| Library / Tipiṭaka / ཏིཔིཊཀ • Tipiṭaka / མིལིནྡཔཉྷཔཱལི༹ • Milindapañhapāḷi |
༤. གྷརཀཔོཏངྒཔཉྷོ
4. Gharakapotaṅgapañho
༤. ‘‘བྷནྟེ ནཱགསེན, ‘གྷརཀཔོཏསྶ ཨེཀཾ ཨངྒཾ གཧེཏབྦ’ནྟི ཡཾ ཝདེསི, ཀཏམཾ ཏཾ ཨེཀཾ ཨངྒཾ གཧེཏབྦ’’ནྟི? ‘‘ཡཐཱ, མཧཱརཱཛ, གྷརཀཔོཏོ པརགེཧེ ཝསམཱནོ ན ཏེསཾ ཀིཉྩི བྷཎྜསྶ ནིམིཏྟཾ གཎྷཱཏི, མཛ྄ཛྷཏྟོ ཝསཏི སཉྙཱབཧུལོ, ཨེཝམེཝ ཁོ, མཧཱརཱཛ, ཡོགིནཱ ཡོགཱཝཙརེན པརཀུལཾ ཨུཔགཏེན ཏསྨིཾ ཀུལེ ཨིཏྠཱིནཾ ཝཱ པུརིསཱནཾ ཝཱ མཉྩེ ཝཱ པཱིཋེ ཝཱ ཝཏྠེ ཝཱ ཨལངྐཱརེ ཝཱ ཨུཔབྷོགེ ཝཱ པརིབྷོགེ ཝཱ བྷོཛནཝིཀཏཱིསུ ཝཱ ན ནིམིཏྟཾ གཧེཏབྦཾ, མཛ྄ཛྷཏྟེན བྷཝིཏབྦཾ, སམཎསཉྙཱ པཙྩུཔཊྛཔེཏབྦཱ། ཨིདཾ, མཧཱརཱཛ, གྷརཀཔོཏསྶ ཨེཀཾ ཨངྒཾ གཧེཏབྦཾ། བྷཱསིཏམྤེཏཾ, མཧཱརཱཛ, བྷགཝཏཱ དེཝཱཏིདེཝེན ཙཱུལ༹ནཱརདཛཱཏཀེ –
4. ‘‘Bhante nāgasena, ‘gharakapotassa ekaṃ aṅgaṃ gahetabba’nti yaṃ vadesi, katamaṃ taṃ ekaṃ aṅgaṃ gahetabba’’nti? ‘‘Yathā, mahārāja, gharakapoto paragehe vasamāno na tesaṃ kiñci bhaṇḍassa nimittaṃ gaṇhāti, majjhatto vasati saññābahulo, evameva kho, mahārāja, yoginā yogāvacarena parakulaṃ upagatena tasmiṃ kule itthīnaṃ vā purisānaṃ vā mañce vā pīṭhe vā vatthe vā alaṅkāre vā upabhoge vā paribhoge vā bhojanavikatīsu vā na nimittaṃ gahetabbaṃ, majjhattena bhavitabbaṃ, samaṇasaññā paccupaṭṭhapetabbā. Idaṃ, mahārāja, gharakapotassa ekaṃ aṅgaṃ gahetabbaṃ. Bhāsitampetaṃ, mahārāja, bhagavatā devātidevena cūḷanāradajātake –
མིཏཾ ཁཱདེ མིཏཾ བྷུཉྫེ, ན ཙ རཱུཔེ མནཾ ཀརེ’’’ཏི༎
Mitaṃ khāde mitaṃ bhuñje, na ca rūpe manaṃ kare’’’ti.
གྷརཀཔོཏངྒཔཉྷོ ཙཏུཏྠོ།
Gharakapotaṅgapañho catuttho.
Footnotes:
