| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੬. ਘੋਸਿਤਸੁਤ੍ਤવਣ੍ਣਨਾ
6. Ghositasuttavaṇṇanā
੧੨੯. ਛਟ੍ਠੇ ਰੂਪਾ ਚ ਮਨਾਪਾਤਿ ਰੂਪਾ ਚ ਮਨਾਪਾ ਸਂવਿਜ੍ਜਨ੍ਤਿ। ਚਕ੍ਖੁવਿਞ੍ਞਾਣਞ੍ਚਾਤਿ ਚਕ੍ਖੁવਿਞ੍ਞਾਣਞ੍ਚ ਸਂવਿਜ੍ਜਤਿ। ਸੁਖવੇਦਨਿਯਂ ਫਸ੍ਸਨ੍ਤਿ ਚਕ੍ਖੁવਿਞ੍ਞਾਣਸਮ੍ਪਯੁਤ੍ਤਂ ਉਪਨਿਸ੍ਸਯવਸੇਨ ਜવਨਕਾਲੇ ਸੁਖવੇਦਨਾਯ ਪਚ੍ਚਯਭੂਤਂ ਫਸ੍ਸਂ। ਸੁਖਾ વੇਦਨਾਤਿ ਏਕਂ ਫਸ੍ਸਂ ਪਟਿਚ੍ਚ ਜવਨવਸੇਨ ਸੁਖવੇਦਨਾ ਉਪ੍ਪਜ੍ਜਤਿ। ਸੇਸਪਦੇਸੁਪਿ ਏਸੇવ ਨਯੋ।
129. Chaṭṭhe rūpā ca manāpāti rūpā ca manāpā saṃvijjanti. Cakkhuviññāṇañcāti cakkhuviññāṇañca saṃvijjati. Sukhavedaniyaṃ phassanti cakkhuviññāṇasampayuttaṃ upanissayavasena javanakāle sukhavedanāya paccayabhūtaṃ phassaṃ. Sukhā vedanāti ekaṃ phassaṃ paṭicca javanavasena sukhavedanā uppajjati. Sesapadesupi eseva nayo.
ਇਤਿ ਇਮਸ੍ਮਿਂ ਸੁਤ੍ਤੇ ਤੇવੀਸਤਿ ਧਾਤੁਯੋ ਕਥਿਤਾ। ਕਥਂ? ਏਤ੍ਥ ਹਿ ਚਕ੍ਖੁਪਸਾਦੋ ਚਕ੍ਖੁਧਾਤੁ, ਤਸ੍ਸ ਆਰਮ੍ਮਣਂ ਰੂਪਧਾਤੁ, ਚਕ੍ਖੁવਿਞ੍ਞਾਣਂ વਿਞ੍ਞਾਣਧਾਤੁ, ਚਕ੍ਖੁવਿਞ੍ਞਾਣਧਾਤੁਯਾ ਸਹਜਾਤਾ ਤਯੋ ਖਨ੍ਧਾ ਧਮ੍ਮਧਾਤੁ, ਏવਂ ਪਞ੍ਚਸੁ ਦ੍વਾਰੇਸੁ ਚਤੁਨ੍ਨਂ ਚਤੁਨ੍ਨਂ વਸੇਨ વੀਸਤਿ। ਮਨੋਦ੍વਾਰੇ ‘‘ਮਨੋਧਾਤੂ’’ਤਿ ਆવਜ੍ਜਨਚਿਤ੍ਤਂ ਗਹਿਤਂ, ਆਰਮ੍ਮਣਞ੍ਚੇવ ਹਦਯવਤ੍ਥੁ ਚ ਧਮ੍ਮਧਾਤੁ, વਤ੍ਥੁਨਿਸ੍ਸਿਤਂ ਮਨੋવਿਞ੍ਞਾਣਧਾਤੂਤਿ ਏવਂ ਤੇવੀਸਤਿ ਹੋਨ੍ਤਿ। ਏવਂ ਤੇવੀਸਤਿਯਾ ਧਾਤੂਨਂ વਸੇਨ ਧਾਤੁਨਾਨਤ੍ਤਂ વੁਤ੍ਤਂ ਭਗવਤਾਤਿ ਦਸ੍ਸੇਤਿ।
Iti imasmiṃ sutte tevīsati dhātuyo kathitā. Kathaṃ? Ettha hi cakkhupasādo cakkhudhātu, tassa ārammaṇaṃ rūpadhātu, cakkhuviññāṇaṃ viññāṇadhātu, cakkhuviññāṇadhātuyā sahajātā tayo khandhā dhammadhātu, evaṃ pañcasu dvāresu catunnaṃ catunnaṃ vasena vīsati. Manodvāre ‘‘manodhātū’’ti āvajjanacittaṃ gahitaṃ, ārammaṇañceva hadayavatthu ca dhammadhātu, vatthunissitaṃ manoviññāṇadhātūti evaṃ tevīsati honti. Evaṃ tevīsatiyā dhātūnaṃ vasena dhātunānattaṃ vuttaṃ bhagavatāti dasseti.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੬. ਘੋਸਿਤਸੁਤ੍ਤਂ • 6. Ghositasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੬. ਘੋਸਿਤਸੁਤ੍ਤવਣ੍ਣਨਾ • 6. Ghositasuttavaṇṇanā
