| Library / Tipiṭaka / తిపిటక • Tipiṭaka / సంయుత్తనికాయ (టీకా) • Saṃyuttanikāya (ṭīkā) |
౩. ఘటసుత్తవణ్ణనా
3. Ghaṭasuttavaṇṇanā
౨౩౭. పరివేణగ్గేనాతి పరివేణభాగేన. కేచి ‘‘ఏకవిహారేతి ఏకచ్ఛన్నే ఏకస్మిం ఆవాసే’’తి వదన్తి. తేతి తే ద్వేపి థేరా. పాటియేక్కేసు ఠానేసూతి విసుం విసుం ఠానేసు. నిసీదన్తీతి దివావిహారం నిసీదన్తి. ఓళారికో నామ జాతో పరిత్తధమ్మారమ్మణత్తా తస్స. తేతి థేరో భగవా చ.
237.Pariveṇaggenāti pariveṇabhāgena. Keci ‘‘ekavihāreti ekacchanne ekasmiṃ āvāse’’ti vadanti. Teti te dvepi therā. Pāṭiyekkesu ṭhānesūti visuṃ visuṃ ṭhānesu. Nisīdantīti divāvihāraṃ nisīdanti. Oḷāriko nāma jāto parittadhammārammaṇattā tassa. Teti thero bhagavā ca.
పరిపుణ్ణవీరియోతి చతుకిచ్చసాధనవసేన సమ్పుణ్ణవీరియో. పగ్గహితవీరియోతి ఈసకమ్పి సఙ్కోచం అనాపజ్జిత్వా పవత్తితవీరియో. ఉపనిక్ఖేపనమత్తస్సేవాతి సమీపే ఠపనమత్తస్సేవ.
Paripuṇṇavīriyoti catukiccasādhanavasena sampuṇṇavīriyo. Paggahitavīriyoti īsakampi saṅkocaṃ anāpajjitvā pavattitavīriyo. Upanikkhepanamattassevāti samīpe ṭhapanamattasseva.
చతుభూమకధమ్మేసు లబ్భమానత్తా పఞ్ఞాయ ‘‘చతుభూమకధమ్మే అనుపవిసిత్వా ఠితట్ఠేనా’’తి వుత్తం. లక్ఖితబ్బట్ఠేన సమాధి ఏవ సమాధిలక్ఖణం. ఏవం విపస్సనాలక్ఖణం వేదితబ్బం. అఞ్ఞమఞ్ఞస్సాతి అఞ్ఞస్స అఞ్ఞస్స నానాలక్ఖణాతి వేదితబ్బం. అఞ్ఞస్సాతి ఇతరస్స. ధురన్తి వహితబ్బభారం. ద్వీసుపి ఏతేసూతి సమాధిలక్ఖణవిపస్సనాలక్ఖణేసు సమ్మాసమ్బుద్ధో నిప్ఫత్తిం గతో.
Catubhūmakadhammesu labbhamānattā paññāya ‘‘catubhūmakadhamme anupavisitvā ṭhitaṭṭhenā’’ti vuttaṃ. Lakkhitabbaṭṭhena samādhi eva samādhilakkhaṇaṃ. Evaṃ vipassanālakkhaṇaṃ veditabbaṃ. Aññamaññassāti aññassa aññassa nānālakkhaṇāti veditabbaṃ. Aññassāti itarassa. Dhuranti vahitabbabhāraṃ. Dvīsupi etesūti samādhilakkhaṇavipassanālakkhaṇesu sammāsambuddho nipphattiṃ gato.
ఘటసుత్తవణ్ణనా నిట్ఠితా.
Ghaṭasuttavaṇṇanā niṭṭhitā.
Related texts:
తిపిటక (మూల) • Tipiṭaka (Mūla) / సుత్తపిటక • Suttapiṭaka / సంయుత్తనికాయ • Saṃyuttanikāya / ౩. ఘటసుత్తం • 3. Ghaṭasuttaṃ
అట్ఠకథా • Aṭṭhakathā / సుత్తపిటక (అట్ఠకథా) • Suttapiṭaka (aṭṭhakathā) / సంయుత్తనికాయ (అట్ఠకథా) • Saṃyuttanikāya (aṭṭhakathā) / ౩. ఘటసుత్తవణ్ణనా • 3. Ghaṭasuttavaṇṇanā
