| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
3. гхадасуд̇д̇ам̣
3. Ghaṭasuttaṃ
237. звам̣ мз суд̇ам̣ – згам̣ самаяам̣ бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна ааяасмаа жа саарибуд̇д̇о ааяасмаа жа махаамог̇г̇аллаано рааж̇аг̇ахз вихаранд̇и взл̣уванз галанд̣̇аганиваабз згавихаарз. ат̇а ко ааяасмаа саарибуд̇д̇о сааяанхасамаяам̣ бадисаллаанаа вудтид̇о язнааяасмаа махаамог̇г̇аллаано д̇знубасан̇гами; убасан̇гамид̇ваа ааяасмад̇аа махаамог̇г̇аллаанзна сад̣̇д̇хим̣ саммод̣̇и. саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇и. згаманд̇ам̣ нисинно ко ааяасмаа саарибуд̇д̇о ааяасманд̇ам̣ махаамог̇г̇аллаанам̣ зд̇ад̣̇авожа –
237. Evaṃ me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena āyasmā ca sāriputto āyasmā ca mahāmoggallāno rājagahe viharanti veḷuvane kalandakanivāpe ekavihāre. Atha kho āyasmā sāriputto sāyanhasamayaṃ paṭisallānā vuṭṭhito yenāyasmā mahāmoggallāno tenupasaṅkami; upasaṅkamitvā āyasmatā mahāmoggallānena saddhiṃ sammodi. Sammodanīyaṃ kathaṃ sāraṇīyaṃ vītisāretvā ekamantaṃ nisīdi. Ekamantaṃ nisinno kho āyasmā sāriputto āyasmantaṃ mahāmoggallānaṃ etadavoca –
‘‘виббасаннаани ко д̇з, аавусо мог̇г̇аллаана, инд̣̇рияаани; барисуд̣̇д̇хо мукаван̣н̣о барияод̣̇аад̇о санд̇зна нуунааяасмаа махаамог̇г̇аллаано аж̇ж̇а вихаарзна вихаасий’’д̇и. ‘‘ол̣ааригзна кваахам̣, аавусо, аж̇ж̇а вихаарзна вихаасим̣. аби жа, мз ахоси д̇хаммий гат̇аа’’д̇и. ‘‘гзна сад̣̇д̇хим̣ банааяасмад̇о махаамог̇г̇аллаанасса ахоси д̇хаммий гат̇аа’’д̇и? ‘‘бхаг̇авад̇аа ко мз, аавусо, сад̣̇д̇хим̣ ахоси д̇хаммий гат̇аа’’д̇и. ‘‘д̣̇уурз ко, аавусо, бхаг̇аваа зд̇арахи саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. гим̣ ну ко, ааяасмаа, махаамог̇г̇аллаано бхаг̇аванд̇ам̣ ид̣̇д̇хияаа убасан̇гами; уд̣̇ааху бхаг̇аваа ааяасманд̇ам̣ махаамог̇г̇аллаанам̣ ид̣̇д̇хияаа убасан̇гамий’’д̇и? ‘‘на кваахам̣, аавусо, бхаг̇аванд̇ам̣ ид̣̇д̇хияаа убасан̇гамим̣; наби мам̣ бхаг̇аваа ид̣̇д̇хияаа убасан̇гами. аби жа, мз яаавад̇аа бхаг̇аваа зд̇д̇аавад̇аа д̣̇иб̣б̣ажагку висуж̇жхи д̣̇иб̣б̣аа жа сод̇ад̇хаад̇у. бхаг̇авад̇оби яаавад̇аахам̣ зд̇д̇аавад̇аа д̣̇иб̣б̣ажагку висуж̇жхи д̣̇иб̣б̣аа жа сод̇ад̇хаад̇уу’’д̇и. ‘‘яат̇аагат̇ам̣ банааяасмад̇о махаамог̇г̇аллаанасса бхаг̇авад̇аа сад̣̇д̇хим̣ ахоси д̇хаммий гат̇аа’’д̇и?
‘‘Vippasannāni kho te, āvuso moggallāna, indriyāni; parisuddho mukhavaṇṇo pariyodāto santena nūnāyasmā mahāmoggallāno ajja vihārena vihāsī’’ti. ‘‘Oḷārikena khvāhaṃ, āvuso, ajja vihārena vihāsiṃ. Api ca, me ahosi dhammī kathā’’ti. ‘‘Kena saddhiṃ panāyasmato mahāmoggallānassa ahosi dhammī kathā’’ti? ‘‘Bhagavatā kho me, āvuso, saddhiṃ ahosi dhammī kathā’’ti. ‘‘Dūre kho, āvuso, bhagavā etarahi sāvatthiyaṃ viharati jetavane anāthapiṇḍikassa ārāme. Kiṃ nu kho, āyasmā, mahāmoggallāno bhagavantaṃ iddhiyā upasaṅkami; udāhu bhagavā āyasmantaṃ mahāmoggallānaṃ iddhiyā upasaṅkamī’’ti? ‘‘Na khvāhaṃ, āvuso, bhagavantaṃ iddhiyā upasaṅkamiṃ; napi maṃ bhagavā iddhiyā upasaṅkami. Api ca, me yāvatā bhagavā ettāvatā dibbacakkhu visujjhi dibbā ca sotadhātu. Bhagavatopi yāvatāhaṃ ettāvatā dibbacakkhu visujjhi dibbā ca sotadhātū’’ti. ‘‘Yathākathaṃ panāyasmato mahāmoggallānassa bhagavatā saddhiṃ ahosi dhammī kathā’’ti?
‘‘ид̇хаахам̣, аавусо, бхаг̇аванд̇ам̣ зд̇ад̣̇авожам̣ – ‘аарад̣̇д̇хавийрияо аарад̣̇д̇хавийрияод̇и, бханд̇з, вужжад̇и. гид̇д̇аавад̇аа ну ко, бханд̇з, аарад̣̇д̇хавийрияо ход̇ий’д̇и? звам̣ вуд̇д̇з, мам̣, аавусо, бхаг̇аваа зд̇ад̣̇авожа – ‘ид̇ха, мог̇г̇аллаана, бхигку аарад̣̇д̇хавийрияо вихарад̇и – гаамам̣ д̇ажо жа нхаару жа адтий жа авасиссад̇у, сарийрз убасуссад̇у мам̣салохид̇ам̣, яам̣ д̇ам̣ бурисат̇аамзна бурисавийриязна бурисабараггамзна бад̇д̇аб̣б̣ам̣ на д̇ам̣ абаабун̣ид̇ваа вийрияасса сан̣таанам̣ бхависсад̇ийд̇и. звам̣ ко, мог̇г̇аллаана, аарад̣̇д̇хавийрияо ход̇ий’д̇и. звам̣ ко мз, аавусо, бхаг̇авад̇аа сад̣̇д̇хим̣ ахоси д̇хаммий гат̇аа’’д̇и.
‘‘Idhāhaṃ, āvuso, bhagavantaṃ etadavocaṃ – ‘āraddhavīriyo āraddhavīriyoti, bhante, vuccati. Kittāvatā nu kho, bhante, āraddhavīriyo hotī’ti? Evaṃ vutte, maṃ, āvuso, bhagavā etadavoca – ‘idha, moggallāna, bhikkhu āraddhavīriyo viharati – kāmaṃ taco ca nhāru ca aṭṭhī ca avasissatu, sarīre upasussatu maṃsalohitaṃ, yaṃ taṃ purisathāmena purisavīriyena purisaparakkamena pattabbaṃ na taṃ apāpuṇitvā vīriyassa saṇṭhānaṃ bhavissatīti. Evaṃ kho, moggallāna, āraddhavīriyo hotī’ti. Evaṃ kho me, āvuso, bhagavatā saddhiṃ ahosi dhammī kathā’’ti.
‘‘сзяяат̇ааби, аавусо, химавад̇о баб̣б̣ад̇арааж̇асса барид̇д̇аа баасаан̣асагкараа яаавад̣̇зва убанигкзбанамад̇д̇ааяа ; звамзва ко маяам̣ ааяасмад̇о махаамог̇г̇аллаанасса яаавад̣̇зва убанигкзбанамад̇д̇ааяа. ааяасмаа хи махаамог̇г̇аллаано махид̣̇д̇хиго махаанубхааво ааган̇камаано габбам̣ д̇идтзяяаа’’д̇и.
‘‘Seyyathāpi, āvuso, himavato pabbatarājassa parittā pāsāṇasakkharā yāvadeva upanikkhepanamattāya ; evameva kho mayaṃ āyasmato mahāmoggallānassa yāvadeva upanikkhepanamattāya. Āyasmā hi mahāmoggallāno mahiddhiko mahānubhāvo ākaṅkhamāno kappaṃ tiṭṭheyyā’’ti.
‘‘сзяяат̇ааби , аавусо, махад̇ияаа лон̣агхадааяа барид̇д̇аа лон̣асагкарааяа яаавад̣̇зва убанигкзбанамад̇д̇ааяа; звамзва ко маяам̣ ааяасмад̇о саарибуд̇д̇асса яаавад̣̇зва убанигкзбанамад̇д̇ааяа. ааяасмаа хи саарибуд̇д̇о бхаг̇авад̇аа анзгабарияааязна т̇омид̇о ван̣н̣ид̇о басад̇т̇о –
‘‘Seyyathāpi , āvuso, mahatiyā loṇaghaṭāya parittā loṇasakkharāya yāvadeva upanikkhepanamattāya; evameva kho mayaṃ āyasmato sāriputtassa yāvadeva upanikkhepanamattāya. Āyasmā hi sāriputto bhagavatā anekapariyāyena thomito vaṇṇito pasattho –
‘‘саарибуд̇д̇ова бан̃н̃ааяа, сийлзна убасамзна жа;
‘‘Sāriputtova paññāya, sīlena upasamena ca;
яоби бааран̇г̇ад̇о бхигку, зд̇аавабарамо сияаа’’д̇и.
Yopi pāraṅgato bhikkhu, etāvaparamo siyā’’ti.
ид̇иха д̇з убхо махаанааг̇аа ан̃н̃аман̃н̃асса субхаасид̇ам̣ сулабид̇ам̣ саманумод̣̇им̣сууд̇и. д̇ад̇ияам̣.
Itiha te ubho mahānāgā aññamaññassa subhāsitaṃ sulapitaṃ samanumodiṃsūti. Tatiyaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 3. гхадасуд̇д̇аван̣н̣анаа • 3. Ghaṭasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 3. гхадасуд̇д̇аван̣н̣анаа • 3. Ghaṭasuttavaṇṇanā
