| Library / Tipiṭaka / തിപിടക • Tipiṭaka / സംയുത്തനികായ (ടീകാ) • Saṃyuttanikāya (ṭīkā) |
൬. ഘോസിതസുത്തവണ്ണനാ
6. Ghositasuttavaṇṇanā
൧൨൯. രൂപാ ച മനാപാതി നീലാദിഭേദാ രൂപധമ്മാ ച മനസാ മനുഞ്ഞാ പിയരൂപാ സംവിജ്ജന്തി, ഇദഞ്ച സുഖവേദനീയസ്സ ഫസ്സസ്സ സഭാവദസ്സനത്ഥം. ഏവം ‘‘രൂപാ ച മനാപാ ഉപേക്ഖാവേദനിയാ’’തി ഏത്ഥാപി യഥാരഹം വത്തബ്ബം. ചക്ഖുവിഞ്ഞാണ…പേ॰… ഫസ്സന്തി വുത്തം. ഉപനിസ്സയകോടിയാ ഹി ചക്ഖുവിഞ്ഞാണസമ്പയുത്തഫസ്സോ സുഖവേദനീയോ, ന സഹജാതകോടിയാ. തേനാഹ – ‘‘ഏകം ഫസ്സം പടിച്ച ജവനവസേന സുഖവേദനാ ഉപ്പജ്ജതീ’’തി. സേസപദേസൂതി ‘‘സംവിജ്ജതി ഖോ, ഗഹപതി, സോതധാതൂ’’തി ആഗതേസു പഞ്ചസു കോട്ഠാസേസു.
129.Rūpā ca manāpāti nīlādibhedā rūpadhammā ca manasā manuññā piyarūpā saṃvijjanti, idañca sukhavedanīyassa phassassa sabhāvadassanatthaṃ. Evaṃ ‘‘rūpā ca manāpā upekkhāvedaniyā’’ti etthāpi yathārahaṃ vattabbaṃ. Cakkhuviññāṇa…pe… phassanti vuttaṃ. Upanissayakoṭiyā hi cakkhuviññāṇasampayuttaphasso sukhavedanīyo, na sahajātakoṭiyā. Tenāha – ‘‘ekaṃ phassaṃ paṭicca javanavasena sukhavedanā uppajjatī’’ti. Sesapadesūti ‘‘saṃvijjati kho, gahapati, sotadhātū’’ti āgatesu pañcasu koṭṭhāsesu.
തേവീസതി ധാതുയോ കഥിതാ ഛന്നം ദ്വാരാനം വസേന വിഭജ്ജഗഹണേന. വത്ഥുനിസ്സിതന്തി ഹദയവത്ഥുനിസ്സിതം. പഞ്ചദ്വാരേ വീസതി, മനോദ്വാരേ തിസ്സോ ഏവം തേവീസതി.
Tevīsatidhātuyo kathitā channaṃ dvārānaṃ vasena vibhajjagahaṇena. Vatthunissitanti hadayavatthunissitaṃ. Pañcadvāre vīsati, manodvāre tisso evaṃ tevīsati.
ഘോസിതസുത്തവണ്ണനാ നിട്ഠിതാ.
Ghositasuttavaṇṇanā niṭṭhitā.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / സംയുത്തനികായ • Saṃyuttanikāya / ൬. ഘോസിതസുത്തം • 6. Ghositasuttaṃ
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / സംയുത്തനികായ (അട്ഠകഥാ) • Saṃyuttanikāya (aṭṭhakathā) / ൬. ഘോസിതസുത്തവണ്ണനാ • 6. Ghositasuttavaṇṇanā
