| Library / Tipiṭaka / តិបិដក • Tipiṭaka / សំយុត្តនិកាយ (ដីកា) • Saṃyuttanikāya (ṭīkā) |
៣. ឃដសុត្តវណ្ណនា
3. Ghaṭasuttavaṇṇanā
២៣៧. បរិវេណគ្គេនាតិ បរិវេណភាគេន។ កេចិ ‘‘ឯកវិហារេតិ ឯកច្ឆន្នេ ឯកស្មិំ អាវាសេ’’តិ វទន្តិ។ តេតិ តេ ទ្វេបិ ថេរា។ បាដិយេក្កេសុ ឋានេសូតិ វិសុំ វិសុំ ឋានេសុ។ និសីទន្តីតិ ទិវាវិហារំ និសីទន្តិ។ ឱឡារិកោ នាម ជាតោ បរិត្តធម្មារម្មណត្តា តស្ស។ តេតិ ថេរោ ភគវា ច។
237.Pariveṇaggenāti pariveṇabhāgena. Keci ‘‘ekavihāreti ekacchanne ekasmiṃ āvāse’’ti vadanti. Teti te dvepi therā. Pāṭiyekkesu ṭhānesūti visuṃ visuṃ ṭhānesu. Nisīdantīti divāvihāraṃ nisīdanti. Oḷāriko nāma jāto parittadhammārammaṇattā tassa. Teti thero bhagavā ca.
បរិបុណ្ណវីរិយោតិ ចតុកិច្ចសាធនវសេន សម្បុណ្ណវីរិយោ។ បគ្គហិតវីរិយោតិ ឦសកម្បិ សង្កោចំ អនាបជ្ជិត្វា បវត្តិតវីរិយោ។ ឧបនិក្ខេបនមត្តស្សេវាតិ សមីបេ ឋបនមត្តស្សេវ។
Paripuṇṇavīriyoti catukiccasādhanavasena sampuṇṇavīriyo. Paggahitavīriyoti īsakampi saṅkocaṃ anāpajjitvā pavattitavīriyo. Upanikkhepanamattassevāti samīpe ṭhapanamattasseva.
ចតុភូមកធម្មេសុ លព្ភមានត្តា បញ្ញាយ ‘‘ចតុភូមកធម្មេ អនុបវិសិត្វា ឋិតដ្ឋេនា’’តិ វុត្តំ។ លក្ខិតព្ពដ្ឋេន សមាធិ ឯវ សមាធិលក្ខណំ។ ឯវំ វិបស្សនាលក្ខណំ វេទិតព្ពំ។ អញ្ញមញ្ញស្សាតិ អញ្ញស្ស អញ្ញស្ស នានាលក្ខណាតិ វេទិតព្ពំ។ អញ្ញស្សាតិ ឥតរស្ស។ ធុរន្តិ វហិតព្ពភារំ។ ទ្វីសុបិ ឯតេសូតិ សមាធិលក្ខណវិបស្សនាលក្ខណេសុ សម្មាសម្ពុទ្ធោ និប្ផត្តិំ គតោ។
Catubhūmakadhammesu labbhamānattā paññāya ‘‘catubhūmakadhamme anupavisitvā ṭhitaṭṭhenā’’ti vuttaṃ. Lakkhitabbaṭṭhena samādhi eva samādhilakkhaṇaṃ. Evaṃ vipassanālakkhaṇaṃ veditabbaṃ. Aññamaññassāti aññassa aññassa nānālakkhaṇāti veditabbaṃ. Aññassāti itarassa. Dhuranti vahitabbabhāraṃ. Dvīsupi etesūti samādhilakkhaṇavipassanālakkhaṇesu sammāsambuddho nipphattiṃ gato.
ឃដសុត្តវណ្ណនា និដ្ឋិតា។
Ghaṭasuttavaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / សំយុត្តនិកាយ • Saṃyuttanikāya / ៣. ឃដសុត្តំ • 3. Ghaṭasuttaṃ
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / សំយុត្តនិកាយ (អដ្ឋកថា) • Saṃyuttanikāya (aṭṭhakathā) / ៣. ឃដសុត្តវណ្ណនា • 3. Ghaṭasuttavaṇṇanā
