| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੧੦. ਘਟੀਕਾਰਸੁਤ੍ਤવਣ੍ਣਨਾ
10. Ghaṭīkārasuttavaṇṇanā
੫੦. ਦਸਮੇ ਉਪਪਨ੍ਨਾਸੇਤਿ ਨਿਬ੍ਬਤ੍ਤਿવਸੇਨ ਉਪਗਤਾ। વਿਮੁਤ੍ਤਾਤਿ ਅવਿਹਾਬ੍ਰਹ੍ਮਲੋਕਸ੍ਮਿਂ ਉਪਪਤ੍ਤਿਸਮਨਨ੍ਤਰਮੇવ ਅਰਹਤ੍ਤਫਲવਿਮੁਤ੍ਤਿਯਾ વਿਮੁਤ੍ਤਾ। ਮਾਨੁਸਂ ਦੇਹਨ੍ਤਿ ਇਧ ਪਞ੍ਚੋਰਮ੍ਭਾਗਿਯਸਂਯੋਜਨਾਨਿ ਏવ વੁਤ੍ਤਾਨਿ। ਦਿਬ੍ਬਯੋਗਨ੍ਤਿ ਪਞ੍ਚ ਉਦ੍ਧਮ੍ਭਾਗਿਯਸਂਯੋਜਨਾਨਿ। ਉਪਚ੍ਚਗੁਨ੍ਤਿ ਅਤਿਕ੍ਕਮਿਂਸੁ। ਉਪਕੋਤਿਆਦੀਨਿ ਤੇਸਂ ਥੇਰਾਨਂ ਨਾਮਾਨਿ। ਕੁਸਲੀ ਭਾਸਸੀ ਤੇਸਨ੍ਤਿ, ‘‘ਕੁਸਲ’’ਨ੍ਤਿ ਇਦਂ વਚਨਂ ਇਮਸ੍ਸ ਅਤ੍ਥੀਤਿ ਕੁਸਲੀ, ਤੇਸਂ ਥੇਰਾਨਂ ਤ੍વਂ ਕੁਸਲਂ ਅਨવਜ੍ਜਂ ਭਾਸਸਿ, ਥੋਮੇਸਿ ਪਸਂਸਸਿ , ਪਣ੍ਡਿਤੋਸਿ ਦੇવਪੁਤ੍ਤਾਤਿ વਦਤਿ। ਤਂ ਤੇ ਧਮ੍ਮਂ ਇਧਞ੍ਞਾਯਾਤਿ ਤੇ ਥੇਰਾ ਤਂ ਧਮ੍ਮਂ ਇਧ ਤੁਮ੍ਹਾਕਂ ਸਾਸਨੇ ਜਾਨਿਤ੍વਾ। ਗਮ੍ਭੀਰਨ੍ਤਿ ਗਮ੍ਭੀਰਤ੍ਥਂ। ਬ੍ਰਹ੍ਮਚਾਰੀ ਨਿਰਾਮਿਸੋਤਿ ਨਿਰਾਮਿਸਬ੍ਰਹ੍ਮਚਾਰੀ ਨਾਮ ਅਨਾਗਾਮੀ, ਅਨਾਗਾਮੀ ਅਹੋਸਿਨ੍ਤਿ ਅਤ੍ਥੋ। ਅਹੁવਾਤਿ ਅਹੋਸਿ। ਸਗਾਮੇਯ੍ਯੋਤਿ ਏਕਗਾਮવਾਸੀ। ਪਰਿਯੋਸਾਨਗਾਥਾ ਸਙ੍ਗੀਤਿਕਾਰੇਹਿ ਠਪਿਤਾਤਿ। ਦਸਮਂ।
50. Dasame upapannāseti nibbattivasena upagatā. Vimuttāti avihābrahmalokasmiṃ upapattisamanantarameva arahattaphalavimuttiyā vimuttā. Mānusaṃ dehanti idha pañcorambhāgiyasaṃyojanāni eva vuttāni. Dibbayoganti pañca uddhambhāgiyasaṃyojanāni. Upaccagunti atikkamiṃsu. Upakotiādīni tesaṃ therānaṃ nāmāni. Kusalī bhāsasī tesanti, ‘‘kusala’’nti idaṃ vacanaṃ imassa atthīti kusalī, tesaṃ therānaṃ tvaṃ kusalaṃ anavajjaṃ bhāsasi, thomesi pasaṃsasi , paṇḍitosi devaputtāti vadati. Taṃ te dhammaṃ idhaññāyāti te therā taṃ dhammaṃ idha tumhākaṃ sāsane jānitvā. Gambhīranti gambhīratthaṃ. Brahmacārī nirāmisoti nirāmisabrahmacārī nāma anāgāmī, anāgāmī ahosinti attho. Ahuvāti ahosi. Sagāmeyyoti ekagāmavāsī. Pariyosānagāthā saṅgītikārehi ṭhapitāti. Dasamaṃ.
ਆਦਿਤ੍ਤવਗ੍ਗੋ ਪਞ੍ਚਮੋ।
Ādittavaggo pañcamo.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੧੦. ਘਟੀਕਾਰਸੁਤ੍ਤਂ • 10. Ghaṭīkārasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੧੦. ਘਟੀਕਾਰਸੁਤ੍ਤવਣ੍ਣਨਾ • 10. Ghaṭīkārasuttavaṇṇanā
