| Library / Tipiṭaka / д̇ибидага • Tipiṭaka / маж̇жхиманигааяа (дийгаа) • Majjhimanikāya (ṭīkā) |
4. рааж̇аваг̇г̇о
4. Rājavaggo
1. гхадигаарасуд̇д̇аван̣н̣анаа
1. Ghaṭikārasuttavaṇṇanā
282. жарияанд̇и б̣од̇хижарияам̣, б̣од̇хисамбхаарасамбхаран̣авасзна бавад̇д̇ид̇ам̣ б̣од̇хисад̇д̇абадибад̇д̇инд̇и ад̇т̇о. сугааран̣анд̇и б̣од̇хибарибаажанасса зганд̇игам̣ сунд̣̇арам̣ гааран̣ам̣, гассабасса бхаг̇авад̇о баяирубаасанаад̣̇им̣ санд̇хааяа вад̣̇ад̇и. д̇ан̃хи д̇зна сад̣̇д̇хим̣ маяаа ид̇ха гад̇анд̇и вад̇д̇аб̣б̣ад̇ам̣ лабхад̇и. манд̣̇ахасид̇анд̇и ийсагам̣ хасид̇ам̣. гухам̣ гуханд̇и хааса-сад̣̇д̣̇асса анугаран̣амзд̇ам̣. хадтабахадтаагаарамад̇д̇анд̇и хадтабахадтамад̇д̇ам̣. яат̇аа г̇ахид̇асан̇гзд̇аа ‘‘бахадто бхаг̇аваа’’д̇и сан̃ж̇аананд̇и, звам̣ аагаарад̣̇ассанамад̇д̇ам̣.
282.Cariyanti bodhicariyaṃ, bodhisambhārasambharaṇavasena pavattitaṃ bodhisattapaṭipattinti attho. Sukāraṇanti bodhiparipācanassa ekantikaṃ sundaraṃ kāraṇaṃ, kassapassa bhagavato payirupāsanādiṃ sandhāya vadati. Tañhi tena saddhiṃ mayā idha katanti vattabbataṃ labhati. Mandahasitanti īsakaṃ hasitaṃ. Kuhaṃ kuhanti hāsa-saddassa anukaraṇametaṃ. Haṭṭhapahaṭṭhākāramattanti haṭṭhapahaṭṭhamattaṃ. Yathā gahitasaṅketā ‘‘pahaṭṭho bhagavā’’ti sañjānanti, evaṃ ākāradassanamattaṃ.
ид̣̇аани иминаа басан̇г̇зна д̇аасам̣ самудтаанам̣ вибхааг̇ад̇о д̣̇ассзд̇ум̣ ‘‘хасид̇ан̃жа наамзд̇а’’нд̇иаад̣̇и аарад̣̇д̇хам̣. д̇ад̇т̇а аж̇жхубзгканавасзнаби хаасо на самбхавад̇и, баг̇зва д̣̇оманассавасзнаад̇и ааха ‘‘д̇зрасахи соманассасахаг̇ад̇ажид̇д̇зхий’’д̇и. нану жа гзжи год̇хавасзнаби хасанд̇ийд̇и? на, д̇зсамби яам̣ д̇ам̣ год̇хавад̇т̇у, д̇асса маяам̣ д̣̇аани яат̇аагаамагаарид̇ам̣ аабаж̇ж̇иссаамаад̇и д̣̇увин̃н̃зяяанд̇арзна соманассажид̇д̇знзва хаасасса уббаж̇ж̇анад̇о. д̇зсууд̇и бан̃жасу соманассасахаг̇ад̇ажид̇д̇зсу. б̣алаваарамман̣зд̇и ул̣аарааарамман̣з яамагамахаабаадихаарияасад̣̇исз. д̣̇уб̣б̣алаарамман̣зд̇и анул̣аарз аарамман̣з. имасмим̣ бана таанз…бз… уббаад̣̇зсийд̇и ид̣̇ам̣ бораан̣адтагат̇ааяам̣ д̇ат̇аа ааг̇ад̇ад̇д̇аа вуд̇д̇ам̣. на ахзд̇угасоманассасахаг̇ад̇ажид̇д̇зна бхаг̇авад̇о сид̇ам̣ ход̇ийд̇и д̣̇ассанад̇т̇ам̣.
Idāni iminā pasaṅgena tāsaṃ samuṭṭhānaṃ vibhāgato dassetuṃ ‘‘hasitañca nāmeta’’ntiādi āraddhaṃ. Tattha ajjhupekkhanavasenapi hāso na sambhavati, pageva domanassavasenāti āha ‘‘terasahi somanassasahagatacittehī’’ti. Nanu ca keci kodhavasenapi hasantīti? Na, tesampi yaṃ taṃ kodhavatthu, tassa mayaṃ dāni yathākāmakāritaṃ āpajjissāmāti duviññeyyantarena somanassacitteneva hāsassa uppajjanato. Tesūti pañcasu somanassasahagatacittesu. Balavārammaṇeti uḷāraārammaṇe yamakamahāpāṭihāriyasadise. Dubbalārammaṇeti anuḷāre ārammaṇe. Imasmiṃ pana ṭhāne…pe… uppādesīti idaṃ porāṇaṭṭhakathāyaṃ tathā āgatattā vuttaṃ. Na ahetukasomanassasahagatacittena bhagavato sitaṃ hotīti dassanatthaṃ.
абхид̇хаммадийгааяам̣ (д̇ха. са. мууладий. 568) бана ‘‘ад̇ийд̇ам̣саад̣̇ийсу аббадихад̇ам̣ н̃аан̣ам̣ вад̇ваа ‘имзхи д̇ийхи д̇хаммзхи саманнааг̇ад̇асса б̣уд̣̇д̇хасса бхаг̇авад̇о саб̣б̣ам̣ гааяагаммам̣ н̃аан̣абуб̣б̣ан̇г̇амам̣ н̃аан̣аанубаривад̇д̇а’нд̇иаад̣̇иважанад̇о (махаани. 69, 156; жуул̣ани. маагхарааж̇амаан̣авабужчаанид̣̇д̣̇зса 85; бади. ма. 3.5; нзд̇д̇и. 15; д̣̇ий. ни. адта. 3.305; вибха. мууладий. суд̇д̇анд̇абхааж̇анийяаван̣н̣анаа; д̣̇ий. ни. дий. 3.141, 305) ‘бхаг̇авад̇о ид̣̇ам̣ жид̇д̇ам̣ уббаж̇ж̇ад̇ий’д̇и вуд̇д̇аважанам̣ вижаарзд̇аб̣б̣а’’нд̇и вуд̇д̇ам̣. д̇ад̇т̇а иминаа хасид̇уббаад̣̇ажид̇д̇зна бавад̇д̇ияамаанамби бхаг̇авад̇о сид̇агаран̣ам̣ буб̣б̣знивааса-анааг̇ад̇ам̣са-саб̣б̣ан̃н̃уд̇ан̃н̃аан̣аанам̣ анувад̇д̇агад̇д̇аа н̃аан̣аанубаривад̇д̇иязваад̇и, звам̣ бана н̃аан̣аанубаривад̇д̇ибхаавз сад̇и на гожи баал̣иадтагат̇аанам̣ вирод̇хо. д̇ат̇аа хи абхид̇хаммадтагат̇ааяам̣ (д̇ха. са. адта. 568) ‘‘д̇зсам̣ н̃аан̣аанам̣ жин̣н̣абарияанд̇з ид̣̇ам̣ жид̇д̇ам̣ уббаж̇ж̇ад̇ий’’д̇и вуд̇д̇ам̣. авассан̃жа зд̇ам̣ звам̣ ижчид̇аб̣б̣ам̣, ан̃н̃ат̇аа ааваж̇ж̇анассаби бхаг̇авад̇о бавад̇д̇и д̇ат̇ааруубз гаалз на сам̣яуж̇ж̇зяяа, д̇ассаби хи вин̃н̃ад̇д̇исамудтаабагабхаавасса ижчид̇ад̇д̇аа, д̇ат̇аа хи вуд̇д̇ам̣ – ‘‘зван̃жа гад̇ваа манод̣̇ваарааваж̇ж̇анассаби вин̃н̃ад̇д̇исамудтаабагад̇д̇ам̣ убабаннам̣ ход̇ий’’д̇и, на жа вин̃н̃ад̇д̇исамудтаабагад̇д̇з д̇ам̣самудтид̇ааяа вин̃н̃ад̇д̇ияаа гааяагаммаад̣̇ибхаавам̣ аабаж̇ж̇анабхааво виб̣анд̇хад̇ийд̇и д̇амзва санд̇хааяа вад̣̇ад̇и. д̇знааха ‘‘звам̣ аббамад̇д̇агамбий’’д̇и. сад̇зрид̇аа виж̇ж̇улад̇аа наама сад̇зрад̇аавиж̇ж̇улад̇аа. саа хи ид̇аравиж̇ж̇улад̇аа вияа кан̣адтид̇игаа сийгханирод̇хаа жа на ход̇и, абижа ко д̣̇анд̇ханирод̇хаа, д̇ан̃жа саб̣б̣агаалам̣ жад̇уд̣̇ийбигамахаамзгхад̇ова нижчарад̇и д̇знааха ‘‘жаад̇уд̣̇д̣̇ийбигамахаамзгхамукад̇о’’д̇и. аяам̣ гира д̇аасам̣ расмиваддийнам̣ д̇хаммад̇аа, яад̣̇ид̣̇ам̣ д̇игкад̇д̇ум̣ сираварам̣ бад̣̇агкин̣ам̣ гад̇ваа д̣̇аатаг̇г̇зсуязва анд̇арад̇хаанам̣.
Abhidhammaṭīkāyaṃ (dha. sa. mūlaṭī. 568) pana ‘‘atītaṃsādīsu appaṭihataṃ ñāṇaṃ vatvā ‘imehi tīhi dhammehi samannāgatassa buddhassa bhagavato sabbaṃ kāyakammaṃ ñāṇapubbaṅgamaṃ ñāṇānuparivatta’ntiādivacanato (mahāni. 69, 156; cūḷani. māgharājamāṇavapucchāniddesa 85; paṭi. ma. 3.5; netti. 15; dī. ni. aṭṭha. 3.305; vibha. mūlaṭī. suttantabhājanīyavaṇṇanā; dī. ni. ṭī. 3.141, 305) ‘bhagavato idaṃ cittaṃ uppajjatī’ti vuttavacanaṃ vicāretabba’’nti vuttaṃ. Tattha iminā hasituppādacittena pavattiyamānampi bhagavato sitakaraṇaṃ pubbenivāsa-anāgataṃsa-sabbaññutaññāṇānaṃ anuvattakattā ñāṇānuparivattiyevāti, evaṃ pana ñāṇānuparivattibhāve sati na koci pāḷiaṭṭhakathānaṃ virodho. Tathā hi abhidhammaṭṭhakathāyaṃ (dha. sa. aṭṭha. 568) ‘‘tesaṃ ñāṇānaṃ ciṇṇapariyante idaṃ cittaṃ uppajjatī’’ti vuttaṃ. Avassañca etaṃ evaṃ icchitabbaṃ, aññathā āvajjanassapi bhagavato pavatti tathārūpe kāle na saṃyujjeyya, tassapi hi viññattisamuṭṭhāpakabhāvassa icchitattā, tathā hi vuttaṃ – ‘‘evañca katvā manodvārāvajjanassapi viññattisamuṭṭhāpakattaṃ upapannaṃ hotī’’ti, na ca viññattisamuṭṭhāpakatte taṃsamuṭṭhitāya viññattiyā kāyakammādibhāvaṃ āpajjanabhāvo vibandhatīti tameva sandhāya vadati. Tenāha ‘‘evaṃ appamattakampī’’ti. Sateritā vijjulatā nāma sateratāvijjulatā. Sā hi itaravijjulatā viya khaṇaṭṭhitikā sīghanirodhā ca na hoti, apica kho dandhanirodhā, tañca sabbakālaṃ catudīpikamahāmeghatova niccharati tenāha ‘‘cātuddīpikamahāmeghamukhato’’ti. Ayaṃ kira tāsaṃ rasmivaṭṭīnaṃ dhammatā, yadidaṃ tikkhattuṃ siravaraṃ padakkhiṇaṃ katvā dāṭhaggesuyeva antaradhānaṃ.
283. яад̣̇иби жад̇д̇аари асан̇кязяяаани габбаанам̣ сад̇асахассан̃жа бан̃н̃аабаарамид̇аа барибхаавид̇аа, д̇ат̇ааби ид̣̇аани д̇ам̣ б̣уд̣̇д̇ханд̇арам̣ д̇ассаа бадибаад̣̇зд̇аб̣б̣ад̇д̇аа вуд̇д̇ам̣ ‘‘абарибагган̃аан̣ад̇д̇аа’’д̇и. гааман̃жасса н̃аан̣ааяа ид̣̇ааниби бадибаад̣̇зд̇аб̣б̣ад̇аа ад̇т̇и, звам̣ санд̇зби нану саммаасамб̣уд̣̇д̇хзсу басаад̣̇зна самбхааванааяа бхавид̇аб̣б̣ам̣ д̇ат̇аа жирагаалам̣ барибхаавид̇ад̇д̇аа, гат̇ам̣ д̇ад̇т̇а хийл̣анаад̇и ааха ‘‘б̣раахман̣агулз’’д̇иаад̣̇и. жирагаалабарижид̇ааби хи г̇ун̣абхааванаа аббагзнаби агаляаан̣амид̇д̇асам̣саг̇г̇зна вибаривад̇д̇ад̇и ан̃н̃ат̇ад̇д̇ам̣ г̇ажчад̇и. д̇зна махаасад̇д̇оби ж̇аад̇исид̣̇д̇хааяам̣ лад̣̇д̇хияам̣ тад̇ваа ж̇аад̇исид̣̇д̇хзна маанзна звамааха – ‘‘гим̣ бана д̇зна мун̣д̣агзна саман̣агзна д̣̇идтзнаа’’д̇и. д̇ат̇аа хи вуд̇д̇ам̣ адтагат̇ааяам̣ –
283. Yadipi cattāri asaṅkhyeyyāni kappānaṃ satasahassañca paññāpāramitā paribhāvitā, tathāpi idāni taṃ buddhantaraṃ tassā paṭipādetabbattā vuttaṃ ‘‘aparipakkañāṇattā’’ti. Kāmañcassa ñāṇāya idānipi paṭipādetabbatā atthi, evaṃ santepi nanu sammāsambuddhesu pasādena sambhāvanāya bhavitabbaṃ tathā cirakālaṃ paribhāvitattā, kathaṃ tattha hīḷanāti āha ‘‘brāhmaṇakule’’tiādi. Cirakālaparicitāpi hi guṇabhāvanā appakenapi akalyāṇamittasaṃsaggena viparivattati aññathattaṃ gacchati. Tena mahāsattopi jātisiddhāyaṃ laddhiyaṃ ṭhatvā jātisiddhena mānena evamāha – ‘‘kiṃ pana tena muṇḍakena samaṇakena diṭṭhenā’’ti. Tathā hi vuttaṃ aṭṭhakathāyaṃ –
‘‘д̇асмаа агаляаан̣аж̇анам̣, аасийвисамивораг̇ам̣,
‘‘Tasmā akalyāṇajanaṃ, āsīvisamivoragaṃ,
аарагаа бариваж̇ж̇зяяа, бхууд̇игаамо вижагкан̣о’’д̇и. (д̣̇ий. ни. адта. 1.170-172);
Ārakā parivajjeyya, bhūtikāmo vicakkhaṇo’’ti. (dī. ni. aṭṭha. 1.170-172);
нхаанажун̣н̣зна суд̇д̇зна гад̇аа сод̇д̇и, гурувинд̣̇аг̇ул̣игаа, саа зва синааяанд̇и гааяам̣ висод̇хзнд̇и зд̇ааяаад̇и синаанам̣. д̇знааха – ‘‘сод̇д̇и синаананд̇и синаанад̇т̇ааяа гад̇асод̇д̇и’’нд̇и.
Nhānacuṇṇena suttena katā sotti, kuruvindaguḷikā, sā eva sināyanti kāyaṃ visodhenti etāyāti sinānaṃ. Tenāha – ‘‘sotti sinānanti sinānatthāya katasotti’’nti.
284. арияабарихаарзнаад̇и арияаанам̣ барихаарзна, анааг̇аамийнам̣ нхаанагаалз ад̇д̇ано гааяасса барихааранияаамзнаад̇и ад̇т̇о. ад̇д̇ано н̃аан̣асамбад̇д̇ияаа вибхавасамбад̇д̇ияаа басаннагаарам̣ гаад̇ум̣ сагкиссад̇и. зд̇ад̣̇ад̇т̇анд̇и ‘‘ахид̇анивааран̣ам̣, хид̇з нияож̇анам̣ б̣яасанз бариваж̇ж̇ана’’нд̇и яад̣̇ид̣̇ам̣, зд̇ад̣̇ад̇т̇ам̣ мид̇д̇аа наама хонд̇и. гзжи ‘‘яаавзд̇т̇а ахубий’’д̇и батанд̇и, д̇зсам̣ яаава зд̇т̇а гзсаг̇г̇аг̇ахан̣ам̣ д̇аава аяам̣ ниб̣анд̇хо ахубийд̇и ад̇т̇о.
284.Ariyaparihārenāti ariyānaṃ parihārena, anāgāmīnaṃ nhānakāle attano kāyassa parihāraniyāmenāti attho. Attano ñāṇasampattiyā vibhavasampattiyā pasannakāraṃ kātuṃ sakkhissati. Etadatthanti ‘‘ahitanivāraṇaṃ, hite niyojanaṃ byasane parivajjana’’nti yadidaṃ, etadatthaṃ mittā nāma honti. Keci ‘‘yāvettha ahupī’’ti paṭhanti, tesaṃ yāva ettha kesaggagahaṇaṃ tāva ayaṃ nibandho ahupīti attho.
285. сад̇ибадилаабхад̇т̇ааяаад̇и б̣од̇хияаа махаабхинийхаарам̣ гад̇ваа б̣од̇хисамбхаарабадибад̣̇ааяа бууран̣абхаавз сад̇ияаа бадилаабхад̇т̇ааяа. ид̣̇аани д̇асса сад̇уббаад̣̇анийяагат̇ааяа бавад̇д̇ид̇аагаарам̣ сан̇кзбзнзва д̣̇ассзд̇ум̣ ‘‘д̇асса хий’’д̇иаад̣̇и вуд̇д̇ам̣. д̇ад̇т̇а на лаамагадтаанам̣ од̇ин̣н̣асад̇д̇од̇и иминаа махаасад̇д̇асса бан̣ийд̇аад̇химуд̇д̇ад̇ам̣ д̣̇ассзд̇ваа звам̣ бан̣ийд̇аад̇химуд̇д̇игасса бамаад̣̇агирияаа на яуд̇д̇аад̇и д̣̇ассзнд̇о ‘‘д̇аад̣̇исасса наама бамаад̣̇авихааро на яуд̇д̇о’’д̇и ааха. д̇ад̣̇аа б̣од̇хисад̇д̇асса нзгкаммаж̇жхаасаяо д̇злаббад̣̇ийбо вияа висзсад̇о ниб̣б̣ад̇д̇и, д̇ам̣ д̣̇исваа бхаг̇аваа д̇ад̣̇ануруубам̣ д̇хаммагат̇ам̣ гаронд̇о ‘‘д̇аад̣̇исасса…бз… гат̇зсий’’д̇и. барасамуд̣̇д̣̇аваасий т̇зраа ан̃н̃ат̇аа вад̣̇анд̇и. адтагат̇ааяам̣ бана нааяам̣ б̣уд̣̇д̇хаанам̣ бхааро, яад̣̇ид̣̇ам̣ буурид̇абаарамийнам̣ б̣од̇хисад̇д̇аанам̣ д̇ат̇аа д̇хаммад̣̇зсанаа д̇зсам̣ махаабхинийхаарасамананд̇арамби б̣од̇хисамбхаарасса саяамбхун̃аан̣знзва бадивид̣̇ид̇ад̇д̇аа. д̇асмаа б̣од̇хисад̇д̇абхаавабавзд̣̇анамзва д̇асса бхаг̇аваа агаасийд̇и д̣̇ассзд̇ум̣ ‘‘сад̇ибадилаабхад̇т̇ааяаа’’д̇иаад̣̇и вуд̇д̇ам̣. сад̇ибадилаабхад̇т̇ааяаад̇и саммаабадибад̇д̇ияаа уж̇ж̇аланз баагадагарасад̇ибадилаабхааяа.
285.Satipaṭilābhatthāyāti bodhiyā mahābhinīhāraṃ katvā bodhisambhārapaṭipadāya pūraṇabhāve satiyā paṭilābhatthāya. Idāni tassa satuppādanīyakathāya pavattitākāraṃ saṅkhepeneva dassetuṃ ‘‘tassa hī’’tiādi vuttaṃ. Tattha na lāmakaṭṭhānaṃ otiṇṇasattoti iminā mahāsattassa paṇītādhimuttataṃ dassetvā evaṃ paṇītādhimuttikassa pamādakiriyā na yuttāti dassento ‘‘tādisassa nāma pamādavihāro na yutto’’ti āha. Tadā bodhisattassa nekkhammajjhāsayo telappadīpo viya visesato nibbatti, taṃ disvā bhagavā tadanurūpaṃ dhammakathaṃ karonto ‘‘tādisassa…pe… kathesī’’ti. Parasamuddavāsī therā aññathā vadanti. Aṭṭhakathāyaṃ pana nāyaṃ buddhānaṃ bhāro, yadidaṃ pūritapāramīnaṃ bodhisattānaṃ tathā dhammadesanā tesaṃ mahābhinīhārasamanantarampi bodhisambhārassa sayambhuñāṇeneva paṭividitattā. Tasmā bodhisattabhāvapavedanameva tassa bhagavā akāsīti dassetuṃ ‘‘satipaṭilābhatthāyā’’tiādi vuttaṃ. Satipaṭilābhatthāyāti sammāpaṭipattiyā ujjalane pākaṭakarasatipaṭilābhāya.
286. н̃аан̣ан̃хи гилзсад̇хаммавид̣̇ааланабад̣̇ааланзхи син̇г̇ам̣ вияаад̇и син̇г̇ам̣. д̇ан̃хи бадибад̇д̇ияаа убад̇т̇амбхид̇ам̣ уссид̇ам̣ наама ход̇и, д̇ад̣̇абхаавз бад̇ид̇ам̣ наама. гзжи бана вийрияам̣ син̇г̇анд̇и вад̣̇анд̇и. д̇асмим̣ саммаббад̇хаанавасзна бавад̇д̇з б̣аахирабаб̣б̣аж̇ж̇ам̣ убаг̇ад̇ааби махаасад̇д̇аа висуд̣̇д̇хаасаяаа аббижчад̇аад̣̇иг̇ун̣асаман̇г̇ино яат̇аарахам̣ г̇ант̇ад̇хурам̣ ваасад̇хуран̃жа бариб̣руухаяанд̇аа вихаранд̇и, баг̇зва б̣уд̣̇д̇хасаасанз аббижчад̇аад̣̇ийхийд̇и ааха ‘‘жад̇убаарисуд̣̇д̇хисийлз банаа’’д̇иаад̣̇и. вибассанам̣ б̣руухзнд̇аа сикааббад̇д̇авибассанаа хонд̇ийд̇и вуд̇д̇ам̣ – ‘‘яаава ануломан̃аан̣ам̣ аахажжа д̇идтанд̇ий’’д̇и, ануломан̃аан̣ад̇о орамзва вибассанам̣ табзнд̇ийд̇и ад̇т̇о. маг̇г̇апалад̇т̇ам̣ вааяаамам̣ на гаронд̇и бан̃н̃аабаарамид̇ааяа саб̣б̣ан̃н̃уд̇ан̃н̃аан̣аг̇аб̣бхасса абарибун̣н̣ад̇д̇аа абарибаггад̇д̇аа жа.
286. Ñāṇañhi kilesadhammavidālanapadālanehi siṅgaṃ viyāti siṅgaṃ. Tañhi paṭipattiyā upatthambhitaṃ ussitaṃ nāma hoti, tadabhāve patitaṃ nāma. Keci pana vīriyaṃ siṅganti vadanti. Tasmiṃ sammappadhānavasena pavatte bāhirapabbajjaṃ upagatāpi mahāsattā visuddhāsayā appicchatādiguṇasamaṅgino yathārahaṃ ganthadhuraṃ vāsadhurañca paribrūhayantā viharanti, pageva buddhasāsane appicchatādīhīti āha ‘‘catupārisuddhisīle panā’’tiādi. Vipassanaṃ brūhentā sikhāppattavipassanā hontīti vuttaṃ – ‘‘yāva anulomañāṇaṃ āhacca tiṭṭhantī’’ti, anulomañāṇato orameva vipassanaṃ ṭhapentīti attho. Maggaphalatthaṃ vāyāmaṃ na karonti paññāpāramitāya sabbaññutaññāṇagabbhassa aparipuṇṇattā aparipakkattā ca.
287. т̇зрзхийд̇и вуд̣̇д̇хад̇арзхи. ниваасз сад̇ийд̇и яасмим̣ таанз баб̣б̣аж̇ид̇о, д̇ад̇т̇зва ниваасз. ваббагаалад̇од̇и сассаанам̣ ваббагаалад̇о. буб̣б̣з вияа д̇ад̇о барам̣ д̇икин̣зна суурияасанд̇аабзна баяож̇анам̣ над̇т̇ийд̇и вуд̇д̇ам̣ – ‘‘ваббагаалз вид̇аанам̣ вияа убари вад̇т̇агилан̃ж̇ам̣ б̣анд̇хид̇ваа’’д̇и. будагзд̇и галаабз.
287.Therehīti vuddhatarehi. Nivāse satīti yasmiṃ ṭhāne pabbajito, tattheva nivāse. Vappakālatoti sassānaṃ vappakālato. Pubbe viya tato paraṃ tikhiṇena sūriyasantāpena payojanaṃ natthīti vuttaṃ – ‘‘vappakāle vitānaṃ viya upari vatthakilañjaṃ bandhitvā’’ti. Puṭaketi kalāpe.
288. бажжаяасаамаг̇г̇ихзд̇угад̇д̇аа д̇хаммаббад̇д̇ияаа бад̣̇зсад̇о барин̃н̃аавад̇т̇угааби арияаа убадтид̇з жид̇д̇авигхаад̇абажжаяз яад̣̇зд̇ам̣ наад̇исааваж̇ж̇ам̣, д̇ад̣̇звам̣ г̇ан̣ханд̇ийд̇и аяамзд̇т̇а д̇хаммад̇аад̇и ааха – ‘‘алаабхам̣ аараб̣бха жид̇д̇ан̃н̃ат̇ад̇д̇а’’нд̇иаад̣̇и. сод̇и гигий гаасирааж̇аа. б̣раахман̣абхад̇д̇од̇и б̣раахман̣зсу бхад̇д̇о. д̣̇звзд̇и б̣раахман̣з санд̇хааяааха. бхуумид̣̇зваад̇и д̇зсам̣ саман̃н̃аа, д̇ад̣̇аа б̣раахман̣аг̇аруго лого. д̇ад̣̇аа хи гассабоби бхаг̇аваа б̣раахман̣агулз ниб̣б̣ад̇д̇и. д̇хийд̇у аван̣н̣ам̣ вад̇ваад̇и, ‘‘махаарааж̇а, д̇ава д̇хийд̇аа б̣раахман̣асамаяам̣ бахааяа мун̣д̣абаасан̣д̣игасамаяам̣ г̇ан̣хий’’д̇иаад̣̇инаа рааж̇абуд̇д̇ияаа аг̇ун̣ам̣ вад̇ваа. варам̣ г̇ан̣хим̣су н̃аад̇агаа. раж̇ж̇ам̣ нияяаад̇зси ‘‘маа мз важанам̣ мусаа ахоси, адтамз д̣̇ивасз ниг̇г̇ан̣хиссаамий’’д̇и.
288. Paccayasāmaggihetukattā dhammappattiyā padesato pariññāvatthukāpi ariyā upaṭṭhite cittavighātapaccaye yadetaṃ nātisāvajjaṃ, tadevaṃ gaṇhantīti ayamettha dhammatāti āha – ‘‘alābhaṃ ārabbha cittaññathatta’’ntiādi. Soti kikī kāsirājā. Brāhmaṇabhattoti brāhmaṇesu bhatto. Deveti brāhmaṇe sandhāyāha. Bhūmidevāti tesaṃ samaññā, tadā brāhmaṇagaruko loko. Tadā hi kassapopi bhagavā brāhmaṇakule nibbatti. Dhītu avaṇṇaṃ vatvāti, ‘‘mahārāja, tava dhītā brāhmaṇasamayaṃ pahāya muṇḍapāsaṇḍikasamayaṃ gaṇhī’’tiādinā rājaputtiyā aguṇaṃ vatvā. Varaṃ gaṇhiṃsu ñātakā. Rajjaṃ niyyātesi ‘‘mā me vacanaṃ musā ahosi, aṭṭhame divase niggaṇhissāmī’’ti.
бааванаасманаяанавасзна саммаа баавийгад̇ад̇д̇аа барисуд̣̇д̇хад̇ан̣д̣улаани. баал̣ияам̣ д̇ан̣д̣улабадибхасд̇аанийд̇и д̇ан̣д̣улакан̣д̣аани. муг̇г̇абадибхасд̇агал̣ааяабадибхасд̇зсуби зсзва наяо.
Pāvanaasmanayanavasena sammā pāvīkatattā parisuddhataṇḍulāni. Pāḷiyaṃ taṇḍulapaṭibhastānīti taṇḍulakhaṇḍāni. Muggapaṭibhastakaḷāyapaṭibhastesupi eseva nayo.
289. го ну код̇и бхуммад̇т̇з бажжад̇д̇аважананд̇и ааха – ‘‘гухим̣ ну ко’’д̇и баарибуурим̣ яож̇ийяанд̇и б̣яан̃ж̇анабхож̇анаани зд̇т̇аад̇и барияог̇о, д̇ад̇о барияог̇аа. д̇знааха ‘‘суубабхааж̇анад̇о’’д̇и. сан̃н̃ам̣ д̣̇ад̇ваад̇и вуд̇д̇ам̣ саб̣б̣ам̣ аажигкид̇ваа д̇умхаагам̣ ад̇т̇ааяа самбаад̣̇зд̇ваа нигкид̇д̇о убадтаагод̇и бхаг̇авад̇о аарожзт̇аад̇и сан̃н̃ам̣ д̣̇ад̇ваа. ад̇ивиссад̇т̇од̇и ад̇ивияа виссад̇т̇о. бан̃жаван̣н̣аад̇и куд̣̇д̣̇игаад̣̇ивасзна бан̃жаббагаараа.
289.Ko nu khoti bhummatthe paccattavacananti āha – ‘‘kuhiṃ nu kho’’ti pāripūriṃ yojīyanti byañjanabhojanāni etthāti pariyogo, tato pariyogā. Tenāha ‘‘sūpabhājanato’’ti. Saññaṃ datvāti vuttaṃ sabbaṃ ācikkhitvā tumhākaṃ atthāya sampādetvā nikkhitto upaṭṭhākoti bhagavato ārocethāti saññaṃ datvā. Ativissatthoti ativiya vissattho. Pañcavaṇṇāti khuddikādivasena pañcappakārā.
290. гинд̇и ниссаггз бажжад̇д̇аважанам̣, гасмаад̇и ад̇т̇о? д̇хаммигод̇и иминаа ааг̇аманасуд̣̇д̇хим̣ д̣̇ассзд̇и . бхигкуунам̣ бад̇д̇з бхад̇д̇асад̣̇исод̇и иминаа убаасагзна сад̇т̇у барижжад̇д̇абхаавам̣ д̇ад̇т̇а сад̇т̇уно жа абарисан̇гад̇ам̣ д̣̇ассзд̇и. сигкаабад̣̇авзлаа наама над̇т̇ийд̇и д̇хаммассаамибхаавад̇о сигкаабад̣̇амарияаад̣̇аа наама над̇т̇и бан̣н̣ад̇д̇иваж̇ж̇з, багад̇иваж̇ж̇з бана сзд̇угхаад̇о зва.
290.Kinti nissakke paccattavacanaṃ, kasmāti attho? Dhammikoti iminā āgamanasuddhiṃ dasseti . Bhikkhūnaṃ patte bhattasadisoti iminā upāsakena satthu pariccattabhāvaṃ tattha satthuno ca aparisaṅkataṃ dasseti. Sikkhāpadavelā nāma natthīti dhammassāmibhāvato sikkhāpadamariyādā nāma natthi paṇṇattivajje, pakativajje pana setughāto eva.
291. чад̣̇анадтаанз яад̣̇аагаасам̣, д̇ад̣̇зва д̇асса г̇зхасса чад̣̇ананд̇и аагаасажчад̣̇анам̣. багад̇ияаа уд̇упаран̣амзваад̇и чаад̣̇ид̇з яаад̣̇исам̣ уд̇у, чад̣̇анз уд̇д̇ин̣абхаавзби д̇амхи г̇зхз д̇аад̣̇исамзва уд̇упаран̣ам̣ ахоси. д̇зсам̣язваад̇и д̇зсам̣ гхадигаарасса маад̇аабид̇уунам̣ зва.
291. Chadanaṭṭhāne yadākāsaṃ, tadeva tassa gehassa chadananti ākāsacchadanaṃ. Pakatiyā utupharaṇamevāti chādite yādisaṃ utu, chadane uttiṇabhāvepi tamhi gehe tādisameva utupharaṇaṃ ahosi. Tesaṃyevāti tesaṃ ghaṭikārassa mātāpitūnaṃ eva.
292. ‘‘жад̇ассо мудтияо зго гуд̣уво, жад̇д̇ааро гуд̣уваа зго бад̇т̇о, жад̇д̇ааро бад̇т̇аа зго аал̣хаго, жад̇д̇ааро аал̣хагаа згам̣ д̣̇он̣ам̣, жад̇д̇аари д̣̇он̣аани згаа маанигаа, жад̇ассо маанигаа згаа каарий, вийсад̇и кааригаа зго вааход̇и д̇ад̣̇зва згасагада’’нд̇и суд̇д̇анибаад̇адтагат̇аад̣̇ийсу (су. ни. адта. 2.662) вуд̇д̇ам̣, ид̇ха бана ‘‘д̣̇вз сагадаани зго ваахо’’д̇и вуд̇д̇ам̣. д̇злапаан̣ид̇аад̣̇инд̇и аад̣̇и-сад̣̇д̣̇зна саббиаад̣̇им̣ марижаад̣̇игадугабхан̣д̣ан̃жа сан̇г̇ан̣хаад̇и. наахам̣ ран̃н̃аа д̣̇идтабуб̣б̣о, гуд̇о барибпассод̇и ад̇хиббааяо. нажжид̇ваад̇и нажжам̣ д̣̇ад̇ваа.
292. ‘‘Catasso muṭṭhiyo eko kuḍuvo, cattāro kuḍuvā eko pattho, cattāro patthā eko āḷhako, cattāro āḷhakā ekaṃ doṇaṃ, cattāri doṇāni ekā mānikā, catasso mānikā ekā khārī, vīsati khārikā eko vāhoti tadeva ekasakaṭa’’nti suttanipātaṭṭhakathādīsu (su. ni. aṭṭha. 2.662) vuttaṃ, idha pana ‘‘dve sakaṭāni eko vāho’’ti vuttaṃ. Telaphāṇitādinti ādi-saddena sappiādiṃ maricādikaṭukabhaṇḍañca saṅgaṇhāti. Nāhaṃ raññā diṭṭhapubbo, kuto paripphassoti adhippāyo. Naccitvāti naccaṃ datvā.
гхадигаарасуд̇д̇аван̣н̣анааяа лийнад̇т̇аббагаасанаа самад̇д̇аа.
Ghaṭikārasuttavaṇṇanāya līnatthappakāsanā samattā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 1. гхадигаарасуд̇д̇ам̣ • 1. Ghaṭikārasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 1. гхадигаарасуд̇д̇аван̣н̣анаа • 1. Ghaṭikārasuttavaṇṇanā
