| Library / Tipiṭaka / д̇ибидага • Tipiṭaka / милинд̣̇абан̃хабаал̣и • Milindapañhapāḷi |
7. гхадигаарабан̃хо
7. Ghaṭikārapañho
7. ‘‘бханд̇з нааг̇асзна, бхаасид̇амбзд̇ам̣ бхаг̇авад̇аа ‘гхадигаарасса гумбхагаарасса аавзсанам̣ саб̣б̣ам̣ д̇змаасам̣ аагаасажчад̣̇анам̣ адтааси, на д̣̇звод̇ивассий’д̇и. буна жа бхан̣ид̇ам̣ ‘гассабасса д̇ат̇ааг̇ад̇асса 1 гуди овассад̇ий’д̇и. гисса бана, бханд̇з нааг̇асзна, д̇ат̇ааг̇ад̇асса звамуссаннагусаламууласса 2 гуди овассад̇и, д̇ат̇ааг̇ад̇асса наама со аанубхааво ижчид̇аб̣б̣о? яад̣̇и, бханд̇з нааг̇асзна, гхадигаарасса гумбхагаарасса аавзсанам̣ ановассам̣ аагаасажчад̣̇анам̣ ахоси, д̇зна хи ‘д̇ат̇ааг̇ад̇асса гуди овассад̇ий’д̇и яам̣ важанам̣, д̇ам̣ мижчаа. яад̣̇и д̇ат̇ааг̇ад̇асса гуди овассад̇и, д̇зна хи ‘гхадигаарасса гумбхагаарасса аавзсанам̣ ановассагам̣ ахоси аагаасажчад̣̇ана’нд̇и д̇амби важанам̣ мижчаа. аяамби убхад̇о годиго бан̃хо д̇аваануббад̇д̇о, со д̇аяаа ниб̣б̣аахид̇аб̣б̣о’’д̇и.
7. ‘‘Bhante nāgasena, bhāsitampetaṃ bhagavatā ‘ghaṭikārassa kumbhakārassa āvesanaṃ sabbaṃ temāsaṃ ākāsacchadanaṃ aṭṭhāsi, na devotivassī’ti. Puna ca bhaṇitaṃ ‘kassapassa tathāgatassa 3 kuṭi ovassatī’ti. Kissa pana, bhante nāgasena, tathāgatassa evamussannakusalamūlassa 4 kuṭi ovassati, tathāgatassa nāma so ānubhāvo icchitabbo? Yadi, bhante nāgasena, ghaṭikārassa kumbhakārassa āvesanaṃ anovassaṃ ākāsacchadanaṃ ahosi, tena hi ‘tathāgatassa kuṭi ovassatī’ti yaṃ vacanaṃ, taṃ micchā. Yadi tathāgatassa kuṭi ovassati, tena hi ‘ghaṭikārassa kumbhakārassa āvesanaṃ anovassakaṃ ahosi ākāsacchadana’nti tampi vacanaṃ micchā. Ayampi ubhato koṭiko pañho tavānuppatto, so tayā nibbāhitabbo’’ti.
‘‘бхаасид̇амбзд̇ам̣, махаарааж̇а, бхаг̇авад̇аа ‘гхадигаарасса гумбхагаарасса аавзсанам̣ саб̣б̣ам̣ д̇змаасам̣ аагаасажчад̣̇анам̣ адтааси, на д̣̇звод̇ивассий’д̇и. бхан̣ид̇ан̃жа ‘гассабасса д̇ат̇ааг̇ад̇асса гуди овассад̇ий’д̇и. гхадигааро, махаарааж̇а, гумбхагааро сийлаваа галяаан̣ад̇хаммо уссаннагусаламууло анд̇хз ж̇ин̣н̣з маад̇аабид̇аро босзд̇и, д̇асса асаммукаа анаабужчааязвасса гхарз д̇ин̣ам̣ харид̇ваа бхаг̇авад̇о гудим̣ чаад̣̇зсум̣, со д̇зна д̇ин̣ахаран̣зна агамбид̇ам̣ асан̃жалид̇ам̣ сусан̣тид̇ам̣ вибуламасамам̣ бийд̇им̣ бадилабхад̇и, бхияяо соманассан̃жа ад̇улам̣ уббаад̣̇зси ‘ахо вад̇а мз бхаг̇аваа логуд̇д̇амо сувиссад̇т̇о’д̇и, д̇зна д̇асса д̣̇идтад̇хаммиго вибааго ниб̣б̣ад̇д̇о. на хи, махаарааж̇а, д̇ат̇ааг̇ад̇о д̇аавад̇агзна вигаарзна жалад̇и.
‘‘Bhāsitampetaṃ, mahārāja, bhagavatā ‘ghaṭikārassa kumbhakārassa āvesanaṃ sabbaṃ temāsaṃ ākāsacchadanaṃ aṭṭhāsi, na devotivassī’ti. Bhaṇitañca ‘kassapassa tathāgatassa kuṭi ovassatī’ti. Ghaṭikāro, mahārāja, kumbhakāro sīlavā kalyāṇadhammo ussannakusalamūlo andhe jiṇṇe mātāpitaro poseti, tassa asammukhā anāpucchāyevassa ghare tiṇaṃ haritvā bhagavato kuṭiṃ chādesuṃ, so tena tiṇaharaṇena akampitaṃ asañcalitaṃ susaṇṭhitaṃ vipulamasamaṃ pītiṃ paṭilabhati, bhiyyo somanassañca atulaṃ uppādesi ‘aho vata me bhagavā lokuttamo suvissattho’ti, tena tassa diṭṭhadhammiko vipāko nibbatto. Na hi, mahārāja, tathāgato tāvatakena vikārena calati.
‘‘яат̇аа, махаарааж̇а, синзру г̇ирирааж̇аа анзгасад̇асахассаваад̇асамбахаарзнаби на гамбад̇и на жалад̇и, маход̣̇ад̇хи вараббаварасааг̇аро анзгасад̇анахуд̇амахааг̇ан̇г̇аасад̇асахассзхиби на буурад̇и на вигаарамаабаж̇ж̇ад̇и, звамзва ко, махаарааж̇а, д̇ат̇ааг̇ад̇о на д̇аавад̇агзна вигаарзна жалад̇и.
‘‘Yathā, mahārāja, sineru girirājā anekasatasahassavātasampahārenapi na kampati na calati, mahodadhi varappavarasāgaro anekasatanahutamahāgaṅgāsatasahassehipi na pūrati na vikāramāpajjati, evameva kho, mahārāja, tathāgato na tāvatakena vikārena calati.
‘‘яам̣ бана, махаарааж̇а, д̇ат̇ааг̇ад̇асса гуди овассад̇и, д̇ам̣ махад̇о ж̇анагааяасса анугамбааяа. д̣̇взмз, махаарааж̇а, ад̇т̇авасз самбассамаанаа д̇ат̇ааг̇ад̇аа саяам̣ ниммид̇ам̣ бажжаяам̣ наббадисзванд̇и, ‘аяам̣ аг̇г̇ад̣̇агкин̣зяяо сад̇т̇аа’д̇и бхаг̇авад̇о бажжаяам̣ д̣̇ад̇ваа д̣̇звамануссаа саб̣б̣ад̣̇уг̇г̇ад̇ид̇о баримужжиссанд̇ийд̇и, д̣̇ассзд̇ваа вуд̇д̇им̣ бариязсанд̇ийд̇и ‘маа ан̃н̃з убавад̣̇зяяу’нд̇и. имз д̣̇вз ад̇т̇авасз самбассамаанаа д̇ат̇ааг̇ад̇аа саяам̣ ниммид̇ам̣ бажжаяам̣ наббадисзванд̇и. яад̣̇и, махаарааж̇а, сагго ваа д̇ам̣ гудим̣ ановассам̣ гарзяяа б̣рахмаа ваа саяам̣ ваа, сааваж̇ж̇ам̣ бхавзяяа д̇ам̣ язва гаран̣ам̣ 5 сад̣̇осам̣ саниг̇г̇ахам̣, имз вибхууд̇ам̣ 6 гад̇ваа логам̣ саммохзнд̇и ад̇хигад̇ам̣ гаронд̇ийд̇и, д̇асмаа д̇ам̣ гаран̣ам̣ важ̇ж̇анийяам̣. на, махаарааж̇а, д̇ат̇ааг̇ад̇аа вад̇т̇ум̣ яаажанд̇и, д̇ааяа авад̇т̇уяаажанааяа абарибхаасияаа бхаванд̇ий’’д̇и. ‘‘саад̇ху, бханд̇з нааг̇асзна, звамзд̇ам̣ д̇ат̇аа самбадижчаамий’’д̇и.
‘‘Yaṃ pana, mahārāja, tathāgatassa kuṭi ovassati, taṃ mahato janakāyassa anukampāya. Dveme, mahārāja, atthavase sampassamānā tathāgatā sayaṃ nimmitaṃ paccayaṃ nappaṭisevanti, ‘ayaṃ aggadakkhiṇeyyo satthā’ti bhagavato paccayaṃ datvā devamanussā sabbaduggatito parimuccissantīti, dassetvā vuttiṃ pariyesantīti ‘mā aññe upavadeyyu’nti. Ime dve atthavase sampassamānā tathāgatā sayaṃ nimmitaṃ paccayaṃ nappaṭisevanti. Yadi, mahārāja, sakko vā taṃ kuṭiṃ anovassaṃ kareyya brahmā vā sayaṃ vā, sāvajjaṃ bhaveyya taṃ yeva karaṇaṃ 7 sadosaṃ saniggahaṃ, ime vibhūtaṃ 8 katvā lokaṃ sammohenti adhikataṃ karontīti, tasmā taṃ karaṇaṃ vajjanīyaṃ. Na, mahārāja, tathāgatā vatthuṃ yācanti, tāya avatthuyācanāya aparibhāsiyā bhavantī’’ti. ‘‘Sādhu, bhante nāgasena, evametaṃ tathā sampaṭicchāmī’’ti.
гхадигаарабан̃хо сад̇д̇амо.
Ghaṭikārapañho sattamo.
Footnotes:
