| Library / Tipiṭaka / তিপিটক • Tipiṭaka / সংযুত্তনিকায (টীকা) • Saṃyuttanikāya (ṭīkā) |
৬. ঘোসিতসুত্তৰণ্ণনা
6. Ghositasuttavaṇṇanā
১২৯. রূপা চ মনাপাতি নীলাদিভেদা রূপধম্মা চ মনসা মনুঞ্ঞা পিযরূপা সংৰিজ্জন্তি, ইদঞ্চ সুখৰেদনীযস্স ফস্সস্স সভাৰদস্সনত্থং। এৰং ‘‘রূপা চ মনাপা উপেক্খাৰেদনিযা’’তি এত্থাপি যথারহং ৰত্তব্বং। চক্খুৰিঞ্ঞাণ…পে॰… ফস্সন্তি ৰুত্তং। উপনিস্সযকোটিযা হি চক্খুৰিঞ্ঞাণসম্পযুত্তফস্সো সুখৰেদনীযো, ন সহজাতকোটিযা। তেনাহ – ‘‘একং ফস্সং পটিচ্চ জৰনৰসেন সুখৰেদনা উপ্পজ্জতী’’তি। সেসপদেসূতি ‘‘সংৰিজ্জতি খো, গহপতি, সোতধাতূ’’তি আগতেসু পঞ্চসু কোট্ঠাসেসু।
129.Rūpā ca manāpāti nīlādibhedā rūpadhammā ca manasā manuññā piyarūpā saṃvijjanti, idañca sukhavedanīyassa phassassa sabhāvadassanatthaṃ. Evaṃ ‘‘rūpā ca manāpā upekkhāvedaniyā’’ti etthāpi yathārahaṃ vattabbaṃ. Cakkhuviññāṇa…pe… phassanti vuttaṃ. Upanissayakoṭiyā hi cakkhuviññāṇasampayuttaphasso sukhavedanīyo, na sahajātakoṭiyā. Tenāha – ‘‘ekaṃ phassaṃ paṭicca javanavasena sukhavedanā uppajjatī’’ti. Sesapadesūti ‘‘saṃvijjati kho, gahapati, sotadhātū’’ti āgatesu pañcasu koṭṭhāsesu.
তেৰীসতি ধাতুযো কথিতা ছন্নং দ্ৰারানং ৰসেন ৰিভজ্জগহণেন। ৰত্থুনিস্সিতন্তি হদযৰত্থুনিস্সিতং। পঞ্চদ্ৰারে ৰীসতি, মনোদ্ৰারে তিস্সো এৰং তেৰীসতি।
Tevīsatidhātuyo kathitā channaṃ dvārānaṃ vasena vibhajjagahaṇena. Vatthunissitanti hadayavatthunissitaṃ. Pañcadvāre vīsati, manodvāre tisso evaṃ tevīsati.
ঘোসিতসুত্তৰণ্ণনা নিট্ঠিতা।
Ghositasuttavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / সংযুত্তনিকায • Saṃyuttanikāya / ৬. ঘোসিতসুত্তং • 6. Ghositasuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ৬. ঘোসিতসুত্তৰণ্ণনা • 6. Ghositasuttavaṇṇanā
