| Library / Tipiṭaka / తిపిటక • Tipiṭaka / మిలిన్దపఞ్హపాళి • Milindapañhapāḷi |
౪. ఘరకపోతఙ్గపఞ్హో
4. Gharakapotaṅgapañho
౪. ‘‘భన్తే నాగసేన, ‘ఘరకపోతస్స ఏకం అఙ్గం గహేతబ్బ’న్తి యం వదేసి, కతమం తం ఏకం అఙ్గం గహేతబ్బ’’న్తి? ‘‘యథా, మహారాజ, ఘరకపోతో పరగేహే వసమానో న తేసం కిఞ్చి భణ్డస్స నిమిత్తం గణ్హాతి, మజ్ఝత్తో వసతి సఞ్ఞాబహులో, ఏవమేవ ఖో, మహారాజ, యోగినా యోగావచరేన పరకులం ఉపగతేన తస్మిం కులే ఇత్థీనం వా పురిసానం వా మఞ్చే వా పీఠే వా వత్థే వా అలఙ్కారే వా ఉపభోగే వా పరిభోగే వా భోజనవికతీసు వా న నిమిత్తం గహేతబ్బం, మజ్ఝత్తేన భవితబ్బం, సమణసఞ్ఞా పచ్చుపట్ఠపేతబ్బా. ఇదం, మహారాజ, ఘరకపోతస్స ఏకం అఙ్గం గహేతబ్బం. భాసితమ్పేతం, మహారాజ, భగవతా దేవాతిదేవేన చూళనారదజాతకే –
4. ‘‘Bhante nāgasena, ‘gharakapotassa ekaṃ aṅgaṃ gahetabba’nti yaṃ vadesi, katamaṃ taṃ ekaṃ aṅgaṃ gahetabba’’nti? ‘‘Yathā, mahārāja, gharakapoto paragehe vasamāno na tesaṃ kiñci bhaṇḍassa nimittaṃ gaṇhāti, majjhatto vasati saññābahulo, evameva kho, mahārāja, yoginā yogāvacarena parakulaṃ upagatena tasmiṃ kule itthīnaṃ vā purisānaṃ vā mañce vā pīṭhe vā vatthe vā alaṅkāre vā upabhoge vā paribhoge vā bhojanavikatīsu vā na nimittaṃ gahetabbaṃ, majjhattena bhavitabbaṃ, samaṇasaññā paccupaṭṭhapetabbā. Idaṃ, mahārāja, gharakapotassa ekaṃ aṅgaṃ gahetabbaṃ. Bhāsitampetaṃ, mahārāja, bhagavatā devātidevena cūḷanāradajātake –
మితం ఖాదే మితం భుఞ్జే, న చ రూపే మనం కరే’’’తి.
Mitaṃ khāde mitaṃ bhuñje, na ca rūpe manaṃ kare’’’ti.
ఘరకపోతఙ్గపఞ్హో చతుత్థో.
Gharakapotaṅgapañho catuttho.
Footnotes:
