| Library / Tipiṭaka / তিপিটক • Tipiṭaka / সংযুত্তনিকায (টীকা) • Saṃyuttanikāya (ṭīkā) |
৩. ঘটসুত্তৰণ্ণনা
3. Ghaṭasuttavaṇṇanā
২৩৭. পরিৰেণগ্গেনাতি পরিৰেণভাগেন। কেচি ‘‘একৰিহারেতি একচ্ছন্নে একস্মিং আৰাসে’’তি ৰদন্তি। তেতি তে দ্ৰেপি থেরা। পাটিযেক্কেসু ঠানেসূতি ৰিসুং ৰিসুং ঠানেসু। নিসীদন্তীতি দিৰাৰিহারং নিসীদন্তি। ওল়ারিকো নাম জাতো পরিত্তধম্মারম্মণত্তা তস্স। তেতি থেরো ভগৰা চ।
237.Pariveṇaggenāti pariveṇabhāgena. Keci ‘‘ekavihāreti ekacchanne ekasmiṃ āvāse’’ti vadanti. Teti te dvepi therā. Pāṭiyekkesu ṭhānesūti visuṃ visuṃ ṭhānesu. Nisīdantīti divāvihāraṃ nisīdanti. Oḷāriko nāma jāto parittadhammārammaṇattā tassa. Teti thero bhagavā ca.
পরিপুণ্ণৰীরিযোতি চতুকিচ্চসাধনৰসেন সম্পুণ্ণৰীরিযো। পগ্গহিতৰীরিযোতি ঈসকম্পি সঙ্কোচং অনাপজ্জিত্ৰা পৰত্তিতৰীরিযো। উপনিক্খেপনমত্তস্সেৰাতি সমীপে ঠপনমত্তস্সেৰ।
Paripuṇṇavīriyoti catukiccasādhanavasena sampuṇṇavīriyo. Paggahitavīriyoti īsakampi saṅkocaṃ anāpajjitvā pavattitavīriyo. Upanikkhepanamattassevāti samīpe ṭhapanamattasseva.
চতুভূমকধম্মেসু লব্ভমানত্তা পঞ্ঞায ‘‘চতুভূমকধম্মে অনুপৰিসিত্ৰা ঠিতট্ঠেনা’’তি ৰুত্তং। লক্খিতব্বট্ঠেন সমাধি এৰ সমাধিলক্খণং। এৰং ৰিপস্সনালক্খণং ৰেদিতব্বং। অঞ্ঞমঞ্ঞস্সাতি অঞ্ঞস্স অঞ্ঞস্স নানালক্খণাতি ৰেদিতব্বং। অঞ্ঞস্সাতি ইতরস্স। ধুরন্তি ৰহিতব্বভারং। দ্ৰীসুপি এতেসূতি সমাধিলক্খণৰিপস্সনালক্খণেসু সম্মাসম্বুদ্ধো নিপ্ফত্তিং গতো।
Catubhūmakadhammesu labbhamānattā paññāya ‘‘catubhūmakadhamme anupavisitvā ṭhitaṭṭhenā’’ti vuttaṃ. Lakkhitabbaṭṭhena samādhi eva samādhilakkhaṇaṃ. Evaṃ vipassanālakkhaṇaṃ veditabbaṃ. Aññamaññassāti aññassa aññassa nānālakkhaṇāti veditabbaṃ. Aññassāti itarassa. Dhuranti vahitabbabhāraṃ. Dvīsupi etesūti samādhilakkhaṇavipassanālakkhaṇesu sammāsambuddho nipphattiṃ gato.
ঘটসুত্তৰণ্ণনা নিট্ঠিতা।
Ghaṭasuttavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya / ৩. ঘটসুত্তং • 3. Ghaṭasuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ৩. ঘটসুত্তৰণ্ণনা • 3. Ghaṭasuttavaṇṇanā
