ ਅਤ੍ਤਨੋ ਪਧਾਨਭੂਮਿਯਂ ਉਪ੍ਪਨ੍ਨਂ વਿਤਕ੍ਕਂ ਭਿਕ੍ਖੁਸਙ੍ਘਸ੍ਸ ਆਰੋਚੇਤੁਂ – ‘‘ਪੁਬ੍ਬਾਹਂ, ਭਿਕ੍ਖવੇ’’ਤਿਆਦਿવਚਨਂ ਅવੋਚ। ਓਭਾਸਨ੍ਤਿ ਦਿਬ੍ਬਚਕ੍ਖੁਞਾਣੋਭਾਸਂ। ਞਾਣਦਸ੍ਸਨਨ੍ਤਿ ਦਿਬ੍ਬਚਕ੍ਖੁਭੂਤਂ ਞਾਣਸਙ੍ਖਾਤਂ ਦਸ੍ਸਨਂ। ਸਨ੍ਨਿવੁਤ੍ਥਪੁਬ੍ਬਨ੍ਤਿ ਏਕਤੋ વਸਿਤਪੁਬ੍ਬਂ। ਇਮਸ੍ਮਿਂ ਪਨ ਸੁਤ੍ਤੇ ਦਿਬ੍ਬਚਕ੍ਖੁਞਾਣਂ, ਇਦ੍ਧਿવਿਧਞਾਣਂ, ਚੇਤੋਪਰਿਯਞਾਣਂ, ਯਥਾਕਮ੍ਮੁਪਗਞਾਣਂ, ਅਨਾਗਤਂਸਞਾਣਂ, ਪਚ੍ਚੁਪ੍ਪਨ੍ਨਂਸਞਾਣਂ, ਅਤੀਤਂਸਞਾਣਂ, ਪੁਬ੍ਬੇਨਿવਾਸਞਾਣਨ੍ਤਿ ਇਮਾਨਿ ਤਾવ ਅਟ੍ਠ ਞਾਣਾਨਿ ਪਾਲ਼ਿਯਂਯੇવ ਆਗਤਾਨਿ, ਤੇਹਿ ਪਨ ਸਦ੍ਧਿਂ વਿਪਸ੍ਸਨਾਞਾਣਾਨਿ ਚਤ੍ਤਾਰਿ ਮਗ੍ਗਞਾਣਾਨਿ, ਚਤ੍ਤਾਰਿ ਫਲਞਾਣਾਨਿ, ਚਤ੍ਤਾਰਿ ਪਚ੍ਚવੇਕ੍ਖਣਞਾਣਾਨਿ, ਚਤ੍ਤਾਰਿ ਪਟਿਸਮ੍ਭਿਦਾਞਾਣਾਨਿ ਛ ਅਸਾਧਾਰਣਞਾਣਾਨੀਤਿ ਏਤਾਨਿ ਞਾਣਾਨਿ ਸਮੋਧਾਨੇਤ੍વਾ ਕਥੇਨ੍ਤੇਨ ਏવਂ ਇਦਂ ਸੁਤ੍ਤਂ ਕਥਿਤਂ ਨਾਮ ਹੋਤਿ।
64. Catutthe etadavocāti attano padhānabhūmiyaṃ uppannaṃ vitakkaṃ bhikkhusaṅghassa ārocetuṃ – ‘‘pubbāhaṃ, bhikkhave’’tiādivacanaṃ avoca. Obhāsanti dibbacakkhuñāṇobhāsaṃ. Ñāṇadassananti dibbacakkhubhūtaṃ ñāṇasaṅkhātaṃ dassanaṃ. Sannivutthapubbanti ekato vasitapubbaṃ. Imasmiṃ pana sutte dibbacakkhuñāṇaṃ, iddhividhañāṇaṃ, cetopariyañāṇaṃ, yathākammupagañāṇaṃ, anāgataṃsañāṇaṃ, paccuppannaṃsañāṇaṃ, atītaṃsañāṇaṃ, pubbenivāsañāṇanti imāni tāva aṭṭha ñāṇāni pāḷiyaṃyeva āgatāni, tehi pana saddhiṃ vipassanāñāṇāni cattāri maggañāṇāni, cattāri phalañāṇāni, cattāri paccavekkhaṇañāṇāni, cattāri paṭisambhidāñāṇāni cha asādhāraṇañāṇānīti etāni ñāṇāni samodhānetvā kathentena evaṃ idaṃ suttaṃ kathitaṃ nāma hoti.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੪. ਗਯਾਸੀਸਸੁਤ੍ਤਂ • 4. Gayāsīsasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੧-੫. ਇਚ੍ਛਾਸੁਤ੍ਤਾਦਿવਣ੍ਣਨਾ • 1-5. Icchāsuttādivaṇṇanā
