| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
3. гхадасуд̇д̇аван̣н̣анаа
3. Ghaṭasuttavaṇṇanā
237. баривзн̣аг̇г̇знаад̇и баривзн̣абхааг̇зна. гзжи ‘‘згавихаарзд̇и згажчаннз згасмим̣ ааваасз’’д̇и вад̣̇анд̇и. д̇зд̇и д̇з д̣̇взби т̇зраа. баадиязггзсу таанзсууд̇и висум̣ висум̣ таанзсу. нисийд̣̇анд̇ийд̇и д̣̇иваавихаарам̣ нисийд̣̇анд̇и. ол̣аариго наама ж̇аад̇о барид̇д̇ад̇хаммаарамман̣ад̇д̇аа д̇асса. д̇зд̇и т̇зро бхаг̇аваа жа.
237.Pariveṇaggenāti pariveṇabhāgena. Keci ‘‘ekavihāreti ekacchanne ekasmiṃ āvāse’’ti vadanti. Teti te dvepi therā. Pāṭiyekkesu ṭhānesūti visuṃ visuṃ ṭhānesu. Nisīdantīti divāvihāraṃ nisīdanti. Oḷāriko nāma jāto parittadhammārammaṇattā tassa. Teti thero bhagavā ca.
барибун̣н̣авийрияод̇и жад̇угижжасаад̇ханавасзна самбун̣н̣авийрияо. баг̇г̇ахид̇авийрияод̇и ийсагамби сан̇гожам̣ анаабаж̇ж̇ид̇ваа бавад̇д̇ид̇авийрияо. убанигкзбанамад̇д̇ассзваад̇и самийбз табанамад̇д̇ассзва.
Paripuṇṇavīriyoti catukiccasādhanavasena sampuṇṇavīriyo. Paggahitavīriyoti īsakampi saṅkocaṃ anāpajjitvā pavattitavīriyo. Upanikkhepanamattassevāti samīpe ṭhapanamattasseva.
жад̇убхуумагад̇хаммзсу лаб̣бхамаанад̇д̇аа бан̃н̃ааяа ‘‘жад̇убхуумагад̇хаммз анубависид̇ваа тид̇адтзнаа’’д̇и вуд̇д̇ам̣. лагкид̇аб̣б̣адтзна самаад̇хи зва самаад̇хилагкан̣ам̣. звам̣ вибассанаалагкан̣ам̣ взд̣̇ид̇аб̣б̣ам̣. ан̃н̃аман̃н̃ассаад̇и ан̃н̃асса ан̃н̃асса наанаалагкан̣аад̇и взд̣̇ид̇аб̣б̣ам̣. ан̃н̃ассаад̇и ид̇арасса. д̇хуранд̇и вахид̇аб̣б̣абхаарам̣. д̣̇вийсуби зд̇зсууд̇и самаад̇хилагкан̣авибассанаалагкан̣зсу саммаасамб̣уд̣̇д̇хо нибпад̇д̇им̣ г̇ад̇о.
Catubhūmakadhammesu labbhamānattā paññāya ‘‘catubhūmakadhamme anupavisitvā ṭhitaṭṭhenā’’ti vuttaṃ. Lakkhitabbaṭṭhena samādhi eva samādhilakkhaṇaṃ. Evaṃ vipassanālakkhaṇaṃ veditabbaṃ. Aññamaññassāti aññassa aññassa nānālakkhaṇāti veditabbaṃ. Aññassāti itarassa. Dhuranti vahitabbabhāraṃ. Dvīsupi etesūti samādhilakkhaṇavipassanālakkhaṇesu sammāsambuddho nipphattiṃ gato.
гхадасуд̇д̇аван̣н̣анаа нидтид̇аа.
Ghaṭasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 3. гхадасуд̇д̇ам̣ • 3. Ghaṭasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 3. гхадасуд̇д̇аван̣н̣анаа • 3. Ghaṭasuttavaṇṇanā
