| Library / Tipiṭaka / തിപിടക • Tipiṭaka / സംയുത്തനികായ (അട്ഠകഥാ) • Saṃyuttanikāya (aṭṭhakathā) |
൬. ഘോസിതസുത്തവണ്ണനാ
6. Ghositasuttavaṇṇanā
൧൨൯. ഛട്ഠേ രൂപാ ച മനാപാതി രൂപാ ച മനാപാ സംവിജ്ജന്തി. ചക്ഖുവിഞ്ഞാണഞ്ചാതി ചക്ഖുവിഞ്ഞാണഞ്ച സംവിജ്ജതി. സുഖവേദനിയം ഫസ്സന്തി ചക്ഖുവിഞ്ഞാണസമ്പയുത്തം ഉപനിസ്സയവസേന ജവനകാലേ സുഖവേദനായ പച്ചയഭൂതം ഫസ്സം. സുഖാ വേദനാതി ഏകം ഫസ്സം പടിച്ച ജവനവസേന സുഖവേദനാ ഉപ്പജ്ജതി. സേസപദേസുപി ഏസേവ നയോ.
129. Chaṭṭhe rūpā ca manāpāti rūpā ca manāpā saṃvijjanti. Cakkhuviññāṇañcāti cakkhuviññāṇañca saṃvijjati. Sukhavedaniyaṃ phassanti cakkhuviññāṇasampayuttaṃ upanissayavasena javanakāle sukhavedanāya paccayabhūtaṃ phassaṃ. Sukhā vedanāti ekaṃ phassaṃ paṭicca javanavasena sukhavedanā uppajjati. Sesapadesupi eseva nayo.
ഇതി ഇമസ്മിം സുത്തേ തേവീസതി ധാതുയോ കഥിതാ. കഥം? ഏത്ഥ ഹി ചക്ഖുപസാദോ ചക്ഖുധാതു, തസ്സ ആരമ്മണം രൂപധാതു, ചക്ഖുവിഞ്ഞാണം വിഞ്ഞാണധാതു, ചക്ഖുവിഞ്ഞാണധാതുയാ സഹജാതാ തയോ ഖന്ധാ ധമ്മധാതു, ഏവം പഞ്ചസു ദ്വാരേസു ചതുന്നം ചതുന്നം വസേന വീസതി. മനോദ്വാരേ ‘‘മനോധാതൂ’’തി ആവജ്ജനചിത്തം ഗഹിതം, ആരമ്മണഞ്ചേവ ഹദയവത്ഥു ച ധമ്മധാതു, വത്ഥുനിസ്സിതം മനോവിഞ്ഞാണധാതൂതി ഏവം തേവീസതി ഹോന്തി. ഏവം തേവീസതിയാ ധാതൂനം വസേന ധാതുനാനത്തം വുത്തം ഭഗവതാതി ദസ്സേതി.
Iti imasmiṃ sutte tevīsati dhātuyo kathitā. Kathaṃ? Ettha hi cakkhupasādo cakkhudhātu, tassa ārammaṇaṃ rūpadhātu, cakkhuviññāṇaṃ viññāṇadhātu, cakkhuviññāṇadhātuyā sahajātā tayo khandhā dhammadhātu, evaṃ pañcasu dvāresu catunnaṃ catunnaṃ vasena vīsati. Manodvāre ‘‘manodhātū’’ti āvajjanacittaṃ gahitaṃ, ārammaṇañceva hadayavatthu ca dhammadhātu, vatthunissitaṃ manoviññāṇadhātūti evaṃ tevīsati honti. Evaṃ tevīsatiyā dhātūnaṃ vasena dhātunānattaṃ vuttaṃ bhagavatāti dasseti.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / സംയുത്തനികായ • Saṃyuttanikāya / ൬. ഘോസിതസുത്തം • 6. Ghositasuttaṃ
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / സംയുത്തനികായ (ടീകാ) • Saṃyuttanikāya (ṭīkā) / ൬. ഘോസിതസുത്തവണ്ണനാ • 6. Ghositasuttavaṇṇanā
