| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
10. гхадийгаарасуд̇д̇ам̣
10. Ghaṭīkārasuttaṃ
50.
50.
‘‘авихам̣ убабаннаасз, вимуд̇д̇аа сад̇д̇а бхигкаво;
‘‘Avihaṃ upapannāse, vimuttā satta bhikkhavo;
рааг̇ад̣̇осабаригкийн̣аа, д̇ин̣н̣аа логз висад̇д̇ига’’нд̇и.
Rāgadosaparikkhīṇā, tiṇṇā loke visattika’’nti.
‘‘гз жа д̇з ад̇арум̣ бан̇гам̣ 1, мажжуд̇хзяяам̣ суд̣̇уд̇д̇арам̣;
‘‘Ke ca te ataruṃ paṅkaṃ 2, maccudheyyaṃ suduttaraṃ;
гз хид̇ваа маанусам̣ д̣̇зхам̣, д̣̇иб̣б̣аяог̇ам̣ убажжаг̇у’’нд̇и.
Ke hitvā mānusaṃ dehaṃ, dibbayogaṃ upaccagu’’nti.
‘‘убаго балаг̇ан̣д̣о жа, буггусаад̇и жа д̇з д̇аяо;
‘‘Upako palagaṇḍo ca, pukkusāti ca te tayo;
бхад̣̇д̣̇ияо кан̣д̣ад̣̇зво жа, б̣аахураг̇г̇и жа син̇г̇ияо 3;
Bhaddiyo khaṇḍadevo ca, bāhuraggi ca siṅgiyo 4;
д̇з хид̇ваа маанусам̣ д̣̇зхам̣, д̣̇иб̣б̣аяог̇ам̣ убажжаг̇у’’нд̇и.
Te hitvā mānusaṃ dehaṃ, dibbayogaṃ upaccagu’’nti.
‘‘гусалий бхаасасий д̇зсам̣, маарабаасаббахааяинам̣;
‘‘Kusalī bhāsasī tesaṃ, mārapāsappahāyinaṃ;
гасса д̇з д̇хаммаман̃н̃ааяа, ажчид̣̇ум̣ бхаваб̣анд̇хана’’нд̇и.
Kassa te dhammamaññāya, acchiduṃ bhavabandhana’’nti.
‘‘на ан̃н̃ад̇ра бхаг̇авад̇аа, наан̃н̃ад̇ра д̇ава саасанаа;
‘‘Na aññatra bhagavatā, nāññatra tava sāsanā;
яасса д̇з д̇хаммаман̃н̃ааяа, ажчид̣̇ум̣ бхаваб̣анд̇ханам̣.
Yassa te dhammamaññāya, acchiduṃ bhavabandhanaṃ.
‘‘яад̇т̇а нааман̃жа руубан̃жа, асзсам̣ убаруж̇жхад̇и;
‘‘Yattha nāmañca rūpañca, asesaṃ uparujjhati;
д̇ам̣ д̇з д̇хаммам̣ ид̇хан̃н̃ааяа, ажчид̣̇ум̣ бхаваб̣анд̇хана’’нд̇и.
Taṃ te dhammaṃ idhaññāya, acchiduṃ bhavabandhana’’nti.
‘‘г̇амбхийрам̣ бхаасасий ваажам̣, д̣̇уб̣б̣иж̇аанам̣ суд̣̇уб̣б̣уд̇хам̣;
‘‘Gambhīraṃ bhāsasī vācaṃ, dubbijānaṃ sudubbudhaṃ;
гасса д̇вам̣ д̇хаммаман̃н̃ааяа, ваажам̣ бхаасаси ийд̣̇иса’’нд̇и.
Kassa tvaṃ dhammamaññāya, vācaṃ bhāsasi īdisa’’nti.
‘‘гумбхагааро бурз аасим̣, взгал̣ин̇г̇з 5 гхадийгаро;
‘‘Kumbhakāro pure āsiṃ, vekaḷiṅge 6 ghaṭīkaro;
маад̇аабзд̇д̇ибхаро аасим̣, гассабасса убаасаго.
Mātāpettibharo āsiṃ, kassapassa upāsako.
‘‘вирад̇о мзт̇унаа д̇хаммаа, б̣рахмажаарий нираамисо;
‘‘Virato methunā dhammā, brahmacārī nirāmiso;
ахуваа д̇з саг̇аамзяяо, ахуваа д̇з бурз сакаа.
Ahuvā te sagāmeyyo, ahuvā te pure sakhā.
‘‘сохамзд̇з баж̇аанаами, вимуд̇д̇з сад̇д̇а бхигкаво;
‘‘Sohamete pajānāmi, vimutte satta bhikkhavo;
рааг̇ад̣̇осабаригкийн̣з, д̇ин̣н̣з логз висад̇д̇ига’’нд̇и.
Rāgadosaparikkhīṇe, tiṇṇe loke visattika’’nti.
‘‘звамзд̇ам̣ д̇ад̣̇аа ааси, яат̇аа бхаасаси бхаг̇г̇ава;
‘‘Evametaṃ tadā āsi, yathā bhāsasi bhaggava;
гумбхагааро бурз ааси, взгал̣ин̇г̇з гхадийгаро;
Kumbhakāro pure āsi, vekaḷiṅge ghaṭīkaro;
маад̇аабзд̇д̇ибхаро ааси, гассабасса убаасаго.
Mātāpettibharo āsi, kassapassa upāsako.
‘‘вирад̇о мзт̇унаа д̇хаммаа, б̣рахмажаарий нираамисо;
‘‘Virato methunā dhammā, brahmacārī nirāmiso;
ахуваа мз саг̇аамзяяо, ахуваа мз бурз сакаа’’д̇и.
Ahuvā me sagāmeyyo, ahuvā me pure sakhā’’ti.
‘‘звамзд̇ам̣ бураан̣аанам̣, сахааяаанам̣ аху сан̇г̇амо;
‘‘Evametaṃ purāṇānaṃ, sahāyānaṃ ahu saṅgamo;
убхиннам̣ бхаавид̇ад̇д̇аанам̣, сарийранд̇имад̇хаарина’’нд̇и.
Ubhinnaṃ bhāvitattānaṃ, sarīrantimadhārina’’nti.
аад̣̇ид̇д̇аваг̇г̇о бан̃жамо.
Ādittavaggo pañcamo.
д̇ассуд̣̇д̣̇аанам̣ –
Tassuddānaṃ –
аад̣̇ид̇д̇ам̣ гим̣д̣̇ад̣̇ам̣ аннам̣, згамуулааномияам̣;
Ādittaṃ kiṃdadaṃ annaṃ, ekamūlaanomiyaṃ;
ажчарааванаробаж̇зд̇ам̣, мажчарзна гхадийгарод̇и.
Accharāvanaropajetaṃ, maccharena ghaṭīkaroti.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 10. гхадийгаарасуд̇д̇аван̣н̣анаа • 10. Ghaṭīkārasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 10. гхадийгаарасуд̇д̇аван̣н̣анаа • 10. Ghaṭīkārasuttavaṇṇanā
