| Library / Tipiṭaka / തിപിടക • Tipiṭaka / മിലിന്ദപഞ്ഹപാളി • Milindapañhapāḷi |
൪. ഘരകപോതങ്ഗപഞ്ഹോ
4. Gharakapotaṅgapañho
൪. ‘‘ഭന്തേ നാഗസേന, ‘ഘരകപോതസ്സ ഏകം അങ്ഗം ഗഹേതബ്ബ’ന്തി യം വദേസി, കതമം തം ഏകം അങ്ഗം ഗഹേതബ്ബ’’ന്തി? ‘‘യഥാ, മഹാരാജ, ഘരകപോതോ പരഗേഹേ വസമാനോ ന തേസം കിഞ്ചി ഭണ്ഡസ്സ നിമിത്തം ഗണ്ഹാതി, മജ്ഝത്തോ വസതി സഞ്ഞാബഹുലോ, ഏവമേവ ഖോ, മഹാരാജ, യോഗിനാ യോഗാവചരേന പരകുലം ഉപഗതേന തസ്മിം കുലേ ഇത്ഥീനം വാ പുരിസാനം വാ മഞ്ചേ വാ പീഠേ വാ വത്ഥേ വാ അലങ്കാരേ വാ ഉപഭോഗേ വാ പരിഭോഗേ വാ ഭോജനവികതീസു വാ ന നിമിത്തം ഗഹേതബ്ബം, മജ്ഝത്തേന ഭവിതബ്ബം, സമണസഞ്ഞാ പച്ചുപട്ഠപേതബ്ബാ. ഇദം, മഹാരാജ, ഘരകപോതസ്സ ഏകം അങ്ഗം ഗഹേതബ്ബം. ഭാസിതമ്പേതം, മഹാരാജ, ഭഗവതാ ദേവാതിദേവേന ചൂളനാരദജാതകേ –
4. ‘‘Bhante nāgasena, ‘gharakapotassa ekaṃ aṅgaṃ gahetabba’nti yaṃ vadesi, katamaṃ taṃ ekaṃ aṅgaṃ gahetabba’’nti? ‘‘Yathā, mahārāja, gharakapoto paragehe vasamāno na tesaṃ kiñci bhaṇḍassa nimittaṃ gaṇhāti, majjhatto vasati saññābahulo, evameva kho, mahārāja, yoginā yogāvacarena parakulaṃ upagatena tasmiṃ kule itthīnaṃ vā purisānaṃ vā mañce vā pīṭhe vā vatthe vā alaṅkāre vā upabhoge vā paribhoge vā bhojanavikatīsu vā na nimittaṃ gahetabbaṃ, majjhattena bhavitabbaṃ, samaṇasaññā paccupaṭṭhapetabbā. Idaṃ, mahārāja, gharakapotassa ekaṃ aṅgaṃ gahetabbaṃ. Bhāsitampetaṃ, mahārāja, bhagavatā devātidevena cūḷanāradajātake –
മിതം ഖാദേ മിതം ഭുഞ്ജേ, ന ച രൂപേ മനം കരേ’’’തി.
Mitaṃ khāde mitaṃ bhuñje, na ca rūpe manaṃ kare’’’ti.
ഘരകപോതങ്ഗപഞ്ഹോ ചതുത്ഥോ.
Gharakapotaṅgapañho catuttho.
Footnotes:
