| Library / Tipiṭaka / တိပိဋက • Tipiṭaka / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) |
၁၀. ဃဋီကာရသုတ္တဝဏ္ဏနာ
10. Ghaṭīkārasuttavaṇṇanā
၅၀. ဒသမေ ဥပပန္နာသေတိ နိဗ္ဗတ္တိဝသေန ဥပဂတာ။ ဝိမုတ္တာတိ အဝိဟာဗ္ရဟ္မလောကသ္မိံ ဥပပတ္တိသမနန္တရမေဝ အရဟတ္တဖလဝိမုတ္တိယာ ဝိမုတ္တာ။ မာနုသံ ဒေဟန္တိ ဣဓ ပဉ္စောရမ္ဘာဂိယသံယောဇနာနိ ဧဝ ဝုတ္တာနိ။ ဒိဗ္ဗယောဂန္တိ ပဉ္စ ဥဒ္ဓမ္ဘာဂိယသံယောဇနာနိ။ ဥပစ္စဂုန္တိ အတိက္ကမိံသု။ ဥပကောတိအာဒီနိ တေသံ ထေရာနံ နာမာနိ။ ကုသလီ ဘာသသီ တေသန္တိ, ‘‘ကုသလ’’န္တိ ဣဒံ ဝစနံ ဣမသ္သ အတ္ထီတိ ကုသလီ, တေသံ ထေရာနံ တ္ဝံ ကုသလံ အနဝဇ္ဇံ ဘာသသိ, ထောမေသိ ပသံသသိ , ပဏ္ဍိတောသိ ဒေဝပုတ္တာတိ ဝဒတိ။ တံ တေ ဓမ္မံ ဣဓညာယာတိ တေ ထေရာ တံ ဓမ္မံ ဣဓ တုမ္ဟာကံ သာသနေ ဇာနိတ္ဝာ။ ဂမ္ဘီရန္တိ ဂမ္ဘီရတ္ထံ။ ဗ္ရဟ္မစာရီ နိရာမိသောတိ နိရာမိသဗ္ရဟ္မစာရီ နာမ အနာဂာမီ, အနာဂာမီ အဟောသိန္တိ အတ္ထော။ အဟုဝာတိ အဟောသိ။ သဂာမေယ္ယောတိ ဧကဂာမဝာသီ။ ပရိယောသာနဂာထာ သင္ဂီတိကာရေဟိ ဌပိတာတိ။ ဒသမံ။
50. Dasame upapannāseti nibbattivasena upagatā. Vimuttāti avihābrahmalokasmiṃ upapattisamanantarameva arahattaphalavimuttiyā vimuttā. Mānusaṃ dehanti idha pañcorambhāgiyasaṃyojanāni eva vuttāni. Dibbayoganti pañca uddhambhāgiyasaṃyojanāni. Upaccagunti atikkamiṃsu. Upakotiādīni tesaṃ therānaṃ nāmāni. Kusalī bhāsasī tesanti, ‘‘kusala’’nti idaṃ vacanaṃ imassa atthīti kusalī, tesaṃ therānaṃ tvaṃ kusalaṃ anavajjaṃ bhāsasi, thomesi pasaṃsasi , paṇḍitosi devaputtāti vadati. Taṃ te dhammaṃ idhaññāyāti te therā taṃ dhammaṃ idha tumhākaṃ sāsane jānitvā. Gambhīranti gambhīratthaṃ. Brahmacārī nirāmisoti nirāmisabrahmacārī nāma anāgāmī, anāgāmī ahosinti attho. Ahuvāti ahosi. Sagāmeyyoti ekagāmavāsī. Pariyosānagāthā saṅgītikārehi ṭhapitāti. Dasamaṃ.
အာဒိတ္တဝဂ္ဂော ပဉ္စမော။
Ādittavaggo pañcamo.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya / ၁၀. ဃဋီကာရသုတ္တံ • 10. Ghaṭīkārasuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / သံယုတ္တနိကာယ (ဋီကာ) • Saṃyuttanikāya (ṭīkā) / ၁၀. ဃဋီကာရသုတ္တဝဏ္ဏနာ • 10. Ghaṭīkārasuttavaṇṇanā
