| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ • Saṃyuttanikāya |
੬. ਘੋਸਿਤਸੁਤ੍ਤਂ
6. Ghositasuttaṃ
੧੨੯. ਏਕਂ ਸਮਯਂ ਆਯਸ੍ਮਾ ਆਨਨ੍ਦੋ ਕੋਸਮ੍ਬਿਯਂ વਿਹਰਤਿ ਘੋਸਿਤਾਰਾਮੇ। ਅਥ ਖੋ ਘੋਸਿਤੋ ਗਹਪਤਿ ਯੇਨਾਯਸ੍ਮਾ ਆਨਨ੍ਦੋ ਤੇਨੁਪਸਙ੍ਕਮਿ…ਪੇ॰… ਏਕਮਨ੍ਤਂ ਨਿਸਿਨ੍ਨੋ ਖੋ ਘੋਸਿਤੋ ਗਹਪਤਿ ਆਯਸ੍ਮਨ੍ਤਂ ਆਨਨ੍ਦਂ ਏਤਦવੋਚ – ‘‘‘ਧਾਤੁਨਾਨਤ੍ਤਂ, ਧਾਤੁਨਾਨਤ੍ਤ’ਨ੍ਤਿ , ਭਨ੍ਤੇ ਆਨਨ੍ਦ, વੁਚ੍ਚਤਿ। ਕਿਤ੍ਤਾવਤਾ ਨੁ ਖੋ, ਭਨ੍ਤੇ, ਧਾਤੁਨਾਨਤ੍ਤਂ વੁਤ੍ਤਂ ਭਗવਤਾ’’ਤਿ? ‘‘ਸਂવਿਜ੍ਜਤਿ ਖੋ, ਗਹਪਤਿ, ਚਕ੍ਖੁਧਾਤੁ, ਰੂਪਾ ਚ ਮਨਾਪਾ, ਚਕ੍ਖੁવਿਞ੍ਞਾਣਞ੍ਚ ਸੁਖવੇਦਨਿਯਂ। ਫਸ੍ਸਂ ਪਟਿਚ੍ਚ ਉਪ੍ਪਜ੍ਜਤਿ ਸੁਖਾ વੇਦਨਾ। ਸਂવਿਜ੍ਜਤਿ ਖੋ, ਗਹਪਤਿ, ਚਕ੍ਖੁਧਾਤੁ, ਰੂਪਾ ਚ ਅਮਨਾਪਾ, ਚਕ੍ਖੁવਿਞ੍ਞਾਣਞ੍ਚ ਦੁਕ੍ਖવੇਦਨਿਯਂ। ਫਸ੍ਸਂ ਪਟਿਚ੍ਚ ਉਪ੍ਪਜ੍ਜਤਿ ਦੁਕ੍ਖਾ વੇਦਨਾ। ਸਂવਿਜ੍ਜਤਿ ਖੋ, ਗਹਪਤਿ, ਚਕ੍ਖੁਧਾਤੁ, ਰੂਪਾ ਚ ਮਨਾਪਾ ਉਪੇਕ੍ਖਾવੇਦਨਿਯਾ, ਚਕ੍ਖੁવਿਞ੍ਞਾਣਞ੍ਚ ਅਦੁਕ੍ਖਮਸੁਖવੇਦਨਿਯਂ। ਫਸ੍ਸਂ ਪਟਿਚ੍ਚ ਉਪ੍ਪਜ੍ਜਤਿ ਅਦੁਕ੍ਖਮਸੁਖਾ વੇਦਨਾ…ਪੇ॰… ਸਂવਿਜ੍ਜਤਿ ਖੋ, ਗਹਪਤਿ, ਜਿવ੍ਹਾਧਾਤੁ, ਰਸਾ ਚ ਮਨਾਪਾ, ਜਿવ੍ਹਾવਿਞ੍ਞਾਣਞ੍ਚ ਸੁਖવੇਦਨਿਯਂ। ਫਸ੍ਸਂ ਪਟਿਚ੍ਚ ਉਪ੍ਪਜ੍ਜਤਿ ਸੁਖਾ વੇਦਨਾ। ਸਂવਿਜ੍ਜਤਿ ਖੋ, ਗਹਪਤਿ, ਜਿવ੍ਹਾਧਾਤੁ, ਰਸਾ ਚ ਅਮਨਾਪਾ, ਜਿવ੍ਹਾવਿਞ੍ਞਾਣਞ੍ਚ ਦੁਕ੍ਖવੇਦਨਿਯਂ। ਫਸ੍ਸਂ ਪਟਿਚ੍ਚ ਉਪ੍ਪਜ੍ਜਤਿ ਦੁਕ੍ਖਾ વੇਦਨਾ। ਸਂવਿਜ੍ਜਤਿ ਖੋ, ਗਹਪਤਿ, ਜਿવ੍ਹਾਧਾਤੁ, ਰਸਾ ਚ ਉਪੇਕ੍ਖਾવੇਦਨਿਯਾ, ਜਿવ੍ਹਾવਿਞ੍ਞਾਣਞ੍ਚ ਅਦੁਕ੍ਖਮਸੁਖવੇਦਨਿਯਂ। ਫਸ੍ਸਂ ਪਟਿਚ੍ਚ ਉਪ੍ਪਜ੍ਜਤਿ ਅਦੁਕ੍ਖਮਸੁਖਾ વੇਦਨਾ…ਪੇ॰… ਸਂવਿਜ੍ਜਤਿ ਖੋ, ਗਹਪਤਿ, ਮਨੋਧਾਤੁ, ਧਮ੍ਮਾ ਚ ਮਨਾਪਾ, ਮਨੋવਿਞ੍ਞਾਣਞ੍ਚ ਸੁਖવੇਦਨਿਯਂ। ਫਸ੍ਸਂ ਪਟਿਚ੍ਚ ਉਪ੍ਪਜ੍ਜਤਿ ਸੁਖਾ વੇਦਨਾ। ਸਂવਿਜ੍ਜਤਿ ਖੋ, ਗਹਪਤਿ, ਮਨੋਧਾਤੁ, ਧਮ੍ਮਾ ਚ ਅਮਨਾਪਾ, ਮਨੋવਿਞ੍ਞਾਣਞ੍ਚ ਦੁਕ੍ਖવੇਦਨਿਯਂ। ਫਸ੍ਸਂ ਪਟਿਚ੍ਚ ਉਪ੍ਪਜ੍ਜਤਿ ਦੁਕ੍ਖਾ વੇਦਨਾ। ਸਂવਿਜ੍ਜਤਿ ਖੋ, ਗਹਪਤਿ, ਮਨੋਧਾਤੁ, ਧਮ੍ਮਾ ਚ ਉਪੇਕ੍ਖਾવੇਦਨਿਯਾ, ਮਨੋવਿਞ੍ਞਾਣਞ੍ਚ ਅਦੁਕ੍ਖਮਸੁਖવੇਦਨਿਯਂ। ਫਸ੍ਸਂ ਪਟਿਚ੍ਚ ਉਪ੍ਪਜ੍ਜਤਿ ਅਦੁਕ੍ਖਮਸੁਖਾ વੇਦਨਾ। ਏਤ੍ਤਾવਤਾ ਖੋ, ਗਹਪਤਿ, ਧਾਤੁਨਾਨਤ੍ਤਂ વੁਤ੍ਤਂ ਭਗવਤਾ’’ਤਿ। ਛਟ੍ਠਂ।
129. Ekaṃ samayaṃ āyasmā ānando kosambiyaṃ viharati ghositārāme. Atha kho ghosito gahapati yenāyasmā ānando tenupasaṅkami…pe… ekamantaṃ nisinno kho ghosito gahapati āyasmantaṃ ānandaṃ etadavoca – ‘‘‘dhātunānattaṃ, dhātunānatta’nti , bhante ānanda, vuccati. Kittāvatā nu kho, bhante, dhātunānattaṃ vuttaṃ bhagavatā’’ti? ‘‘Saṃvijjati kho, gahapati, cakkhudhātu, rūpā ca manāpā, cakkhuviññāṇañca sukhavedaniyaṃ. Phassaṃ paṭicca uppajjati sukhā vedanā. Saṃvijjati kho, gahapati, cakkhudhātu, rūpā ca amanāpā, cakkhuviññāṇañca dukkhavedaniyaṃ. Phassaṃ paṭicca uppajjati dukkhā vedanā. Saṃvijjati kho, gahapati, cakkhudhātu, rūpā ca manāpā upekkhāvedaniyā, cakkhuviññāṇañca adukkhamasukhavedaniyaṃ. Phassaṃ paṭicca uppajjati adukkhamasukhā vedanā…pe… saṃvijjati kho, gahapati, jivhādhātu, rasā ca manāpā, jivhāviññāṇañca sukhavedaniyaṃ. Phassaṃ paṭicca uppajjati sukhā vedanā. Saṃvijjati kho, gahapati, jivhādhātu, rasā ca amanāpā, jivhāviññāṇañca dukkhavedaniyaṃ. Phassaṃ paṭicca uppajjati dukkhā vedanā. Saṃvijjati kho, gahapati, jivhādhātu, rasā ca upekkhāvedaniyā, jivhāviññāṇañca adukkhamasukhavedaniyaṃ. Phassaṃ paṭicca uppajjati adukkhamasukhā vedanā…pe… saṃvijjati kho, gahapati, manodhātu, dhammā ca manāpā, manoviññāṇañca sukhavedaniyaṃ. Phassaṃ paṭicca uppajjati sukhā vedanā. Saṃvijjati kho, gahapati, manodhātu, dhammā ca amanāpā, manoviññāṇañca dukkhavedaniyaṃ. Phassaṃ paṭicca uppajjati dukkhā vedanā. Saṃvijjati kho, gahapati, manodhātu, dhammā ca upekkhāvedaniyā, manoviññāṇañca adukkhamasukhavedaniyaṃ. Phassaṃ paṭicca uppajjati adukkhamasukhā vedanā. Ettāvatā kho, gahapati, dhātunānattaṃ vuttaṃ bhagavatā’’ti. Chaṭṭhaṃ.
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) / ੬. ਘੋਸਿਤਸੁਤ੍ਤવਣ੍ਣਨਾ • 6. Ghositasuttavaṇṇanā
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੬. ਘੋਸਿਤਸੁਤ੍ਤવਣ੍ਣਨਾ • 6. Ghositasuttavaṇṇanā
