| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) |
༦. གྷོསིཏསུཏྟཝཎྞནཱ
6. Ghositasuttavaṇṇanā
༡༢༩. རཱུཔཱ ཙ མནཱཔཱཏི ནཱིལཱདིབྷེདཱ རཱུཔདྷམྨཱ ཙ མནསཱ མནུཉྙཱ པིཡརཱུཔཱ སཾཝིཛྫནྟི, ཨིདཉྩ སུཁཝེདནཱིཡསྶ ཕསྶསྶ སབྷཱཝདསྶནཏྠཾ། ཨེཝཾ ‘‘རཱུཔཱ ཙ མནཱཔཱ ཨུཔེཀྑཱཝེདནིཡཱ’’ཏི ཨེཏྠཱཔི ཡཐཱརཧཾ ཝཏྟབྦཾ། ཙཀྑུཝིཉྙཱཎ…པེ॰… ཕསྶནྟི ཝུཏྟཾ། ཨུཔནིསྶཡཀོཊིཡཱ ཧི ཙཀྑུཝིཉྙཱཎསམྤཡུཏྟཕསྶོ སུཁཝེདནཱིཡོ, ན སཧཛཱཏཀོཊིཡཱ། ཏེནཱཧ – ‘‘ཨེཀཾ ཕསྶཾ པཊིཙྩ ཛཝནཝསེན སུཁཝེདནཱ ཨུཔྤཛྫཏཱི’’ཏི། སེསཔདེསཱུཏི ‘‘སཾཝིཛྫཏི ཁོ, གཧཔཏི, སོཏདྷཱཏཱུ’’ཏི ཨཱགཏེསུ པཉྩསུ ཀོཊྛཱསེསུ།
129.Rūpā ca manāpāti nīlādibhedā rūpadhammā ca manasā manuññā piyarūpā saṃvijjanti, idañca sukhavedanīyassa phassassa sabhāvadassanatthaṃ. Evaṃ ‘‘rūpā ca manāpā upekkhāvedaniyā’’ti etthāpi yathārahaṃ vattabbaṃ. Cakkhuviññāṇa…pe… phassanti vuttaṃ. Upanissayakoṭiyā hi cakkhuviññāṇasampayuttaphasso sukhavedanīyo, na sahajātakoṭiyā. Tenāha – ‘‘ekaṃ phassaṃ paṭicca javanavasena sukhavedanā uppajjatī’’ti. Sesapadesūti ‘‘saṃvijjati kho, gahapati, sotadhātū’’ti āgatesu pañcasu koṭṭhāsesu.
ཏེཝཱིསཏི དྷཱཏུཡོ ཀཐིཏཱ ཚནྣཾ དྭཱརཱནཾ ཝསེན ཝིབྷཛྫགཧཎེན། ཝཏྠུནིསྶིཏནྟི ཧདཡཝཏྠུནིསྶིཏཾ། པཉྩདྭཱརེ ཝཱིསཏི, མནོདྭཱརེ ཏིསྶོ ཨེཝཾ ཏེཝཱིསཏི།
Tevīsatidhātuyo kathitā channaṃ dvārānaṃ vasena vibhajjagahaṇena. Vatthunissitanti hadayavatthunissitaṃ. Pañcadvāre vīsati, manodvāre tisso evaṃ tevīsati.
གྷོསིཏསུཏྟཝཎྞནཱ ནིཊྛིཏཱ།
Ghositasuttavaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / སཾཡུཏྟནིཀཱཡ • Saṃyuttanikāya / ༦. གྷོསིཏསུཏྟཾ • 6. Ghositasuttaṃ
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༦. གྷོསིཏསུཏྟཝཎྞནཱ • 6. Ghositasuttavaṇṇanā
