| Library / Tipiṭaka / д̇ибидага • Tipiṭaka / сам̣яуд̇д̇анигааяа (дийгаа) • Saṃyuttanikāya (ṭīkā) |
10. гхадийгаарасуд̇д̇аван̣н̣анаа
10. Ghaṭīkārasuttavaṇṇanā
50. ‘‘убабаннаасз’’д̇и сз-гаарааг̇амам̣ гад̇ваа нид̣̇д̣̇зсо, ‘‘убабаннаа’’ижжзва ад̇т̇од̇и ааха ‘‘ниб̣б̣ад̇д̇ивасзна убаг̇ад̇аа’’д̇и. ад̇д̇ано самбад̇д̇ид̇о авихаанад̇о авихаа, д̇зсам̣ б̣рахмалого авихааб̣рахмалого, д̇асмим̣. убабад̇д̇исамананд̇арамзваад̇и батамагодтаасз зва. арахад̇д̇апалавимуд̇д̇ияаад̇и асзгкавимуд̇д̇ияаа. сзгкавимуд̇д̇ияаа бана авихуубабад̇д̇ид̇о баг̇зва вимуд̇д̇аа. маанусам̣ д̣̇зхам̣ самад̇иггаманд̇и жид̇д̇убаггилзсабахаанавасзнаад̇и палзна хзд̇уд̣̇ассанамид̣̇анд̇и ааха ‘‘маанусам̣ д̣̇зханд̇и ид̇ха…бз… вуд̇д̇ааний’’д̇и. д̣̇иви бхавам̣ д̣̇иб̣б̣ам̣, б̣рахмад̇д̇абхаавасан̃н̃ид̇ам̣ канд̇хабан̃жагам̣. д̇ад̇т̇а сам̣яож̇анагод̇и вуд̇д̇ам̣ ‘‘д̣̇иб̣б̣ам̣ яог̇анд̇и бан̃жа уд̣̇д̇хамбхааг̇ияасам̣яож̇анааний’’д̇и. имассаад̇и д̣̇звабуд̇д̇асса. ‘‘хид̇ваа маанусам̣ д̣̇зхам̣, д̣̇иб̣б̣аяог̇ам̣ убажжаг̇у’’нд̇и д̇зсам̣ д̇вам̣ гусалам̣ саб̣б̣ааваж̇ж̇аббахаанзна анаваж̇ж̇ад̇ам̣ бхаасад̇ийд̇и гусалий вад̣̇зси. ад̇т̇зна сад̣̇д̣̇асса абхзд̣̇обажаарам̣ гад̇ваа г̇амбхийраважанам̣ вуд̇д̇анд̇и ааха ‘‘г̇амбхийрад̇т̇а’’нд̇и ад̇т̇ассзва г̇амбхийрад̇о, на сад̣̇д̣̇асса. самужчиннагаамарааг̇ад̇ааяа саб̣б̣асо гаамависаяаббахаанзна нираамисаб̣рахмажаарий наама анааг̇аамий. ниваасанадтаанабхууд̇о самаано зго г̇аамо зд̇ассаад̇и ааха ‘‘згаг̇аамаваасий’’д̇и.
50. ‘‘Upapannāse’’ti se-kārāgamaṃ katvā niddeso, ‘‘upapannā’’icceva atthoti āha ‘‘nibbattivasena upagatā’’ti. Attano sampattito avihānato avihā, tesaṃ brahmaloko avihābrahmaloko, tasmiṃ. Upapattisamanantaramevāti paṭhamakoṭṭhāse eva. Arahattaphalavimuttiyāti asekkhavimuttiyā. Sekkhavimuttiyā pana avihūpapattito pageva vimuttā. Mānusaṃ dehaṃ samatikkamanti cittupakkilesapahānavasenāti phalena hetudassanamidanti āha ‘‘mānusaṃ dehanti idha…pe… vuttānī’’ti. Divi bhavaṃ dibbaṃ, brahmattabhāvasaññitaṃ khandhapañcakaṃ. Tattha saṃyojanakoti vuttaṃ ‘‘dibbaṃ yoganti pañca uddhambhāgiyasaṃyojanānī’’ti. Imassāti devaputtassa. ‘‘Hitvā mānusaṃ dehaṃ, dibbayogaṃ upaccagu’’nti tesaṃ tvaṃ kusalaṃ sabbāvajjappahānena anavajjataṃ bhāsatīti kusalī vadesi. Atthena saddassa abhedopacāraṃ katvā gambhīravacanaṃ vuttanti āha ‘‘gambhīrattha’’nti atthasseva gambhīrato, na saddassa. Samucchinnakāmarāgatāya sabbaso kāmavisayappahānena nirāmisabrahmacārī nāma anāgāmī. Nivāsanaṭṭhānabhūto samāno eko gāmo etassāti āha ‘‘ekagāmavāsī’’ti.
гхадийгаарасуд̇д̇аван̣н̣анаа нидтид̇аа.
Ghaṭīkārasuttavaṇṇanā niṭṭhitā.
аад̣̇ид̇д̇аваг̇г̇аван̣н̣анаа нидтид̇аа.
Ādittavaggavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 10. гхадийгаарасуд̇д̇ам̣ • 10. Ghaṭīkārasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 10. гхадийгаарасуд̇д̇аван̣н̣анаа • 10. Ghaṭīkārasuttavaṇṇanā
