| Library / Tipiṭaka / ತಿಪಿಟಕ • Tipiṭaka / ಸಂಯುತ್ತನಿಕಾಯ (ಅಟ್ಠಕಥಾ) • Saṃyuttanikāya (aṭṭhakathā) |
೬. ಘೋಸಿತಸುತ್ತವಣ್ಣನಾ
6. Ghositasuttavaṇṇanā
೧೨೯. ಛಟ್ಠೇ ರೂಪಾ ಚ ಮನಾಪಾತಿ ರೂಪಾ ಚ ಮನಾಪಾ ಸಂವಿಜ್ಜನ್ತಿ। ಚಕ್ಖುವಿಞ್ಞಾಣಞ್ಚಾತಿ ಚಕ್ಖುವಿಞ್ಞಾಣಞ್ಚ ಸಂವಿಜ್ಜತಿ। ಸುಖವೇದನಿಯಂ ಫಸ್ಸನ್ತಿ ಚಕ್ಖುವಿಞ್ಞಾಣಸಮ್ಪಯುತ್ತಂ ಉಪನಿಸ್ಸಯವಸೇನ ಜವನಕಾಲೇ ಸುಖವೇದನಾಯ ಪಚ್ಚಯಭೂತಂ ಫಸ್ಸಂ। ಸುಖಾ ವೇದನಾತಿ ಏಕಂ ಫಸ್ಸಂ ಪಟಿಚ್ಚ ಜವನವಸೇನ ಸುಖವೇದನಾ ಉಪ್ಪಜ್ಜತಿ। ಸೇಸಪದೇಸುಪಿ ಏಸೇವ ನಯೋ।
129. Chaṭṭhe rūpā ca manāpāti rūpā ca manāpā saṃvijjanti. Cakkhuviññāṇañcāti cakkhuviññāṇañca saṃvijjati. Sukhavedaniyaṃ phassanti cakkhuviññāṇasampayuttaṃ upanissayavasena javanakāle sukhavedanāya paccayabhūtaṃ phassaṃ. Sukhā vedanāti ekaṃ phassaṃ paṭicca javanavasena sukhavedanā uppajjati. Sesapadesupi eseva nayo.
ಇತಿ ಇಮಸ್ಮಿಂ ಸುತ್ತೇ ತೇವೀಸತಿ ಧಾತುಯೋ ಕಥಿತಾ। ಕಥಂ? ಏತ್ಥ ಹಿ ಚಕ್ಖುಪಸಾದೋ ಚಕ್ಖುಧಾತು, ತಸ್ಸ ಆರಮ್ಮಣಂ ರೂಪಧಾತು, ಚಕ್ಖುವಿಞ್ಞಾಣಂ ವಿಞ್ಞಾಣಧಾತು, ಚಕ್ಖುವಿಞ್ಞಾಣಧಾತುಯಾ ಸಹಜಾತಾ ತಯೋ ಖನ್ಧಾ ಧಮ್ಮಧಾತು, ಏವಂ ಪಞ್ಚಸು ದ್ವಾರೇಸು ಚತುನ್ನಂ ಚತುನ್ನಂ ವಸೇನ ವೀಸತಿ। ಮನೋದ್ವಾರೇ ‘‘ಮನೋಧಾತೂ’’ತಿ ಆವಜ್ಜನಚಿತ್ತಂ ಗಹಿತಂ, ಆರಮ್ಮಣಞ್ಚೇವ ಹದಯವತ್ಥು ಚ ಧಮ್ಮಧಾತು, ವತ್ಥುನಿಸ್ಸಿತಂ ಮನೋವಿಞ್ಞಾಣಧಾತೂತಿ ಏವಂ ತೇವೀಸತಿ ಹೋನ್ತಿ। ಏವಂ ತೇವೀಸತಿಯಾ ಧಾತೂನಂ ವಸೇನ ಧಾತುನಾನತ್ತಂ ವುತ್ತಂ ಭಗವತಾತಿ ದಸ್ಸೇತಿ।
Iti imasmiṃ sutte tevīsati dhātuyo kathitā. Kathaṃ? Ettha hi cakkhupasādo cakkhudhātu, tassa ārammaṇaṃ rūpadhātu, cakkhuviññāṇaṃ viññāṇadhātu, cakkhuviññāṇadhātuyā sahajātā tayo khandhā dhammadhātu, evaṃ pañcasu dvāresu catunnaṃ catunnaṃ vasena vīsati. Manodvāre ‘‘manodhātū’’ti āvajjanacittaṃ gahitaṃ, ārammaṇañceva hadayavatthu ca dhammadhātu, vatthunissitaṃ manoviññāṇadhātūti evaṃ tevīsati honti. Evaṃ tevīsatiyā dhātūnaṃ vasena dhātunānattaṃ vuttaṃ bhagavatāti dasseti.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಸಂಯುತ್ತನಿಕಾಯ • Saṃyuttanikāya / ೬. ಘೋಸಿತಸುತ್ತಂ • 6. Ghositasuttaṃ
ಟೀಕಾ • Tīkā / ಸುತ್ತಪಿಟಕ (ಟೀಕಾ) • Suttapiṭaka (ṭīkā) / ಸಂಯುತ್ತನಿಕಾಯ (ಟೀಕಾ) • Saṃyuttanikāya (ṭīkā) / ೬. ಘೋಸಿತಸುತ್ತವಣ್ಣನಾ • 6. Ghositasuttavaṇṇanā
