| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[355] 5. гхадаж̇аад̇агаван̣н̣анаа
[355] 5. Ghaṭajātakavaṇṇanā
ан̃н̃з сожанд̇и род̣̇анд̇ийд̇и ид̣̇ам̣ сад̇т̇аа ж̇зд̇аванз вихаранд̇о госаларан̃н̃о згам̣ амажжам̣ аараб̣бха гат̇зси. вад̇т̇у хздтаа гат̇ид̇асад̣̇исамзва. ид̇ха бана рааж̇аа ад̇д̇ано убагаарассса амажжасса маханд̇ам̣ яасам̣ д̣̇ад̇ваа барибхзд̣̇агаанам̣ гат̇ам̣ г̇ахзд̇ваа д̇ам̣ б̣анд̇хаабзд̇ваа б̣анд̇ханааг̇аарз бавзсзси. со д̇ад̇т̇а нисиннова сод̇аабад̇д̇имаг̇г̇ам̣ ниб̣б̣ад̇д̇зси. рааж̇аа д̇асса г̇ун̣ам̣ саллагкзд̇ваа можаабзси. со г̇анд̇хамаалам̣ аад̣̇ааяа сад̇т̇у санд̇игам̣ г̇анд̇ваа ванд̣̇ид̇ваа нисийд̣̇и. ат̇а нам̣ сад̇т̇аа ‘‘анад̇т̇о гира д̇з уббанно’’д̇и бужчид̇ваа ‘‘аама, бханд̇з, анад̇т̇зна бана мз ад̇т̇о ааг̇ад̇о, сод̇аабад̇д̇имаг̇г̇о ниб̣б̣ад̇д̇о’’д̇и вуд̇д̇з ‘‘на ко, убаасага, д̇ван̃н̃зва анад̇т̇зна ад̇т̇ам̣ аахари, бораан̣агабан̣д̣ид̇ааби аахарим̣суу’’д̇и вад̇ваа д̇зна яаажид̇о ад̇ийд̇ам̣ аахари.
Aññesocanti rodantīti idaṃ satthā jetavane viharanto kosalarañño ekaṃ amaccaṃ ārabbha kathesi. Vatthu heṭṭhā kathitasadisameva. Idha pana rājā attano upakārasssa amaccassa mahantaṃ yasaṃ datvā paribhedakānaṃ kathaṃ gahetvā taṃ bandhāpetvā bandhanāgāre pavesesi. So tattha nisinnova sotāpattimaggaṃ nibbattesi. Rājā tassa guṇaṃ sallakkhetvā mocāpesi. So gandhamālaṃ ādāya satthu santikaṃ gantvā vanditvā nisīdi. Atha naṃ satthā ‘‘anattho kira te uppanno’’ti pucchitvā ‘‘āma, bhante, anatthena pana me attho āgato, sotāpattimaggo nibbatto’’ti vutte ‘‘na kho, upāsaka, tvaññeva anatthena atthaṃ āhari, porāṇakapaṇḍitāpi āhariṃsū’’ti vatvā tena yācito atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о д̇асса аг̇г̇амахзсияаа гужчимхи ниб̣б̣ад̇д̇и, ‘‘гхадагумааро’’д̇исса наамам̣ гарим̣су. со абарзна самаязна д̇аггасилааяам̣ уг̇г̇ахид̇асиббо д̇хаммзна раж̇ж̇ам̣ гаарзси. д̇асса анд̇збурз зго амажжо д̣̇уб̣бхи. со д̇ам̣ бажжагкад̇о н̃ад̇ваа радтаа баб̣б̣ааж̇зси. д̇ад̣̇аа саавад̇т̇ияам̣ д̇хан̇гарааж̇аа наама раж̇ж̇ам̣ гаарзси. со д̇асса санд̇игам̣ г̇анд̇ваа д̇ам̣ убадтахид̇ваа хздтаа вуд̇д̇анаязна ад̇д̇ано важанам̣ г̇аахаабзд̇ваа б̣аараан̣асираж̇ж̇ам̣ г̇ан̣хаабзси. соби раж̇ж̇ам̣ г̇ахзд̇ваа б̣од̇хисад̇д̇ам̣ сан̇калигаахи б̣анд̇хаабзд̇ваа б̣анд̇ханааг̇аарам̣ бавзсзси. б̣од̇хисад̇д̇о жхаанам̣ ниб̣б̣ад̇д̇зд̇ваа аагаасз баллан̇гзна нисийд̣̇и, д̇хан̇гасса сарийрз д̣аахо уббаж̇ж̇и. со г̇анд̇ваа б̣од̇хисад̇д̇асса суван̣н̣аад̣̇аасапуллабад̣̇умасассиригам̣ мукам̣ д̣̇исваа б̣од̇хисад̇д̇ам̣ бужчанд̇о батамам̣ г̇аат̇амааха –
Atīte bārāṇasiyaṃ brahmadatte rajjaṃ kārente bodhisatto tassa aggamahesiyā kucchimhi nibbatti, ‘‘ghaṭakumāro’’tissa nāmaṃ kariṃsu. So aparena samayena takkasilāyaṃ uggahitasippo dhammena rajjaṃ kāresi. Tassa antepure eko amacco dubbhi. So taṃ paccakkhato ñatvā raṭṭhā pabbājesi. Tadā sāvatthiyaṃ dhaṅkarājā nāma rajjaṃ kāresi. So tassa santikaṃ gantvā taṃ upaṭṭhahitvā heṭṭhā vuttanayena attano vacanaṃ gāhāpetvā bārāṇasirajjaṃ gaṇhāpesi. Sopi rajjaṃ gahetvā bodhisattaṃ saṅkhalikāhi bandhāpetvā bandhanāgāraṃ pavesesi. Bodhisatto jhānaṃ nibbattetvā ākāse pallaṅkena nisīdi, dhaṅkassa sarīre ḍāho uppajji. So gantvā bodhisattassa suvaṇṇādāsaphullapadumasassirikaṃ mukhaṃ disvā bodhisattaṃ pucchanto paṭhamaṃ gāthamāha –
29.
29.
‘‘ан̃н̃з сожанд̇и род̣̇анд̇и, ан̃н̃з ассумукаа ж̇анаа;
‘‘Aññe socanti rodanti, aññe assumukhā janā;
басаннамукаван̣н̣оси, гасмаа гхада на сожасий’’д̇и.
Pasannamukhavaṇṇosi, kasmā ghaṭa na socasī’’ti.
д̇ад̇т̇а ан̃н̃зд̇и д̇ам̣ табзд̇ваа сзсамануссаа.
Tattha aññeti taṃ ṭhapetvā sesamanussā.
ат̇асса б̣од̇хисад̇д̇о асожанагааран̣ам̣ гат̇знд̇о жад̇ассо г̇аат̇аа абхааси –
Athassa bodhisatto asocanakāraṇaṃ kathento catasso gāthā abhāsi –
30.
30.
‘‘нааб̣бхад̇ийд̇ахаро сого, наанааг̇ад̇асукаавахо;
‘‘Nābbhatītaharo soko, nānāgatasukhāvaho;
д̇асмаа д̇хан̇га на сожаами, над̇т̇и согз д̣̇уд̇ийяад̇аа.
Tasmā dhaṅka na socāmi, natthi soke dutīyatā.
31.
31.
‘‘сожам̣ бан̣д̣у гисо ход̇и, бхад̇д̇ан̃жасса на ружжад̇и;
‘‘Socaṃ paṇḍu kiso hoti, bhattañcassa na ruccati;
амид̇д̇аа суманаа хонд̇и, саллавид̣̇д̇хасса руббад̇о.
Amittā sumanā honti, sallaviddhassa ruppato.
32.
32.
‘‘г̇аамз ваа яад̣̇и вааран̃н̃з, ниннз ваа яад̣̇и ваа т̇алз;
‘‘Gāme vā yadi vāraññe, ninne vā yadi vā thale;
тид̇ам̣ мам̣ нааг̇амиссад̇и, звам̣ д̣̇идтабад̣̇о ахам̣.
Ṭhitaṃ maṃ nāgamissati, evaṃ diṭṭhapado ahaṃ.
33.
33.
‘‘яассад̇д̇аа нааламзгова, саб̣б̣агаамарасаахаро;
‘‘Yassattā nālamekova, sabbakāmarasāharo;
саб̣б̣ааби бат̇авий д̇асса, на сукам̣ аавахиссад̇ий’’д̇и.
Sabbāpi pathavī tassa, na sukhaṃ āvahissatī’’ti.
д̇ад̇т̇а нааб̣бхад̇ийд̇ахарод̇и нааб̣бхад̇ийд̇аахааро, аяамзва ваа баато. сого наама аб̣бхад̇ийд̇ам̣ ад̇игганд̇ам̣ нируд̣̇д̇хам̣ ад̇т̇ан̇г̇ад̇ам̣ буна наахарад̇и. д̣̇уд̇ийяад̇аад̇и сахааяад̇аа. ад̇ийд̇аахаран̣зна ваа анааг̇ад̇аахаран̣зна ваа сого наама гассажи сахааяо на ход̇и, д̇знааби гааран̣знаахам̣ на сожаамийд̇и вад̣̇ад̇и. сожанд̇и сожанд̇о. саллавид̣̇д̇хасса руббад̇од̇и согасаллзна вид̣̇д̇хасса д̇знзва гхаддияамаанассса ‘‘д̣̇идтаа вад̇а но бажжаамид̇д̇асса бидтий’’д̇и амид̇д̇аа суманаа хонд̇ийд̇и ад̇т̇о.
Tattha nābbhatītaharoti nābbhatītāhāro, ayameva vā pāṭho. Soko nāma abbhatītaṃ atikkantaṃ niruddhaṃ atthaṅgataṃ puna nāharati. Dutīyatāti sahāyatā. Atītāharaṇena vā anāgatāharaṇena vā soko nāma kassaci sahāyo na hoti, tenāpi kāraṇenāhaṃ na socāmīti vadati. Socanti socanto. Sallaviddhassa ruppatoti sokasallena viddhassa teneva ghaṭṭiyamānasssa ‘‘diṭṭhā vata no paccāmittassa piṭṭhī’’ti amittā sumanā hontīti attho.
тид̇ам̣ мам̣ нааг̇амиссад̇ийд̇и самма д̇хан̇гарааж̇а, зд̇зсу г̇аамаад̣̇ийсу яад̇т̇а гад̇т̇ажи тид̇ам̣ мам̣ бан̣д̣угисабхааваад̣̇игам̣ согамуулагам̣ б̣яасанам̣ на ааг̇амиссад̇и. звам̣ д̣̇идтабад̣̇од̇и яат̇аа д̇ам̣ б̣яасанам̣ нааг̇ажчад̇и, звам̣ маяаа жхаанабад̣̇ам̣ д̣̇идтам̣. ‘‘адталогад̇хаммабад̣̇а’’нд̇иби вад̣̇анд̇иязва . баал̣ияам̣ бана ‘‘на мад̇д̇ам̣ нааг̇амиссад̇ий’’д̇и ликид̇ам̣, д̇ам̣ адтагат̇ааяам̣ над̇т̇и. барияосаанаг̇аат̇ааяа ижчид̇абад̇т̇ид̇ад̇т̇зна жхаанасукасан̇каад̇ам̣ саб̣б̣агаамарасам̣ аахарад̇ийд̇и саб̣б̣агаамарасаахаро. ид̣̇ам̣ вуд̇д̇ам̣ ход̇и – яасса ран̃н̃о бахааяа ан̃н̃асахааяз ад̇д̇аава зго саб̣б̣агаамарасаахаро наалам̣, саб̣б̣ам̣ жхаанасукасан̇каад̇ам̣ гаамарасам̣ аахарид̇ум̣ асамад̇т̇о, д̇асса ран̃н̃о саб̣б̣ааби бат̇авий на сукам̣ аавахиссад̇и. гаамаад̇урасса хи сукам̣ наама над̇т̇и, яо бана гилзсад̣̇арат̇арахид̇ам̣ жхаанасукам̣ аахарид̇ум̣ самад̇т̇о, со рааж̇аа сукий ход̇ийд̇и. яо банзд̇ааяа г̇аат̇ааяа ‘‘яассад̇т̇аа нааламзго’’д̇иби баато, д̇ассад̇т̇о на д̣̇иссад̇и.
Ṭhitaṃ maṃ nāgamissatīti samma dhaṅkarāja, etesu gāmādīsu yattha katthaci ṭhitaṃ maṃ paṇḍukisabhāvādikaṃ sokamūlakaṃ byasanaṃ na āgamissati. Evaṃ diṭṭhapadoti yathā taṃ byasanaṃ nāgacchati, evaṃ mayā jhānapadaṃ diṭṭhaṃ. ‘‘Aṭṭhalokadhammapada’’ntipi vadantiyeva . Pāḷiyaṃ pana ‘‘na mattaṃ nāgamissatī’’ti likhitaṃ, taṃ aṭṭhakathāyaṃ natthi. Pariyosānagāthāya icchitapatthitatthena jhānasukhasaṅkhātaṃ sabbakāmarasaṃ āharatīti sabbakāmarasāharo. Idaṃ vuttaṃ hoti – yassa rañño pahāya aññasahāye attāva eko sabbakāmarasāharo nālaṃ, sabbaṃ jhānasukhasaṅkhātaṃ kāmarasaṃ āharituṃ asamattho, tassa rañño sabbāpi pathavī na sukhaṃ āvahissati. Kāmāturassa hi sukhaṃ nāma natthi, yo pana kilesadaratharahitaṃ jhānasukhaṃ āharituṃ samattho, so rājā sukhī hotīti. Yo panetāya gāthāya ‘‘yassatthā nālameko’’tipi pāṭho, tassattho na dissati.
ид̇и д̇хан̇го имаа жад̇ассо г̇аат̇аа суд̇ваа б̣од̇хисад̇д̇ам̣ камаабзд̇ваа раж̇ж̇ам̣ бадижчаабзд̇ваа баггаами. б̣од̇хисад̇д̇оби раж̇ж̇ам̣ амажжаанам̣ бадинияяаад̣̇зд̇ваа химаванд̇абад̣̇зсам̣ г̇анд̇ваа исибаб̣б̣аж̇ж̇ам̣ баб̣б̣аж̇ид̇ваа абарихийнаж̇жхаано б̣рахмалогабарааяан̣о ахоси.
Iti dhaṅko imā catasso gāthā sutvā bodhisattaṃ khamāpetvā rajjaṃ paṭicchāpetvā pakkāmi. Bodhisattopi rajjaṃ amaccānaṃ paṭiniyyādetvā himavantapadesaṃ gantvā isipabbajjaṃ pabbajitvā aparihīnajjhāno brahmalokaparāyaṇo ahosi.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа д̇хан̇гарааж̇аа аананд̣̇о ахоси, гхадарааж̇аа бана ахамзва ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi – ‘‘tadā dhaṅkarājā ānando ahosi, ghaṭarājā pana ahameva ahosi’’nti.
гхадаж̇аад̇агаван̣н̣анаа бан̃жамаа.
Ghaṭajātakavaṇṇanā pañcamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 355. гхадаж̇аад̇агам̣ • 355. Ghaṭajātakaṃ
