| Library / Tipiṭaka / တိပိဋက • Tipiṭaka / သံယုတ္တနိကာယ (ဋီကာ) • Saṃyuttanikāya (ṭīkā) |
၃. ဃဋသုတ္တဝဏ္ဏနာ
3. Ghaṭasuttavaṇṇanā
၂၃၇. ပရိဝေဏဂ္ဂေနာတိ ပရိဝေဏဘာဂေန။ ကေစိ ‘‘ဧကဝိဟာရေတိ ဧကစ္ဆန္နေ ဧကသ္မိံ အာဝာသေ’’တိ ဝဒန္တိ။ တေတိ တေ ဒ္ဝေပိ ထေရာ။ ပာဋိယေက္ကေသု ဌာနေသူတိ ဝိသုံ ဝိသုံ ဌာနေသု။ နိသီဒန္တီတိ ဒိဝာဝိဟာရံ နိသီဒန္တိ။ ဩဠာရိကော နာမ ဇာတော ပရိတ္တဓမ္မာရမ္မဏတ္တာ တသ္သ။ တေတိ ထေရော ဘဂဝာ စ။
237.Pariveṇaggenāti pariveṇabhāgena. Keci ‘‘ekavihāreti ekacchanne ekasmiṃ āvāse’’ti vadanti. Teti te dvepi therā. Pāṭiyekkesu ṭhānesūti visuṃ visuṃ ṭhānesu. Nisīdantīti divāvihāraṃ nisīdanti. Oḷāriko nāma jāto parittadhammārammaṇattā tassa. Teti thero bhagavā ca.
ပရိပုဏ္ဏဝီရိယောတိ စတုကိစ္စသာဓနဝသေန သမ္ပုဏ္ဏဝီရိယော။ ပဂ္ဂဟိတဝီရိယောတိ ဤသကမ္ပိ သင္ကောစံ အနာပဇ္ဇိတ္ဝာ ပဝတ္တိတဝီရိယော။ ဥပနိက္ခေပနမတ္တသ္သေဝာတိ သမီပေ ဌပနမတ္တသ္သေဝ။
Paripuṇṇavīriyoti catukiccasādhanavasena sampuṇṇavīriyo. Paggahitavīriyoti īsakampi saṅkocaṃ anāpajjitvā pavattitavīriyo. Upanikkhepanamattassevāti samīpe ṭhapanamattasseva.
စတုဘူမကဓမ္မေသု လဗ္ဘမာနတ္တာ ပညာယ ‘‘စတုဘူမကဓမ္မေ အနုပဝိသိတ္ဝာ ဌိတဋ္ဌေနာ’’တိ ဝုတ္တံ။ လက္ခိတဗ္ဗဋ္ဌေန သမာဓိ ဧဝ သမာဓိလက္ခဏံ။ ဧဝံ ဝိပသ္သနာလက္ခဏံ ဝေဒိတဗ္ဗံ။ အညမညသ္သာတိ အညသ္သ အညသ္သ နာနာလက္ခဏာတိ ဝေဒိတဗ္ဗံ။ အညသ္သာတိ ဣတရသ္သ။ ဓုရန္တိ ဝဟိတဗ္ဗဘာရံ။ ဒ္ဝီသုပိ ဧတေသူတိ သမာဓိလက္ခဏဝိပသ္သနာလက္ခဏေသု သမ္မာသမ္ဗုဒ္ဓော နိပ္ဖတ္တိံ ဂတော။
Catubhūmakadhammesu labbhamānattā paññāya ‘‘catubhūmakadhamme anupavisitvā ṭhitaṭṭhenā’’ti vuttaṃ. Lakkhitabbaṭṭhena samādhi eva samādhilakkhaṇaṃ. Evaṃ vipassanālakkhaṇaṃ veditabbaṃ. Aññamaññassāti aññassa aññassa nānālakkhaṇāti veditabbaṃ. Aññassāti itarassa. Dhuranti vahitabbabhāraṃ. Dvīsupi etesūti samādhilakkhaṇavipassanālakkhaṇesu sammāsambuddho nipphattiṃ gato.
ဃဋသုတ္တဝဏ္ဏနာ နိဋ္ဌိတာ။
Ghaṭasuttavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၃. ဃဋသုတ္တံ • 3. Ghaṭasuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၃. ဃဋသုတ္တဝဏ္ဏနာ • 3. Ghaṭasuttavaṇṇanā
