| Library / Tipiṭaka / තිපිටක • Tipiṭaka / මිලින්‌දපඤ්‌හපාළි • Milindapañhapāḷi |
4. ඝරකපොතඞ්‌ගපඤ්‌හො
4. Gharakapotaṅgapañho
4. ‘‘භන්‌තෙ නාගසෙන, ‘ඝරකපොතස්‌ස එකං අඞ්‌ගං ගහෙතබ්‌බ’න්‌ති යං වදෙසි, කතමං තං එකං අඞ්‌ගං ගහෙතබ්‌බ’’න්‌ති? ‘‘යථා, මහාරාජ, ඝරකපොතො පරගෙහෙ වසමානො න තෙසං කිඤ්‌චි භණ්‌ඩස්‌ස නිමිත්‌තං ගණ්‌හාති, මජ්‌ඣත්‌තො වසති සඤ්‌ඤාබහුලො, එවමෙව ඛො, මහාරාජ, යොගිනා යොගාවචරෙන පරකුලං උපගතෙන තස්‌මිං කුලෙ ඉත්‌ථීනං වා පුරිසානං වා මඤ්‌චෙ වා පීඨෙ වා වත්‌ථෙ වා අලඞ්‌කාරෙ වා උපභොගෙ වා පරිභොගෙ වා භොජනවිකතීසු වා න නිමිත්‌තං ගහෙතබ්‌බං, මජ්‌ඣත්‌තෙන භවිතබ්‌බං, සමණසඤ්‌ඤා පච්‌චුපට්‌ඨපෙතබ්‌බා. ඉදං, මහාරාජ, ඝරකපොතස්‌ස එකං අඞ්‌ගං ගහෙතබ්‌බං. භාසිතම්‌පෙතං, මහාරාජ, භගවතා දෙවාතිදෙවෙන චූළනාරදජාතකෙ –
4. ‘‘Bhante nāgasena, ‘gharakapotassa ekaṃ aṅgaṃ gahetabba’nti yaṃ vadesi, katamaṃ taṃ ekaṃ aṅgaṃ gahetabba’’nti? ‘‘Yathā, mahārāja, gharakapoto paragehe vasamāno na tesaṃ kiñci bhaṇḍassa nimittaṃ gaṇhāti, majjhatto vasati saññābahulo, evameva kho, mahārāja, yoginā yogāvacarena parakulaṃ upagatena tasmiṃ kule itthīnaṃ vā purisānaṃ vā mañce vā pīṭhe vā vatthe vā alaṅkāre vā upabhoge vā paribhoge vā bhojanavikatīsu vā na nimittaṃ gahetabbaṃ, majjhattena bhavitabbaṃ, samaṇasaññā paccupaṭṭhapetabbā. Idaṃ, mahārāja, gharakapotassa ekaṃ aṅgaṃ gahetabbaṃ. Bhāsitampetaṃ, mahārāja, bhagavatā devātidevena cūḷanāradajātake –
මිතං ඛාදෙ මිතං භුඤ්‌ජෙ, න ච රූපෙ මනං කරෙ’’’ති.
Mitaṃ khāde mitaṃ bhuñje, na ca rūpe manaṃ kare’’’ti.
ඝරකපොතඞ්‌ගපඤ්‌හො චතුත්‌ථො.
Gharakapotaṅgapañho catuttho.
Footnotes:
