| Library / Tipiṭaka / ติปิฎก • Tipiṭaka / สํยุตฺตนิกาย (ฎีกา) • Saṃyuttanikāya (ṭīkā) |
๓. ฆฎสุตฺตวณฺณนา
3. Ghaṭasuttavaṇṇanā
๒๓๗. ปริเวณเคฺคนาติ ปริเวณภาเคนฯ เกจิ ‘‘เอกวิหาเรติ เอกจฺฉเนฺน เอกสฺมิํ อาวาเส’’ติ วทนฺติฯ เตติ เต เทฺวปิ เถราฯ ปาฎิเยเกฺกสุ ฐาเนสูติ วิสุํ วิสุํ ฐาเนสุฯ นิสีทนฺตีติ ทิวาวิหารํ นิสีทนฺติฯ โอฬาริโก นาม ชาโต ปริตฺตธมฺมารมฺมณตฺตา ตสฺสฯ เตติ เถโร ภควา จฯ
237.Pariveṇaggenāti pariveṇabhāgena. Keci ‘‘ekavihāreti ekacchanne ekasmiṃ āvāse’’ti vadanti. Teti te dvepi therā. Pāṭiyekkesu ṭhānesūti visuṃ visuṃ ṭhānesu. Nisīdantīti divāvihāraṃ nisīdanti. Oḷāriko nāma jāto parittadhammārammaṇattā tassa. Teti thero bhagavā ca.
ปริปุณฺณวีริโยติ จตุกิจฺจสาธนวเสน สมฺปุณฺณวีริโยฯ ปคฺคหิตวีริโยติ อีสกมฺปิ สโงฺกจํ อนาปชฺชิตฺวา ปวตฺติตวีริโยฯ อุปนิเกฺขปนมตฺตเสฺสวาติ สมีเป ฐปนมตฺตเสฺสวฯ
Paripuṇṇavīriyoti catukiccasādhanavasena sampuṇṇavīriyo. Paggahitavīriyoti īsakampi saṅkocaṃ anāpajjitvā pavattitavīriyo. Upanikkhepanamattassevāti samīpe ṭhapanamattasseva.
จตุภูมกธเมฺมสุ ลพฺภมานตฺตา ปญฺญาย ‘‘จตุภูมกธเมฺม อนุปวิสิตฺวา ฐิตเฎฺฐนา’’ติ วุตฺตํฯ ลกฺขิตพฺพเฎฺฐน สมาธิ เอว สมาธิลกฺขณํฯ เอวํ วิปสฺสนาลกฺขณํ เวทิตพฺพํฯ อญฺญมญฺญสฺสาติ อญฺญสฺส อญฺญสฺส นานาลกฺขณาติ เวทิตพฺพํฯ อญฺญสฺสาติ อิตรสฺสฯ ธุรนฺติ วหิตพฺพภารํฯ ทฺวีสุปิ เอเตสูติ สมาธิลกฺขณวิปสฺสนาลกฺขเณสุ สมฺมาสมฺพุโทฺธ นิปฺผตฺติํ คโตฯ
Catubhūmakadhammesu labbhamānattā paññāya ‘‘catubhūmakadhamme anupavisitvā ṭhitaṭṭhenā’’ti vuttaṃ. Lakkhitabbaṭṭhena samādhi eva samādhilakkhaṇaṃ. Evaṃ vipassanālakkhaṇaṃ veditabbaṃ. Aññamaññassāti aññassa aññassa nānālakkhaṇāti veditabbaṃ. Aññassāti itarassa. Dhuranti vahitabbabhāraṃ. Dvīsupi etesūti samādhilakkhaṇavipassanālakkhaṇesu sammāsambuddho nipphattiṃ gato.
ฆฎสุตฺตวณฺณนา นิฎฺฐิตาฯ
Ghaṭasuttavaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / สํยุตฺตนิกาย • Saṃyuttanikāya / ๓. ฆฎสุตฺตํ • 3. Ghaṭasuttaṃ
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / สํยุตฺตนิกาย (อฎฺฐกถา) • Saṃyuttanikāya (aṭṭhakathā) / ๓. ฆฎสุตฺตวณฺณนา • 3. Ghaṭasuttavaṇṇanā
