| Library / Tipiṭaka / ਤਿਪਿਟਕ • Tipiṭaka / ਮਜ੍ਝਿਮਨਿਕਾਯ • Majjhimanikāya |
੪. ਰਾਜવਗ੍ਗੋ
4. Rājavaggo
੧. ਘਟਿਕਾਰਸੁਤ੍ਤਂ
1. Ghaṭikārasuttaṃ
੨੮੨. ਏવਂ ਮੇ ਸੁਤਂ – ਏਕਂ ਸਮਯਂ ਭਗવਾ ਕੋਸਲੇਸੁ ਚਾਰਿਕਂ ਚਰਤਿ ਮਹਤਾ ਭਿਕ੍ਖੁਸਙ੍ਘੇਨ ਸਦ੍ਧਿਂ। ਅਥ ਖੋ ਭਗવਾ ਮਗ੍ਗਾ ਓਕ੍ਕਮ੍ਮ ਅਞ੍ਞਤਰਸ੍ਮਿਂ ਪਦੇਸੇ ਸਿਤਂ ਪਾਤ੍વਾਕਾਸਿ। ਅਥ ਖੋ ਆਯਸ੍ਮਤੋ ਆਨਨ੍ਦਸ੍ਸ ਏਤਦਹੋਸਿ – ‘‘ਕੋ ਨੁ ਖੋ ਹੇਤੁ, ਕੋ ਪਚ੍ਚਯੋ ਭਗવਤੋ ਸਿਤਸ੍ਸ ਪਾਤੁਕਮ੍ਮਾਯ? ਨ ਅਕਾਰਣੇਨ 1 ਤਥਾਗਤਾ ਸਿਤਂ ਪਾਤੁਕਰੋਨ੍ਤੀ’’ਤਿ। ਅਥ ਖੋ ਆਯਸ੍ਮਾ ਆਨਨ੍ਦੋ ਏਕਂਸਂ ਚੀવਰਂ 2 ਕਤ੍વਾ ਯੇਨ ਭਗવਾ ਤੇਨਞ੍ਜਲਿਂ ਪਣਾਮੇਤ੍વਾ ਭਗવਨ੍ਤਂ ਏਤਦવੋਚ – ‘‘ਕੋ ਨੁ ਖੋ, ਭਨ੍ਤੇ, ਹੇਤੁ, ਕੋ ਪਚ੍ਚਯੋ ਭਗવਤੋ ਸਿਤਸ੍ਸ ਪਾਤੁਕਮ੍ਮਾਯ? ਨ ਅਕਾਰਣੇਨ ਤਥਾਗਤਾ ਸਿਤਂ ਪਾਤੁਕਰੋਨ੍ਤੀ’’ਤਿ। ‘‘ਭੂਤਪੁਬ੍ਬਂ, ਆਨਨ੍ਦ, ਇਮਸ੍ਮਿਂ ਪਦੇਸੇ વੇਗਲ਼ਿਙ੍ਗਂ 3 ਨਾਮ ਗਾਮਨਿਗਮੋ ਅਹੋਸਿ ਇਦ੍ਧੋ ਚੇવ ਫੀਤੋ ਚ ਬਹੁਜਨੋ ਆਕਿਣ੍ਣਮਨੁਸ੍ਸੋ। વੇਗਲ਼ਿਙ੍ਗਂ ਖੋ, ਆਨਨ੍ਦ, ਗਾਮਨਿਗਮਂ ਕਸ੍ਸਪੋ ਭਗવਾ ਅਰਹਂ ਸਮ੍ਮਾਸਮ੍ਬੁਦ੍ਧੋ ਉਪਨਿਸ੍ਸਾਯ વਿਹਾਸਿ। ਇਧ ਸੁਦਂ, ਆਨਨ੍ਦ, ਕਸ੍ਸਪਸ੍ਸ ਭਗવਤੋ ਅਰਹਤੋ ਸਮ੍ਮਾਸਮ੍ਬੁਦ੍ਧਸ੍ਸ ਆਰਾਮੋ ਅਹੋਸਿ। ਇਧ ਸੁਦਂ, ਆਨਨ੍ਦ, ਕਸ੍ਸਪੋ ਭਗવਾ ਅਰਹਂ ਸਮ੍ਮਾਸਮ੍ਬੁਦ੍ਧੋ ਨਿਸਿਨ੍ਨਕੋ ਭਿਕ੍ਖੁਸਙ੍ਘਂ ਓવਦਤੀ’’ਤਿ। ਅਥ ਖੋ ਆਯਸ੍ਮਾ ਆਨਨ੍ਦੋ ਚਤੁਗ੍ਗੁਣਂ ਸਙ੍ਘਾਟਿਂ ਪਞ੍ਞਪੇਤ੍વਾ ਭਗવਨ੍ਤਂ ਏਤਦવੋਚ – ‘‘ਤੇਨ ਹਿ, ਭਨ੍ਤੇ, ਭਗવਾ ਨਿਸੀਦਤੁ ਏਤ੍ਥ। ਅਯਂ ਭੂਮਿਪਦੇਸੋ ਦ੍વੀਹਿ ਅਰਹਨ੍ਤੇਹਿ ਸਮ੍ਮਾਸਮ੍ਬੁਦ੍ਧੇਹਿ ਪਰਿਭੁਤ੍ਤੋ ਭવਿਸ੍ਸਤੀ’’ਤਿ। ਨਿਸੀਦਿ ਭਗવਾ ਪਞ੍ਞਤ੍ਤੇ ਆਸਨੇ। ਨਿਸਜ੍ਜ ਖੋ ਭਗવਾ ਆਯਸ੍ਮਨ੍ਤਂ ਆਨਨ੍ਦਂ ਆਮਨ੍ਤੇਸਿ –
282. Evaṃ me sutaṃ – ekaṃ samayaṃ bhagavā kosalesu cārikaṃ carati mahatā bhikkhusaṅghena saddhiṃ. Atha kho bhagavā maggā okkamma aññatarasmiṃ padese sitaṃ pātvākāsi. Atha kho āyasmato ānandassa etadahosi – ‘‘ko nu kho hetu, ko paccayo bhagavato sitassa pātukammāya? Na akāraṇena 4 tathāgatā sitaṃ pātukarontī’’ti. Atha kho āyasmā ānando ekaṃsaṃ cīvaraṃ 5 katvā yena bhagavā tenañjaliṃ paṇāmetvā bhagavantaṃ etadavoca – ‘‘ko nu kho, bhante, hetu, ko paccayo bhagavato sitassa pātukammāya? Na akāraṇena tathāgatā sitaṃ pātukarontī’’ti. ‘‘Bhūtapubbaṃ, ānanda, imasmiṃ padese vegaḷiṅgaṃ 6 nāma gāmanigamo ahosi iddho ceva phīto ca bahujano ākiṇṇamanusso. Vegaḷiṅgaṃ kho, ānanda, gāmanigamaṃ kassapo bhagavā arahaṃ sammāsambuddho upanissāya vihāsi. Idha sudaṃ, ānanda, kassapassa bhagavato arahato sammāsambuddhassa ārāmo ahosi. Idha sudaṃ, ānanda, kassapo bhagavā arahaṃ sammāsambuddho nisinnako bhikkhusaṅghaṃ ovadatī’’ti. Atha kho āyasmā ānando catugguṇaṃ saṅghāṭiṃ paññapetvā bhagavantaṃ etadavoca – ‘‘tena hi, bhante, bhagavā nisīdatu ettha. Ayaṃ bhūmipadeso dvīhi arahantehi sammāsambuddhehi paribhutto bhavissatī’’ti. Nisīdi bhagavā paññatte āsane. Nisajja kho bhagavā āyasmantaṃ ānandaṃ āmantesi –
‘‘ਭੂਤਪੁਬ੍ਬਂ, ਆਨਨ੍ਦ, ਇਮਸ੍ਮਿਂ ਪਦੇਸੇ વੇਗਲ਼ਿਙ੍ਗਂ ਨਾਮ ਗਾਮਨਿਗਮੋ ਅਹੋਸਿ ਇਦ੍ਧੋ ਚੇવ ਫੀਤੋ ਚ ਬਹੁਜਨੋ ਆਕਿਣ੍ਣਮਨੁਸ੍ਸੋ। વੇਗਲ਼ਿਙ੍ਗਂ ਖੋ, ਆਨਨ੍ਦ, ਗਾਮਨਿਗਮਂ ਕਸ੍ਸਪੋ ਭਗવਾ ਅਰਹਂ ਸਮ੍ਮਾਸਮ੍ਬੁਦ੍ਧੋ ਉਪਨਿਸ੍ਸਾਯ વਿਹਾਸਿ। ਇਧ ਸੁਦਂ, ਆਨਨ੍ਦ, ਕਸ੍ਸਪਸ੍ਸ ਭਗવਤੋ ਅਰਹਤੋ ਸਮ੍ਮਾਸਮ੍ਬੁਦ੍ਧਸ੍ਸ ਆਰਾਮੋ ਅਹੋਸਿ। ਇਧ ਸੁਦਂ, ਆਨਨ੍ਦ, ਕਸ੍ਸਪੋ ਭਗવਾ ਅਰਹਂ ਸਮ੍ਮਾਸਮ੍ਬੁਦ੍ਧੋ ਨਿਸਿਨ੍ਨਕੋ ਭਿਕ੍ਖੁਸਙ੍ਘਂ ਓવਦਤਿ।
‘‘Bhūtapubbaṃ, ānanda, imasmiṃ padese vegaḷiṅgaṃ nāma gāmanigamo ahosi iddho ceva phīto ca bahujano ākiṇṇamanusso. Vegaḷiṅgaṃ kho, ānanda, gāmanigamaṃ kassapo bhagavā arahaṃ sammāsambuddho upanissāya vihāsi. Idha sudaṃ, ānanda, kassapassa bhagavato arahato sammāsambuddhassa ārāmo ahosi. Idha sudaṃ, ānanda, kassapo bhagavā arahaṃ sammāsambuddho nisinnako bhikkhusaṅghaṃ ovadati.
੨੮੩. ‘‘વੇਗਲ਼ਿਙ੍ਗੇ ਖੋ, ਆਨਨ੍ਦ, ਗਾਮਨਿਗਮੇ ਘਟਿਕਾਰੋ 7 ਨਾਮ ਕੁਮ੍ਭਕਾਰੋ ਕਸ੍ਸਪਸ੍ਸ ਭਗવਤੋ ਅਰਹਤੋ ਸਮ੍ਮਾਸਮ੍ਬੁਦ੍ਧਸ੍ਸ ਉਪਟ੍ਠਾਕੋ ਅਹੋਸਿ ਅਗ੍ਗੁਪਟ੍ਠਾਕੋ। ਘਟਿਕਾਰਸ੍ਸ ਖੋ, ਆਨਨ੍ਦ, ਕੁਮ੍ਭਕਾਰਸ੍ਸ ਜੋਤਿਪਾਲੋ ਨਾਮ ਮਾਣવੋ ਸਹਾਯੋ ਅਹੋਸਿ ਪਿਯਸਹਾਯੋ। ਅਥ ਖੋ, ਆਨਨ੍ਦ, ਘਟਿਕਾਰੋ ਕੁਮ੍ਭਕਾਰੋ ਜੋਤਿਪਾਲਂ ਮਾਣવਂ ਆਮਨ੍ਤੇਸਿ – ‘ਆਯਾਮ, ਸਮ੍ਮ ਜੋਤਿਪਾਲ, ਕਸ੍ਸਪਂ ਭਗવਨ੍ਤਂ ਅਰਹਨ੍ਤਂ ਸਮ੍ਮਾਸਮ੍ਬੁਦ੍ਧਂ ਦਸ੍ਸਨਾਯ ਉਪਸਙ੍ਕਮਿਸ੍ਸਾਮ। ਸਾਧੁਸਮ੍ਮਤਞ੍ਹਿ ਮੇ ਤਸ੍ਸ ਭਗવਤੋ ਦਸ੍ਸਨਂ ਅਰਹਤੋ ਸਮ੍ਮਾਸਮ੍ਬੁਦ੍ਧਸ੍ਸਾ’ਤਿ। ਏવਂ વੁਤ੍ਤੇ, ਆਨਨ੍ਦ, ਜੋਤਿਪਾਲੋ ਮਾਣવੋ ਘਟਿਕਾਰਂ ਕੁਮ੍ਭਕਾਰਂ ਏਤਦવੋਚ – ‘ਅਲਂ, ਸਮ੍ਮ ਘਟਿਕਾਰ। ਕਿਂ ਪਨ ਤੇਨ ਮੁਣ੍ਡਕੇਨ ਸਮਣਕੇਨ ਦਿਟ੍ਠੇਨਾ’ਤਿ? ਦੁਤਿਯਮ੍ਪਿ ਖੋ, ਆਨਨ੍ਦ…ਪੇ॰… ਤਤਿਯਮ੍ਪਿ ਖੋ, ਆਨਨ੍ਦ, ਘਟਿਕਾਰੋ ਕੁਮ੍ਭਕਾਰੋ ਜੋਤਿਪਾਲਂ ਮਾਣવਂ ਏਤਦવੋਚ – ‘ਆਯਾਮ, ਸਮ੍ਮ ਜੋਤਿਪਾਲ, ਕਸ੍ਸਪਂ ਭਗવਨ੍ਤਂ ਅਰਹਨ੍ਤਂ ਸਮ੍ਮਾਸਮ੍ਬੁਦ੍ਧਂ ਦਸ੍ਸਨਾਯ ਉਪਸਙ੍ਕਮਿਸ੍ਸਾਮ। ਸਾਧੁਸਮ੍ਮਤਞ੍ਹਿ ਮੇ ਤਸ੍ਸ ਭਗવਤੋ ਦਸ੍ਸਨਂ ਅਰਹਤੋ ਸਮ੍ਮਾਸਮ੍ਬੁਦ੍ਧਸ੍ਸਾ’ਤਿ। ਤਤਿਯਮ੍ਪਿ ਖੋ, ਆਨਨ੍ਦ, ਜੋਤਿਪਾਲੋ ਮਾਣવੋ ਘਟਿਕਾਰਂ ਕੁਮ੍ਭਕਾਰਂ ਏਤਦવੋਚ – ‘ਅਲਂ, ਸਮ੍ਮ ਘਟਿਕਾਰ। ਕਿਂ ਪਨ ਤੇਨ ਮੁਣ੍ਡਕੇਨ ਸਮਣਕੇਨ ਦਿਟ੍ਠੇਨਾ’ਤਿ? ‘ਤੇਨ ਹਿ, ਸਮ੍ਮ ਜੋਤਿਪਾਲ, ਸੋਤ੍ਤਿਸਿਨਾਨਿਂ 8 ਆਦਾਯ 9 ਨਦਿਂ ਗਮਿਸ੍ਸਾਮ ਸਿਨਾਯਿਤੁ’ਨ੍ਤਿ। ‘ਏવਂ ਸਮ੍ਮਾ’ਤਿ ਖੋ, ਆਨਨ੍ਦ, ਜੋਤਿਪਾਲੋ ਮਾਣવੋ ਘਟਿਕਾਰਸ੍ਸ ਕੁਮ੍ਭਕਾਰਸ੍ਸ ਪਚ੍ਚਸ੍ਸੋਸਿ। ਅਥ ਖੋ, ਆਨਨ੍ਦ, ਘਟਿਕਾਰੋ ਚ ਕੁਮ੍ਭਕਾਰੋ ਜੋਤਿਪਾਲੋ ਚ ਮਾਣવੋ ਸੋਤ੍ਤਿਸਿਨਾਨਿਂ ਆਦਾਯ ਨਦਿਂ ਅਗਮਂਸੁ ਸਿਨਾਯਿਤੁਂ’।
283. ‘‘Vegaḷiṅge kho, ānanda, gāmanigame ghaṭikāro 10 nāma kumbhakāro kassapassa bhagavato arahato sammāsambuddhassa upaṭṭhāko ahosi aggupaṭṭhāko. Ghaṭikārassa kho, ānanda, kumbhakārassa jotipālo nāma māṇavo sahāyo ahosi piyasahāyo. Atha kho, ānanda, ghaṭikāro kumbhakāro jotipālaṃ māṇavaṃ āmantesi – ‘āyāma, samma jotipāla, kassapaṃ bhagavantaṃ arahantaṃ sammāsambuddhaṃ dassanāya upasaṅkamissāma. Sādhusammatañhi me tassa bhagavato dassanaṃ arahato sammāsambuddhassā’ti. Evaṃ vutte, ānanda, jotipālo māṇavo ghaṭikāraṃ kumbhakāraṃ etadavoca – ‘alaṃ, samma ghaṭikāra. Kiṃ pana tena muṇḍakena samaṇakena diṭṭhenā’ti? Dutiyampi kho, ānanda…pe… tatiyampi kho, ānanda, ghaṭikāro kumbhakāro jotipālaṃ māṇavaṃ etadavoca – ‘āyāma, samma jotipāla, kassapaṃ bhagavantaṃ arahantaṃ sammāsambuddhaṃ dassanāya upasaṅkamissāma. Sādhusammatañhi me tassa bhagavato dassanaṃ arahato sammāsambuddhassā’ti. Tatiyampi kho, ānanda, jotipālo māṇavo ghaṭikāraṃ kumbhakāraṃ etadavoca – ‘alaṃ, samma ghaṭikāra. Kiṃ pana tena muṇḍakena samaṇakena diṭṭhenā’ti? ‘Tena hi, samma jotipāla, sottisināniṃ 11 ādāya 12 nadiṃ gamissāma sināyitu’nti. ‘Evaṃ sammā’ti kho, ānanda, jotipālo māṇavo ghaṭikārassa kumbhakārassa paccassosi. Atha kho, ānanda, ghaṭikāro ca kumbhakāro jotipālo ca māṇavo sottisināniṃ ādāya nadiṃ agamaṃsu sināyituṃ’.
੨੮੪. ‘‘ਅਥ ਖੋ, ਆਨਨ੍ਦ, ਘਟਿਕਾਰੋ ਕੁਮ੍ਭਕਾਰੋ ਜੋਤਿਪਾਲਂ ਮਾਣવਂ ਆਮਨ੍ਤੇਸਿ – ‘ਅਯਂ, ਸਮ੍ਮ ਜੋਤਿਪਾਲ, ਕਸ੍ਸਪਸ੍ਸ ਭਗવਤੋ ਅਰਹਤੋ ਸਮ੍ਮਾਸਮ੍ਬੁਦ੍ਧਸ੍ਸ ਅવਿਦੂਰੇ ਆਰਾਮੋ। ਆਯਾਮ, ਸਮ੍ਮ ਜੋਤਿਪਾਲ, ਕਸ੍ਸਪਂ ਭਗવਨ੍ਤਂ ਅਰਹਨ੍ਤਂ ਸਮ੍ਮਾਸਮ੍ਬੁਦ੍ਧਂ ਦਸ੍ਸਨਾਯ ਉਪਸਙ੍ਕਮਿਸ੍ਸਾਮ। ਸਾਧੁਸਮ੍ਮਤਞ੍ਹਿ ਮੇ ਤਸ੍ਸ ਭਗવਤੋ ਦਸ੍ਸਨਂ ਅਰਹਤੋ ਸਮ੍ਮਾਸਮ੍ਬੁਦ੍ਧਸ੍ਸਾ’ਤਿ। ਏવਂ વੁਤ੍ਤੇ, ਆਨਨ੍ਦ, ਜੋਤਿਪਾਲੋ ਮਾਣવੋ ਘਟਿਕਾਰਂ ਕੁਮ੍ਭਕਾਰਂ ਏਤਦવੋਚ – ‘ਅਲਂ, ਸਮ੍ਮ ਘਟਿਕਾਰ। ਕਿਂ ਪਨ ਤੇਨ ਮੁਣ੍ਡਕੇਨ ਸਮਣਕੇਨ ਦਿਟ੍ਠੇਨਾ’ਤਿ? ਦੁਤਿਯਮ੍ਪਿ ਖੋ, ਆਨਨ੍ਦ…ਪੇ॰… ਤਤਿਯਮ੍ਪਿ ਖੋ, ਆਨਨ੍ਦ, ਘਟਿਕਾਰੋ ਕੁਮ੍ਭਕਾਰੋ ਜੋਤਿਪਾਲਂ ਮਾਣવਂ ਏਤਦવੋਚ – ‘ਅਯਂ, ਸਮ੍ਮ ਜੋਤਿਪਾਲ, ਕਸ੍ਸਪਸ੍ਸ ਭਗવਤੋ ਅਰਹਤੋ ਸਮ੍ਮਾਸਮ੍ਬੁਦ੍ਧਸ੍ਸ ਅવਿਦੂਰੇ ਆਰਾਮੋ। ਆਯਾਮ, ਸਮ੍ਮ ਜੋਤਿਪਾਲ, ਕਸ੍ਸਪਂ ਭਗવਨ੍ਤਂ ਅਰਹਨ੍ਤਂ ਸਮ੍ਮਾਸਮ੍ਬੁਦ੍ਧਂ ਦਸ੍ਸਨਾਯ ਉਪਸਙ੍ਕਮਿਸ੍ਸਾਮ। ਸਾਧੁਸਮ੍ਮਤਞ੍ਹਿ ਮੇ ਤਸ੍ਸ ਭਗવਤੋ ਦਸ੍ਸਨਂ ਅਰਹਤੋ ਸਮ੍ਮਾਸਮ੍ਬੁਦ੍ਧਸ੍ਸਾ’ਤਿ। ਤਤਿਯਮ੍ਪਿ ਖੋ, ਆਨਨ੍ਦ, ਜੋਤਿਪਾਲੋ ਮਾਣવੋ ਘਟਿਕਾਰਂ ਕੁਮ੍ਭਕਾਰਂ ਏਤਦવੋਚ – ‘ਅਲਂ, ਸਮ੍ਮ ਘਟਿਕਾਰ। ਕਿਂ ਪਨ ਤੇਨ ਮੁਣ੍ਡਕੇਨ ਸਮਣਕੇਨ ਦਿਟ੍ਠੇਨਾ’ਤਿ? ਅਥ ਖੋ, ਆਨਨ੍ਦ, ਘਟਿਕਾਰੋ ਕੁਮ੍ਭਕਾਰੋ ਜੋਤਿਪਾਲਂ ਮਾਣવਂ ਓવਟ੍ਟਿਕਾਯਂ ਪਰਾਮਸਿਤ੍વਾ ਏਤਦવੋਚ – ‘ਅਯਂ, ਸਮ੍ਮ ਜੋਤਿਪਾਲ, ਕਸ੍ਸਪਸ੍ਸ ਭਗવਤੋ ਅਰਹਤੋ ਸਮ੍ਮਾਸਮ੍ਬੁਦ੍ਧਸ੍ਸ ਅવਿਦੂਰੇ ਆਰਾਮੋ। ਆਯਾਮ, ਸਮ੍ਮ ਜੋਤਿਪਾਲ, ਕਸ੍ਸਪਂ ਭਗવਨ੍ਤਂ ਅਰਹਨ੍ਤਂ ਸਮ੍ਮਾਸਮ੍ਬੁਦ੍ਧਂ ਦਸ੍ਸਨਾਯ ਉਪਸਙ੍ਕਮਿਸ੍ਸਾਮ। ਸਾਧੁਸਮ੍ਮਤਞ੍ਹਿ ਮੇ ਤਸ੍ਸ ਭਗવਤੋ ਦਸ੍ਸਨਂ ਅਰਹਤੋ ਸਮ੍ਮਾਸਮ੍ਬੁਦ੍ਧਸ੍ਸਾ’ਤਿ। ਅਥ ਖੋ, ਆਨਨ੍ਦ, ਜੋਤਿਪਾਲੋ ਮਾਣવੋ ਓવਟ੍ਟਿਕਂ વਿਨਿવਟ੍ਟੇਤ੍વਾ 13 ਘਟਿਕਾਰਂ ਕੁਮ੍ਭਕਾਰਂ ਏਤਦવੋਚ – ‘ਅਲਂ, ਸਮ੍ਮ ਘਟਿਕਾਰ। ਕਿਂ ਪਨ ਤੇਨ ਮੁਣ੍ਡਕੇਨ ਸਮਣਕੇਨ ਦਿਟ੍ਠੇਨਾ’ਤਿ? ਅਥ ਖੋ, ਆਨਨ੍ਦ, ਘਟਿਕਾਰੋ ਕੁਮ੍ਭਕਾਰੋ ਜੋਤਿਪਾਲਂ ਮਾਣવਂ ਸੀਸਂਨ੍ਹਾਤਂ 14 ਕੇਸੇਸੁ ਪਰਾਮਸਿਤ੍વਾ ਏਤਦવੋਚ – ‘ਅਯਂ, ਸਮ੍ਮ ਜੋਤਿਪਾਲ, ਕਸ੍ਸਪਸ੍ਸ ਭਗવਤੋ ਅਰਹਤੋ ਸਮ੍ਮਾਸਮ੍ਬੁਦ੍ਧਸ੍ਸ ਅવਿਦੂਰੇ ਆਰਾਮੋ। ਆਯਾਮ, ਸਮ੍ਮ ਜੋਤਿਪਾਲ, ਕਸ੍ਸਪਂ ਭਗવਨ੍ਤਂ ਅਰਹਨ੍ਤਂ ਸਮ੍ਮਾਸਮ੍ਬੁਦ੍ਧਂ ਦਸ੍ਸਨਾਯ ਉਪਸਙ੍ਕਮਿਸ੍ਸਾਮ । ਸਾਧੁਸਮ੍ਮਤਞ੍ਹਿ ਮੇ ਤਸ੍ਸ ਭਗવਤੋ ਦਸ੍ਸਨਂ ਅਰਹਤੋ ਸਮ੍ਮਾਸਮ੍ਬੁਦ੍ਧਸ੍ਸਾ’ਤਿ। ਅਥ ਖੋ, ਆਨਨ੍ਦ, ਜੋਤਿਪਾਲਸ੍ਸ ਮਾਣવਸ੍ਸ ਏਤਦਹੋਸਿ – ‘ਅਚ੍ਛਰਿਯਂ વਤ, ਭੋ, ਅਬ੍ਭੁਤਂ વਤ, ਭੋ! ਯਤ੍ਰ ਹਿ ਨਾਮਾਯਂ ਘਟਿਕਾਰੋ ਕੁਮ੍ਭਕਾਰੋ ਇਤ੍ਤਰਜਚ੍ਚੋ ਸਮਾਨੋ ਅਮ੍ਹਾਕਂ ਸੀਸਂਨ੍ਹਾਤਾਨਂ ਕੇਸੇਸੁ ਪਰਾਮਸਿਤਬ੍ਬਂ ਮਞ੍ਞਿਸ੍ਸਤਿ; ਨ વਤਿਦਂ ਕਿਰ ਓਰਕਂ ਮਞ੍ਞੇ ਭવਿਸ੍ਸਤੀ’ਤਿ; ਘਟਿਕਾਰਂ ਕੁਮ੍ਭਕਾਰਂ ਏਤਦવੋਚ – ‘ਯਾવਤਾਦੋਹਿਪਿ 15, ਸਮ੍ਮ ਘਟਿਕਾਰਾ’ਤਿ? ‘ਯਾવਤਾਦੋਹਿਪਿ, ਸਮ੍ਮ ਜੋਤਿਪਾਲ। ਤਥਾ ਹਿ ਪਨ ਮੇ ਸਾਧੁਸਮ੍ਮਤਂ ਤਸ੍ਸ ਭਗવਤੋ ਦਸ੍ਸਨਂ ਅਰਹਤੋ ਸਮ੍ਮਾਸਮ੍ਬੁਦ੍ਧਸ੍ਸਾ’ਤਿ। ‘ਤੇਨ ਹਿ, ਸਮ੍ਮ ਘਟਿਕਾਰ, ਮੁਞ੍ਚ; ਗਮਿਸ੍ਸਾਮਾ’ਤਿ।
284. ‘‘Atha kho, ānanda, ghaṭikāro kumbhakāro jotipālaṃ māṇavaṃ āmantesi – ‘ayaṃ, samma jotipāla, kassapassa bhagavato arahato sammāsambuddhassa avidūre ārāmo. Āyāma, samma jotipāla, kassapaṃ bhagavantaṃ arahantaṃ sammāsambuddhaṃ dassanāya upasaṅkamissāma. Sādhusammatañhi me tassa bhagavato dassanaṃ arahato sammāsambuddhassā’ti. Evaṃ vutte, ānanda, jotipālo māṇavo ghaṭikāraṃ kumbhakāraṃ etadavoca – ‘alaṃ, samma ghaṭikāra. Kiṃ pana tena muṇḍakena samaṇakena diṭṭhenā’ti? Dutiyampi kho, ānanda…pe… tatiyampi kho, ānanda, ghaṭikāro kumbhakāro jotipālaṃ māṇavaṃ etadavoca – ‘ayaṃ, samma jotipāla, kassapassa bhagavato arahato sammāsambuddhassa avidūre ārāmo. Āyāma, samma jotipāla, kassapaṃ bhagavantaṃ arahantaṃ sammāsambuddhaṃ dassanāya upasaṅkamissāma. Sādhusammatañhi me tassa bhagavato dassanaṃ arahato sammāsambuddhassā’ti. Tatiyampi kho, ānanda, jotipālo māṇavo ghaṭikāraṃ kumbhakāraṃ etadavoca – ‘alaṃ, samma ghaṭikāra. Kiṃ pana tena muṇḍakena samaṇakena diṭṭhenā’ti? Atha kho, ānanda, ghaṭikāro kumbhakāro jotipālaṃ māṇavaṃ ovaṭṭikāyaṃ parāmasitvā etadavoca – ‘ayaṃ, samma jotipāla, kassapassa bhagavato arahato sammāsambuddhassa avidūre ārāmo. Āyāma, samma jotipāla, kassapaṃ bhagavantaṃ arahantaṃ sammāsambuddhaṃ dassanāya upasaṅkamissāma. Sādhusammatañhi me tassa bhagavato dassanaṃ arahato sammāsambuddhassā’ti. Atha kho, ānanda, jotipālo māṇavo ovaṭṭikaṃ vinivaṭṭetvā 16 ghaṭikāraṃ kumbhakāraṃ etadavoca – ‘alaṃ, samma ghaṭikāra. Kiṃ pana tena muṇḍakena samaṇakena diṭṭhenā’ti? Atha kho, ānanda, ghaṭikāro kumbhakāro jotipālaṃ māṇavaṃ sīsaṃnhātaṃ 17 kesesu parāmasitvā etadavoca – ‘ayaṃ, samma jotipāla, kassapassa bhagavato arahato sammāsambuddhassa avidūre ārāmo. Āyāma, samma jotipāla, kassapaṃ bhagavantaṃ arahantaṃ sammāsambuddhaṃ dassanāya upasaṅkamissāma . Sādhusammatañhi me tassa bhagavato dassanaṃ arahato sammāsambuddhassā’ti. Atha kho, ānanda, jotipālassa māṇavassa etadahosi – ‘acchariyaṃ vata, bho, abbhutaṃ vata, bho! Yatra hi nāmāyaṃ ghaṭikāro kumbhakāro ittarajacco samāno amhākaṃ sīsaṃnhātānaṃ kesesu parāmasitabbaṃ maññissati; na vatidaṃ kira orakaṃ maññe bhavissatī’ti; ghaṭikāraṃ kumbhakāraṃ etadavoca – ‘yāvatādohipi 18, samma ghaṭikārā’ti? ‘Yāvatādohipi, samma jotipāla. Tathā hi pana me sādhusammataṃ tassa bhagavato dassanaṃ arahato sammāsambuddhassā’ti. ‘Tena hi, samma ghaṭikāra, muñca; gamissāmā’ti.
੨੮੫. ‘‘ਅਥ ਖੋ, ਆਨਨ੍ਦ, ਘਟਿਕਾਰੋ ਚ ਕੁਮ੍ਭਕਾਰੋ ਜੋਤਿਪਾਲੋ ਚ ਮਾਣવੋ ਯੇਨ ਕਸ੍ਸਪੋ ਭਗવਾ ਅਰਹਂ ਸਮ੍ਮਾਸਮ੍ਬੁਦ੍ਧੋ ਤੇਨੁਪਸਙ੍ਕਮਿਂਸੁ; ਉਪਸਙ੍ਕਮਿਤ੍વਾ ਘਟਿਕਾਰੋ ਕੁਮ੍ਭਕਾਰੋ ਕਸ੍ਸਪਂ ਭਗવਨ੍ਤਂ ਅਰਹਨ੍ਤਂ ਸਮ੍ਮਾਸਮ੍ਬੁਦ੍ਧਂ ਅਭਿવਾਦੇਤ੍વਾ ਏਕਮਨ੍ਤਂ ਨਿਸੀਦਿ। ਜੋਤਿਪਾਲੋ ਪਨ ਮਾਣવੋ ਕਸ੍ਸਪੇਨ ਭਗવਤਾ ਅਰਹਤਾ ਸਮ੍ਮਾਸਮ੍ਬੁਦ੍ਧੇਨ ਸਦ੍ਧਿਂ ਸਮ੍ਮੋਦਿ। ਸਮ੍ਮੋਦਨੀਯਂ ਕਥਂ ਸਾਰਣੀਯਂ વੀਤਿਸਾਰੇਤ੍વਾ ਏਕਮਨ੍ਤਂ ਨਿਸੀਦਿ। ਏਕਮਨ੍ਤਂ ਨਿਸਿਨ੍ਨੋ ਖੋ, ਆਨਨ੍ਦ, ਘਟਿਕਾਰੋ ਕੁਮ੍ਭਕਾਰੋ ਕਸ੍ਸਪਂ ਭਗવਨ੍ਤਂ ਅਰਹਨ੍ਤਂ ਸਮ੍ਮਾਸਮ੍ਬੁਦ੍ਧਂ ਏਤਦવੋਚ – ‘ਅਯਂ ਮੇ, ਭਨ੍ਤੇ, ਜੋਤਿਪਾਲੋ ਮਾਣવੋ ਸਹਾਯੋ ਪਿਯਸਹਾਯੋ। ਇਮਸ੍ਸ ਭਗવਾ ਧਮ੍ਮਂ ਦੇਸੇਤੂ’ਤਿ। ਅਥ ਖੋ, ਆਨਨ੍ਦ, ਕਸ੍ਸਪੋ ਭਗવਾ ਅਰਹਂ ਸਮ੍ਮਾਸਮ੍ਬੁਦ੍ਧੋ ਘਟਿਕਾਰਞ੍ਚ ਕੁਮ੍ਭਕਾਰਂ ਜੋਤਿਪਾਲਞ੍ਚ ਮਾਣવਂ ਧਮ੍ਮਿਯਾ ਕਥਾਯ ਸਨ੍ਦਸ੍ਸੇਸਿ ਸਮਾਦਪੇਸਿ ਸਮੁਤ੍ਤੇਜੇਸਿ ਸਮ੍ਪਹਂਸੇਸਿ। ਅਥ ਖੋ, ਆਨਨ੍ਦ, ਘਟਿਕਾਰੋ ਚ ਕੁਮ੍ਭਕਾਰੋ ਜੋਤਿਪਾਲੋ ਚ ਮਾਣવੋ ਕਸ੍ਸਪੇਨ ਭਗવਤਾ ਅਰਹਤਾ ਸਮ੍ਮਾਸਮ੍ਬੁਦ੍ਧੇਨ ਧਮ੍ਮਿਯਾ ਕਥਾਯ ਸਨ੍ਦਸ੍ਸਿਤਾ ਸਮਾਦਪਿਤਾ ਸਮੁਤ੍ਤੇਜਿਤਾ ਸਮ੍ਪਹਂਸਿਤਾ ਕਸ੍ਸਪਸ੍ਸ ਭਗવਤੋ ਅਰਹਤੋ ਸਮ੍ਮਾਸਮ੍ਬੁਦ੍ਧਸ੍ਸ ਭਾਸਿਤਂ ਅਭਿਨਨ੍ਦਿਤ੍વਾ ਅਨੁਮੋਦਿਤ੍વਾ ਉਟ੍ਠਾਯਾਸਨਾ ਕਸ੍ਸਪਂ ਭਗવਨ੍ਤਂ ਅਰਹਨ੍ਤਂ ਸਮ੍ਮਾਸਮ੍ਬੁਦ੍ਧਂ ਅਭਿવਾਦੇਤ੍વਾ ਪਦਕ੍ਖਿਣਂ ਕਤ੍વਾ ਪਕ੍ਕਮਿਂਸੁ।
285. ‘‘Atha kho, ānanda, ghaṭikāro ca kumbhakāro jotipālo ca māṇavo yena kassapo bhagavā arahaṃ sammāsambuddho tenupasaṅkamiṃsu; upasaṅkamitvā ghaṭikāro kumbhakāro kassapaṃ bhagavantaṃ arahantaṃ sammāsambuddhaṃ abhivādetvā ekamantaṃ nisīdi. Jotipālo pana māṇavo kassapena bhagavatā arahatā sammāsambuddhena saddhiṃ sammodi. Sammodanīyaṃ kathaṃ sāraṇīyaṃ vītisāretvā ekamantaṃ nisīdi. Ekamantaṃ nisinno kho, ānanda, ghaṭikāro kumbhakāro kassapaṃ bhagavantaṃ arahantaṃ sammāsambuddhaṃ etadavoca – ‘ayaṃ me, bhante, jotipālo māṇavo sahāyo piyasahāyo. Imassa bhagavā dhammaṃ desetū’ti. Atha kho, ānanda, kassapo bhagavā arahaṃ sammāsambuddho ghaṭikārañca kumbhakāraṃ jotipālañca māṇavaṃ dhammiyā kathāya sandassesi samādapesi samuttejesi sampahaṃsesi. Atha kho, ānanda, ghaṭikāro ca kumbhakāro jotipālo ca māṇavo kassapena bhagavatā arahatā sammāsambuddhena dhammiyā kathāya sandassitā samādapitā samuttejitā sampahaṃsitā kassapassa bhagavato arahato sammāsambuddhassa bhāsitaṃ abhinanditvā anumoditvā uṭṭhāyāsanā kassapaṃ bhagavantaṃ arahantaṃ sammāsambuddhaṃ abhivādetvā padakkhiṇaṃ katvā pakkamiṃsu.
੨੮੬. ‘‘ਅਥ ਖੋ, ਆਨਨ੍ਦ, ਜੋਤਿਪਾਲੋ ਮਾਣવੋ ਘਟਿਕਾਰਂ ਕੁਮ੍ਭਕਾਰਂ ਏਤਦવੋਚ – ‘ਇਮਂ ਨੁ ਤ੍વਂ, ਸਮ੍ਮ ਘਟਿਕਾਰ, ਧਮ੍ਮਂ ਸੁਣਨ੍ਤੋ ਅਥ ਚ ਪਨ ਅਗਾਰਸ੍ਮਾ ਅਨਗਾਰਿਯਂ ਨ ਪਬ੍ਬਜਿਸ੍ਸਸੀ’ਤਿ? ‘ਨਨੁ ਮਂ, ਸਮ੍ਮ ਜੋਤਿਪਾਲ, ਜਾਨਾਸਿ, ਅਨ੍ਧੇ ਜਿਣ੍ਣੇ ਮਾਤਾਪਿਤਰੋ ਪੋਸੇਮੀ’ਤਿ? ‘ਤੇਨ ਹਿ, ਸਮ੍ਮ ਘਟਿਕਾਰ, ਅਹਂ ਅਗਾਰਸ੍ਮਾ ਅਨਗਾਰਿਯਂ ਪਬ੍ਬਜਿਸ੍ਸਾਮੀ’ਤਿ। ਅਥ ਖੋ, ਆਨਨ੍ਦ, ਘਟਿਕਾਰੋ ਚ ਕੁਮ੍ਭਕਾਰੋ ਜੋਤਿਪਾਲੋ ਚ ਮਾਣવੋ ਯੇਨ ਕਸ੍ਸਪੋ ਭਗવਾ ਅਰਹਂ ਸਮ੍ਮਾਸਮ੍ਬੁਦ੍ਧੋ ਤੇਨੁਪਸਙ੍ਕਮਿਂਸੁ ; ਉਪਸਙ੍ਕਮਿਤ੍વਾ ਕਸ੍ਸਪਂ ਭਗવਨ੍ਤਂ ਅਰਹਨ੍ਤਂ ਸਮ੍ਮਾਸਮ੍ਬੁਦ੍ਧਂ ਅਭਿવਾਦੇਤ੍વਾ ਏਕਮਨ੍ਤਂ ਨਿਸੀਦਿਂਸੁ। ਏਕਮਨ੍ਤਂ ਨਿਸਿਨ੍ਨੋ ਖੋ, ਆਨਨ੍ਦ, ਘਟਿਕਾਰੋ ਕੁਮ੍ਭਕਾਰੋ ਕਸ੍ਸਪਂ ਭਗવਨ੍ਤਂ ਅਰਹਨ੍ਤਂ ਸਮ੍ਮਾਸਮ੍ਬੁਦ੍ਧਂ ਏਤਦવੋਚ – ‘ਅਯਂ ਮੇ, ਭਨ੍ਤੇ, ਜੋਤਿਪਾਲੋ ਮਾਣવੋ ਸਹਾਯੋ ਪਿਯਸਹਾਯੋ। ਇਮਂ ਭਗવਾ ਪਬ੍ਬਾਜੇਤੂ’ਤਿ। ਅਲਤ੍ਥ ਖੋ, ਆਨਨ੍ਦ, ਜੋਤਿਪਾਲੋ ਮਾਣવੋ ਕਸ੍ਸਪਸ੍ਸ ਭਗવਤੋ ਅਰਹਤੋ ਸਮ੍ਮਾਸਮ੍ਬੁਦ੍ਧਸ੍ਸ ਸਨ੍ਤਿਕੇ ਪਬ੍ਬਜ੍ਜਂ, ਅਲਤ੍ਥ ਉਪਸਮ੍ਪਦਂ।
286. ‘‘Atha kho, ānanda, jotipālo māṇavo ghaṭikāraṃ kumbhakāraṃ etadavoca – ‘imaṃ nu tvaṃ, samma ghaṭikāra, dhammaṃ suṇanto atha ca pana agārasmā anagāriyaṃ na pabbajissasī’ti? ‘Nanu maṃ, samma jotipāla, jānāsi, andhe jiṇṇe mātāpitaro posemī’ti? ‘Tena hi, samma ghaṭikāra, ahaṃ agārasmā anagāriyaṃ pabbajissāmī’ti. Atha kho, ānanda, ghaṭikāro ca kumbhakāro jotipālo ca māṇavo yena kassapo bhagavā arahaṃ sammāsambuddho tenupasaṅkamiṃsu ; upasaṅkamitvā kassapaṃ bhagavantaṃ arahantaṃ sammāsambuddhaṃ abhivādetvā ekamantaṃ nisīdiṃsu. Ekamantaṃ nisinno kho, ānanda, ghaṭikāro kumbhakāro kassapaṃ bhagavantaṃ arahantaṃ sammāsambuddhaṃ etadavoca – ‘ayaṃ me, bhante, jotipālo māṇavo sahāyo piyasahāyo. Imaṃ bhagavā pabbājetū’ti. Alattha kho, ānanda, jotipālo māṇavo kassapassa bhagavato arahato sammāsambuddhassa santike pabbajjaṃ, alattha upasampadaṃ.
੨੮੭. ‘‘ਅਥ ਖੋ, ਆਨਨ੍ਦ, ਕਸ੍ਸਪੋ ਭਗવਾ ਅਰਹਂ ਸਮ੍ਮਾਸਮ੍ਬੁਦ੍ਧੋ ਅਚਿਰੂਪਸਮ੍ਪਨ੍ਨੇ ਜੋਤਿਪਾਲੇ ਮਾਣવੇ ਅਡ੍ਢਮਾਸੁਪਸਮ੍ਪਨ੍ਨੇ વੇਗਲ਼ਿਙ੍ਗੇ ਯਥਾਭਿਰਨ੍ਤਂ વਿਹਰਿਤ੍વਾ ਯੇਨ ਬਾਰਾਣਸੀ ਤੇਨ ਚਾਰਿਕਂ ਪਕ੍ਕਾਮਿ। ਅਨੁਪੁਬ੍ਬੇਨ ਚਾਰਿਕਂ ਚਰਮਾਨੋ ਯੇਨ ਬਾਰਾਣਸੀ ਤਦવਸਰਿ। ਤਤ੍ਰ ਸੁਦਂ, ਆਨਨ੍ਦ, ਕਸ੍ਸਪੋ ਭਗવਾ ਅਰਹਂ ਸਮ੍ਮਾਸਮ੍ਬੁਦ੍ਧੋ ਬਾਰਾਣਸਿਯਂ વਿਹਰਤਿ ਇਸਿਪਤਨੇ ਮਿਗਦਾਯੇ । ਅਸ੍ਸੋਸਿ ਖੋ, ਆਨਨ੍ਦ, ਕਿਕੀ ਕਾਸਿਰਾਜਾ – ‘ਕਸ੍ਸਪੋ ਕਿਰ ਭਗવਾ ਅਰਹਂ ਸਮ੍ਮਾਸਮ੍ਬੁਦ੍ਧੋ ਬਾਰਾਣਸਿਂ ਅਨੁਪ੍ਪਤ੍ਤੋ ਬਾਰਾਣਸਿਯਂ વਿਹਰਤਿ ਇਸਿਪਤਨੇ ਮਿਗਦਾਯੇ’ਤਿ। ਅਥ ਖੋ, ਆਨਨ੍ਦ, ਕਿਕੀ ਕਾਸਿਰਾਜਾ ਭਦ੍ਰਾਨਿ ਭਦ੍ਰਾਨਿ ਯਾਨਾਨਿ ਯੋਜਾਪੇਤ੍વਾ ਭਦ੍ਰਂ 19 ਯਾਨਂ ਅਭਿਰੁਹਿਤ੍વਾ ਭਦ੍ਰੇਹਿ ਭਦ੍ਰੇਹਿ ਯਾਨੇਹਿ ਬਾਰਾਣਸਿਯਾ ਨਿਯ੍ਯਾਸਿ ਮਹਚ੍ਚਰਾਜਾਨੁਭਾવੇਨ 20 ਕਸ੍ਸਪਂ ਭਗવਨ੍ਤਂ ਅਰਹਨ੍ਤਂ ਸਮ੍ਮਾਸਮ੍ਬੁਦ੍ਧਂ ਦਸ੍ਸਨਾਯ। ਯਾવਤਿਕਾ ਯਾਨਸ੍ਸ ਭੂਮਿ ਯਾਨੇਨ ਗਨ੍ਤ੍વਾ ਯਾਨਾ ਪਚ੍ਚੋਰੋਹਿਤ੍વਾ ਪਤ੍ਤਿਕੋવ ਯੇਨ ਕਸ੍ਸਪੋ ਭਗવਾ ਅਰਹਂ ਸਮ੍ਮਾਸਮ੍ਬੁਦ੍ਧੋ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍વਾ ਕਸ੍ਸਪਂ ਭਗવਨ੍ਤਂ ਅਰਹਨ੍ਤਂ ਸਮ੍ਮਾਸਮ੍ਬੁਦ੍ਧਂ ਅਭਿવਾਦੇਤ੍વਾ ਏਕਮਨ੍ਤਂ ਨਿਸੀਦਿ। ਏਕਮਨ੍ਤਂ ਨਿਸਿਨ੍ਨਂ ਖੋ, ਆਨਨ੍ਦ, ਕਿਕਿਂ ਕਾਸਿਰਾਜਾਨਂ ਕਸ੍ਸਪੋ ਭਗવਾ ਅਰਹਂ ਸਮ੍ਮਾਸਮ੍ਬੁਦ੍ਧੋ ਧਮ੍ਮਿਯਾ ਕਥਾਯ ਸਨ੍ਦਸ੍ਸੇਸਿ ਸਮਾਦਪੇਸਿ ਸਮੁਤ੍ਤੇਜੇਸਿ ਸਮ੍ਪਹਂਸੇਸਿ। ਅਥ ਖੋ, ਆਨਨ੍ਦ, ਕਿਕੀ ਕਾਸਿਰਾਜਾ ਕਸ੍ਸਪੇਨ ਭਗવਤਾ ਅਰਹਤਾ ਸਮ੍ਮਾਸਮ੍ਬੁਦ੍ਧੇਨ ਧਮ੍ਮਿਯਾ ਕਥਾਯ ਸਨ੍ਦਸ੍ਸਿਤੋ ਸਮਾਦਪਿਤੋ ਸਮੁਤ੍ਤੇਜਿਤੋ ਸਮ੍ਪਹਂਸਿਤੋ ਕਸ੍ਸਪਂ ਭਗવਨ੍ਤਂ ਅਰਹਨ੍ਤਂ ਸਮ੍ਮਾਸਮ੍ਬੁਦ੍ਧਂ ਏਤਦવੋਚ – ‘ਅਧਿવਾਸੇਤੁ ਮੇ, ਭਨ੍ਤੇ, ਭਗવਾ ਸ੍વਾਤਨਾਯ ਭਤ੍ਤਂ ਸਦ੍ਧਿਂ ਭਿਕ੍ਖੁਸਙ੍ਘੇਨਾ’ਤਿ। ਅਧਿવਾਸੇਸਿ ਖੋ, ਆਨਨ੍ਦ, ਕਸ੍ਸਪੋ ਭਗવਾ ਅਰਹਂ ਸਮ੍ਮਾਸਮ੍ਬੁਦ੍ਧੋ ਤੁਣ੍ਹੀਭਾવੇਨ। ਅਥ ਖੋ, ਆਨਨ੍ਦ, ਕਿਕੀ ਕਾਸਿਰਾਜਾ ਕਸ੍ਸਪਸ੍ਸ ਭਗવਤੋ ਸਮ੍ਮਾਸਮ੍ਬੁਦ੍ਧਸ੍ਸ ਅਧਿવਾਸਨਂ વਿਦਿਤ੍વਾ ਉਟ੍ਠਾਯਾਸਨਾ ਕਸ੍ਸਪਂ ਭਗવਨ੍ਤਂ ਅਰਹਨ੍ਤਂ ਸਮ੍ਮਾਸਮ੍ਬੁਦ੍ਧਂ ਅਭਿવਾਦੇਤ੍વਾ ਪਦਕ੍ਖਿਣਂ ਕਤ੍વਾ ਪਕ੍ਕਾਮਿ। ਅਥ ਖੋ, ਆਨਨ੍ਦ, ਕਿਕੀ ਕਾਸਿਰਾਜਾ ਤਸ੍ਸਾ ਰਤ੍ਤਿਯਾ ਅਚ੍ਚਯੇਨ ਸਕੇ ਨਿવੇਸਨੇ ਪਣੀਤਂ ਖਾਦਨੀਯਂ ਭੋਜਨੀਯਂ ਪਟਿਯਾਦਾਪੇਤ੍વਾ ਪਣ੍ਡੁਪੁਟਕਸ੍ਸ 21 ਸਾਲਿਨੋ વਿਗਤਕਾਲ਼ਕਂ ਅਨੇਕਸੂਪਂ ਅਨੇਕਬ੍ਯਞ੍ਜਨਂ, ਕਸ੍ਸਪਸ੍ਸ ਭਗવਤੋ ਅਰਹਤੋ ਸਮ੍ਮਾਸਮ੍ਬੁਦ੍ਧਸ੍ਸ ਕਾਲਂ ਆਰੋਚਾਪੇਸਿ – ‘ਕਾਲੋ, ਭਨ੍ਤੇ, ਨਿਟ੍ਠਿਤਂ ਭਤ੍ਤ’ਨ੍ਤਿ।
287. ‘‘Atha kho, ānanda, kassapo bhagavā arahaṃ sammāsambuddho acirūpasampanne jotipāle māṇave aḍḍhamāsupasampanne vegaḷiṅge yathābhirantaṃ viharitvā yena bārāṇasī tena cārikaṃ pakkāmi. Anupubbena cārikaṃ caramāno yena bārāṇasī tadavasari. Tatra sudaṃ, ānanda, kassapo bhagavā arahaṃ sammāsambuddho bārāṇasiyaṃ viharati isipatane migadāye . Assosi kho, ānanda, kikī kāsirājā – ‘kassapo kira bhagavā arahaṃ sammāsambuddho bārāṇasiṃ anuppatto bārāṇasiyaṃ viharati isipatane migadāye’ti. Atha kho, ānanda, kikī kāsirājā bhadrāni bhadrāni yānāni yojāpetvā bhadraṃ 22 yānaṃ abhiruhitvā bhadrehi bhadrehi yānehi bārāṇasiyā niyyāsi mahaccarājānubhāvena 23 kassapaṃ bhagavantaṃ arahantaṃ sammāsambuddhaṃ dassanāya. Yāvatikā yānassa bhūmi yānena gantvā yānā paccorohitvā pattikova yena kassapo bhagavā arahaṃ sammāsambuddho tenupasaṅkami; upasaṅkamitvā kassapaṃ bhagavantaṃ arahantaṃ sammāsambuddhaṃ abhivādetvā ekamantaṃ nisīdi. Ekamantaṃ nisinnaṃ kho, ānanda, kikiṃ kāsirājānaṃ kassapo bhagavā arahaṃ sammāsambuddho dhammiyā kathāya sandassesi samādapesi samuttejesi sampahaṃsesi. Atha kho, ānanda, kikī kāsirājā kassapena bhagavatā arahatā sammāsambuddhena dhammiyā kathāya sandassito samādapito samuttejito sampahaṃsito kassapaṃ bhagavantaṃ arahantaṃ sammāsambuddhaṃ etadavoca – ‘adhivāsetu me, bhante, bhagavā svātanāya bhattaṃ saddhiṃ bhikkhusaṅghenā’ti. Adhivāsesi kho, ānanda, kassapo bhagavā arahaṃ sammāsambuddho tuṇhībhāvena. Atha kho, ānanda, kikī kāsirājā kassapassa bhagavato sammāsambuddhassa adhivāsanaṃ viditvā uṭṭhāyāsanā kassapaṃ bhagavantaṃ arahantaṃ sammāsambuddhaṃ abhivādetvā padakkhiṇaṃ katvā pakkāmi. Atha kho, ānanda, kikī kāsirājā tassā rattiyā accayena sake nivesane paṇītaṃ khādanīyaṃ bhojanīyaṃ paṭiyādāpetvā paṇḍupuṭakassa 24 sālino vigatakāḷakaṃ anekasūpaṃ anekabyañjanaṃ, kassapassa bhagavato arahato sammāsambuddhassa kālaṃ ārocāpesi – ‘kālo, bhante, niṭṭhitaṃ bhatta’nti.
੨੮੮. ‘‘ਅਥ ਖੋ, ਆਨਨ੍ਦ, ਕਸ੍ਸਪੋ ਭਗવਾ ਅਰਹਂ ਸਮ੍ਮਾਸਮ੍ਬੁਦ੍ਧੋ ਪੁਬ੍ਬਣ੍ਹਸਮਯਂ ਨਿવਾਸੇਤ੍વਾ ਪਤ੍ਤਚੀવਰਮਾਦਾਯ ਯੇਨ ਕਿਕਿਸ੍ਸ ਕਾਸਿਰਞ੍ਞੋ ਨਿવੇਸਨਂ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍વਾ ਪਞ੍ਞਤ੍ਤੇ ਆਸਨੇ ਨਿਸੀਦਿ ਸਦ੍ਧਿਂ ਭਿਕ੍ਖੁਸਙ੍ਘੇਨ। ਅਥ ਖੋ, ਆਨਨ੍ਦ, ਕਿਕੀ ਕਾਸਿਰਾਜਾ ਬੁਦ੍ਧਪ੍ਪਮੁਖਂ ਭਿਕ੍ਖੁਸਙ੍ਘਂ ਪਣੀਤੇਨ ਖਾਦਨੀਯੇਨ ਭੋਜਨੀਯੇਨ ਸਹਤ੍ਥਾ ਸਨ੍ਤਪ੍ਪੇਸਿ ਸਮ੍ਪવਾਰੇਸਿ। ਅਥ ਖੋ, ਆਨਨ੍ਦ, ਕਿਕੀ ਕਾਸਿਰਾਜਾ ਕਸ੍ਸਪਂ ਭਗવਨ੍ਤਂ ਅਰਹਨ੍ਤਂ ਸਮ੍ਮਾਸਮ੍ਬੁਦ੍ਧਂ ਭੁਤ੍ਤਾવਿਂ ਓਨੀਤਪਤ੍ਤਪਾਣਿਂ ਅਞ੍ਞਤਰਂ ਨੀਚਂ ਆਸਨਂ ਗਹੇਤ੍વਾ ਏਕਮਨ੍ਤਂ ਨਿਸੀਦਿ। ਏਕਮਨ੍ਤਂ ਨਿਸਿਨ੍ਨੋ ਖੋ, ਆਨਨ੍ਦ, ਕਿਕੀ ਕਾਸਿਰਾਜਾ ਕਸ੍ਸਪਂ ਭਗવਨ੍ਤਂ ਅਰਹਨ੍ਤਂ ਸਮ੍ਮਾਸਮ੍ਬੁਦ੍ਧਂ ਏਤਦવੋਚ – ‘ਅਧਿવਾਸੇਤੁ ਮੇ, ਭਨ੍ਤੇ, ਭਗવਾ ਬਾਰਾਣਸਿਯਂ વਸ੍ਸਾવਾਸਂ; ਏવਰੂਪਂ ਸਙ੍ਘਸ੍ਸ ਉਪਟ੍ਠਾਨਂ ਭવਿਸ੍ਸਤੀ’ਤਿ। ‘ਅਲਂ, ਮਹਾਰਾਜ। ਅਧਿવੁਤ੍ਥੋ ਮੇ વਸ੍ਸਾવਾਸੋ’ਤਿ। ਦੁਤਿਯਮ੍ਪਿ ਖੋ, ਆਨਨ੍ਦ… ਤਤਿਯਮ੍ਪਿ ਖੋ, ਆਨਨ੍ਦ, ਕਿਕੀ ਕਾਸਿਰਾਜਾ ਕਸ੍ਸਪਂ ਭਗવਨ੍ਤਂ ਅਰਹਨ੍ਤਂ ਸਮ੍ਮਾਸਮ੍ਬੁਦ੍ਧਂ ਏਤਦવੋਚ – ‘ਅਧਿવਾਸੇਤੁ ਮੇ, ਭਨ੍ਤੇ, ਭਗવਾ ਬਾਰਾਣਸਿਯਂ વਸ੍ਸਾવਾਸਂ; ਏવਰੂਪਂ ਸਙ੍ਘਸ੍ਸ ਉਪਟ੍ਠਾਨਂ ਭવਿਸ੍ਸਤੀ’ਤਿ। ‘ਅਲਂ, ਮਹਾਰਾਜ। ਅਧਿવੁਤ੍ਥੋ ਮੇ વਸ੍ਸਾવਾਸੋ’ਤਿ। ਅਥ ਖੋ, ਆਨਨ੍ਦ, ਕਿਕਿਸ੍ਸ ਕਾਸਿਰਞ੍ਞੋ ‘ਨ ਮੇ ਕਸ੍ਸਪੋ ਭਗવਾ ਅਰਹਂ ਸਮ੍ਮਾਸਮ੍ਬੁਦ੍ਧੋ ਅਧਿવਾਸੇਤਿ ਬਾਰਾਣਸਿਯਂ વਸ੍ਸਾવਾਸ’ਨ੍ਤਿ ਅਹੁਦੇવ ਅਞ੍ਞਥਤ੍ਤਂ , ਅਹੁ ਦੋਮਨਸ੍ਸਂ। ਅਥ ਖੋ, ਆਨਨ੍ਦ, ਕਿਕੀ ਕਾਸਿਰਾਜਾ ਕਸ੍ਸਪਂ ਭਗવਨ੍ਤਂ ਅਰਹਨ੍ਤਂ ਸਮ੍ਮਾਸਮ੍ਬੁਦ੍ਧਂ ਏਤਦવੋਚ – ‘ਅਤ੍ਥਿ ਨੁ ਖੋ, ਭਨ੍ਤੇ, ਅਞ੍ਞੋ ਕੋਚਿ ਮਯਾ ਉਪਟ੍ਠਾਕਤਰੋ’ਤਿ?
288. ‘‘Atha kho, ānanda, kassapo bhagavā arahaṃ sammāsambuddho pubbaṇhasamayaṃ nivāsetvā pattacīvaramādāya yena kikissa kāsirañño nivesanaṃ tenupasaṅkami; upasaṅkamitvā paññatte āsane nisīdi saddhiṃ bhikkhusaṅghena. Atha kho, ānanda, kikī kāsirājā buddhappamukhaṃ bhikkhusaṅghaṃ paṇītena khādanīyena bhojanīyena sahatthā santappesi sampavāresi. Atha kho, ānanda, kikī kāsirājā kassapaṃ bhagavantaṃ arahantaṃ sammāsambuddhaṃ bhuttāviṃ onītapattapāṇiṃ aññataraṃ nīcaṃ āsanaṃ gahetvā ekamantaṃ nisīdi. Ekamantaṃ nisinno kho, ānanda, kikī kāsirājā kassapaṃ bhagavantaṃ arahantaṃ sammāsambuddhaṃ etadavoca – ‘adhivāsetu me, bhante, bhagavā bārāṇasiyaṃ vassāvāsaṃ; evarūpaṃ saṅghassa upaṭṭhānaṃ bhavissatī’ti. ‘Alaṃ, mahārāja. Adhivuttho me vassāvāso’ti. Dutiyampi kho, ānanda… tatiyampi kho, ānanda, kikī kāsirājā kassapaṃ bhagavantaṃ arahantaṃ sammāsambuddhaṃ etadavoca – ‘adhivāsetu me, bhante, bhagavā bārāṇasiyaṃ vassāvāsaṃ; evarūpaṃ saṅghassa upaṭṭhānaṃ bhavissatī’ti. ‘Alaṃ, mahārāja. Adhivuttho me vassāvāso’ti. Atha kho, ānanda, kikissa kāsirañño ‘na me kassapo bhagavā arahaṃ sammāsambuddho adhivāseti bārāṇasiyaṃ vassāvāsa’nti ahudeva aññathattaṃ , ahu domanassaṃ. Atha kho, ānanda, kikī kāsirājā kassapaṃ bhagavantaṃ arahantaṃ sammāsambuddhaṃ etadavoca – ‘atthi nu kho, bhante, añño koci mayā upaṭṭhākataro’ti?
‘‘‘ਅਤ੍ਥਿ, ਮਹਾਰਾਜ, વੇਗਲ਼ਿਙ੍ਗਂ ਨਾਮ ਗਾਮਨਿਗਮੋ। ਤਤ੍ਥ ਘਟਿਕਾਰੋ ਨਾਮ ਕੁਮ੍ਭਕਾਰੋ; ਸੋ ਮੇ ਉਪਟ੍ਠਾਕੋ ਅਗ੍ਗੁਪਟ੍ਠਾਕੋ। ਤੁਯ੍ਹਂ ਖੋ ਪਨ, ਮਹਾਰਾਜ, ਨ ਮੇ ਕਸ੍ਸਪੋ ਭਗવਾ ਅਰਹਂ ਸਮ੍ਮਾਸਮ੍ਬੁਦ੍ਧੋ ਅਧਿવਾਸੇਤਿ ਬਾਰਾਣਸਿਯਂ વਸ੍ਸਾવਾਸਨ੍ਤਿ ਅਤ੍ਥੇવ 25 ਅਞ੍ਞਥਤ੍ਤਂ, ਅਤ੍ਥਿ ਦੋਮਨਸ੍ਸਂ। ਤਯਿਦਂ ਘਟਿਕਾਰਸ੍ਸ ਕੁਮ੍ਭਕਾਰਸ੍ਸ 26 ਨਤ੍ਥਿ ਚ ਨ ਚ ਭવਿਸ੍ਸਤਿ। ਘਟਿਕਾਰੋ ਖੋ, ਮਹਾਰਾਜ, ਕੁਮ੍ਭਕਾਰੋ ਬੁਦ੍ਧਂ ਸਰਣਂ ਗਤੋ, ਧਮ੍ਮਂ ਸਰਣਂ ਗਤੋ, ਸਙ੍ਘਂ ਸਰਣਂ ਗਤੋ। ਘਟਿਕਾਰੋ ਖੋ, ਮਹਾਰਾਜ, ਕੁਮ੍ਭਕਾਰੋ ਪਾਣਾਤਿਪਾਤਾ ਪਟਿવਿਰਤੋ, ਅਦਿਨ੍ਨਾਦਾਨਾ ਪਟਿવਿਰਤੋ, ਕਾਮੇਸੁਮਿਚ੍ਛਾਚਾਰਾ ਪਟਿવਿਰਤੋ, ਮੁਸਾવਾਦਾ ਪਟਿવਿਰਤੋ, ਸੁਰਾਮੇਰਯਮਜ੍ਜਪਮਾਦਟ੍ਠਾਨਾ ਪਟਿવਿਰਤੋ। ਘਟਿਕਾਰੋ ਖੋ, ਮਹਾਰਾਜ, ਕੁਮ੍ਭਕਾਰੋ ਬੁਦ੍ਧੇ ਅવੇਚ੍ਚਪ੍ਪਸਾਦੇਨ ਸਮਨ੍ਨਾਗਤੋ, ਧਮ੍ਮੇ ਅવੇਚ੍ਚਪ੍ਪਸਾਦੇਨ ਸਮਨ੍ਨਾਗਤੋ, ਸਙ੍ਘੇ ਅવੇਚ੍ਚਪ੍ਪਸਾਦੇਨ ਸਮਨ੍ਨਾਗਤੋ, ਅਰਿਯਕਨ੍ਤੇਹਿ ਸੀਲੇਹਿ ਸਮਨ੍ਨਾਗਤੋ। ਘਟਿਕਾਰੋ ਖੋ, ਮਹਾਰਾਜ, ਕੁਮ੍ਭਕਾਰੋ ਦੁਕ੍ਖੇ ਨਿਕ੍ਕਙ੍ਖੋ, ਦੁਕ੍ਖਸਮੁਦਯੇ ਨਿਕ੍ਕਙ੍ਖੋ, ਦੁਕ੍ਖਨਿਰੋਧੇ ਨਿਕ੍ਕਙ੍ਖੋ, ਦੁਕ੍ਖਨਿਰੋਧਗਾਮਿਨਿਯਾ ਪਟਿਪਦਾਯ ਨਿਕ੍ਕਙ੍ਖੋ। ਘਟਿਕਾਰੋ ਖੋ, ਮਹਾਰਾਜ, ਕੁਮ੍ਭਕਾਰੋ ਏਕਭਤ੍ਤਿਕੋ ਬ੍ਰਹ੍ਮਚਾਰੀ ਸੀਲવਾ ਕਲ੍ਯਾਣਧਮ੍ਮੋ। ਘਟਿਕਾਰੋ ਖੋ, ਮਹਾਰਾਜ, ਕੁਮ੍ਭਕਾਰੋ ਨਿਕ੍ਖਿਤ੍ਤਮਣਿਸੁવਣ੍ਣੋ ਅਪੇਤਜਾਤਰੂਪਰਜਤੋ । ਘਟਿਕਾਰੋ ਖੋ, ਮਹਾਰਾਜ, ਕੁਮ੍ਭਕਾਰੋ ਪਨ੍ਨਮੁਸਲੋ ਨ ਸਹਤ੍ਥਾ ਪਥવਿਂ ਖਣਤਿ 27। ਯਂ ਹੋਤਿ ਕੂਲਪਲੁਗ੍ਗਂ વਾ ਮੂਸਿਕੁਕ੍ਕਰੋ 28 વਾ ਤਂ ਕਾਜੇਨ ਆਹਰਿਤ੍વਾ ਭਾਜਨਂ ਕਰਿਤ੍વਾ ਏવਮਾਹ – ‘‘ਏਤ੍ਥ ਯੋ ਇਚ੍ਛਤਿ ਤਣ੍ਡੁਲਪਟਿਭਸ੍ਤਾਨਿ 29 વਾ ਮੁਗ੍ਗਪਟਿਭਸ੍ਤਾਨਿ વਾ ਕਲ਼ਾਯਪਟਿਭਸ੍ਤਾਨਿ વਾ ਨਿਕ੍ਖਿਪਿਤ੍વਾ ਯਂ ਇਚ੍ਛਤਿ ਤਂ ਹਰਤੂ’’ਤਿ। ਘਟਿਕਾਰੋ ਖੋ, ਮਹਾਰਾਜ, ਕੁਮ੍ਭਕਾਰੋ ਅਨ੍ਧੇ ਜਿਣ੍ਣੇ ਮਾਤਾਪਿਤਰੋ ਪੋਸੇਤਿ। ਘਟਿਕਾਰੋ ਖੋ, ਮਹਾਰਾਜ, ਕੁਮ੍ਭਕਾਰੋ ਪਞ੍ਚਨ੍ਨਂ ਓਰਮ੍ਭਾਗਿਯਾਨਂ ਸਂਯੋਜਨਾਨਂ ਪਰਿਕ੍ਖਯਾ ਓਪਪਾਤਿਕੋ ਤਤ੍ਥ ਪਰਿਨਿਬ੍ਬਾਯੀ ਅਨਾવਤ੍ਤਿਧਮ੍ਮੋ ਤਸ੍ਮਾ ਲੋਕਾ।
‘‘‘Atthi, mahārāja, vegaḷiṅgaṃ nāma gāmanigamo. Tattha ghaṭikāro nāma kumbhakāro; so me upaṭṭhāko aggupaṭṭhāko. Tuyhaṃ kho pana, mahārāja, na me kassapo bhagavā arahaṃ sammāsambuddho adhivāseti bārāṇasiyaṃ vassāvāsanti attheva 30 aññathattaṃ, atthi domanassaṃ. Tayidaṃ ghaṭikārassa kumbhakārassa 31 natthi ca na ca bhavissati. Ghaṭikāro kho, mahārāja, kumbhakāro buddhaṃ saraṇaṃ gato, dhammaṃ saraṇaṃ gato, saṅghaṃ saraṇaṃ gato. Ghaṭikāro kho, mahārāja, kumbhakāro pāṇātipātā paṭivirato, adinnādānā paṭivirato, kāmesumicchācārā paṭivirato, musāvādā paṭivirato, surāmerayamajjapamādaṭṭhānā paṭivirato. Ghaṭikāro kho, mahārāja, kumbhakāro buddhe aveccappasādena samannāgato, dhamme aveccappasādena samannāgato, saṅghe aveccappasādena samannāgato, ariyakantehi sīlehi samannāgato. Ghaṭikāro kho, mahārāja, kumbhakāro dukkhe nikkaṅkho, dukkhasamudaye nikkaṅkho, dukkhanirodhe nikkaṅkho, dukkhanirodhagāminiyā paṭipadāya nikkaṅkho. Ghaṭikāro kho, mahārāja, kumbhakāro ekabhattiko brahmacārī sīlavā kalyāṇadhammo. Ghaṭikāro kho, mahārāja, kumbhakāro nikkhittamaṇisuvaṇṇo apetajātarūparajato . Ghaṭikāro kho, mahārāja, kumbhakāro pannamusalo na sahatthā pathaviṃ khaṇati 32. Yaṃ hoti kūlapaluggaṃ vā mūsikukkaro 33 vā taṃ kājena āharitvā bhājanaṃ karitvā evamāha – ‘‘ettha yo icchati taṇḍulapaṭibhastāni 34 vā muggapaṭibhastāni vā kaḷāyapaṭibhastāni vā nikkhipitvā yaṃ icchati taṃ haratū’’ti. Ghaṭikāro kho, mahārāja, kumbhakāro andhe jiṇṇe mātāpitaro poseti. Ghaṭikāro kho, mahārāja, kumbhakāro pañcannaṃ orambhāgiyānaṃ saṃyojanānaṃ parikkhayā opapātiko tattha parinibbāyī anāvattidhammo tasmā lokā.
੨੮੯. ‘‘‘ਏਕਮਿਦਾਹਂ , ਮਹਾਰਾਜ, ਸਮਯਂ વੇਗਲ਼ਿਙ੍ਗੇ ਨਾਮ ਗਾਮਨਿਗਮੇ વਿਹਰਾਮਿ। ਅਥ ਖ੍વਾਹਂ, ਮਹਾਰਾਜ, ਪੁਬ੍ਬਣ੍ਹਸਮਯਂ ਨਿવਾਸੇਤ੍વਾ ਪਤ੍ਤਚੀવਰਮਾਦਾਯ ਯੇਨ ਘਟਿਕਾਰਸ੍ਸ ਕੁਮ੍ਭਕਾਰਸ੍ਸ ਮਾਤਾਪਿਤਰੋ ਤੇਨੁਪਸਙ੍ਕਮਿਂ; ਉਪਸਙ੍ਕਮਿਤ੍વਾ ਘਟਿਕਾਰਸ੍ਸ ਕੁਮ੍ਭਕਾਰਸ੍ਸ ਮਾਤਾਪਿਤਰੋ ਏਤਦવੋਚਂ – ‘‘ਹਨ੍ਦ, ਕੋ ਨੁ ਖੋ ਅਯਂ ਭਗ੍ਗવੋ ਗਤੋ’’ਤਿ? ‘‘ਨਿਕ੍ਖਨ੍ਤੋ ਖੋ ਤੇ, ਭਨ੍ਤੇ, ਉਪਟ੍ਠਾਕੋ ਅਨ੍ਤੋਕੁਮ੍ਭਿਯਾ ਓਦਨਂ ਗਹੇਤ੍વਾ ਪਰਿਯੋਗਾ ਸੂਪਂ ਗਹੇਤ੍વਾ ਪਰਿਭੁਞ੍ਜਾ’’ਤਿ। ਅਥ ਖ੍વਾਹਂ, ਮਹਾਰਾਜ, ਕੁਮ੍ਭਿਯਾ ਓਦਨਂ ਗਹੇਤ੍વਾ ਪਰਿਯੋਗਾ ਸੂਪਂ ਗਹੇਤ੍વਾ ਪਰਿਭੁਞ੍ਜਿਤ੍વਾ ਉਟ੍ਠਾਯਾਸਨਾ ਪਕ੍ਕਮਿਂ 35। ਅਥ ਖੋ, ਮਹਾਰਾਜ, ਘਟਿਕਾਰੋ ਕੁਮ੍ਭਕਾਰੋ ਯੇਨ ਮਾਤਾਪਿਤਰੋ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍વਾ ਮਾਤਾਪਿਤਰੋ ਏਤਦવੋਚ – ‘‘ਕੋ ਕੁਮ੍ਭਿਯਾ ਓਦਨਂ ਗਹੇਤ੍વਾ ਪਰਿਯੋਗਾ ਸੂਪਂ ਗਹੇਤ੍વਾ ਪਰਿਭੁਞ੍ਜਿਤ੍વਾ ਉਟ੍ਠਾਯਾਸਨਾ ਪਕ੍ਕਨ੍ਤੋ’’ਤਿ? ‘‘ਕਸ੍ਸਪੋ, ਤਾਤ, ਭਗવਾ ਅਰਹਂ ਸਮ੍ਮਾਸਮ੍ਬੁਦ੍ਧੋ ਕੁਮ੍ਭਿਯਾ ਓਦਨਂ ਗਹੇਤ੍વਾ ਪਰਿਯੋਗਾ ਸੂਪਂ ਗਹੇਤ੍વਾ ਪਰਿਭੁਞ੍ਜਿਤ੍વਾ ਉਟ੍ਠਾਯਾਸਨਾ ਪਕ੍ਕਨ੍ਤੋ’’ਤਿ? ਅਥ ਖੋ, ਮਹਾਰਾਜ, ਘਟਿਕਾਰਸ੍ਸ ਕੁਮ੍ਭਕਾਰਸ੍ਸ ਏਤਦਹੋਸਿ – ‘‘ਲਾਭਾ વਤ ਮੇ, ਸੁਲਦ੍ਧਂ વਤ ਮੇ, ਯਸ੍ਸ ਮੇ ਕਸ੍ਸਪੋ ਭਗવਾ ਅਰਹਂ ਸਮ੍ਮਾਸਮ੍ਬੁਦ੍ਧੋ ਏવਂ ਅਭਿવਿਸ੍ਸਤ੍ਥੋ’’ਤਿ। ਅਥ ਖੋ, ਮਹਾਰਾਜ, ਘਟਿਕਾਰਂ ਕੁਮ੍ਭਕਾਰਂ ਅਡ੍ਢਮਾਸਂ ਪੀਤਿਸੁਖਂ ਨ વਿਜਹਤਿ 36, ਸਤ੍ਤਾਹਂ ਮਾਤਾਪਿਤੂਨਂ।
289. ‘‘‘Ekamidāhaṃ , mahārāja, samayaṃ vegaḷiṅge nāma gāmanigame viharāmi. Atha khvāhaṃ, mahārāja, pubbaṇhasamayaṃ nivāsetvā pattacīvaramādāya yena ghaṭikārassa kumbhakārassa mātāpitaro tenupasaṅkamiṃ; upasaṅkamitvā ghaṭikārassa kumbhakārassa mātāpitaro etadavocaṃ – ‘‘handa, ko nu kho ayaṃ bhaggavo gato’’ti? ‘‘Nikkhanto kho te, bhante, upaṭṭhāko antokumbhiyā odanaṃ gahetvā pariyogā sūpaṃ gahetvā paribhuñjā’’ti. Atha khvāhaṃ, mahārāja, kumbhiyā odanaṃ gahetvā pariyogā sūpaṃ gahetvā paribhuñjitvā uṭṭhāyāsanā pakkamiṃ 37. Atha kho, mahārāja, ghaṭikāro kumbhakāro yena mātāpitaro tenupasaṅkami; upasaṅkamitvā mātāpitaro etadavoca – ‘‘ko kumbhiyā odanaṃ gahetvā pariyogā sūpaṃ gahetvā paribhuñjitvā uṭṭhāyāsanā pakkanto’’ti? ‘‘Kassapo, tāta, bhagavā arahaṃ sammāsambuddho kumbhiyā odanaṃ gahetvā pariyogā sūpaṃ gahetvā paribhuñjitvā uṭṭhāyāsanā pakkanto’’ti? Atha kho, mahārāja, ghaṭikārassa kumbhakārassa etadahosi – ‘‘lābhā vata me, suladdhaṃ vata me, yassa me kassapo bhagavā arahaṃ sammāsambuddho evaṃ abhivissattho’’ti. Atha kho, mahārāja, ghaṭikāraṃ kumbhakāraṃ aḍḍhamāsaṃ pītisukhaṃ na vijahati 38, sattāhaṃ mātāpitūnaṃ.
੨੯੦. ‘‘‘ਏਕਮਿਦਾਹਂ, ਮਹਾਰਾਜ, ਸਮਯਂ ਤਤ੍ਥੇવ વੇਗਲ਼ਿਙ੍ਗੇ ਨਾਮ ਗਾਮਨਿਗਮੇ વਿਹਰਾਮਿ। ਅਥ ਖ੍વਾਹਂ, ਮਹਾਰਾਜ, ਪੁਬ੍ਬਣ੍ਹਸਮਯਂ ਨਿવਾਸੇਤ੍વਾ ਪਤ੍ਤਚੀવਰਮਾਦਾਯ ਯੇਨ ਘਟਿਕਾਰਸ੍ਸ ਕੁਮ੍ਭਕਾਰਸ੍ਸ ਮਾਤਾਪਿਤਰੋ ਤੇਨੁਪਸਙ੍ਕਮਿਂ; ਉਪਸਙ੍ਕਮਿਤ੍વਾ ਘਟਿਕਾਰਸ੍ਸ ਕੁਮ੍ਭਕਾਰਸ੍ਸ ਮਾਤਾਪਿਤਰੋ ਏਤਦવੋਚਂ – ‘‘ਹਨ੍ਦ, ਕੋ ਨੁ ਖੋ ਅਯਂ ਭਗ੍ਗવੋ ਗਤੋ’’ਤਿ? ‘‘ਨਿਕ੍ਖਨ੍ਤੋ ਖੋ ਤੇ, ਭਨ੍ਤੇ, ਉਪਟ੍ਠਾਕੋ ਅਨ੍ਤੋ ਕਲ਼ੋਪਿਯਾ ਕੁਮ੍ਮਾਸਂ ਗਹੇਤ੍વਾ ਪਰਿਯੋਗਾ ਸੂਪਂ ਗਹੇਤ੍વਾ ਪਰਿਭੁਞ੍ਜਾ’’ਤਿ। ਅਥ ਖ੍વਾਹਂ, ਮਹਾਰਾਜ, ਕਲ਼ੋਪਿਯਾ ਕੁਮ੍ਮਾਸਂ ਗਹੇਤ੍વਾ ਪਰਿਯੋਗਾ ਸੂਪਂ ਗਹੇਤ੍વਾ ਪਰਿਭੁਞ੍ਜਿਤ੍વਾ ਉਟ੍ਠਾਯਾਸਨਾ ਪਕ੍ਕਮਿਂ। ਅਥ ਖੋ, ਮਹਾਰਾਜ, ਘਟਿਕਾਰੋ ਕੁਮ੍ਭਕਾਰੋ ਯੇਨ ਮਾਤਾਪਿਤਰੋ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍વਾ ਮਾਤਾਪਿਤਰੋ ਏਤਦવੋਚ – ‘‘ਕੋ ਕਲ਼ੋਪਿਯਾ ਕੁਮ੍ਮਾਸਂ ਗਹੇਤ੍વਾ ਪਰਿਯੋਗਾ ਸੂਪਂ ਗਹੇਤ੍વਾ ਪਰਿਭੁਞ੍ਜਿਤ੍વਾ ਉਟ੍ਠਾਯਾਸਨਾ ਪਕ੍ਕਨ੍ਤੋ’’ਤਿ? ‘‘ਕਸ੍ਸਪੋ, ਤਾਤ, ਭਗવਾ ਅਰਹਂ ਸਮ੍ਮਾਸਮ੍ਬੁਦ੍ਧੋ ਕਲ਼ੋਪਿਯਾ ਕੁਮ੍ਮਾਸਂ ਗਹੇਤ੍વਾ ਪਰਿਯੋਗਾ ਸੂਪਂ ਗਹੇਤ੍વਾ ਪਰਿਭੁਞ੍ਜਿਤ੍વਾ ਉਟ੍ਠਾਯਾਸਨਾ ਪਕ੍ਕਨ੍ਤੋ’’ਤਿ। ਅਥ ਖੋ, ਮਹਾਰਾਜ, ਘਟਿਕਾਰਸ੍ਸ ਕੁਮ੍ਭਕਾਰਸ੍ਸ ਏਤਦਹੋਸਿ – ‘‘ਲਾਭਾ વਤ ਮੇ, ਸੁਲਦ੍ਧਂ વਤ ਮੇ, ਯਸ੍ਸ ਮੇ ਕਸ੍ਸਪੋ ਭਗવਾ ਅਰਹਂ ਸਮ੍ਮਾਸਮ੍ਬੁਦ੍ਧੋ ਏવਂ ਅਭਿવਿਸ੍ਸਤ੍ਥੋ’’ਤਿ। ਅਥ ਖੋ, ਮਹਾਰਾਜ, ਘਟਿਕਾਰਂ ਕੁਮ੍ਭਕਾਰਂ ਅਡ੍ਢਮਾਸਂ ਪੀਤਿਸੁਖਂ ਨ વਿਜਹਤਿ, ਸਤ੍ਤਾਹਂ ਮਾਤਾਪਿਤੂਨਂ।
290. ‘‘‘Ekamidāhaṃ, mahārāja, samayaṃ tattheva vegaḷiṅge nāma gāmanigame viharāmi. Atha khvāhaṃ, mahārāja, pubbaṇhasamayaṃ nivāsetvā pattacīvaramādāya yena ghaṭikārassa kumbhakārassa mātāpitaro tenupasaṅkamiṃ; upasaṅkamitvā ghaṭikārassa kumbhakārassa mātāpitaro etadavocaṃ – ‘‘handa, ko nu kho ayaṃ bhaggavo gato’’ti? ‘‘Nikkhanto kho te, bhante, upaṭṭhāko anto kaḷopiyā kummāsaṃ gahetvā pariyogā sūpaṃ gahetvā paribhuñjā’’ti. Atha khvāhaṃ, mahārāja, kaḷopiyā kummāsaṃ gahetvā pariyogā sūpaṃ gahetvā paribhuñjitvā uṭṭhāyāsanā pakkamiṃ. Atha kho, mahārāja, ghaṭikāro kumbhakāro yena mātāpitaro tenupasaṅkami; upasaṅkamitvā mātāpitaro etadavoca – ‘‘ko kaḷopiyā kummāsaṃ gahetvā pariyogā sūpaṃ gahetvā paribhuñjitvā uṭṭhāyāsanā pakkanto’’ti? ‘‘Kassapo, tāta, bhagavā arahaṃ sammāsambuddho kaḷopiyā kummāsaṃ gahetvā pariyogā sūpaṃ gahetvā paribhuñjitvā uṭṭhāyāsanā pakkanto’’ti. Atha kho, mahārāja, ghaṭikārassa kumbhakārassa etadahosi – ‘‘lābhā vata me, suladdhaṃ vata me, yassa me kassapo bhagavā arahaṃ sammāsambuddho evaṃ abhivissattho’’ti. Atha kho, mahārāja, ghaṭikāraṃ kumbhakāraṃ aḍḍhamāsaṃ pītisukhaṃ na vijahati, sattāhaṃ mātāpitūnaṃ.
੨੯੧. ‘‘‘ਏਕਮਿਦਾਹਂ, ਮਹਾਰਾਜ, ਸਮਯਂ ਤਤ੍ਥੇવ વੇਗਲ਼ਿਙ੍ਗੇ ਨਾਮ ਗਾਮਨਿਗਮੇ વਿਹਰਾਮਿ। ਤੇਨ ਖੋ ਪਨ ਸਮਯੇਨ ਕੁਟਿ 39 ਓવਸ੍ਸਤਿ। ਅਥ ਖ੍વਾਹਂ, ਮਹਾਰਾਜ, ਭਿਕ੍ਖੂ ਆਮਨ੍ਤੇਸਿਂ – ‘‘ਗਚ੍ਛਥ, ਭਿਕ੍ਖવੇ, ਘਟਿਕਾਰਸ੍ਸ ਕੁਮ੍ਭਕਾਰਸ੍ਸ ਨਿવੇਸਨੇ ਤਿਣਂ ਜਾਨਾਥਾ’’ਤਿ। ਏવਂ વੁਤ੍ਤੇ, ਮਹਾਰਾਜ, ਤੇ ਭਿਕ੍ਖੂ ਮਂ ਏਤਦવੋਚੁਂ – ‘‘ਨਤ੍ਥਿ ਖੋ, ਭਨ੍ਤੇ, ਘਟਿਕਾਰਸ੍ਸ ਕੁਮ੍ਭਕਾਰਸ੍ਸ ਨਿવੇਸਨੇ ਤਿਣਂ, ਅਤ੍ਥਿ ਚ ਖ੍વਾਸ੍ਸ ਆવੇਸਨੇ 40 ਤਿਣਚ੍ਛਦਨ’’ 41 ਨ੍ਤਿ। ‘‘ਗਚ੍ਛਥ, ਭਿਕ੍ਖવੇ, ਘਟਿਕਾਰਸ੍ਸ ਕੁਮ੍ਭਕਾਰਸ੍ਸ ਆવੇਸਨਂ ਉਤ੍ਤਿਣਂ ਕਰੋਥਾ’’ਤਿ। ਅਥ ਖੋ ਤੇ, ਮਹਾਰਾਜ, ਭਿਕ੍ਖੂ ਘਟਿਕਾਰਸ੍ਸ ਕੁਮ੍ਭਕਾਰਸ੍ਸ ਆવੇਸਨਂ ਉਤ੍ਤਿਣਮਕਂਸੁ। ਅਥ ਖੋ, ਮਹਾਰਾਜ, ਘਟਿਕਾਰਸ੍ਸ ਕੁਮ੍ਭਕਾਰਸ੍ਸ ਮਾਤਾਪਿਤਰੋ ਤੇ ਭਿਕ੍ਖੂ ਏਤਦવੋਚੁਂ – ‘‘ਕੇ ਆવੇਸਨਂ ਉਤ੍ਤਿਣਂ ਕਰੋਨ੍ਤੀ’’ਤਿ? ‘‘ਭਿਕ੍ਖੂ, ਭਗਿਨਿ, ਕਸ੍ਸਪਸ੍ਸ ਭਗવਤੋ ਅਰਹਤੋ ਸਮ੍ਮਾਸਮ੍ਬੁਦ੍ਧਸ੍ਸ ਕੁਟਿ ਓવਸ੍ਸਤੀ’’ਤਿ। ‘‘ਹਰਥ, ਭਨ੍ਤੇ, ਹਰਥ, ਭਦ੍ਰਮੁਖਾ’’ਤਿ। ਅਥ ਖੋ, ਮਹਾਰਾਜ, ਘਟਿਕਾਰੋ ਕੁਮ੍ਭਕਾਰੋ ਯੇਨ ਮਾਤਾਪਿਤਰੋ ਤੇਨੁਪਸਙ੍ਕਮਿ; ਉਪਸਙ੍ਕਮਿਤ੍વਾ ਮਾਤਾਪਿਤਰੋ ਏਤਦવੋਚ – ‘‘ਕੇ ਆવੇਸਨਂ ਉਤ੍ਤਿਣਮਕਂਸੂ’’ਤਿ? ‘‘ਭਿਕ੍ਖੂ, ਤਾਤ, ਕਸ੍ਸਪਸ੍ਸ ਕਿਰ ਭਗવਤੋ ਅਰਹਤੋ ਸਮ੍ਮਾਸਮ੍ਬੁਦ੍ਧਸ੍ਸ ਕੁਟਿ ਓવਸ੍ਸਤੀ’’ਤਿ। ਅਥ ਖੋ, ਮਹਾਰਾਜ, ਘਟਿਕਾਰਸ੍ਸ ਕੁਮ੍ਭਕਾਰਸ੍ਸ ਏਤਦਹੋਸਿ – ‘‘ਲਾਭਾ વਤ ਮੇ, ਸੁਲਦ੍ਧਂ વਤ ਮੇ, ਯਸ੍ਸ ਮੇ ਕਸ੍ਸਪੋ ਭਗવਾ ਅਰਹਂ ਸਮ੍ਮਾਸਮ੍ਬੁਦ੍ਧੋ ਏવਂ ਅਭਿવਿਸ੍ਸਤ੍ਥੋ’’ਤਿ। ਅਥ ਖੋ, ਮਹਾਰਾਜ ਘਟਿਕਾਰਂ ਕੁਮ੍ਭਕਾਰਂ ਅਡ੍ਢਮਾਸਂ ਪੀਤਿਸੁਖਂ ਨ વਿਜਹਤਿ, ਸਤ੍ਤਾਹਂ ਮਾਤਾਪਿਤੂਨਂ। ਅਥ ਖੋ, ਮਹਾਰਾਜ, ਆવੇਸਨਂ ਸਬ੍ਬਨ੍ਤਂ ਤੇਮਾਸਂ ਆਕਾਸਚ੍ਛਦਨਂ ਅਟ੍ਠਾਸਿ, ਨ ਦੇવੋਤਿવਸ੍ਸਿ 42। ਏવਰੂਪੋ ਚ, ਮਹਾਰਾਜ, ਘਟਿਕਾਰੋ ਕੁਮ੍ਭਕਾਰੋ’ਤਿ। ‘ਲਾਭਾ, ਭਨ੍ਤੇ, ਘਟਿਕਾਰਸ੍ਸ ਕੁਮ੍ਭਕਾਰਸ੍ਸ, ਸੁਲਦ੍ਧਾ, ਭਨ੍ਤੇ, ਘਟਿਕਾਰਸ੍ਸ ਕੁਮ੍ਭਕਾਰਸ੍ਸ ਯਸ੍ਸ ਭਗવਾ ਏવਂ ਅਭਿવਿਸ੍ਸਤ੍ਥੋ’’’ਤਿ।
291. ‘‘‘Ekamidāhaṃ, mahārāja, samayaṃ tattheva vegaḷiṅge nāma gāmanigame viharāmi. Tena kho pana samayena kuṭi 43 ovassati. Atha khvāhaṃ, mahārāja, bhikkhū āmantesiṃ – ‘‘gacchatha, bhikkhave, ghaṭikārassa kumbhakārassa nivesane tiṇaṃ jānāthā’’ti. Evaṃ vutte, mahārāja, te bhikkhū maṃ etadavocuṃ – ‘‘natthi kho, bhante, ghaṭikārassa kumbhakārassa nivesane tiṇaṃ, atthi ca khvāssa āvesane 44 tiṇacchadana’’ 45 nti. ‘‘Gacchatha, bhikkhave, ghaṭikārassa kumbhakārassa āvesanaṃ uttiṇaṃ karothā’’ti. Atha kho te, mahārāja, bhikkhū ghaṭikārassa kumbhakārassa āvesanaṃ uttiṇamakaṃsu. Atha kho, mahārāja, ghaṭikārassa kumbhakārassa mātāpitaro te bhikkhū etadavocuṃ – ‘‘ke āvesanaṃ uttiṇaṃ karontī’’ti? ‘‘Bhikkhū, bhagini, kassapassa bhagavato arahato sammāsambuddhassa kuṭi ovassatī’’ti. ‘‘Haratha, bhante, haratha, bhadramukhā’’ti. Atha kho, mahārāja, ghaṭikāro kumbhakāro yena mātāpitaro tenupasaṅkami; upasaṅkamitvā mātāpitaro etadavoca – ‘‘ke āvesanaṃ uttiṇamakaṃsū’’ti? ‘‘Bhikkhū, tāta, kassapassa kira bhagavato arahato sammāsambuddhassa kuṭi ovassatī’’ti. Atha kho, mahārāja, ghaṭikārassa kumbhakārassa etadahosi – ‘‘lābhā vata me, suladdhaṃ vata me, yassa me kassapo bhagavā arahaṃ sammāsambuddho evaṃ abhivissattho’’ti. Atha kho, mahārāja ghaṭikāraṃ kumbhakāraṃ aḍḍhamāsaṃ pītisukhaṃ na vijahati, sattāhaṃ mātāpitūnaṃ. Atha kho, mahārāja, āvesanaṃ sabbantaṃ temāsaṃ ākāsacchadanaṃ aṭṭhāsi, na devotivassi 46. Evarūpo ca, mahārāja, ghaṭikāro kumbhakāro’ti. ‘Lābhā, bhante, ghaṭikārassa kumbhakārassa, suladdhā, bhante, ghaṭikārassa kumbhakārassa yassa bhagavā evaṃ abhivissattho’’’ti.
੨੯੨. ‘‘ਅਥ ਖੋ, ਆਨਨ੍ਦ, ਕਿਕੀ ਕਾਸਿਰਾਜਾ ਘਟਿਕਾਰਸ੍ਸ ਕੁਮ੍ਭਕਾਰਸ੍ਸ ਪਞ੍ਚਮਤ੍ਤਾਨਿ ਤਣ੍ਡੁਲવਾਹਸਤਾਨਿ ਪਾਹੇਸਿ ਪਣ੍ਡੁਪੁਟਕਸ੍ਸ ਸਾਲਿਨੋ ਤਦੁਪਿਯਞ੍ਚ ਸੂਪੇਯ੍ਯਂ। ਅਥ ਖੋ ਤੇ, ਆਨਨ੍ਦ, ਰਾਜਪੁਰਿਸਾ ਘਟਿਕਾਰਂ ਕੁਮ੍ਭਕਾਰਂ ਉਪਸਙ੍ਕਮਿਤ੍વਾ ਏਤਦવੋਚੁਂ – ‘ਇਮਾਨਿ ਖੋ, ਭਨ੍ਤੇ, ਪਞ੍ਚਮਤ੍ਤਾਨਿ ਤਣ੍ਡੁਲવਾਹਸਤਾਨਿ ਕਿਕਿਨਾ ਕਾਸਿਰਾਜੇਨ ਪਹਿਤਾਨਿ ਪਣ੍ਡੁਪੁਟਕਸ੍ਸ ਸਾਲਿਨੋ ਤਦੁਪਿਯਞ੍ਚ ਸੂਪੇਯ੍ਯਂ। ਤਾਨਿ, ਭਨ੍ਤੇ, ਪਟਿਗ੍ਗਣ੍ਹਥਾ’ਤਿ 47। ‘ਰਾਜਾ ਖੋ ਬਹੁਕਿਚ੍ਚੋ ਬਹੁਕਰਣੀਯੋ। ਅਲਂ ਮੇ! ਰਞ੍ਞੋવ ਹੋਤੂ’ਤਿ। ਸਿਯਾ ਖੋ ਪਨ ਤੇ, ਆਨਨ੍ਦ, ਏવਮਸ੍ਸ – ‘ਅਞ੍ਞੋ ਨੂਨ ਤੇਨ ਸਮਯੇਨ ਜੋਤਿਪਾਲੋ ਮਾਣવੋ ਅਹੋਸੀ’ਤਿ। ਨ ਖੋ ਪਨੇਤਂ, ਆਨਨ੍ਦ, ਏવਂ ਦਟ੍ਠਬ੍ਬਂ। ਅਹਂ ਤੇਨ ਸਮਯੇਨ ਜੋਤਿਪਾਲੋ ਮਾਣવੋ ਅਹੋਸਿ’’ਨ੍ਤਿ।
292. ‘‘Atha kho, ānanda, kikī kāsirājā ghaṭikārassa kumbhakārassa pañcamattāni taṇḍulavāhasatāni pāhesi paṇḍupuṭakassa sālino tadupiyañca sūpeyyaṃ. Atha kho te, ānanda, rājapurisā ghaṭikāraṃ kumbhakāraṃ upasaṅkamitvā etadavocuṃ – ‘imāni kho, bhante, pañcamattāni taṇḍulavāhasatāni kikinā kāsirājena pahitāni paṇḍupuṭakassa sālino tadupiyañca sūpeyyaṃ. Tāni, bhante, paṭiggaṇhathā’ti 48. ‘Rājā kho bahukicco bahukaraṇīyo. Alaṃ me! Raññova hotū’ti. Siyā kho pana te, ānanda, evamassa – ‘añño nūna tena samayena jotipālo māṇavo ahosī’ti. Na kho panetaṃ, ānanda, evaṃ daṭṭhabbaṃ. Ahaṃ tena samayena jotipālo māṇavo ahosi’’nti.
ਇਦਮવੋਚ ਭਗવਾ। ਅਤ੍ਤਮਨੋ ਆਯਸ੍ਮਾ ਆਨਨ੍ਦੋ ਭਗવਤੋ ਭਾਸਿਤਂ ਅਭਿਨਨ੍ਦੀਤਿ।
Idamavoca bhagavā. Attamano āyasmā ānando bhagavato bhāsitaṃ abhinandīti.
ਘਟਿਕਾਰਸੁਤ੍ਤਂ ਨਿਟ੍ਠਿਤਂ ਪਠਮਂ।
Ghaṭikārasuttaṃ niṭṭhitaṃ paṭhamaṃ.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਮਜ੍ਝਿਮਨਿਕਾਯ (ਅਟ੍ਠਕਥਾ) • Majjhimanikāya (aṭṭhakathā) / ੧. ਘਟਿਕਾਰਸੁਤ੍ਤવਣ੍ਣਨਾ • 1. Ghaṭikārasuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਮਜ੍ਝਿਮਨਿਕਾਯ (ਟੀਕਾ) • Majjhimanikāya (ṭīkā) / ੧. ਘਟਿਕਾਰਸੁਤ੍ਤવਣ੍ਣਨਾ • 1. Ghaṭikārasuttavaṇṇanā
