| Library / Tipiṭaka / തിപിടക • Tipiṭaka / സംയുത്തനികായ (ടീകാ) • Saṃyuttanikāya (ṭīkā) |
൩. ഘടസുത്തവണ്ണനാ
3. Ghaṭasuttavaṇṇanā
൨൩൭. പരിവേണഗ്ഗേനാതി പരിവേണഭാഗേന. കേചി ‘‘ഏകവിഹാരേതി ഏകച്ഛന്നേ ഏകസ്മിം ആവാസേ’’തി വദന്തി. തേതി തേ ദ്വേപി ഥേരാ. പാടിയേക്കേസു ഠാനേസൂതി വിസും വിസും ഠാനേസു. നിസീദന്തീതി ദിവാവിഹാരം നിസീദന്തി. ഓളാരികോ നാമ ജാതോ പരിത്തധമ്മാരമ്മണത്താ തസ്സ. തേതി ഥേരോ ഭഗവാ ച.
237.Pariveṇaggenāti pariveṇabhāgena. Keci ‘‘ekavihāreti ekacchanne ekasmiṃ āvāse’’ti vadanti. Teti te dvepi therā. Pāṭiyekkesu ṭhānesūti visuṃ visuṃ ṭhānesu. Nisīdantīti divāvihāraṃ nisīdanti. Oḷāriko nāma jāto parittadhammārammaṇattā tassa. Teti thero bhagavā ca.
പരിപുണ്ണവീരിയോതി ചതുകിച്ചസാധനവസേന സമ്പുണ്ണവീരിയോ. പഗ്ഗഹിതവീരിയോതി ഈസകമ്പി സങ്കോചം അനാപജ്ജിത്വാ പവത്തിതവീരിയോ. ഉപനിക്ഖേപനമത്തസ്സേവാതി സമീപേ ഠപനമത്തസ്സേവ.
Paripuṇṇavīriyoti catukiccasādhanavasena sampuṇṇavīriyo. Paggahitavīriyoti īsakampi saṅkocaṃ anāpajjitvā pavattitavīriyo. Upanikkhepanamattassevāti samīpe ṭhapanamattasseva.
ചതുഭൂമകധമ്മേസു ലബ്ഭമാനത്താ പഞ്ഞായ ‘‘ചതുഭൂമകധമ്മേ അനുപവിസിത്വാ ഠിതട്ഠേനാ’’തി വുത്തം. ലക്ഖിതബ്ബട്ഠേന സമാധി ഏവ സമാധിലക്ഖണം. ഏവം വിപസ്സനാലക്ഖണം വേദിതബ്ബം. അഞ്ഞമഞ്ഞസ്സാതി അഞ്ഞസ്സ അഞ്ഞസ്സ നാനാലക്ഖണാതി വേദിതബ്ബം. അഞ്ഞസ്സാതി ഇതരസ്സ. ധുരന്തി വഹിതബ്ബഭാരം. ദ്വീസുപി ഏതേസൂതി സമാധിലക്ഖണവിപസ്സനാലക്ഖണേസു സമ്മാസമ്ബുദ്ധോ നിപ്ഫത്തിം ഗതോ.
Catubhūmakadhammesu labbhamānattā paññāya ‘‘catubhūmakadhamme anupavisitvā ṭhitaṭṭhenā’’ti vuttaṃ. Lakkhitabbaṭṭhena samādhi eva samādhilakkhaṇaṃ. Evaṃ vipassanālakkhaṇaṃ veditabbaṃ. Aññamaññassāti aññassa aññassa nānālakkhaṇāti veditabbaṃ. Aññassāti itarassa. Dhuranti vahitabbabhāraṃ. Dvīsupi etesūti samādhilakkhaṇavipassanālakkhaṇesu sammāsambuddho nipphattiṃ gato.
ഘടസുത്തവണ്ണനാ നിട്ഠിതാ.
Ghaṭasuttavaṇṇanā niṭṭhitā.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / സംയുത്തനികായ • Saṃyuttanikāya / ൩. ഘടസുത്തം • 3. Ghaṭasuttaṃ
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / സംയുത്തനികായ (അട്ഠകഥാ) • Saṃyuttanikāya (aṭṭhakathā) / ൩. ഘടസുത്തവണ്ണനാ • 3. Ghaṭasuttavaṇṇanā
