| Library / Tipiṭaka / ਤਿਪਿਟਕ • Tipiṭaka / ਮਿਲਿਨ੍ਦਪਞ੍ਹਪਾਲ਼ਿ • Milindapañhapāḷi |
੪. ਘਰਕਪੋਤਙ੍ਗਪਞ੍ਹੋ
4. Gharakapotaṅgapañho
੪. ‘‘ਭਨ੍ਤੇ ਨਾਗਸੇਨ, ‘ਘਰਕਪੋਤਸ੍ਸ ਏਕਂ ਅਙ੍ਗਂ ਗਹੇਤਬ੍ਬ’ਨ੍ਤਿ ਯਂ વਦੇਸਿ, ਕਤਮਂ ਤਂ ਏਕਂ ਅਙ੍ਗਂ ਗਹੇਤਬ੍ਬ’’ਨ੍ਤਿ? ‘‘ਯਥਾ, ਮਹਾਰਾਜ, ਘਰਕਪੋਤੋ ਪਰਗੇਹੇ વਸਮਾਨੋ ਨ ਤੇਸਂ ਕਿਞ੍ਚਿ ਭਣ੍ਡਸ੍ਸ ਨਿਮਿਤ੍ਤਂ ਗਣ੍ਹਾਤਿ, ਮਜ੍ਝਤ੍ਤੋ વਸਤਿ ਸਞ੍ਞਾਬਹੁਲੋ, ਏવਮੇવ ਖੋ, ਮਹਾਰਾਜ, ਯੋਗਿਨਾ ਯੋਗਾવਚਰੇਨ ਪਰਕੁਲਂ ਉਪਗਤੇਨ ਤਸ੍ਮਿਂ ਕੁਲੇ ਇਤ੍ਥੀਨਂ વਾ ਪੁਰਿਸਾਨਂ વਾ ਮਞ੍ਚੇ વਾ ਪੀਠੇ વਾ વਤ੍ਥੇ વਾ ਅਲਙ੍ਕਾਰੇ વਾ ਉਪਭੋਗੇ વਾ ਪਰਿਭੋਗੇ વਾ ਭੋਜਨવਿਕਤੀਸੁ વਾ ਨ ਨਿਮਿਤ੍ਤਂ ਗਹੇਤਬ੍ਬਂ, ਮਜ੍ਝਤ੍ਤੇਨ ਭવਿਤਬ੍ਬਂ, ਸਮਣਸਞ੍ਞਾ ਪਚ੍ਚੁਪਟ੍ਠਪੇਤਬ੍ਬਾ। ਇਦਂ, ਮਹਾਰਾਜ, ਘਰਕਪੋਤਸ੍ਸ ਏਕਂ ਅਙ੍ਗਂ ਗਹੇਤਬ੍ਬਂ। ਭਾਸਿਤਮ੍ਪੇਤਂ, ਮਹਾਰਾਜ, ਭਗવਤਾ ਦੇવਾਤਿਦੇવੇਨ ਚੂਲ਼ਨਾਰਦਜਾਤਕੇ –
4. ‘‘Bhante nāgasena, ‘gharakapotassa ekaṃ aṅgaṃ gahetabba’nti yaṃ vadesi, katamaṃ taṃ ekaṃ aṅgaṃ gahetabba’’nti? ‘‘Yathā, mahārāja, gharakapoto paragehe vasamāno na tesaṃ kiñci bhaṇḍassa nimittaṃ gaṇhāti, majjhatto vasati saññābahulo, evameva kho, mahārāja, yoginā yogāvacarena parakulaṃ upagatena tasmiṃ kule itthīnaṃ vā purisānaṃ vā mañce vā pīṭhe vā vatthe vā alaṅkāre vā upabhoge vā paribhoge vā bhojanavikatīsu vā na nimittaṃ gahetabbaṃ, majjhattena bhavitabbaṃ, samaṇasaññā paccupaṭṭhapetabbā. Idaṃ, mahārāja, gharakapotassa ekaṃ aṅgaṃ gahetabbaṃ. Bhāsitampetaṃ, mahārāja, bhagavatā devātidevena cūḷanāradajātake –
ਮਿਤਂ ਖਾਦੇ ਮਿਤਂ ਭੁਞ੍ਜੇ, ਨ ਚ ਰੂਪੇ ਮਨਂ ਕਰੇ’’’ਤਿ॥
Mitaṃ khāde mitaṃ bhuñje, na ca rūpe manaṃ kare’’’ti.
ਘਰਕਪੋਤਙ੍ਗਪਞ੍ਹੋ ਚਤੁਤ੍ਥੋ।
Gharakapotaṅgapañho catuttho.
Footnotes:
