| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[133] 3. гхад̇аасанаж̇аад̇агаван̣н̣анаа
[133] 3. Ghatāsanajātakavaṇṇanā
кзмам̣ яахинд̇и ид̣̇ам̣ сад̇т̇аа ж̇зд̇аванз вихаранд̇о ан̃н̃ад̇арам̣ бхигкум̣ аараб̣бха гат̇зси. со хи бхигку сад̇т̇у санд̇игз гаммадтаанам̣ г̇ахзд̇ваа бажжанд̇ам̣ г̇анд̇ваа згам̣ г̇аамагам̣ убаниссааяа аран̃н̃асзнаасанз вассам̣ убаг̇ан̃чи. д̇асса батамамаасзязва бин̣д̣ааяа бавидтасса бан̣н̣асаалаа жхааяид̇т̇а. со васанадтаанаабхаавзна гиламанд̇о убадтаагаанам̣ аажигки. д̇з ‘‘ход̇у, бханд̇з, бан̣н̣асаалам̣ гариссаама, гасаама д̇аава, вабаама д̇ааваа’’д̇иаад̣̇ийни вад̣̇анд̇аа д̇змаасам̣ вийд̇инаамзсум̣. со сзнаасанасаббааяаабхаавзна гаммадтаанам̣ мад̇т̇агам̣ баабзд̇ум̣ наасагки. со нимид̇д̇амад̇д̇амби ануббаад̣̇зд̇ваа вуд̇т̇авассо ж̇зд̇аванам̣ г̇анд̇ваа сад̇т̇аарам̣ ванд̣̇ид̇ваа згаманд̇ам̣ нисийд̣̇и. сад̇т̇аа д̇зна сад̣̇д̇хим̣ бадисант̇аарам̣ гад̇ваа ‘‘гим̣ ну ко д̇з, бхигку, гаммадтаанам̣ саббааяам̣ ж̇аад̇а’’нд̇и бужчи. со аад̣̇ид̇о бадтааяа асаббааяабхаавам̣ гат̇зси. сад̇т̇аа ‘‘буб̣б̣з ко, бхигку, д̇иражчаанааби ад̇д̇ано саббааяаасаббааяам̣ н̃ад̇ваа саббааяагаалз васид̇ваа асаббааяагаалз васанадтаанам̣ бахааяа ан̃н̃ад̇т̇а аг̇амам̣су, д̇вам̣ гасмаа ад̇д̇ано саббааяаасаббааяам̣ на ан̃н̃аасий’’д̇и вад̇ваа д̇зна яаажид̇о ад̇ийд̇ам̣ аахари.
Khemaṃyahinti idaṃ satthā jetavane viharanto aññataraṃ bhikkhuṃ ārabbha kathesi. So hi bhikkhu satthu santike kammaṭṭhānaṃ gahetvā paccantaṃ gantvā ekaṃ gāmakaṃ upanissāya araññasenāsane vassaṃ upagañchi. Tassa paṭhamamāseyeva piṇḍāya paviṭṭhassa paṇṇasālā jhāyittha. So vasanaṭṭhānābhāvena kilamanto upaṭṭhākānaṃ ācikkhi. Te ‘‘hotu, bhante, paṇṇasālaṃ karissāma, kasāma tāva, vapāma tāvā’’tiādīni vadantā temāsaṃ vītināmesuṃ. So senāsanasappāyābhāvena kammaṭṭhānaṃ matthakaṃ pāpetuṃ nāsakkhi. So nimittamattampi anuppādetvā vutthavasso jetavanaṃ gantvā satthāraṃ vanditvā ekamantaṃ nisīdi. Satthā tena saddhiṃ paṭisanthāraṃ katvā ‘‘kiṃ nu kho te, bhikkhu, kammaṭṭhānaṃ sappāyaṃ jāta’’nti pucchi. So ādito paṭṭhāya asappāyabhāvaṃ kathesi. Satthā ‘‘pubbe kho, bhikkhu, tiracchānāpi attano sappāyāsappāyaṃ ñatvā sappāyakāle vasitvā asappāyakāle vasanaṭṭhānaṃ pahāya aññattha agamaṃsu, tvaṃ kasmā attano sappāyāsappāyaṃ na aññāsī’’ti vatvā tena yācito atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о сагун̣аяонияам̣ ниб̣б̣ад̇д̇ид̇ваа вин̃н̃уд̇ам̣ бад̇ваа собхаг̇г̇аббад̇д̇о сагун̣арааж̇аа худ̇ваа згасмим̣ аран̃н̃ааяад̇анз ж̇аад̇ассарад̇ийрз саакаавидабасамбаннам̣ б̣ахалабад̇д̇абалаасам̣ махааругкам̣ убаниссааяа сабаривааро ваасам̣ габбзси. б̣ахуу сагун̣аа д̇асса ругкасса уд̣̇агамад̇т̇агз бад̇т̇адасаакаасу васанд̇аа сарийравал̣ан̃ж̇ам̣ уд̣̇агз баад̇знд̇и. д̇асмин̃жа ж̇аад̇ассарз жан̣д̣о нааг̇арааж̇аа васад̇и. д̇асса зд̇ад̣̇ахоси ‘‘имз сагун̣аа маяхам̣ ниваасз ж̇аад̇ассарз сарийравал̣ан̃ж̇ам̣ баад̇знд̇и, яам̣нуунаахам̣ уд̣̇агад̇о аг̇г̇им̣ удтаабзд̇ваа ругкам̣ жхаабзд̇ваа зд̇з балаабзяяа’’нд̇и. со гуд̣̇д̇хамаанасо рад̇д̇ибхааг̇з саб̣б̣зсам̣ сагун̣аанам̣ саннибад̇ид̇ваа ругкасаакаасу нибаннагаалз батамам̣ д̇аава уд̣̇д̇ханааробид̇ам̣ вияа уд̣̇агам̣ баггуд̇хаабзд̇ваа д̣̇уд̇ияаваарз д̇хуумам̣ удтаабзд̇ваа д̇ад̇ияаваарз д̇аалагканд̇хаббамаан̣ам̣ ж̇аалам̣ удтаабзси. б̣од̇хисад̇д̇о уд̣̇агад̇о ж̇аалам̣ удтахамаанам̣ д̣̇исваа ‘‘бхо, сагун̣аа, аг̇г̇инаа аад̣̇ид̇д̇ам̣ наама уд̣̇агзна ниб̣б̣аабзнд̇и, ид̣̇аани бана уд̣̇агамзва аад̣̇ид̇д̇ам̣. на саггаа амхзхи ид̇ха васид̇ум̣, ан̃н̃ад̇т̇а г̇амиссаамаа’’д̇и вад̇ваа имам̣ г̇аат̇амааха –
Atīte bārāṇasiyaṃ brahmadatte rajjaṃ kārente bodhisatto sakuṇayoniyaṃ nibbattitvā viññutaṃ patvā sobhaggappatto sakuṇarājā hutvā ekasmiṃ araññāyatane jātassaratīre sākhāviṭapasampannaṃ bahalapattapalāsaṃ mahārukkhaṃ upanissāya saparivāro vāsaṃ kappesi. Bahū sakuṇā tassa rukkhassa udakamatthake patthaṭasākhāsu vasantā sarīravaḷañjaṃ udake pātenti. Tasmiñca jātassare caṇḍo nāgarājā vasati. Tassa etadahosi ‘‘ime sakuṇā mayhaṃ nivāse jātassare sarīravaḷañjaṃ pātenti, yaṃnūnāhaṃ udakato aggiṃ uṭṭhāpetvā rukkhaṃ jhāpetvā ete palāpeyya’’nti. So kuddhamānaso rattibhāge sabbesaṃ sakuṇānaṃ sannipatitvā rukkhasākhāsu nipannakāle paṭhamaṃ tāva uddhanāropitaṃ viya udakaṃ pakkudhāpetvā dutiyavāre dhūmaṃ uṭṭhāpetvā tatiyavāre tālakkhandhappamāṇaṃ jālaṃ uṭṭhāpesi. Bodhisatto udakato jālaṃ uṭṭhahamānaṃ disvā ‘‘bho, sakuṇā, agginā ādittaṃ nāma udakena nibbāpenti, idāni pana udakameva ādittaṃ. Na sakkā amhehi idha vasituṃ, aññattha gamissāmā’’ti vatvā imaṃ gāthamāha –
133.
133.
‘‘кзмам̣ яахим̣ д̇ад̇т̇а арий уд̣̇ийрид̇о, д̣̇агасса маж̇жхз ж̇алад̇з гхад̇аасано;
‘‘Khemaṃ yahiṃ tattha arī udīrito, dakassa majjhe jalate ghatāsano;
на аж̇ж̇а ваасо махияаа махийрухз, д̣̇исаа бхаж̇авхо саран̣ааж̇ж̇а нобхаяа’’нд̇и.
Na ajja vāso mahiyā mahīruhe, disā bhajavho saraṇājja nobhaya’’nti.
д̇ад̇т̇а кзмам̣ яахим̣ д̇ад̇т̇а арий уд̣̇ийрид̇од̇и яасмим̣ уд̣̇агабидтз кзмабхааво ниб̣бхаяабхааво, д̇асмим̣ ад̇д̇абажжад̇т̇иго сабад̇д̇о удтид̇о. д̣̇агассаад̇и уд̣̇агасса. гхад̇аасанод̇и аг̇г̇и. со хи гхад̇ам̣ аснаад̇и, д̇асмаа ‘‘гхад̇аасано’’д̇и вужжад̇и. на аж̇ж̇а ваасод̇и аж̇ж̇а но ваасо над̇т̇и. махияаа махийрухзд̇и махирухо вужжад̇и ругко, д̇асмим̣ имиссаа махияаа ж̇аад̇з ругкзд̇и ад̇т̇о. д̣̇исаа бхаж̇авход̇и д̣̇исаа бхаж̇ат̇а г̇ажчат̇а. саран̣ааж̇ж̇а но бхаяанд̇и аж̇ж̇а амхаагам̣ саран̣ад̇о бхаяам̣ ж̇аад̇ам̣, бадисаран̣адтаанад̇о бхаяам̣ уббаннанд̇и ад̇т̇о.
Tattha khemaṃ yahiṃ tattha arī udīritoti yasmiṃ udakapiṭṭhe khemabhāvo nibbhayabhāvo, tasmiṃ attapaccatthiko sapatto uṭṭhito. Dakassāti udakassa. Ghatāsanoti aggi. So hi ghataṃ asnāti, tasmā ‘‘ghatāsano’’ti vuccati. Na ajja vāsoti ajja no vāso natthi. Mahiyā mahīruheti mahiruho vuccati rukkho, tasmiṃ imissā mahiyā jāte rukkheti attho. Disā bhajavhoti disā bhajatha gacchatha. Saraṇājja no bhayanti ajja amhākaṃ saraṇato bhayaṃ jātaṃ, paṭisaraṇaṭṭhānato bhayaṃ uppannanti attho.
звам̣ вад̇ваа б̣од̇хисад̇д̇о ад̇д̇ано важанагарз сагун̣з аад̣̇ааяа уббад̇ид̇ваа ан̃н̃ад̇т̇а г̇ад̇о. б̣од̇хисад̇д̇асса важанам̣ аг̇г̇ахзд̇ваа тид̇асагун̣аа ж̇ийвид̇агкаяам̣ бад̇д̇аа.
Evaṃ vatvā bodhisatto attano vacanakare sakuṇe ādāya uppatitvā aññattha gato. Bodhisattassa vacanaṃ aggahetvā ṭhitasakuṇā jīvitakkhayaṃ pattā.
сад̇т̇аа имам̣ д̇хаммад̣̇зсанам̣ аахарид̇ваа сажжаани багаасзд̇ваа ж̇аад̇агам̣ самод̇хаанзси, сажжабарияосаанз со бхигку арахад̇д̇з бад̇идтааси.
Satthā imaṃ dhammadesanaṃ āharitvā saccāni pakāsetvā jātakaṃ samodhānesi, saccapariyosāne so bhikkhu arahatte patiṭṭhāsi.
д̇ад̣̇аа б̣од̇хисад̇д̇асса важанагараа сагун̣аа б̣уд̣̇д̇хабарисаа ахзсум̣, сагун̣арааж̇аа бана ахамзва ахосинд̇и.
Tadā bodhisattassa vacanakarā sakuṇā buddhaparisā ahesuṃ, sakuṇarājā pana ahameva ahosinti.
гхад̇аасанаж̇аад̇агаван̣н̣анаа д̇ад̇ияаа.
Ghatāsanajātakavaṇṇanā tatiyā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 133. гхад̇аасанаж̇аад̇агам̣ • 133. Ghatāsanajātakaṃ
