| Library / Tipiṭaka / திபிடக • Tipiṭaka / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) |
10. க⁴டீகாரஸுத்தவண்ணனா
10. Ghaṭīkārasuttavaṇṇanā
50. த³ஸமே உபபன்னாஸேதி நிப்³ப³த்திவஸேன உபக³தா. விமுத்தாதி அவிஹாப்³ரஹ்மலோகஸ்மிங் உபபத்திஸமனந்தரமேவ அரஹத்தப²லவிமுத்தியா விமுத்தா. மானுஸங் தே³ஹந்தி இத⁴ பஞ்சோரம்பா⁴கி³யஸங்யோஜனானி ஏவ வுத்தானி. தி³ப்³ப³யோக³ந்தி பஞ்ச உத்³த⁴ம்பா⁴கி³யஸங்யோஜனானி. உபச்சகு³ந்தி அதிக்கமிங்ஸு. உபகோதிஆதீ³னி தேஸங் தே²ரானங் நாமானி. குஸலீ பா⁴ஸஸீ தேஸந்தி, ‘‘குஸல’’ந்தி இத³ங் வசனங் இமஸ்ஸ அத்தீ²தி குஸலீ, தேஸங் தே²ரானங் த்வங் குஸலங் அனவஜ்ஜங் பா⁴ஸஸி, தோ²மேஸி பஸங்ஸஸி , பண்டி³தோஸி தே³வபுத்தாதி வத³தி. தங் தே த⁴ம்மங் இத⁴ஞ்ஞாயாதி தே தே²ரா தங் த⁴ம்மங் இத⁴ தும்ஹாகங் ஸாஸனே ஜானித்வா. க³ம்பீ⁴ரந்தி க³ம்பீ⁴ரத்த²ங். ப்³ரஹ்மசாரீ நிராமிஸோதி நிராமிஸப்³ரஹ்மசாரீ நாம அனாகா³மீ, அனாகா³மீ அஹோஸிந்தி அத்தோ². அஹுவாதி அஹோஸி. ஸகா³மெய்யோதி ஏககா³மவாஸீ. பரியோஸானகா³தா² ஸங்கீ³திகாரேஹி ட²பிதாதி. த³ஸமங்.
50. Dasame upapannāseti nibbattivasena upagatā. Vimuttāti avihābrahmalokasmiṃ upapattisamanantarameva arahattaphalavimuttiyā vimuttā. Mānusaṃ dehanti idha pañcorambhāgiyasaṃyojanāni eva vuttāni. Dibbayoganti pañca uddhambhāgiyasaṃyojanāni. Upaccagunti atikkamiṃsu. Upakotiādīni tesaṃ therānaṃ nāmāni. Kusalī bhāsasī tesanti, ‘‘kusala’’nti idaṃ vacanaṃ imassa atthīti kusalī, tesaṃ therānaṃ tvaṃ kusalaṃ anavajjaṃ bhāsasi, thomesi pasaṃsasi , paṇḍitosi devaputtāti vadati. Taṃ te dhammaṃ idhaññāyāti te therā taṃ dhammaṃ idha tumhākaṃ sāsane jānitvā. Gambhīranti gambhīratthaṃ. Brahmacārī nirāmisoti nirāmisabrahmacārī nāma anāgāmī, anāgāmī ahosinti attho. Ahuvāti ahosi. Sagāmeyyoti ekagāmavāsī. Pariyosānagāthā saṅgītikārehi ṭhapitāti. Dasamaṃ.
ஆதி³த்தவக்³கோ³ பஞ்சமோ.
Ādittavaggo pañcamo.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 10. க⁴டீகாரஸுத்தங் • 10. Ghaṭīkārasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 10. க⁴டீகாரஸுத்தவண்ணனா • 10. Ghaṭīkārasuttavaṇṇanā
