| Library / Tipiṭaka / ติปิฎก • Tipiṭaka / สํยุตฺตนิกาย (อฎฺฐกถา) • Saṃyuttanikāya (aṭṭhakathā) |
๑๐. ฆฎีการสุตฺตวณฺณนา
10. Ghaṭīkārasuttavaṇṇanā
๕๐. ทสเม อุปปนฺนาเสติ นิพฺพตฺติวเสน อุปคตาฯ วิมุตฺตาติ อวิหาพฺรหฺมโลกสฺมิํ อุปปตฺติสมนนฺตรเมว อรหตฺตผลวิมุตฺติยา วิมุตฺตาฯ มานุสํ เทหนฺติ อิธ ปโญฺจรมฺภาคิยสํโยชนานิ เอว วุตฺตานิฯ ทิพฺพโยคนฺติ ปญฺจ อุทฺธมฺภาคิยสํโยชนานิฯ อุปจฺจคุนฺติ อติกฺกมิํสุฯ อุปโกติอาทีนิ เตสํ เถรานํ นามานิฯ กุสลี ภาสสี เตสนฺติ, ‘‘กุสล’’นฺติ อิทํ วจนํ อิมสฺส อตฺถีติ กุสลี, เตสํ เถรานํ ตฺวํ กุสลํ อนวชฺชํ ภาสสิ, โถเมสิ ปสํสสิ , ปณฺฑิโตสิ เทวปุตฺตาติ วทติฯ ตํ เต ธมฺมํ อิธญฺญายาติ เต เถรา ตํ ธมฺมํ อิธ ตุมฺหากํ สาสเน ชานิตฺวาฯ คมฺภีรนฺติ คมฺภีรตฺถํฯ พฺรหฺมจารี นิรามิโสติ นิรามิสพฺรหฺมจารี นาม อนาคามี, อนาคามี อโหสินฺติ อโตฺถฯ อหุวาติ อโหสิฯ สคาเมโยฺยติ เอกคามวาสีฯ ปริโยสานคาถา สงฺคีติกาเรหิ ฐปิตาติฯ ทสมํฯ
50. Dasame upapannāseti nibbattivasena upagatā. Vimuttāti avihābrahmalokasmiṃ upapattisamanantarameva arahattaphalavimuttiyā vimuttā. Mānusaṃ dehanti idha pañcorambhāgiyasaṃyojanāni eva vuttāni. Dibbayoganti pañca uddhambhāgiyasaṃyojanāni. Upaccagunti atikkamiṃsu. Upakotiādīni tesaṃ therānaṃ nāmāni. Kusalī bhāsasī tesanti, ‘‘kusala’’nti idaṃ vacanaṃ imassa atthīti kusalī, tesaṃ therānaṃ tvaṃ kusalaṃ anavajjaṃ bhāsasi, thomesi pasaṃsasi , paṇḍitosi devaputtāti vadati. Taṃ te dhammaṃ idhaññāyāti te therā taṃ dhammaṃ idha tumhākaṃ sāsane jānitvā. Gambhīranti gambhīratthaṃ. Brahmacārī nirāmisoti nirāmisabrahmacārī nāma anāgāmī, anāgāmī ahosinti attho. Ahuvāti ahosi. Sagāmeyyoti ekagāmavāsī. Pariyosānagāthā saṅgītikārehi ṭhapitāti. Dasamaṃ.
อาทิตฺตวโคฺค ปญฺจโมฯ
Ādittavaggo pañcamo.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / สํยุตฺตนิกาย • Saṃyuttanikāya / ๑๐. ฆฎีการสุตฺตํ • 10. Ghaṭīkārasuttaṃ
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / สํยุตฺตนิกาย (ฎีกา) • Saṃyuttanikāya (ṭīkā) / ๑๐. ฆฎีการสุตฺตวณฺณนา • 10. Ghaṭīkārasuttavaṇṇanā
