| Library / Tipiṭaka / д̇ибидага • Tipiṭaka / ж̇аад̇агабаал̣и • Jātakapāḷi |
454. гхадабан̣д̣ид̇аж̇аад̇агам̣ (16)
454. Ghaṭapaṇḍitajātakaṃ (16)
165.
165.
удтзхи ган̣ха гим̣ сзси, го ад̇т̇о субанзна д̇з;
Uṭṭhehi kaṇha kiṃ sesi, ko attho supanena te;
д̇асса ваад̇аа б̣алийяанд̇и, гхадо ж̇аббад̇и 5 гзсава.
Tassa vātā balīyanti, ghaṭo jappati 6 kesava.
166.
166.
д̇асса д̇ам̣ важанам̣ суд̇ваа, рохин̣зяяасса гзсаво;
Tassa taṃ vacanaṃ sutvā, rohiṇeyyassa kesavo;
д̇арамаанаруубо вудтааси, бхаад̇усогзна аддид̇о.
Taramānarūpo vuṭṭhāsi, bhātusokena aṭṭito.
167.
167.
гим̣ ну уммад̇д̇аруубова, гзвалам̣ д̣̇ваарагам̣ имам̣;
Kiṃ nu ummattarūpova, kevalaṃ dvārakaṃ imaṃ;
сасо сасод̇и лабаси, го ну д̇з сасамаахари.
Saso sasoti lapasi, ko nu te sasamāhari.
168.
168.
сован̣н̣амаяам̣ ман̣иймаяам̣, лохамаяам̣ ат̇а руубияаамаяам̣;
Sovaṇṇamayaṃ maṇīmayaṃ, lohamayaṃ atha rūpiyāmayaṃ;
сан̇касилаабаваал̣амаяам̣, гаараяиссаами д̇з сасам̣.
Saṅkhasilāpavāḷamayaṃ, kārayissāmi te sasaṃ.
169.
169.
санд̇и ан̃н̃зби сасагаа, аран̃н̃з ванаг̇ожараа;
Santi aññepi sasakā, araññe vanagocarā;
д̇зби д̇з аанаяиссаами, гийд̣̇исам̣ сасамижчаси.
Tepi te ānayissāmi, kīdisaṃ sasamicchasi.
170.
170.
жанд̣̇ад̇о сасамижчаами, д̇ам̣ мз охара гзсава.
Candato sasamicchāmi, taṃ me ohara kesava.
171.
171.
со нууна мад̇хурам̣ н̃аад̇и, ж̇ийвид̇ам̣ виж̇ахиссаси;
So nūna madhuraṃ ñāti, jīvitaṃ vijahissasi;
абад̇т̇ияам̣ яо бад̇т̇аяаси, жанд̣̇ад̇о сасамижчаси.
Apatthiyaṃ yo patthayasi, candato sasamicchasi.
172.
172.
звам̣ жз ган̣ха ж̇аанааси, яад̣̇ан̃н̃аманусаасаси;
Evaṃ ce kaṇha jānāsi, yadaññamanusāsasi;
гасмаа бурз мад̇ам̣ буд̇д̇ам̣, аж̇ж̇ааби манусожаси.
Kasmā pure mataṃ puttaṃ, ajjāpi manusocasi.
173.
173.
ж̇аад̇о мз маа марий буд̇д̇о, гуд̇о лаб̣бхаа алаб̣бхияам̣.
Jāto me mā marī putto, kuto labbhā alabbhiyaṃ.
174.
174.
на манд̇аа муулабхзсаж̇ж̇аа, осад̇хзхи д̇ханзна ваа;
Na mantā mūlabhesajjā, osadhehi dhanena vā;
саггаа аанаяид̇ум̣ ган̣ха, яам̣ бзд̇аманусожаси.
Sakkā ānayituṃ kaṇha, yaṃ petamanusocasi.
175.
175.
яасса зд̇аад̣̇исаа ассу, амажжаа бурисабан̣д̣ид̇аа;
Yassa etādisā assu, amaccā purisapaṇḍitā;
яат̇аа ниж̇жхаабаяз аж̇ж̇а, гхадо бурисабан̣д̣ид̇о.
Yathā nijjhāpaye ajja, ghaṭo purisapaṇḍito.
176.
176.
аад̣̇ид̇д̇ам̣ вад̇а мам̣ санд̇ам̣, гхад̇асид̇д̇ам̣ва баавагам̣;
Ādittaṃ vata maṃ santaṃ, ghatasittaṃva pāvakaṃ;
вааринаа вияа осин̃жам̣, саб̣б̣ам̣ ниб̣б̣аабаяз д̣̇арам̣.
Vārinā viya osiñcaṃ, sabbaṃ nibbāpaye daraṃ.
177.
177.
аб̣б̣ахий вад̇а мз саллам̣, яамааси хад̣̇аяассид̇ам̣;
Abbahī vata me sallaṃ, yamāsi hadayassitaṃ;
яо мз согабарзд̇асса, буд̇д̇асогам̣ абаануд̣̇и.
Yo me sokaparetassa, puttasokaṃ apānudi.
178.
178.
сохам̣ аб̣б̣уул̣хасаллосми, вийд̇асого анаавило;
Sohaṃ abbūḷhasallosmi, vītasoko anāvilo;
179.
179.
звам̣ гаронд̇и саббан̃н̃аа, яз хонд̇и анугамбагаа;
Evaṃ karonti sappaññā, ye honti anukampakā;
нивад̇д̇аяанд̇и согамхаа, гхадо ж̇здтам̣ва бхаад̇аранд̇и.
Nivattayanti sokamhā, ghaṭo jeṭṭhaṃva bhātaranti.
гхадабан̣д̣ид̇аж̇аад̇агам̣ сол̣асамам̣.
Ghaṭapaṇḍitajātakaṃ soḷasamaṃ.
д̣̇асаганибаад̇ам̣ нидтид̇ам̣.
Dasakanipātaṃ niṭṭhitaṃ.
д̇ассуд̣̇д̣̇аанам̣ –
Tassuddānaṃ –
д̣̇ал̣ха ган̣ха д̇ханан̃ж̇аяа сан̇каваро, раж̇а сад̇д̇аха гасса жа 15 д̇аггалинаа;
Daḷha kaṇha dhanañjaya saṅkhavaro, raja sattaha kassa ca 16 takkalinā;
д̇хаммам̣ гуггуда гун̣д̣али бхож̇анад̣̇аа, жаггаваага субхууриса сод̇т̇и гхадод̇и.
Dhammaṃ kukkuṭa kuṇḍali bhojanadā, cakkavāka subhūrisa sotthi ghaṭoti.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / ж̇аад̇ага-адтагат̇аа • Jātaka-aṭṭhakathā / [454] 16. гхадабан̣д̣ид̇аж̇аад̇агаван̣н̣анаа • [454] 16. Ghaṭapaṇḍitajātakavaṇṇanā
