| Library / Tipiṭaka / តិបិដក • Tipiṭaka / សំយុត្តនិកាយ (អដ្ឋកថា) • Saṃyuttanikāya (aṭṭhakathā) |
៦. ឃោសិតសុត្តវណ្ណនា
6. Ghositasuttavaṇṇanā
១២៩. ឆដ្ឋេ រូបា ច មនាបាតិ រូបា ច មនាបា សំវិជ្ជន្តិ។ ចក្ខុវិញ្ញាណញ្ចាតិ ចក្ខុវិញ្ញាណញ្ច សំវិជ្ជតិ។ សុខវេទនិយំ ផស្សន្តិ ចក្ខុវិញ្ញាណសម្បយុត្តំ ឧបនិស្សយវសេន ជវនកាលេ សុខវេទនាយ បច្ចយភូតំ ផស្សំ។ សុខា វេទនាតិ ឯកំ ផស្សំ បដិច្ច ជវនវសេន សុខវេទនា ឧប្បជ្ជតិ។ សេសបទេសុបិ ឯសេវ នយោ។
129. Chaṭṭhe rūpā ca manāpāti rūpā ca manāpā saṃvijjanti. Cakkhuviññāṇañcāti cakkhuviññāṇañca saṃvijjati. Sukhavedaniyaṃ phassanti cakkhuviññāṇasampayuttaṃ upanissayavasena javanakāle sukhavedanāya paccayabhūtaṃ phassaṃ. Sukhā vedanāti ekaṃ phassaṃ paṭicca javanavasena sukhavedanā uppajjati. Sesapadesupi eseva nayo.
ឥតិ ឥមស្មិំ សុត្តេ តេវីសតិ ធាតុយោ កថិតា។ កថំ? ឯត្ថ ហិ ចក្ខុបសាទោ ចក្ខុធាតុ, តស្ស អារម្មណំ រូបធាតុ, ចក្ខុវិញ្ញាណំ វិញ្ញាណធាតុ, ចក្ខុវិញ្ញាណធាតុយា សហជាតា តយោ ខន្ធា ធម្មធាតុ, ឯវំ បញ្ចសុ ទ្វារេសុ ចតុន្នំ ចតុន្នំ វសេន វីសតិ។ មនោទ្វារេ ‘‘មនោធាតូ’’តិ អាវជ្ជនចិត្តំ គហិតំ, អារម្មណញ្ចេវ ហទយវត្ថុ ច ធម្មធាតុ, វត្ថុនិស្សិតំ មនោវិញ្ញាណធាតូតិ ឯវំ តេវីសតិ ហោន្តិ។ ឯវំ តេវីសតិយា ធាតូនំ វសេន ធាតុនានត្តំ វុត្តំ ភគវតាតិ ទស្សេតិ។
Iti imasmiṃ sutte tevīsati dhātuyo kathitā. Kathaṃ? Ettha hi cakkhupasādo cakkhudhātu, tassa ārammaṇaṃ rūpadhātu, cakkhuviññāṇaṃ viññāṇadhātu, cakkhuviññāṇadhātuyā sahajātā tayo khandhā dhammadhātu, evaṃ pañcasu dvāresu catunnaṃ catunnaṃ vasena vīsati. Manodvāre ‘‘manodhātū’’ti āvajjanacittaṃ gahitaṃ, ārammaṇañceva hadayavatthu ca dhammadhātu, vatthunissitaṃ manoviññāṇadhātūti evaṃ tevīsati honti. Evaṃ tevīsatiyā dhātūnaṃ vasena dhātunānattaṃ vuttaṃ bhagavatāti dasseti.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / សំយុត្តនិកាយ • Saṃyuttanikāya / ៦. ឃោសិតសុត្តំ • 6. Ghositasuttaṃ
ដីកា • Tīkā / សុត្តបិដក (ដីកា) • Suttapiṭaka (ṭīkā) / សំយុត្តនិកាយ (ដីកា) • Saṃyuttanikāya (ṭīkā) / ៦. ឃោសិតសុត្តវណ្ណនា • 6. Ghositasuttavaṇṇanā
